Shëndeti

​Pesë arsye pse fëmijët tuaj refuzojnë ushqimin

Refuzimi i përditshëm i ushqimit te fëmijët mund të jetë stresues për prindërit.

Publikuar

Refuzimi i përditshëm i ushqimit te fëmijët është stresues për prindërit. Refuzimi i ushqimit ndodh më shpesh kur shërbehen ushqime të reja, por refuzimi i ushqimit nuk përjashtohet as kur shërbehen ushqime të njohura.

Një problem me të cilin prindërit përballen çdo ditë me fëmijët e tyre është refuzimi i ushqimit. Për të ndihmuar fëmijët që refuzojnë të hanë, duhet të gjeni shkaqet, sepse refuzimi i ushqimit çdo ditë mund të ndikojë keq në zhvillimin e tyre.

Një nga arsyet më të zakonshme për refuzimin e ushqimit është refluksi i acidit dhe kapsllëku. Megjithëse refluksi i acidit vërehet më shpesh tek foshnjat, ai nuk përjashtohet as tek fëmijët. Shkaqe të tjera të mundshme janë çrregullimet e tretjes, si alergjitë dhe ndjeshmëritë ushqimore, zbrazja e vonuar e stomakut, ezofagiti eozinofilik dhe anomalitë fizike në fyt, gojë ose zorrë.

Shenjat që tregojnë për këto probleme tek fëmijët janë ngrënia e pjesëve të vogla, vështirësia në gëlltitje, hedhja e ushqimeve që u pëlqen normalisht, nevoja e fortë për lëngje dhe mbajtja e ushqimit në gojë.

Arsyeja e dytë më e zakonshme për refuzimin e ushqimit është procesi shqisor. Nëse fëmijës nuk i pëlqen shija apo tekstura e ushqimit në dorë, ai nuk do të dëshirojë të hajë. Indikacionet që një fëmijë refuzon ushqimin për shkak të proceseve shqisore janë aroma, tekstura ose shija e ushqimit.

Lëvizshmëria orale është arsyeja e tretë pse fëmijët refuzojnë ushqimin. Edhe pse përtypja është një nga aftësitë e lindura, ajo nuk zhvillohet në mënyrë të barabartë te çdo fëmijë. Shenjat që tregojnë këtë problem janë sigurisht mbytja nga ushqimi, grumbullimi i ushqimit në gojë, nevoja për ushqim të butë dhe lëngje.

Arsyeja e katërt është një rutinë e pavendosur. Pa një rutinë, fëmijët shpesh hanë vakte të veçanta nga familjet e tyre dhe për këtë arsye hanë vakte më të vogla. Është e nevojshme t’i kushtoni vëmendje kur fëmijët hanë dhe t’u ofroni atyre më shumë zgjedhje.

Arsyeja e pestë e dhënë nga prindërit si më e shpeshta është ankthi ushqimor. Shkaktarët janë qëndrimi i keq ndaj ushqimit në moshë më të hershme, si dispepsi dhe përvojat negative gjatë konsumimit të ushqimeve të caktuara. Në këtë rast, fëmija do të thotë se ka frikë nga disa ushqime për të mos mbytur.

Pavarësisht nga arsyeja e refuzimit të fëmijës për të ngrënë, është e rëndësishme që prindërit të mos ushtrojnë presion në situata të tilla.

Shëndeti

Hurmat – fruti me vlera të larta ushqyese

Për shkak të vetive të tyre shumë të dobishme, vendet arabe çdo ditë i përdorin hurmat.

Publikuar

nga

Në të kaluarën ishin të njohura si “buka e shkretëtirës”. Tani është vërtetuar se hurmat njëjtë sikur bajamet dhe rrushi i thatë bëjnë pjesë në grupin e ushqimeve me vlera të shumta ushqyese.

Për shkak të vetive të tyre shumë të dobishme, vendet arabe çdo ditë i përdorin hurmat. Ato lehtë mblidhen, ruhen dhe transportohen, andaj edhe janë të disponueshme shumë lehtë në mbarë botën, ashtu edhe te ne.

Sheqerërat natyrale që përmbajnë në vete janë në formë të glukozës dhe fruktozës. Hurmat e thata të grira, të vendosura në ujë, i cili ka qëndruar gjatë tërë natës, paraqesin një ilaç shumë të mirë nëse dëshironi ta forconi zemrën dhe funksionet e saj vitale.

Hurmat gjithashtu janë një ilaç efektiv dhe shumë efikas kundër dhimbjes së kokës dhe kundër plakjes, shkruan femina.al. Ato i qetësojnë nervat dhe është e vërtetuar shkencërisht se për shkak të përmbajtjes së madhe të kalciumit, magnezit dhe fosforit mund të ndikojnë në mënyrë preventive kundër kancerit.

Hurmat e forcojnë trupin, zvogëlojnë kolesterolin në gjak, rregullojnë procesin e tretjes dhe e mbrojnë stomakun nga parazitët dhe bakteriet.

Megjithatë duhet të kemi kujdes në sasinë që konsumojmë, e veçanërisht nëse keni problem me peshën e shtuar, pasi që vetëm një hurmë përmban 20 kalori.

Vazhdo të lexosh

Lajmet

Studimi: Mbi 1 miliard njerëz në mbarë botën janë obezë

Normat më të larta janë në Tonga dhe Samoa Amerikane për gratë dhe Samoa dhe Nauru Amerikane për burrat.

Publikuar

nga

Mbi 1 miliard njerëz në mbarë botën po jetojnë me obezitet, thotë studimi i publikuar në The Lancet. Në mesin e tyre janë 880 milionë të rritur dhe 159 milionë fëmijë, sipas të dhënave të vitit 2022.

Normat më të larta janë në Tonga dhe Samoa Amerikane për gratë dhe Samoa dhe Nauru Amerikane për burrat, me rreth 70-80% të të rriturve që jetojnë me obezitet.

Nga rreth 190 vende, Britania e Madhe renditet në vendin e 55-të më të lartë për meshkujt dhe në vendin e 87-të për femrat.

Ekipi ndërkombëtar i shkencëtarëve thotë se ka nevojë urgjente për ndryshime të mëdha në mënyrën se si trajtohet obeziteti.

Obeziteti mund të rrisë rrezikun e zhvillimit të shumë gjendjeve serioze shëndetësore, përfshirë sëmundjet e zemrës, diabetin e tipit 2 dhe disa lloje kanceri./UBTNews/

Vazhdo të lexosh

Shëndeti

Shenjat që tregojnë se nuk konsumoni mjaftueshëm ujë

Dehidrimi mund të ndodh në nivel të ulët, mesatar si dhe në nivel të lartë, në bazë të niveleve që trupi ndodhet ne dehidrim edhe shenjat ndryshojnë.

Publikuar

nga

Më shumë se gjysma e popullsisë vuajnë nga dehidrimi, mirëpo shumica nuk e vërejnë këtë proces i cili ndodh në trupin e tyre.

Dehidrimi mund të ndodh në nivel të ulët, mesatar si dhe në nivel të lartë, në bazë të niveleve që trupi ndodhet ne dehidrim edhe shenjat ndryshojnë.

Shenjat e dehidrimit të nivelit të ulët dhe mesatarë janë si dëshira e shpeshtë për të pirë ujë, goja jonë zakonisht ndodhet në gjendje të thatë, lodhja, merakosja dhe hutimet e tepërta gjatë ditës, ngjyra e urinës është e verdhë e mbylltë, kokëdhimbja, marramendja, aroma e pakëndshme e gojës, dhimbje të muskujve etj.

Ndërsa shenjat e dehidrimit të nivelit të lartë janë si etja e tepërt për ujë, lëkura e thatë, marramendja e tepërt, nëse nuk djersiteni në temperaturë të lartë apo pas një aktiviteti etj.

Vazhdo të lexosh

Lajmet

Zakonet e shëndetshme që mbrojnë sistemin imunitar

Disa ushqime shërbejnë dhe punojnë për të forcuar mbrojtjen natyrore të trupit, ndërsa të tjerat funksionojnë anasjelltas.

Publikuar

nga

Zakonet e shëndetshme gjatë stinës së dimrit janë thelbësore për ruajtjen e shëndetit dhe mirëqenies. Aq shumë saqë mund të mbrojnë edhe nga ftohjet, gripi dhe ethet gjatë ndryshimit të stinëve. Disa ushqime shërbejnë dhe punojnë për të forcuar mbrojtjen natyrore të trupit, ndërsa të tjerat funksionojnë anasjelltas.

Përveç ushqimeve që hamë, ka edhe disa pengesa të tjera natyrore që i mbrojnë njerëzit. Ato përfshijnë barrierat fizike, si lëkura dhe trakti respirator, si dhe linja e dytë që janë enzima brenda traktit tretës.

Disa mënyra se si mund ta ndihmojmë sistemin imunitar përfshijnë;

Gjumi i mjaftueshëm

Gjumi është një shtyllë e dytë e shëndetit dhe shpesh neglizhohet në shoqërinë e sotme që ecën me ritme të shpejta. Shumë nuk gjejnë kohë për këto shtatë deri në tetë orë dhe përfundojnë duke ulur qelizat e tyre Vrasëse Natyrore (NK) që luftojnë citokinat inflamatore. Për ata që nuk kanë njohuri, këto citokina inflamatore nxisin disa probleme shëndetësore si artriti reumatoid si dhe sëmundja e Cohn.

Ngrënia e zarzavateve me gjethe

Zgjidhni zarzavatet me gjethe pasi janë të rëndësishme për ruajtjen e një ekuilibri të shëndetshëm të vitaminave dhe mineraleve të nevojshme për sistemin imunitar. Disa nga vitaminat më të rëndësishme për funksionimin e përditshëm përfshijnë vitaminën B12, si dhe kalciumin, hekurin, zinkun dhe madje edhe jodin.

Djersitni më shumë

Ushtrimi është po aq i rëndësishëm në ruajtjen e shëndetit të mirë të sistemit imunitar, sepse qelizat T vrasëse përmirësohen me çdo rutinë ushtrimesh sipas gjetjeve të reja. Megjithatë, është e rëndësishme që të përfshihen vetëm nivele të moderuara të stërvitjes, dhe çdo gjë më shumë se 90 minuta, mund të ndikojë në mënyrë të kundërt tek imuniteti.

Mbani një peshë të shëndetshme

Është e rëndësishme të ruani një peshë të shëndetshme që është optimale për gjatësinë e çdo personi. Në rastet kur pesha luhatet në ekstrem, funksioni imunitar gjithashtu mund të ulet.

Mospirja e duhanit

Pirja e duhanit është një nga vrasësit më të heshtur, ndërton mukozë brenda rrugëve të frymëmarrjes dhe madje u ofron baktereve një terren të favorshëm për infeksionet e sipërme të frymëmarrjes.

Vazhdo të lexosh

Të kërkuara