Rajoni

​Peleshi: Sulmet kibernetike nuk kanë prekur sistemet ushtarake në Shqipëri

Ai u shpreh se “duhet të investojmë edhe më tepër e të forcojmë sigurinë dhe mbrojtjen”.

Published

4 years ago

on

Ministri i Brendshëm, Niko Peleshi konfirmoi sot se sulmet kibernetike nuk kanë prekur në asnjë rast sistemet ushtarake që janë autonome.

Në një prononcim për media pas mbledhjes së qeverisë, Peleshi u shpreh se “pas agresionit rus në Ukrainë na duhet të investojmë edhe më tepër e të forcojmë sigurinë dhe mbrojtjen, dhe së fundi edhe mbrojtjen kibernetike.

“Ne jemi të sulmuar dhe jemi duke u përballur me sulme serioze. Lajmi i i mirë është që të gjithë aleatët tanë kryesorë, SHBA dhe NATO, pjesë e së cilës jemi, janë bashkë me ne në këtë front të ri për kohën por që do të jetë për shumë kohë një nga sfidat tona. Sistemet tona kibernetike ushtarake as herën e parë dhe as tani nuk janë prekur. Janë më se të mbrojtura pasi janë më specifike, më të dedikuara dhe të shkëputura nga sistemet e tjera, pra pasi janë autonome. Kjo i bën të jenë më të mbrojtura”, tha Peleshi.

Ministri theksoi se, qeveria po punon për ta ngritur në një nivel edhe më të lartë sigurinë kibernetike në FA dhe sistemet e mbrojtjes dhe të sigurisë në vend.

“Jemi në zbatim të një projekti shumë të madh në vlerë 24 milionë dollarë të mbështetur nga SHBA që synon ngritjen e Qendrës Ushtarake të Sigurisë Kibernetike, aftësimin e stafit, personelit ushtarak dhe civil që punon aty. Paralel është viti i dytë i masterit të sigurisë kibernetike. Vitin e kaluar 16 vetë nga sistemi i mbrojtjes por edhe institucione të tjera relevante janë masterizuar për siguri kibernetike. Vijojmë me kursin e dytë”, tha ai.

Peleshi shtoi se, pak javë më parë është miratuar në Këshillin e Ministrave edhe një projektvendim që jepte bonus shtesë të gjithë punonjësit në njësinë e sigurisë kibernetike.

Ndërkohë Peleshi theksoi se “nuk jemi në ndonjë skenar të mundshëm të cenimit të sovranitetit të vendit”.

“Jemi anëtar të NATO-s, jemi të paprekshëm. Asnjë pëllëmbë apo m2 i territorit të hapësirës të NATO-s nuk është i cënueshëm sepse fuqia më e madhe ushtarake në botë është NATO dhe ne jemi pjesë e saj. Edhe Kosova që është në qendër të axhendës sonë politike e gjeopolitike ka një prezencë të KFOR-it që e bën atë të sigurt. Por duhet thënë se jetojmë në Ballkanin Perëndimor që është fronti i dytë më i vështirë dhe më i brishtë sa i përket prishjes së ekuilibrave gjeopolitikë, por jemi larg ndonjë skenari të mundshëm të ndonjë cenimi fizik”, shtoi ai.

“E keqja është që edhe sulmet kibernetike nuk është se bëjnë më pak dëm se sa ato fizike. Ndaj besoj se do të na marrë shumë energji, kohë, buxhet, rrjet bashkëpunimi, forcimi i sigurisë kibernetike. Gjithashtu siguria kibernetike nuk është më domain i së ardhmes është i së tashmes dhe Shqipëria mund ta dëshmojë atë më mirë se çdo vend tjetër së fundi. Shumë pranë nesh në këtë përpjekje janë SHBA, NATO dhe BE. Jemi në një bllok shumë të fortë për ta mbyllur njëherë e mirë murin kibernetik dhe për ta bërë vendin tonë po aq imun sa edhe në sigurinë fizike”, përfundoi ministri./atsh/

Related Topics:
Continue Reading

lajme

United Hospital – Fizioterapia moderne që rikthen lëvizjen, redukton dhimbjen dhe përmirëson cilësinë e jetës

Published

17 minutes ago

on

July 21, 2026

By

Prishtinë – Lëvizja pa dhimbje nuk është vetëm një dëshirë, por një objektiv i arritshëm kur trajtimi bazohet në diagnostikim profesional, teknologji bashkëkohore dhe kujdes të personalizuar. Pikërisht mbi këto parime funksionon Departamenti i Fizioterapisë në United Hospital, ku pacientët përfitojnë rehabilitim të avancuar për rikthimin e funksionit të plotë të sistemit muskuloskeletor dhe përmirësimin e cilësisë së jetës.

I pajisur me teknologjinë më të fundit dhe i udhëhequr nga fizioterapistë me përvojë, departamenti ofron programe rehabilitimi të përshtatura sipas nevojave individuale të çdo pacienti. Qasja multidisiplinare synon jo vetëm lehtësimin e dhimbjes, por edhe trajtimin e shkakut të saj, duke mundësuar rikthim të sigurt në aktivitetet e përditshme.

Shërbimet përfshijnë rehabilitimin e patologjive të shtyllës kurrizore, përfshirë herniet diskale cervikale, torakale dhe lumbale, rehabilitimin ortopedik dhe post-operativ pas ndërhyrjeve të ligamenteve (ACL/PCL), menisqeve dhe vendosjes së protezave të gjurit apo kërdhokullës. Po ashtu, trajtohen me sukses dhimbjet muskulore, tendinitet, spasticiteti dhe mbingarkesat funksionale, ndërsa programe të veçanta janë të dedikuara për korrigjimin e posturës dhe edukimin e pacientëve për një qëndrim të shëndetshëm të trupit.

Në United Hospital, fizioterapia nuk kufizohet vetëm në trajtim, por përfaqëson një proces të plotë rehabilitimi, ku çdo pacient udhëhiqet me profesionalizëm drejt rikuperimit të qëndrueshëm dhe një jete më aktive. Investimi në rehabilitim të hershëm dhe të specializuar mbetet një nga mënyrat më efektive për të parandaluar komplikimet afatgjata dhe për të rikthyer mirëqenien fizike./rajonipress/

Për termine dhe konsultë profesionale:
📞 038 60 70 70 / 046 60 70 70
📍 M2 Prishtinë–Ferizaj, Km 7, Prishtinë – Kosovë

Continue Reading

Aktualitet

Andy Burnham merr zyrtarisht detyrën si Kryeministër i ri i Britanisë së Madhe: Premton një model të ri politik dhe plan 10-vjeçar

Published

19 hours ago

on

July 20, 2026

By

Andy Burnham ka mbajtur fjalimin e tij të parë si kryeministër i Britanisë së Madhe përpara një turme të madhe në Downing Street, duke shënuar fillimin e një epoke të re politike. Pa pasur nevojë për një foltore dhe i rrethuar nga mbështetësit, kryeministri i ri e cilësoi emërimin e tij si një moment reflektimi dhe rezolute të re, duke thënë se gjenerata e tij e politikanëve duhet të ngrejë nivelin e angazhimit për të rikthyer stabilitetin e vendit.

Burnham pranoi se qytetarët janë të lodhur nga politika aktuale dhe premtoi se ky moment do të shërbejë si një ndryshues i madh kursesh, duke u zotuar për një model të ri që bazohet në bashkëpunim dhe zgjidhje të problemeve, larg pikëve politike. Ai kritikoi vendimet e gabuara të viteve të 80-ta, përfshirë privatizimin dhe de-industrializimin, duke thënë se shumë zona ende nuk janë rimëkëmbur nga ato politika.

Në planin e tij qeverisës, Burnham premtoi se që nga e nesërmja do të shpalosë planet për t’u dhënë njerëzve më shumë hapësirë sa i përket kostos së jetesës, duke treguar edhe si do të financohen ato.

Ai u zotua për ndryshime në sistemin e arsimit për të ndihmuar të rinjtë të futen në tregun e punës, rritje të mbështetjes për shëndetin mendor, si dhe ndërtimin e më shumë shtëpive sociale si një mënyrë e drejtë dhe e qëndrueshme për të ulur shpenzimet e asistencës sociale.

Ndër vendimet e tij të para të prera, kryeministri i ri njoftoi se do të nxjerrë urdhrin e parë për t’i dhënë fund fenomenit të njerëzve që flenë në rrugë.

Për më tepër, Burnham bëri të ditur se do të largojë pushtetin nga Westminsteri për ta shtrirë atë në çdo cep të vendit. Ai u zotua të ndërtojë një ekonomi të re, duke kthyer shërbimet dhe mallrat jetike nën kontrollin publik për t’i bërë ato të përballueshme, si dhe të ri-industrializojë Britaninë duke mbështetur industrinë vendase.

Kryeministri njoftoi se më vonë gjatë këtij viti do të prezantojë një plan 10-vjeçar që do të përcaktojë qartë rrugën se ku dëshiron ta dërgojë vendin. Duke theksuar se kujdesi për njerëzit do të jetë në qendër të çdo vendimi të tij, Burnham i bëri thirrje publikut dhe mbështetësve që t’i qëndrojnë pranë për të ndërtuar një ndjenjë të re të unitetit kombëtar, duke e përmbyllur fjalimin mes duartrokitjeve të shumta, para se të futej në rezidencën e famshme numër 10. /BBC/

Continue Reading

Rajoni

Korça mirëpret “Air Beat Festival – LuluFest” me mbi 200 artistë

Published

1 day ago

on

July 20, 2026

By

Korça ka mirëpritur për dy net me radhë “Air Beat Festival – LuluFest”, aktivitet që e shndërroi qytetin në një skenë të hapur me parada artistike dhe koncerte, duke sjellë atmosferë festive për banorët dhe vizitorët.

Në festival morën pjesë mbi 200 artistë nga Shqipëria, Italia, Mali i Zi, Kosova dhe Maqedonia e Veriut, të cilët interpretuan repertore të ndryshme dhe prezantuan traditat muzikore të vendeve të tyre.

Paradat dhe koncertet e organizuara në hapësirat publike të qytetit tërhoqën një numër të madh spektatorësh, duke e kthyer Korçën në një qendër të rëndësishme të aktiviteteve kulturore gjatë sezonit veror.

“Air Beat Festival – LuluFest” i shtohet kalendarit kulturor të Korçës, duke promovuar qytetin si një destinacion tërheqës turistik dhe kulturor për vizitorët vendas dhe të huaj./atsh//A.K/

Continue Reading

Lajmet

Shtatzënia kërkon kujdes të bazuar në shkencë – United Hospital sjell ekspertizën e Dr. Sebajdin Gjinit për shëndetin e gruas

Published

2 days ago

on

July 19, 2026

By

Me teknologji moderne, staf të specializuar dhe përkushtim ndaj çdo pacienteje, United Hospital po ndërton një model të kujdesit shëndetësor ku profesionalizmi, diagnostikimi i hershëm dhe komunikimi i bazuar në shkencë janë çelësi për një shtatzëni të sigurt dhe një jetë më të shëndetshme për çdo grua.

Në një kohë kur informacionet për shtatzëninë shpesh përzihen mes këshillave popullore dhe miteve të trashëguara ndër breza, United Hospital vazhdon të promovojë një qasje moderne, të bazuar në evidencë shkencore dhe standarde bashkëkohore të kujdesit shëndetësor për gruan.

Nën kujdesin profesional të Dr. Sebajdin Gjinit, specialist i Gjinekologjisë dhe Obstetrikës, pacientet përfitojnë një shërbim të integruar që mbulon të gjitha fazat e shëndetit riprodhues nga kontrollet parandaluese dhe diagnostikimi i hershëm, deri te ndjekja e shtatzënisë, trajtimet gjinekologjike dhe ndërhyrjet kirurgjikale minimalisht invazive.

Nëpërmjet këshillimit profesional, Dr. Gjini ndihmon gratë të dallojnë faktet mjekësore nga besimet e pabazuara. Ai thekson se gjatë shtatzënisë nuk është e nevojshme “të hahet për dy”, por të ushqehet me cilësi; aktiviteti fizik i moderuar është i dobishëm për shumicën e grave shtatzëna; forma e barkut nuk përcakton gjininë e foshnjës; përdorimi i bojërave moderne për flokë është zakonisht i sigurt pas konsultimit me mjekun, ndërsa konsumimi i moderuar i kafesë mund të lejohet sipas rekomandimeve individuale.

United Hospital

Përveç ndjekjes së shtatzënisë dhe udhëheqjes profesionale të lindjes, United Hospital ofron një gamë të gjerë shërbimesh gjinekologjike, përfshirë PAP-testin, ultrasonografinë, diagnostikimin e sëmundjeve gjinekologjike, trajtimin e infertilitetit, planifikimin familjar, si dhe procedura të avancuara si laparoskopia dhe histeroskopia për trajtimin e miomave, kisteve dhe endometriozës.

Me teknologji moderne, staf të specializuar dhe përkushtim ndaj çdo pacienteje, United Hospital po ndërton një model të kujdesit shëndetësor ku profesionalizmi, diagnostikimi i hershëm dhe komunikimi i bazuar në shkencë janë çelësi për një shtatzëni të sigurt dhe një jetë më të shëndetshme për çdo grua.

Në këtë institucion, shëndeti i gruas nuk trajtohet vetëm si një shërbim mjekësor, por si një mision i vazhdueshëm për të garantuar siguri, mirëqenie dhe cilësi jete në çdo etapë të saj./rajonipress/

Continue Reading

Të kërkuara