Lajmet

​Pagat në Zvicër përjetuan rënien reale më të madhe që nga viti 1942

Punëdhënësit rritën pagat me një mesatare prej 1.1 për qind këtë vit.

Published

on

Punëtorët në Zvicër po përballen me humbjen më të madhe të pagave reale që nga viti 1942.

Punëdhënësit rritën pagat me një mesatare prej 1.1 për qind këtë vit dhe synojnë t’i rrisin ato me 2.2 për qind vitin e ardhshëm, sipas bankës së investimeve UBS, e cila anketoi 290 kompani.

E rregulluar për inflacionin, kjo përkthehet në një humbje reale prej 1.8 për qind në vitin 2022, e ndjekur nga një rritje e lehtë prej 0.1 për qind vitin e ardhshëm. Një rritje e pagave prej pak më shumë se dy për qind nuk ka gjasa t’i vendosë punonjësit në një humor festiv, sipas analistëve të UBS.

Sektorët në të cilët pagat u rritën më shumë ishin ndërtimi (1.1 për qind), administrata (1.0), IT, financa dhe sigurimet (0.9). Pagat janë rritur më pak në prodhim dhe transport (0.8) dhe kujdes shëndetësor (0.7 për qind). Marrëveshjet e pagave prekin rreth 550.000 punonjës në Zvicër, që është rreth 11 për qind e fuqisë punëtore.

Rrethanë e favorshme është se nuk pritet spiralja e rritjes së pagave dhe çmimeve, për këtë arsye inflacioni nuk duhet të rritet nga 3.2 për qind që është aktualisht. Rritja e çmimeve të konsumit në Zvicër u ngadalësua papritur në shtator dhe tetor, por mbetet mbi objektivin e Bankës Kombëtare të Zvicrës.

Në shtator, Banka Kombëtare e Zvicrës rriti normat e interesit me 0.75 për qind, pas së cilës norma referencë e interesit në atë vend ishte sërish pozitive pas tetë vitesh, në 0.5 për qind.

Zvicra është vendi i fundit në Evropë që i rikthehet një norme interesi pozitive. Banka qendrore zvicerane i mbajti normat e interesit në -0.75 për qind deri në qershor të këtij viti, kur rriti normat e interesit me 0.5 për qind.

Që nga viti 2014, Banka Kombëtare e Zvicrës ka ndjekur një politikë të normave zero të interesit, me synimin për të frenuar rritjen e vlerës së monedhës kombëtare. Për vite me radhë banka ka kryer ndërhyrje të mëdha në tregjet valutore për të kontrolluar vlerën e frangut.

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara