Lajmet

​Osmani: Sa më shumë investim në fëmijëri të hershme, kthehet në vitet e rritjes

Presidentja Vjosa Osmani tha se investimi në kapital njerëzor po merr formë.

Publikuar

2 vjet më parë

më

Një fëmijë i lindur në Kosovë, sot mund të presë të arrijë 57 përqind të kapitalit të vet të mundshëm njerëzor. Edhe shkalla e vdekshmërisë së fëmijëve është rritur për 1 mijë lindje. Kështu u tha në organizimin e parë të nivelit të lartë mbi zhvillimin në fëmijëri të hershme.

Presidentja Vjosa Osmani tha se investimi në kapital njerëzor po merr formë.

“Investimi në fëmijërinë e hershme është koha kur mund të përcaktojmë kufirin mes varfërisë dhe mirëqenies. Për vjet të tëra ka qenë kjo moshë ku investimi ka ngelur prapa. Në vendin ku shërbimet për zhvillim të hershëm janë jo mirë të integruara”, tha ajo.

Ajo u zotua se fokus kanë investimin në zhvillim të fëmijërisë së hershme.

“Janë pikërisht vitet e para të fëmijëve ku truri i tyre zhvillohet. Sa më shumë investim aq më i madh dhe i dobishëm do të jetë kthimi i tyre në investim në vitet e rritjes. Kemi nevojë për veprim, qoftë në ngritjen e vetëdijes, krijimin e mekanizmave të duhur, e deri te fuqizimi i prindërve”, ka shtuar Osmani.

Kryeministri Albin Kurti tha se edukimi i fëmijëve është e drejtë kushtetuese.

“Përfituesit primarë janë fëmijët dhe prindërit, por investimi ndikon edhe në shoqëri. Investimi në këtë nivel ndikon pozitivisht për përgatitjen për shkollë. Në Kosovë, ne përballemi me mungesë të zhvillimit të edukimit të hershëm të fëmijëve. Prioritet mbetet rritja e qasjes së fëmijëve në shëndetësi pa dallim. Duke përmirësuar infrastrukturën ligjore, ne kemi punuar draftligjin për fëmijëri të hershme”, ka deklaruar ai.

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

2 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

4 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

6 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

8 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara