Lajmet

Osmani: Gratë në Kosovë vazhdojnë të përballen me sfida

Ajo ka thënë se vitin e ardhshëm në Kosovë do të organizohet për herë të parë samiti për gratë.

Published

4 years ago

November 16, 2021

Betim Gashi

Presidentja e vendit, Vjosa Osmani ka thënë se gratë në Kosovë vazhdojnë të përballen me sfida e diskriminim sa i përket përfaqësimit në vendimmarrje. Osmani ka thënë se kjo mbetet sfidë për të gjithë shoqërinë. Në shënimin e përvjetorit të miratimit të Rezolutës 1325 të OKB-së për Gratë, Paqen dhe Sigurinë, Osmani është zotuar se do të përkrah çdo iniciativë që synon fuqizimin e rolit të grave në Kosovë.

Ajo ka thënë se vitin e ardhshëm në Kosovë do të organizohet për herë të parë samiti për gratë, paqen dhe sigurinë ku do të ketë pjesëmarrës nga vende te ndryshme te botës.

“Vajzat dhe gratë janë bosht i rëndësishëm për krijimin, ruajtjen dhe promovimin e vlerave të shoqërisë përfshirë rolin e tyre në ruajtjen e paqes e politikat e mbrojtjes. Promovimi i fuqisë vendimmarrëse të grave ne këtë sektor kaq strategjik nënkupton edhe nivelin me të cilin mund ta matim demokracinë e vendit tonë. Besoj fuqishëm se fuqizimi i grave në vendimmarrje nënkupton edhe promovim të mëtejmë të rolit e grave në shoqëri. Edhe pse kemi ende jashtëzakonisht shumë punë. Është evidente që Kosova ka shënuar përparim sa i përket përfshirjes së grave në vendimmarrje” ka thënë Osmani.

Ndonëse përfaqësimi i grave është i garantuar në shumicën e institucioneve të Kosovës, Osmani thotë se ato ballafaqohen me probleme të shumta.

“Edhe pse përfaqësimi thuhet se është i garantuar në shumicën e institucioneve të vendit ato ballafaqohen me probleme të shumta e diskriminim. Asnjë profesion nuk ka gjini, çdo profesion është i përshtatshëm dhe gratë aty do të shkëlqejnë. Pjesëmarrja e vajzave në FSK vazhdon të jetë tejet e vogël 7 pse 8 përqind në Forcë janë vajza, kjo është sfidë në mbarë boten, ne kemi nevoje të shohim ndryshim në këtë. Pjesëmarrja e grave në FSK është garantues për paqe të qëndrueshme dhe për siguri aftgjatë” ka thënë Osmani.

Koordinatorja për zhvillim nga Kombet e Bashkuara në Kosovë, Ulrika Richardson ka thënë se gratë duhet të jenë më të përfaqësuara ne negociata për paqe e siguri.

“Gratë janë shumë pak te përfaqësuara në negociatat për paqe dhe siguri, çdo aspekt funksionon më mire kur të gjithë marrin pjesë. Kur gratë janë të angazhuar plotësisht në ndërtimin dhe mirëmbajtjen e paqes dhe sigurisë ne shohim rezultate, më pak konflikte dhe me shume marrëveshje për paqe”, ka thënë ajo.

Shënimi i përvjetorit të miratimit të Rezolutës 1325 e OKB-së për Gratë, Paqen dhe Sigurinë, është organizuar nga Ministria e Mbrojtjes, në bashkëpunim me UN-Women dhe konferenca ka temën “Roli i grave në sektorin e mbrojtjes dhe sigurisë”.

Lajmet

UBT shënon arritje historike: Renditet përsëri ndër institucionet më të mira në botë dhe i pari në rajon, sipas GreenMetric

Published

2 days ago

December 12, 2025

Driton Iseni

UBT është renditur ndër institucionet më të mira në botë nga UI GreenMetric World University Ranking, një ndër vlerësimet globale më prestigjioze për qëndrueshmërinë universitare dhe kampuset e gjelbra. UBT është institucioni i parë në rajon që pozicionohet me sukses në këtë renditje të rëndësishme ndërkombëtare.

Nga mbi 1,800 institucione pjesëmarrëse nga e gjithë bota, UBT është renditur në 50% e institucioneve më të mira, duke konfirmuar angazhimin e tij për krijimin e kampuseve të gjelbra, të qëndrueshme dhe inovative.

Në veçanti, në kategorinë e kampuseve inovative, në mesin e mbi 500 institucione të përfshira globalisht, UBT u rendit në vendin e 169, duke treguar përkushtimin e vazhdueshëm të institucionit ndaj standardeve ndërkombëtare dhe inovacionit në mjedis.

UI GreenMetric përdor një metodologji që vlerëson 39 indikatorë në gjashtë fusha kyçe: mjedisin dhe infrastrukturën, energjinë dhe ndryshimet klimatike, menaxhimin e mbetjeve, ujin, transportin, si dhe edukimin dhe kërkimin.

Rezultatet e këtij viti e pozicionojnë UBT-në si një nga institucionet më të përparuara në rajon për qëndrueshmërinë e kampusit dhe politikat inovative të menaxhimit. Kjo arritje e vendos UBT-në në një pozitë të veçantë në hartën akademike ndërkombëtare dhe përfaqëson një sukses të jashtëzakonshëm për institucionin dhe arsimin e lartë në Kosovë.

Ajo dëshmon se institucionet në Kosovë mund të konkurrojnë me sukses në skenën globale, duke tejkaluar standardet ndërkombëtare në qëndrueshmëri, inovacion dhe zhvillim të përgjegjshëm. UBT ka qenë pjesë e kësaj renditjeje prestigjioze edhe në vitet 2023 dhe 2024, duke treguar një angazhim të vazhdueshëm për qëndrueshmërinë mjedisore dhe ndryshimet klimatike.

Vendi

Prof. Ferid Selimi: Kërkimi shkencor në Kosovë ka potencial, por kërkon standarde të qarta

Published

2 days ago

December 12, 2025

Driton Iseni

Profesori dhe Dekani i Fakultetit të Medias dhe Komunikimit në UBT, Prof. Dr. Ferid Selimi, ishte mysafiri i radhës në Podcastin e UBT-së, ku diskutoi gjerësisht mbi gjendjen aktuale të kërkimit shkencor në Republikën e Kosovës.

Në këtë episod, Prof. Selimi foli për terrenin akademik dhe institucional në vend, duke e vlerësuar atë si një hapësirë me potencial të konsiderueshëm, por që ende përballet me sfida strukturore dhe metodologjike. Ai theksoi se zhvillimi i kërkimeve të mirëfillta shkencore kërkon qasje të plotë në të dhëna, transparencë institucionale, infrastrukturë adekuate dhe mbështetje financiare, elemente të cilat në Kosovë shpesh mungojnë ose janë të fragmentuara.

Për më shumë, ndiqni Podcastin në Youtube: PODCASTI

Sport

Laporta i Barcelonës dëshmon para gjykatës

Published

2 days ago

December 12, 2025

UBT News

Presidenti i FC Barcelona, Joan Laporta, është thirrur sot si dëshmitar në hetimet për “Rastin Negreira”, që heton pagesat e klubit ndaj ish-nënkryetarit të Komitetit Teknik të Arbitrave, José María Enríquez Negreira, dhe kompanive të tij.

Laporta do të japë dëshminë e tij si dëshmitar, pasi hetimi për periudhën kur ai ishte president (2003-2010) është mbyllur për shkak të afateve ligjore. Gjyqtarja do t’i drejtojë pyetje mbi arsyet dhe rritjen e pagesave gjatë asaj periudhe.

Deklarimi i tij para gjyqtares Alejandra Gil ka filluar që në orën 11:30 në Ciutat de la Justícia në Barcelonë.

Hetimi lidhet me pagesa prej mbi 8 milionë eurosh që Barcelona ka bërë gjatë viteve 2001–2018, të cilat prokuroria i dyshon. FC Barcelona ka pohuar se pagesat ishin për raporte teknike lidhur me arbitrimin.

Deklarime të rëndësishme kërkohen nga Laporta për të sqaruar arsyet e vendosjes së këtyre pagesave dhe rolin e tij në vendimet e bëra atëherë.

Përveç Laportas, trajnerët e mëparshëm të Barcelonës, Luis Enrique dhe Ernesto Valverde, janë gjithashtu të thirrur për të dëshmuar. Hetimi, i nisur pas një padie të prokurorisë në mars 2023, shqyrton nëse pagesat i korrespondojnë shërbimeve të pretenduara dhe nëse ka pasur ndikim arbitral në ndeshjet e klubit.

Lajmet

Modric: Milan është klubi më i madh italian, po shijoj çdo moment

Published

2 days ago

December 12, 2025

UBT News

Ylli kroat i Milan, Luka Modric, po përjeton një fillim fantastik në San Siro dhe e ka shprehur entuziazmin e tij për jetën dhe futbollin në Milano.

40-vjeçari, fitues i Topit të Artë 2018, iu bashkua Rossonerëve si agjent i lirë nga Real Madrid gjatë verës dhe ka startuar 14 ndeshje radhazi në Serie A.

“Ndjehem mirë, fizikisht dhe mendërisht, dhe po shijoj atë që bëj. Dua të vazhdoj kështu sepse po argëtohem,” tha Modric për Gazzetta dello Sport.

Milan aktualisht është në krye të tabelës së Serie A, së bashku me Napoli, edhe pse nuk marrin pjesë në garat europiane këtë sezon. Modric theksoi vështirësitë e kampionatit Italian./S.K/KP/