Lajmet

​Përkujtohet 22-vjetori i masakrës në Lagjen e Boshnjakëve

Published

on

Në 22-vjetorin e masakrës serbe në “Lagjen e Boshnjakëve” në veri të Mitrovicës, e cila ruan në kujtesë një nga ngjarjet e tmerrshme të luftës së fundit në Kosovë, familjarët e viktimave, përfaqësues të shoqatave, si dhe një numër i qytetarëve, kanë vendosur lule dhe kanë bërë homazhe te pllaka përkujtimore me emrat e viktimave që u vranë nga paramilitarët serbë.

Me këtë rast, Fevzi Beqiri nga “Lagjja e Boshnjakëve”, tha se falangat serbe së bashku me paramilitarë, i kanë tubuar në shtëpinë e Mustafë Sahitit banorët shqiptarë të kësaj lagjeje, duke i plaçkitur fillimisht dhe pastaj pushkatuar.

“Sot 22 vjet u bënë që kriminelët e Serbisë me planifikim kanë dashur të bëjnë pastrimin etnik në tërë territorin e Republikës së Kosovës. Në mesin e tyre edhe në lagjen tonë kanë ardhur falangat serbe së bashku me paramilitarë, me maska pa maska, i kanë tubuar në shtëpinë e Mustafë Sahitit, tashmë shtëpi Muze e gjenocidit serb, i kanë plaçkitur dhe pastaj pushkatuar”, ka thënë Beqiri.

Ai ka kërkuar nga Qeveria e Kosovës që të angazhohet më shumë për veriun, sidomos për shtëpinë Muze që të bëjë renovimin e saj, në mënyrë që kjo shtëpi në përvjetorin e ardhshëm të jetë e kompletuar.

Bajram Çerkini, kryetar i Shoqatës së të pagjeturve në Mitrovicë, theksoi se sot përkujtohet krimi një regjimi të kasapit të Ballkanit, ndaj popullatës së pafajshme shqiptare.

“Këtu jemi sot para disa prindërve të cilët i kanë parë me sy të gjitha krimet të cilat janë bërë në këtë vend. Pra përkujtojmë se çka ka ndodhur dhe çka na ka bërë regjimi i një kasapi të Ballkanit, Sllobodan Millosheviqit”, u shpreh Çerkini.

Jahir Bejta, drejtor i Shoqatës profesionale për dëme të luftës në Kosovë, ka bërë thirrje për hartimin e padive kundër xhelatit të Ballkanit. Sipas tij, gjërat do të harrohen nëse nuk shkruhen në letër.

“Gjërat do të harrohen nëse nuk I shkruajmë në letër. Të harrojmë se historia jonë si tekst shkollor do të shkruajë më shumë se një faqe për UÇK-në, andaj ju kisha preferuar që të hartojmë paditë kundër xhelatit”, tha Bejta.

Ai ka apeluar që të hapet sa më parë Shoqata për dëme të luftës në Mitrovicë.

Forcat serbe më 15 prill të vitit 1999, pasi kishin mbledhur rreth 80 persona në shtëpinë e Mustafë Sahitit, kishin nisur torturimin e tyre, duke vrarë 23 shqiptarë të pafajshëm të kësaj lagjeje. Shtëpia në të cilën ndodhi masakra, tashmë është shndërruar në Muze. 

Continue Reading

Lajmet

Presidenti i Malit të Zi nuk e dekreton ligjin për Plazhin e Madh të Ulqinit

Published

on

By

Presidenti i Malit të Zi, Jakov Millatoviq, ia ka kthyer Kuvendit për rishqyrtim njërën nga dy marrëveshjet që Qeveria e Malit të Zi i kishte nënshkruar me Emiratet e Bashkuara Arabe – atë që i hapte rrugë dhënies me qira të Plazhit të Madh në Ulqin.

Sipas asaj marrëveshjeje, Mali i Zi do t’ia jepte Plazhin e Madh me qira për 99 vjet kompanisë Emmar të biznesmenit arab, Mohamed Alabbarit, që do të ndërtonte një kompleks megaturistik në Ulqin.

Alabbar ka marrë pjesë edhe në projekte rajonale në Kroaci, Shqipëri dhe në “Beogradin mbi ujë” në Serbi.

Por, Millatoviq, i cili dekretoi Ligjin për ratifikimin e Marrëveshjes për bashkëpunim ekonomik, nuk e bëri të njëjtën edhe për Ligjin për ratifikimin e Marrëveshjes për bashkëpunim në fushën e turizmit dhe zhvillimit të pasurive të paluajtshme. Këtë të fundit ai ua ktheu deputetëve për ta votuar sërish.

Që marrëveshjet e nënshkruara nga kryeministri Millojko Spajiq në fund të marsit me zyrtarët e Emirateve të hyjnë në fuqi, Kuvendi i Malit të Zi i miratoi dy ligjet me procedurë të përshpejtuar më 23 prill, me propozim të Qeverisë.

Ato u mbështetën nga deputetët e shumicës parlamentare – lëvizja e Spajiqit “Evropa tani”, partia “Demokracia e Re Serbe” e kryetarit të Kuvendit, Andrija Mandiq, Demokratët dhe Partia Boshnjake.

Ditëve para miratimit, Millatoviq dhe një pjesë e sektorit joqeveritar paralajmëruan se me miratimin e Marrëveshjes për bashkëpunim në turizëm dhe zhvillim të pasurive të paluajtshme po pezullohet Kushtetuta dhe një pjesë e ligjeve të Malit të Zi.

Kthimi i këtij ligji nga Millatoviq e detyron Kuvendin që të votojë sërish për të. Nëse ligji miratohet përsëri, ai do t’i dërgohet sërish Millatoviqit për nënshkrim. Sipas Kushtetutës, në atë rast ai është i detyruar ta nënshkruajë, dhe ligji hyn në fuqi./REL/

Continue Reading

Lajmet

Rama: Buxheti për vitin 2025 po sabotohet, kërkojmë zgjidhje alternative

Published

on

By

Kryetari i Prishtinës, Përparim Rama, pas dështimit të seancës së Kuvendit Komunal, ka deklaruar se buxheti i kryeqytetit për vitin 2025 po përballet me pengesa serioze.

Sipas tij, ndonëse buxheti është votuar që në dhjetor 2024 dhe është planifikuar për projektet madhore të qytetit, Parlamenti i Kosovës ende nuk ka miratuar atë.

Rama akuzoi institucionet për shmangie të vazhdueshme dhe tentim sabotimi. “Do të vazhdojmë të punojmë me projekte të reja dhe të kërkojmë fonde nga instanca të tjera”, u shpreh ai.

“Buxhetin e dini që ne e kemi votuar në dhjetor të vitit 2024, i cili është planifikuar për të gjitha projektet madhore të kryeqytetit. Kemi kërkuar që atëherë që Parlamenti i Kosovës ta miratojë, por asnjëherë nuk është ftuar seanca. Tani kemi një çështje tjetër që ende nuk është konstituar. Ne kemi shqyrtuar në mënyrë ligjore se si Ministria e Financave të kërkojë buxhetin, e kemi kërkuar tashmë dy herë, por është shmangur. Tani ne duhet të gjendemi në mënyra të ndryshme, duhet t’i gjejmë fondet përmes projekteve të reja. Është tentuar të sabotohet edhe buxheti, por ne kemi arritur që të bëhet. Nuk po shfrytëzohet mundësia që buxheti i vitit 2025 të aprovohet. Ne vazhdojmë me projektet, nuk do të ndalemi dhe do të vazhdojmë të kërkojmë instanca të tjera”, tha Rama.

 

Continue Reading

Lajmet

Emërohet ambasadori i ri i Italisë në Kosovë

Published

on

By

Maurizio Antonini do të jetë ambasadori i ri i Italisë në Kosovë. Këtë e ka bërë të ditur ambasada e Italisë në Kosovë.

Lajmi është bërë i ditur nëpërmjet një njoftimi në rrjetin social “X”.

I nderuar që të marr detyrën e Ambasadorit të Italisë në Kosovë. I vendosur që të fuqizoj lidhjet mes dy shteteve në të gjitha fushat e bashkëpunimit, duke përfshirë edhe për hir të perspektivës së Prishtinës për integrim evropian”, citohet se ka thënë ai.

Continue Reading

Lajmet

Murati: Bllokada e Kuvendit po pengon dorëzimin e Kornizës Afatmesme të Shpenzimeve dhe ndarjen e granteve komunale

Published

on

By

Ministri në detyrë i Financave, Hekuran Murati, ka thënë se moskonstituimi i kuvendit ka pasoja edhe në procese tjera.

Sipas tij në mungesë të një kuvendi funksional, Qeveria e ka të pamundur të dorëzojë Kornizën Afatmesme të Shpenzimeve, e cila parashihet që t’i dorëzohet Kuvendit jo më larg se data 30 prill.

Në mungesë të një Kuvendi funksional, Qeveria e ka të pamundur të dorëzojë Kornizën Afatmesme të Shpenzimeve, e cila parashihet që t’i dorëzohet Kuvendit jo më larg se data 30 prill.

Murati ka përmendur edhe komisionin për Grante Komunale.

Ngjashëm është puna edhe me Komisionin për Grante Komunale, ku ligji e kërkon pjesëmarrjen edhe të Kryetarit të Komisionit Parlamentar për Buxhet – në mungesë të Kuvendit funksional, nuk ka as Komision për Buxhet dhe s’ka kush të marrë pjesë në Komisionin e Granteve, gjë që e vonon edhe ndarjen e granteve komunale.”

Murati thotë se është e domosdoshme që opozita “të heqë dorë nga bllokada”.

Prandaj është e domosdoshme që partitë opozitare të heqin dorë nga bllokada dhe të ndihmojnë konstituimin e Kuvendit sa më parë.

Continue Reading

Të kërkuara