Lajmet

​Opozita këmbëngul në formimin e komisionit hetimor, nis bojkotimin e punës së Kuvendit

Bojkotimin e opozitës, deputeti i Lëvizjes Vetëvendosje, Agon Batusha e quajti të padrejtë.

Published

on

Në mungesë të vendimmarrjes ka dështuar raportim i ministres së Drejtësisë, Albulena Haxhiu në Komisionin për Integrime Evropiane. Tri partitë opozitare, PDK, LDK dhe AAK kushtëzuan pjesëmarrjen e tyre në votim me formimin e komisionit hetimor për krizën energjetike.

Madje deputetja e PDK-së, Blerta Deliu-Kodra tha se pa u formuar komisioni hetimor nuk do të marrin pjesë në asnjë votim në Kuvend.

“Ne nuk do të marrim pjesë në asnjë votim të projektligjeve derisa nuk formohet komisioni hetimor prej përfaqësuesve të mazhorancës. Kemi pas dy tentativa dhe kemi pa se dje ka dështuar të miratohet një komision i tillë, i cili natyrisht se do të vendos dritë mbi ato shumë parregullsi që kanë ndodhur në proces të shitjes së energjisë elektrike, por edhe shumë punësime që kanë ndodhur në KEK. Mendojmë se kjo është një arrogancë e pushtetit”, tha ajo.

Qëndrim të njëjtë shfaqi edhe deputetja e LDK-së, njëherësh, kryetare e komisionit, Rrezarta Krasniqi.

“Ne si LDK e kemi dhënë qëndrimin tonë dhe sot s’kemi vendimmarrje për të vazhduar mbledhjen”, deklaroi Krasniqi.

Ndërsa deputetja e AAK-së, Time Kadrijaj kërkoi nga pushteti të respektojë më shumë opozitën.

“Ky komision nuk i plotëson kushtet për të vazhduar më tutje, arsyeja dihet, pasi ne si opozitë nuk do të votojmë as rendin e ditës dhe as projektligjet, derisa të formohet komisioni hetimor dhe të respektohet opozita”, tha ajo.

Bojkotimin e opozitës, deputeti i Lëvizjes Vetëvendosje, Agon Batusha e quajti të padrejtë.

“Ka metoda të ndryshme që opozita mund të jep mendimin e vet, qoftë edhe duke bojkotuar komisionet, apo edhe votimet. Por hiç më larg se mbledhjen e kaluar u tha se të paktën komisioni për integrime është më konstruktiv, por kjo po afekton edhe këtë komision, kjo s’po më duket e drejtë në bazë të deklaratave të mëhershme të opozitës. Gjithsesi është vendim i tyre”, deklaroi Batusha.

Duke lëshuar mbledhjen në debat u përfshi edhe ministrja Haxhiu, e cila tha se në të kaluarën ka qenë e vështirë me i sjellë ministrat në Kuvend, ndërsa tash kur po vijnë, opozita s’po pajtohet.

“Në të kaluarën ka qenë shumë vështirë me i sjell ministrat, tash ministrat po vijnë, opozita s’po pajtohet”, theksoi ajo.

Mes debateve të shumta, dje në seancën e Kuvendit dështoi të formohet komisioni hetimor parlamentar për krizën energjetike, për shkak se mazhoranca nuk mori pjesë në votim.

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

on

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

on

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara