Sport

Pasojat në aspektin sportiv për Rusinë

Tashmë janë marr vendime të rëndësishme që sanksionojnë Rusinë edhe në botën e sportit.

Published

4 years ago

February 28, 2022

UBT news

Ndërhyrja ushtarake e Rusisë në Ukrainë ka pasoja edhe në botën e sportit.

Tashmë janë marr vendime të rëndësishme që sanksionojnë Rusinë duke filluar nga UEFA dhe FIFA e deri tek reagimet e shumta të klubeve dhe sportistëve që kanë shprehur hapur kundërshtimin e tyre ndaj kësaj situate të krijuar.

Më poshtë po rendisim vendimet që deri më tash janë marrë përkitazi me situatën e krijuar.

Pritet përjashtimi i skuadrës ruse Spartak Moska nga Liga e Evropës

UEFA do të shpallë sot përjashtimin e Spartak Moskës nga Europa League për shkak të konfliktit të vazhdueshëm në Ukrainë. Këtë e raporton edicioni online i gazetës gjermane “Bild”. Klubi rus duhet të ishte përballur në fazën e 1/16-të me Leipzigun-un (ndeshja e parë më 10 mars, ajo kthyese më 17), që në këtë pikë do të shkojë direkt në çerekfinale të eventit pa dalë në fushë fare.

Kërkohet përjashtimi i Bjellorusisë dhe Rusisë nga Kampionati Botëror i Hokejit në akull

Finlanda dhe Zvicra i kanë kërkuar Federatës Ndërkombëtare që të përjashtojë Rusinë dhe Bjellorusinë nga Kampionati Botëror i Hokejit në akull të planifikuar për në maj në Helsinki dhe Tampere. Presidenti i Shoqatës Finlandeze të Hokejve, Harri Nummela, tha të hënën se kishte biseduar me IIHF me bazë në Cyrih për të përjashtuar të dy vendet nga ky sport.

Federata Shqiptare ka deklaruar se nuk do të luajë kundër Rusisë në garat e ardhshme të futbollit

Shqipëria ka njoftuar gjithashtu se nuk do të luajë kundër Rusisë në garat e ardhshme të futbollit. Rusia dhe Shqipëria pritet të takohen dy herë në qershorin e ardhshëm në turneun e futbollit të UEFA Nations League. Grupi përfshin gjithashtu Islandën dhe Izraelin. Dy skuadra të tjera skandinave, Norvegjia dhe Danimarka kanë shprehur nga ana e tyre mbështetje për pozicionin e Polonisë, Suedisë dhe Republica Cena në kërkesën për të përjashtuar Rusinë nga Playoffs për Kupën e Botës 2022 në Katar.

Gjithashtu edhe Zvicra dhe Anglia kanë deklaruar se nuk do të pranojnë të luajnë ndeshje futbolli me Rusinë

Gjithnjë e më shumë po rritet fronti i federatave të futbollit që nuk kanë ndërmend të përballen me Rusinë në ndeshje zyrtare dhe jozyrtare, pas agresionit ushtarak ndaj Ukrainës. Më të fundit janë federata angleze dhe federata zvicerane e futbollit.

Schalke 04 ndërpret bashkëpunimin me sponzorin Grasprom, gjigantin rus të gazit

Tani është zyrtare, klubi gjerman i futbollit Schalke 04, i cili luan në divizionin e dytë, ka mbyllur partneritetin me gjigantin rus të gazit Gazprom, pas pushtimit të Ukrainës nga trupat ruse. “Bordi i FC Schalke 04, në marrëveshje me bordin mbikëqyrës, ka vendosur të ndërpresë kontratën me Gazprom para se të skadojë”, njoftoi klubi në faqen e internetit. Klubi kishte vendosur tashmë javën e kaluar të fshinte emrin e Gazpromit nga fanellat për ndeshjen e ligës të së shtunës.

ITF anulon turnet e tenisit në Rusi

Për shkak të konfliktit të vazhdueshëm në Ukrainë, Federata Ndërkombëtare e Tenisit ka njoftuar se ka anuluar për një kohë të pacaktuar të gjitha turnetë ITF të planifikuara të mbahen fillimisht në Rusi.

Sport

Premier League, La Liga dhe Bundesliga sjellin ndeshje të zjarrta

Published

21 hours ago

April 24, 2026

UBTNews

Fundjava sjell një agjendë të ngjeshur me ndeshje interesante në ligat kryesore evropiane, ku vëmendja do të jetë te përballjet në Premier League, La Liga dhe Bundesliga.

Të shtunën, në Premier League, dita hapet me ndeshjen mes Fulham FC dhe Aston Villa FC në orën 13:30. Në orën 16:00 zhvillohen disa takime njëkohësisht: Liverpool FC përballet me Crystal Palace FC, West Ham United FC pret Everton FC, ndërsa Wolverhampton Wanderers FC luan ndaj Tottenham Hotspur FC. Në mbrëmje, nga ora 18:30, spikat derbi mes Arsenal FC dhe Newcastle United FC.

Në La Liga, po të shtunën, Deportivo Alavés përballet me RCD Mallorca në orën 14:00, ndërsa në 16:15 Getafe CF luan ndaj FC Barcelona. Në mbrëmje, Valencia CF ndeshet me Girona FC në 18:30, ndërsa në 21:00 zhvillohet dueli mes Atlético Madrid dhe Athletic Club.

Nga Bundesliga, të shtunën në 15:30 1. FSV Mainz 05 pret FC Bayern Munich, ndërsa në 18:30 Hamburger SV përballet me TSG Hoffenheim.

Të dielën, në La Liga, programi nis me Rayo Vallecano ndaj Real Sociedad në orën 14:00. Në 16:15 luhet sfida Real Oviedo – Elche CF, ndërsa në 18:30 CA Osasuna pret Sevilla FC. Dita mbyllet me ndeshjen Villarreal CF – Celta Vigo në orën 21:00.

Në Bundesliga, të dielën në 15:30 VfB Stuttgart përballet me Werder Bremen, ndërsa në 17:30 Borussia Dortmund luan ndaj SC Freiburg.

Fundjava premton spektakël dhe përballje interesante në tri nga ligat më të forta evropiane.

Sport

Drilon Hajrizi shkëlqen, udhëheq Trepçën drejt fitores ndaj Pejës

Published

23 hours ago

April 24, 2026

UBTNews

Basketbollisti Drilon Hajrizi është shpallur MVP i publikut pas paraqitjes së tij vendimtare në fitoren e KB Trepça ndaj KB Peja në ndeshjen e parë.

Hajrizi ishte një nga lojtarët kyç të takimit, duke kontribuar me 17 pikë dhe 6 kërcime, ndërsa u dallua edhe për saktësinë në gjuajtjet për tri pikë, ku realizoi 3 nga 4 tentime.

Me performancën e tij, ai luajti rol të rëndësishëm në momentet vendimtare të ndeshjes, duke ndihmuar Trepçën të sigurojë fitoren e parë në këtë përballje.

Sport

UEFA dënon Prestiannin me gjashtë ndeshje për sjellje homofobike

Published

23 hours ago

April 24, 2026

UBTNews

Futbollisti i SL Benfica, Gianluca Prestianni, është dënuar me gjashtë ndeshje pezullim nga UEFA për sjellje homofobike gjatë një ndeshjeje të Ligës së Kampionëve.

Incidenti kishte ndodhur në përballjen ndaj Real Madrid, në kuadër të plejofit të fazës nokaut në muajin shkurt. Ndeshja e zhvilluar në stadiumin Estádio da Luz ishte ndërprerë për rreth 10 minuta pas akuzave të bëra nga Vinícius Júnior.

Fillimisht, sulmuesi brazilian kishte pretenduar për fyerje raciste, ndërsa Prestianni i kishte mohuar këto akuza, duke thënë se situata ishte keqkuptuar.

Megjithatë, sipas mesfushorit të Real Madridit, Aurélien Tchouaméni, lojtari i Benficas kishte pranuar se komentet e tij kishin qenë me natyrë homofobike.

Pas shqyrtimit të rastit, UEFA ka vendosur ta ndëshkojë Prestiannin me gjashtë ndeshje pezullim, duke theksuar qëndrimin e saj kundër çdo forme diskriminimi në futboll.

Sport

E ardhmja e Zhegrovës te Juventusi në pikëpyetje pas paraqitjeve jo bindëse

Published

23 hours ago

April 24, 2026

UBTNews

E ardhmja e Edon Zhegrova te Juventus është vënë në pikëpyetje, pasi paraqitjet e tij nuk kanë qenë në nivelin e pritur, raporton Calciomercato.

Sipas këtij burimi, drejtuesit e klubit po shqyrtojnë opsionet për të shmangur një humbje financiare, ndërsa ndeshja ndaj Bologna FC 1909 konsiderohet si një moment kyç. Zhegrova, i aktivizuar në minutën e 72-të në vend të Francisco Conceição, nuk arriti të bindë, duke humbur disa topa dhe duke marrë vendime të nxituara në fazën ofensive.

Raportohet se këto veprime nuk i kanë pëlqyer trajnerit Luciano Spalletti, pasi rrezikuan balancën e skuadrës dhe i dhanë mundësi kundërshtarit për kundërsulme.

Sezoni i tij deri tani ka qenë i kufizuar, me 22 paraqitje dhe vetëm 465 minuta në total, një mesatare prej rreth 21 minutash për ndeshje, çka tregon rolin e tij jo të qëndrueshëm në ekip.

Megjithatë, Zhegrova synon të ndryshojë këtë situatë. Sipas burimeve pranë lojtarit, ai u ka kërkuar agjentëve të mos nxitojnë me oferta, pasi dëshiron të fitojë më shumë minuta dhe të dëshmojë vlerën e tij te Juventusi.

Nga ana financiare, klubi torinez e kishte transferuar nga LOSC Lille për rreth 14.3 milionë euro, me bonuse që mund ta çojnë shumën deri në 18 milionë euro. Për të shmangur humbje, Juventusi duhet ta shesë për të paktën 11.4 milionë euro.

Drejtuesit nuk dyshojnë në cilësitë teknike të Zhegrovës, por shqetësimet lidhen me vendimmarrjen e tij në fushë dhe reagimin në momente kyçe.

Vendimi përfundimtar për të ardhmen e tij pritet në fund të sezonit, ndërsa çdo paraqitje e mbetur do të jetë vendimtare për qëndrimin e tij në Torino.