Lajmet

Pensionistët iu dhurojnë lule deputetëve: Na bëni pensionet 350 euro

Aksioni u mbështet edhe nga deputetët, kryesisht opozitarë.

Published

3 years ago

September 15, 2022

UBT news

Pensionistët sot shpërndanë lule për deputetët e Kuvendit e bashkë me të dhe broshura me dy kërkesa. E para që të hiqet kushtëzimi për t’u lajmëruar pranë zyrave përkatëse çdo 6 muaj për të dëshmuar se janë gjallë dhe e dyta që të subvencionohen me nga 100 euro çdo muaj deri në rritjen e pensioneve.

Ky aksion simbolik që u organizua në kuadër të kampanjës “Dinjitet për pensionistët” mori mbështetjen edhe të deputetëve, kryesisht atyre opozitarë që ndaluan për të biseduar me pensionistët që ishin pranë hyrjes së Kuvendit.

Kryetari i Lidhjes së Pensionistëve të Kosovës, Nijazi Gashi, deklaroi se të njëjtat kërkesa i kanë dërguar edhe tek ministri i Financave, Punës dhe Transfereve, Hekuran Murati, por i njëjti nuk ka kthyer përgjigje.

“Kërkesa e parë është që të hiqet obligimi të lajmërohemi çdo gjashtë muaj që jemi gjallë dhe kërkesa e dytë është që të subvencionohemi me nga 100 euro deri në miratimin e ligjit… Vet aksioni simbolizon kërkesën e parë që ne jemi gjallë, nuk kemi vdekur, por që është absurdi më i madh. Ne i kemi dërguar shkresa tre herë ministrit të Financave, Hekuran Murati dhe nuk na janë përgjigjur dhe nuk na kanë pranuar ku në mënyrë taksative i kemi kërkuar të drejtat tona, absolutisht nuk kërkojmë asgjë tjetër përpos të respektohet Ligji aktual për skema pensionale. Ne i kemi edhe projektin për ndryshimin e këtij ligji aktual, e kemi edhe projektin për ligjin e sigurimeve pensionale gjë që nuk e ka Kosova”, tha ai.

Gashi paralajmëroi se nëse nuk merren parasysh kërkesat e tyre nuk do të ketë më aksione të tilla paqësore, por do të radikalizojnë veprimet e tyre.

Deputeti i LDK-së, Besian Mustafa, që mori lule dhe broshurën, u shpreh se pajtohet me kërkesat e pensionistëve pasi të njëjtin problem e ka edhe nëna e tij.

“E para të eliminohen që pensionistët të lajmërohen çdo 6 muaj që janë gjallë, që pajtohem se nëna ime me të gjitha problemet shëndetësor e ka të pamundur. Dhe e dyta që qeveria t’u ndaj subvencione pensionistëve çdo muaj deri në rritjen e pensioneve, edhe këtu pajtohem. Kërkesa minimale dhe unë pajtohem me këto”, tha Mustafa.

Iniciuesi i kampanjës “Dinjitet për pensionistët”, Xhevdet Pozhari, tha se deputetët e partive politike e kanë kuptuar mesazhin e këtij aksioni dhe që këtu s’ka të bëjë asgjë me politikë.

Sipas tij, kushti që pensionistët të lajmërohen çdo 6 muaj në Qendrat për Punë Sociale mund të bëhet ndryshme në kohën e zhvillimit teknologjik.

“Deri më tash kemi pasur kontakte të vazhdueshme ngase sapo ka nisur kampanja ‘Dinjitet për pensionistët’ ka pasur nga partitë të ndryshme që e kanë drejt mesazhin se këtu s’ka të bëjë për ndarje partiake, politike apo grupe të caktuara. Të gjithë kemi prindër, të gjithë kemi gjyshër, dhe kryeministri dhe presidentja, kanë në shtëpi prindër, të cilët kanë nevojë për dinjitet. Siç angazhohen për prindërit e tyre duhet të kujdesën edhe për prindërit e të tjerëve”, deklaroi Pozhari.

Kampanja “Dinjitet për pensionistët” do të vazhdojë në rrjete sociale ndërsa u paralajmëruan se mund të ketë edhe aksione të tjera.

Rajoni

Rektori Hajrizi viziton UniMarconi në Romë

Published

9 hours ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

1 day ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

1 day ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

1 day ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.