Lajmet

​Petkov dhe Aliyev diskutuan për furnizimet shtesë me gazin azerbajxhanas në Bullgari

Kryeministri Petkov gjatë vizitës së tij në Baku zhvilloi një takim me përfaqësues të biznesit të Azerbajxhanit.

Published

on

Kryeministri në largim i Bullgarisë, Kiril Petkov diskutoi me presidentin e Azerbajxhanit, Ilham Aliyev për mundësinë e furnizimit të Bullgarisë me sasi shtesë të gazit azerbajxhanas, përtej sasive të parashikuara për interkonjeksionin e ri Greqi-Bullgari. Kështu bëri të ditur të premten qendra e shtypit e Këshillit të Ministrave. Ministrat e Energjisë të dy vendeve do të diskutojnë detajet e furnizimeve të reja të mundshme, kjo u bë e qartë gjatë bisedimeve mes kryeministrit bullgar dhe presidentit të Azerbajxhanit. Petkov dhe Aliyev patën një takim dypalësh dhe një darkë pune të enjten.

Kryeministri Petkov gjatë vizitës së tij në Baku zhvilloi një takim me përfaqësues të biznesit të Azerbajxhanit të cilët kanë marrëdhënie tregtare me kompanitë bullgare dhe u njoh me projektet e tyre aktuale. Gjithashtu u theksua se qarkullimi tregtar mes dy vendeve mund të rritet, pasi ka mundësi të reja në eksportin e plehrave kimike nga rajoni i Detit Kaspik, si dhe në importin e produkteve kozmetike ushqimore dhe esenciale nga Bullgaria.

Përfaqësuesit e Dhomës së Tregtisë dhe Industrisë Bullgaro-Azerbajxhane falënderuan kryeministrin Petkov për mbështetjen e tij në emërimin e Konsullit të Nderit të Bullgarisë për të forcuar marrëdhëniet ndërmjet kompanive në të dy vendet.

Të premten, Petkov shkroi në llogarinë e tij zyrtare në Facebook se ai dhe presidenti Aliyev kishin diskutuar një sërë mundësish të përbashkëta ekonomike në fushat e bujqësisë, plehrave kimike, ndërtimit, mbrojtjes dhe teknologjisë së informacionit.

“Bullgaria do të hapë së shpejti një konsullatë nderi në Azerbajxhan. Është koha që miqësia e gjatë midis dy vendeve tona të bëhet një urë e vërtetë për projektet strategjike ekonomike dhe diversifikimin më të rëndësishëm të energjisë,” shkroi Petkov.

Kiril Petkov ndodhet për në një vizitë dyditore në Azerbajxhan, më 21 dhe 22 korrik.

Lajmet

Kaçanik: Arrestohen dy persona pasi u kapën duke përgatitur qeset me marihuanë për shitje

Published

on

By

Janë arrestuar dy persona Kaçanik, pasi janë hasur me substanca narkotike. Të dyshuarit meshkuj kosovarë ishin duke përgatitur qeset me marihuanë për shitje. 

Policia në raportin 24-orësh gjihtashtu njoftoi se kanë konfiskuar substancën si dhe para në vlerë 295 euro..

“Janë arrestuar dy të dyshuar meshkuj kosovarë, pasi janë hasur duke përgatitur substancë narkotike për shitje. Në vendin e ngjarjes janë konfiskuar rreth 68 qese të mbushura me substancë narkotike që dyshohet të jetë marihuanë me peshë rreth 31.14 gramë dhe para të gatshme 295 euro. Me vendim të prokurorit të dyshuarit janë dërguar në mbajtje”, thuhet në raportin nga Policia e Kosovës.

Continue Reading

Lajmet

Zyrtari policor goditet me veturë në Zubin Potok

Published

on

Një zyrtar policor ka pësuar lëndime pasi është goditur nga një veturë gjatë një kontrolli në Zubin Potok.

Sipas raportit të policisë, rasti ka ndodhur më 21 tetor, rreth orës 16:25, kur njësiti policor ishte në pikë kontrolli. Gjatë tentimit për ta ndaluar një veturë, drejtuesi i saj është larguar me shpejtësi duke goditur një nga zyrtarët policorë.

“Vetura e dyshuar nuk është arritur të ndalohet”, thuhet në raportin 24-orësh./S.K/PK/

Continue Reading

Lajmet

Nora Gjakova në mesin e kampioneve botërore e olimpike në Romë

Published

on

Kampionia olimpike nga Kosova, Nora Gjakova, po merr pjesë në Akademinë e Federatës Ndërkombëtare të Xhudos (IJF) që po mbahet në Romë të Italisë.

Siç shkruan Federata e Xhudos në Kosovë, Gjakova ka përfunduar me sukses pjesën teorike të shkollimit dhe tashmë po ndjek pjesën praktike të trajnimit, përkrah kampioneve të tjera botërore e olimpike, nën udhëheqjen e Daniel Lascau.

Kjo akademi ka për qëllim licencimin dhe ngritjen profesionale të trajnerëve të xhudos në nivel ndërkombëtar./S.K/EO/

Continue Reading

Lajmet

Skandal në Maqedoninë e Veriut, klubi shqiptar suspendohet nga të gjitha ligat!

Published

on

Një skandal i rëndë ka shpërthyer në basketbollin vendor, pasi Federata e Basketbollit të Maqedonisë së Veriut ka marrë vendim që të suspendojë nga të gjitha ligat klubin shqiptar KB “Shkupi”.

Sipas reagimit të klubit, arsyeja zyrtare e këtij vendimi është borxhi financiar i klubit në vlerë prej 590.000 denarësh.

Megjithatë, drejtuesit e klubit theksojnë se situata është pasojë e mosmarrjes së mjeteve të premtuara nga Ministria e Sportit, fonde të cilat KB “Shkupi” duhej t’i merrte me kohë për të mbuluar obligimet e veta financiare.

Ajo që ka tronditur opinionin sportiv është fakti se për suspendimin e klubit ka votuar edhe anëtari shqiptar i bordit, duke ngritur pikëpyetje serioze mbi mbrojtjen e interesave të sportit shqiptar dhe të vetë klubit që përfaqëson një traditë të gjatë në basketbollin e Shkupit.

Me këtë vendim, KB “Shkupi” përjashtohet nga të gjitha aktivitetet zyrtare të Federatës, gjë që pritet të shkaktojë pasoja të mëdha për lojtarët, trajnerët dhe komunitetin sportiv shqiptar në vend.

Ky zhvillim ka ngjallur reagime të ashpra në opinion, ku kërkohet urgjentisht rishikimi i vendimit dhe ndërhyrja e institucioneve përkatëse për të shmangur një dëm të pariparueshëm për sportin shqiptar në Maqedoninë e Veriut./S.K/EO/MK/

Continue Reading

Të kërkuara