Sport

​Osmani zbulon arsyet e shkarkimit të Munishit dhe emrin që mund ta zëvendësojë atë

Osmani zbulon se ka pasur mospajtime ndërmjet aksionarëve brenda klubit.

Published

on

Klubi i futbollit Prishtina është futur edhe njëherë në një krizë si në aspektin financiar ashtu edhe në atë sportiv. Derisa skuadra po kalon nëpër një seri të rezultateve në Superligë, të hënën u shkarkua trajneri Imet Munishi, ndërsa ka dhënë dorëheqje edhe kryetari Hakif Gashi.

Këto zhvillime të jashtëzakonshme, Drejtori Gjeneral i klubit, Arton Osmani i konsideron të kalueshme, por që kanë ndikuar për keq brenda ekipit. Në një intervistë, ai thotë se në zhgënjimin e aksionarëve po ndikojnë edhe faktor të jashtëm, siç janë edhe gabimet e gjyqtarëve në dëm të Prishtinës.

“Nuk ka diçka të jashtëzakonshme, ne një periudhe qetësie, një periudhë te rikuperimit edhe financiar edhe sportiv, ndërkohe kishe zhvillime të cilat nuk janë në kontrollin tonë siç ishte licencimi i Federatës së Futbollit të Kosovës, ose moslicencimin në këtë rast që ndikoi keq, pastaj patëm edhe probleme sportive, rasti me Dukagjinin, rasti me Ballkanin barazimi në minutat e fundit, pakënaqësi me referim. Ato po ndikojnë edhe në entuziazmin e aksionarëve sepse po e shohin që realisht një pjesë e parave që po i japin nuk po i japin rezultatet e pritura dhe jo vetëm për shkak të skuadrës, për shkak të kapaciteteve të ekipit, por edhe për shkak të faktorëve të jashtëm”, theksoi ai

Në lidhje me dorëheqjen e Gashit, Osmani zbulon se ka pasur mospajtime ndërmjet aksionarëve brenda klubit.

“Sa i përket aksionarëve nuk është që është mosmarrëveshje, është më shumë zvarritje. Tashmë ish-kryetarin e kam lutur që të qëndroj të paktën deri në qershor. Ka prezantuar një plan zhvillimore, një plan të reformave edhe të brendshme edhe në raport me jashtë në një afat të zbatimit të caktuar dhe të shkurt. Ndërkohë pati disa zvarritje, pati disa hezitime nga ana e disa aksionarëve për t’i pranuar këto reforma për ta filluar zbatimin e tyre në afat të shpejtë edhe për rrjedhojë dha dorëheqje”, theksoi më tutje ai.

Shkarkimi i Ismet Munishit erdhi si një lajm i papritur, por Osmani thotë se ky vendim erdhi pas diskutimeve të gjata në klub. Ai shton se skuadra nuk po i përgjigjet më urdhrave të trajneri dhe skemave të tij.

“Ai ka qenë vendim i bordit me drejtorin sportiv sepse realisht çështjen e trajneri e kemi diskutuar është diçka që e vendos bordi dhe drejtori sportiv…Ka qenë një konsensus i përgjithshëm që më e mira për të gjithë, duke përfshirë edhe trajnerin do të ishte ndërprerja e bashkëpunimit sepse e kemi parë në disa raste që nuk është përgjigjur ekipi ndaj trajnerit, ndaj strategjive që i ka përgatitur, formës së lojës dhe kanë ardhur në përfundim që opsioni më i mirë është ndërprerja e bashkëpunimit…Ai ka qenë i vetëdijshëm për objektivat edhe çfarë pritet në bazë të kapaciteteve financiare edhe erdhëm në një situatë që gjithnjë e më shumë po i largoheshim objektivave dhe u desh ta merrnim këtë veprim gati, gati në fund”, bëri të ditur Osmani.

Për ta zëvendësuar Munishin, Osmani thotë se në tavolinë janë dy emra, Ramiz Krasniqi dhe Ardian Nuhiu, me ish-trajnerin e Dritës të cilin e konsideron si kandidatin më serioz për stolin bardh e kaltër.

“Kemi pasur diskutime, në disa prej tyre kam marr pjesë edhe unë, natyrisht është konsultuar edhe stafi i klubit, disa prej tyre janë prezent këtu kanë preferenca të ndryshme. Një prej tyre që ka qenë më i zëshëm, që e kemi pjesëtar të klubit për shumë vite ka qenë për Ramiz Krasniqin, është Ardian Nuhiu. Do të thotë këta dy emra janë përmendu pak më shpesh…Sipas pjesës së sportit, sepse i kemi të ndara gjërat, mos të hyjë në territor të tjetër kujt, po, është kandidat serioz”, tha në fund ai.

Pas 25 xhirove, Prishtina pozicionohet në vendin e katër me 32 pikë në tabelën e Superligës së Kosovës.

Lajmet

UBT organizoi me sukses Konferencën e parë Ndërkombëtare të Mjekësisë Sportive

Published

on

Në Parkun Shkencor, Inovativ dhe Teknologjik të UBT-së në Lipjan, u mbajt me sukses Konferenca e parë Ndërkombëtare e Mjekësisë Sportive (IC-SM 2025) – një ngjarje e nivelit të lartë që shënoi një moment historik për zhvillimin e kësaj fushe në Kosovë dhe rajon.

Në këtë konferencë morën pjesë figura të njohura ndërkombëtare të mjekësisë sportive, përfshirë Presidentin e Federatës Ndërkombëtare të Mjekësisë Sportive (FIMS), Prof. Dr. Fabio Pigozzi nga Italia, Prof. Dr. Norbert Bachl nga Austria, Annika Hangleiter, M.Sc. nga Universiteti Teknik i Mynihut (Gjermani), dhe Prof. Dr. Gobert von Skrbensky nga Austria, së bashku me shumë ekspertë vendorë dhe ndërkombëtarë.

Në hapje të konferencës, Rektori i UBT-së, Prof. Dr. Edmond Hajrizi, theksoi se që nga themelimi, UBT ka qenë e përkushtuar ndaj dijes, inovacionit dhe krijimit të një shoqërie të zgjuar, ku shkenca, teknologjia dhe praktika bashkohen për të krijuar ndikim të qëndrueshëm në shoqëri.

“Mjekësia sportive është një nga fushat që mishëron më së miri këtë filozofi – duke bashkuar shëndetin, edukimin, performancën dhe inovacionin teknologjik”, u shpreh Rektori Hajrizi, duke theksuar se përmes Themelimit të Qendrës për Mjekësi Sportive në UBT, është hapur një kapitull i ri për zhvillimin e kësaj fushe në Kosovë.

Ai gjithashtu përmendi se falë kësaj nisme, Kosova është bërë për herë të parë anëtare e Federatës Ndërkombëtare të Mjekësisë Sportive (FIMS), përmes Shoqatës së Mjekësisë Sportive dhe Ushtrimeve të Kosovës (KASEM) — një arritje që e rendit vendin përkrah mbi 117 shteteve anëtare të kësaj organizate prestigjioze.

Në fjalën e tij përshëndetëse, Prof. Dr. Fabio Pigozzi, President i FIMS-it, vlerësoi kontributin e UBT-së në zhvillimin e mjekësisë sportive dhe theksoi rëndësinë e bashkëpunimit ndërkombëtar për avancimin e kërkimit dhe praktikave klinike në këtë fushë.

Në hapje të konferencës morën fjalën edhe: Fitim Arifi, përfaqësues i Komitetit Olimpik të Kosovës; Agim Krasniqi, Kryetar i KASEM; Iber Alaj, Drejtor i Departamentit të Sportit në Ministrinë e Kulturës, Rinisë dhe Sportit.

Pjesa kryesore e konferencës përfshiu sesionet shkencore me ligjërata nga:

Prof. Dr. Fabio Pigozzi (Itali) – “Sudden Cardiac Death in Sports and Exercise”

Prof. Dr. Norbert Bachl (Austri) – “Sports Medicine as a Specialty in Europe: Shaping Precise Prevention”

Prof. Dr. Edmond Hajrizi (Kosovë) – “UBT Smart City – An Integrated Platform of Emerging Technologies and Smart Support for Sports Medicine Education, Research, Innovation, and Clinical Services”

Annika Hangleiter, M.Sc. (Gjermani) – “Wearable Technologies in Personalized Prevention: The Future is Already Present”

Prof. Dr. Gobert von Skrbensky (Austri) – “Concepts in Sports Surgery Following Knee Trauma: The Role of Activity Level and Biological Age”

Prezantimet shkencore dhe punimet kërkimore

Në sesionin e dytë të konferencës, të udhëhequr nga Dr. Milaim Berisha dhe Dr. Agron Thaqi, u prezantuan punime shkencore të recenzuara, ndër të cilat:

“The New Era FitScore Test: A Comprehensive General Fitness Assessment” – Era Deva, Milaim Berisha

“The Success Ratio of Non-Surgical Management of Proximal Hamstring Injury in Judo: The Case of Olympic Gold Medalist” – Nora Gjakova, Milaim Berisha

“Beyond Consensus, Into Action: Kosovo’s Response to Elite Athlete Mental Health Challenges” – L.J., Zhu., J., Hell & V. Klissouras

“Comparative Analysis of Body Composition in Elderly Residents of Nursing Homes in Kosovo” – Agron Thaqi

Konferenca IC-SM 2025 shërbeu si një platformë e rëndësishme ndërkombëtare për bashkëpunim, shkëmbim përvojash profesionale dhe prezantim të trendeve më të fundit në mjekësinë sportive. Ngjarja synon të nxisë kërkimin shkencor, inovacionin në rehabilitim, edukimin profesional dhe ndërtimin e rrjeteve ndërkombëtare në fushën e sportit dhe shëndetit.

Konferenca u organizua nga UBT, në bashkëpunim dhe mbështetje të:

  • Kosovo Association of Sports and Exercise Medicine (KASEM),
  • International Federation of Sports Medicine (FIMS),
  • Komitetit Olimpik të Kosovës, dhe
  • Sport, Health and the People – A Western Balkan University Network (SHAPE Project).

IC-SM 2025 u vlerësua si një ngjarje që shënon fillimin e një tradite të re shkencore në Kosovë, duke e pozicionuar vendin në hartën ndërkombëtare të kërkimit në mjekësinë sportive dhe shëndetin publik.

Continue Reading

Lajmet

Muriqi mund të thyejë disa rekorde këtë edicion te Mallorca

Published

on

Sulmuesi kosovar Vedat Muriqi ka pasur startin e tij më të mirë me klubin e Mallorcas që nga ardhja në vitin 2022.

Sulmuesi i Mallorcas po kalon sezonin e tij të pestë në klub dhe me një total prej pesë golash, “Pirati” ka vendosur rekord për shënimin e golave në tetë ndeshjet e para të këtij edicioni në ishull që nga transferimi i tij zyrtar në sezonin 2022/2023.

Muriqi, kujtojmë se nuk ka shënuar më herët pesë gola në tetë ndeshjet e tij të para për Mallorcan.

Sezoni i tij më i mirë në Mallorca

Në sezonin 2022/2023, Vedat Muriqi luajti sezonin e tij të parë të plotë me fanellën e Mallorcas. Atë kohë, me të madhin Lee Kang-in në sulm, kosovari regjistroi rekordin e tij më të mirë personal që nga koha e tij te Fenerbahçe, me 15 gola dhe tre asistime në kampionat.

Nga këto 15 golat, Muriqi ndihmoi Mallorcan të fitonte nga tre pikë në shtatë raste në një sezon në të cilin skuadra përfundoi në vendin e nëntë me 50 pikë. Deri më tani dhe padyshim ky është sezoni i tij më i mirë me fanellën e kuqe.

Por edhe atëherë, ai nuk arriti të shënonte pesë gola në tetë ndeshjet e para.

Në fakt, goli i tij i katërt i sezonit u realizua në javën e tetë, dhe vetëm në javën e 11-të ai shënoi golin e tij të pestë, pasi kishte humbur dy ndeshjet e mëparshme për shkak të pezullimit. Pra, nëse vazhdon në trajektoren e tij aktuale, Muriqi mund të tejkalojë edhe rekordin e tij personal- 17 gola, një shifër që e ka arritur në tre raste të ndryshme.

Muriqi mund të bëhet golashënuesi më i mirë në histori të Mallorcas.

Nëse shkojmë edhe më tej për atë që Vedat Muriqi mund të arrijë këtë sezon, shohim se kalimi në vendin e dytë për golashënuesin më të mirë të të gjitha kohërave të Mallorcas është i arritshëm, dhe në fakt, thjesht çështje kohe.

Me 38 gola në 117 ndeshje në La Liga, Muriqi është gjashtë gola prapa Juan Arangos, i cili shënoi 45 gola në 183 ndeshje në La Liga. Një shifër krejtësisht e arritshme në muajt në vijim që mund ta kalojë legjendën e klubit.

Rekordin për gola të shënuar e mban Samuel Eto’o i cili ka shënuar 53 gola në 133 ndeshje.

Megjithatë, me një kontratë deri në vitin 2029, duket gjithashtu se është çështje kohe para se “Pirati kosovar” të bëhet sulmuesi me më së shumti gola në historinë e ekipit elitar të Spanjës./S.K/EO

Continue Reading

Lajmet

Shkëndija, skuadra e parë në RMV që arrin fitore në fazën e grupeve të Ligës së Konferencës

Published

on

Skuadra nga Tetova, Shkëndija, ka arritur të shkruajë historinë e futbollit të Maqedonisë së Veriut, duke regjistruar fitoren e parë dhe tri pikët e para në fazën e grupeve të Ligës së Konferencës.

Skuadra kuqezi triumfoi me rezultat minimal 1-0 ndaj ekipit irlandez Shelburn, në ndeshjen e zhvilluar në stadiumin “Todor Proeski” në Shkup.

Goli vendimtar erdhi në minutat shtesë, pas një goditjeje të fortë të Ronaldo Webster, që u devijua nga Patrik Barnet, duke përfunduar në rrjetën e skuadrës mysafire.

Me këtë fitore, Shkëndija jo vetëm që regjistroi triumfin e parë në historinë e saj në fazën e grupeve të një gare evropiane, por gjithashtu u bë skuadra e parë nga Maqedonia e Veriut që arrin një sukses të tillë./S.K/EO/

Continue Reading

Lajmet

​Edhe Serie A pranë anulimit të ndeshjes në Australi

Published

on

Grupi “Football Supporters Europe” (FSE) i ka kërkuar Serie A-së që të heqë dorë nga planet për zhvillimin e ndeshjes Milan–Como në Perth të Australisë.

Kjo ndeshje është e parashikuar për fillimin e vitit 2026, dhe kërkesa vjen pas vendimit të La Ligës që të anulojë një ndeshje të ngjashme mes Villarreal dhe Barcelonës në SHBA, pas protestave të lojtarëve dhe tifozëve.

Sipas protestuesve, lojërat nuk kanë vend 15,000 kilometra larg shtëpisë së tyre dhe vazhdimi i këtij projekti do të dëmtonte imazhin e futbollit italian.

Milani ka marrë me hezitim lejen e UEFA-s për ta zhvilluar ndeshjen në stadiumin Optus të Perthit, pasi San Siro nuk do të jetë i disponueshëm për shkak të Lojërave Dimërore Milano-Cortina 2026.

Megjithatë, ndeshja kërkon ende miratimin e Federatës Australiane, AFC-së dhe FIFA-s.

Drejtori ekzekutiv i Serie A, Luigi De Siervo, ka mbrojtur idenë, duke e krahasuar me modelet e NFL dhe NBA që luajnë jashtë SHBA-së.

“Futbolli duhet të ndjekë rrugën e globalizimit nëse nuk do të mbetet prapa”, tha ai.

Nga ana tjetër, Ministrja e Sportit e Australisë Perëndimore, Rita Saffioti, është e bindur se ndeshja do të zhvillohet sipas planit, duke theksuar se presin miratimin përfundimtar brenda ditëve të ardhshme./S.K/FlashScore/

Continue Reading

Të kërkuara