

Lajmet
Opozita dhe OAK kërkojnë heqjen e akcizës për naftën, flet ministri Murati
Murati thotë se rritja e çmimit të naftës vjen si rezultat i rritjes së çmimit të furnizimit nga importi.
Published
3 years agoon
By
Betim GashiKomuniteti i biznesit ka kërkuar urgjent nga Qeveria e Kosovës heqjen e akcizës për naftën për një afat të caktuar në mënyrë që të ulet çmimi i naftës në tregun e Kosovës. Gjithashtu, po kërkohet që të hiqet edhe TVSh-ja për produktet esenciale.
Për këtë, ministri i Financave, Punës dhe Trasnfereve, Hekuran Murati ka thënë se thirrjet për ulje të akcizës së naftës janë thirrje për trashje të fitimit të tregtarëve. Sipas tij, ulja e TVSh-së apo akcizës në situata kur vendi përballet me inflacion, jo domosdo reflektohet në zbritje të çmimit tek konsumatori.
Krahas kërkesës për heqjen e akcizës dhe uljen e TVSh-së për produktet ushqimore, kryetari i Odës së Afarizmit të Kosovës, Skënder Krasniqi thekson se çmimet aktuale të karburanteve deri 1.90 euro, janë duke rënduar jetën e qytetarëve dhe punën e bizneseve.
“Kërkesa jona ka qenë dhe është që me urgjencë qeveria e Kosovës ta heq për një kohë akcizën e naftës në mënyrë që të ulet çmimi i naftës, sepse me këtë çmim aktual, bizneset dhe qytetarët janë duke u dëmtuar shumë. Kjo po ndikon në rritjen e produkteve të tjera për shkak të qarkullimit dhe nevojës që kanë bizneset për naftë. Kjo është duke ndikuar drejtpërdrejt në përkeqësimin e biznesit, por edhe të përkeqësimit të gjendjes së qytetarëve. Sepse me pagat e më hershme pothuajse qytetarët, por edhe bizneset e kanë të pa mundur që ta përballojnë këtë krizë të madhe”, thekson ai.
Në reagimin e Muratit në rrjete sociale, thuhet se rritja e çmimit të naftës vjen si rezultat i rritjes së çmimit të furnizimit nga importi, që është jashtë kontrollit të tyre, por edhe për shkak të rritjes së marzhës së fitimit nga tregtarët e naftës, sidomos tani kur pritet ardhja e mërgatës.
“Prandaj po punojmë për një vendim që cakton çmim tavan dhe marzhë maksimale të fitimit, sepse në situata të tilla të jashtëzakonshme, është e domosdoshme që Qeveria të ndërhyjë në treg për stabilizuar çmimet, gjë që parashihet edhe me legjislacionin në fuqi. Ndërsa thirrjet e opozitës që Qeveria të ulë TVSh-në apo akcizën në naftë ose produkte tjera, nuk i shërbejnë interesit të qytetarëve. Përkundrazi, një veprim i tillë vetëm sa do të trashte fitimet e tregtarëve në njërën anë, dhe do të kufizonte mundësitë e shtetit që t’i mbështesë familjet në nevojë në anën tjetër. Ulja e TVSh-së apo akcizës në situata inflacioni, jo domosdo reflektohet në zbritje të çmimit tek konsumatori”, shkruan Murati.
Kreu i OAK ka kërkuar po ashtu që të hiqet tërësisht TVSh-ja për produktet esenciale dhe ulët kjo normë në 5 për qind për produktet ushqimore.
“Edhe për këtë kemi kërkuar(produktet ushqimore) për shkak se është një diçka e çuditshme çka është duke ndodhur në qeverinë tonë, sepse edhe për kundër gjithë kësaj gjendjeje të rëndë për rritje të çmimeve të importit, rritjes së çmimit të kostos së prodhimit të produkteve, qeveria e Kosovës nuk është duke reaguar ndaj situatave të cilat po ndodhin. Ne kemi kërkuar në kontinuitet reagim dhe përkrahje shumë më të madhe ndaj gjendjes në të cilën po ndodhen bizneset, por edhe qytetarët. Dhe kërkesë urgjente është që TVSh-ja në ushqim nga 18 të bie në 5 përqind dhe TVSh-ja për produktet esenciale të hiqet tërësisht për një kohë të caktuar, për tre apo 6 muaj, në mënyrë që qytetarët të arrijnë ta përballojnë me këtë çmime, në këtë papuënsi të madhe e cila është evidente në Kosovë. Rritja e çmimeve të rrymës, të ushqimeve dhe naftës e kanë rrezikuar në masë të madhe familjen, qytetarin, por edhe biznesin, sepse është zvogëluar konsumi i qytetarëve”, thotë ai.
Mbetet e pa kuptimtë për Krasniqin mosreagimi i qeverisë deri tash për akcizën dhe TVSh-në.
“Është e pakuptimtë (qeveria) nuk po sqarohet, ndoshta është një dëshirë e qeverisë që të rritet buxheti i shtetit. Ne nuk jemi kundër rritjes së buxhetit, por rritja e buxhtetit duhet të ndodhë me rritjen e prodhimit, edhe me rritjen e punësimit, si dhe me rritjen e mirëqenies së qytetarëve, pra jo në kurriz të qytetarëve dhe të bizneseve të Kosovës”, thotë ai.
Krasniqi thotë po ashtu se krenaria e qeverisë për rritje të të hyrave dhe të nivelit të eksportit nuk qëndron, për shkak se rritja e të hyrave nga Dogana dhe ATK-ja janë si rezultat i rritjes së çmimeve dhe jo i rritjes së prodhimit vendor.
Gjatë ditës edhe partia opozitare, Lidhja Demokratike e Kosovës, ka kërkuar reflektim nga ana e Qeverisë lidhur me shtrenjtimin e karburanteve.
Kryetari i LDK-së, Lumir Abdixhiku ka shkruar se sot bëhen 100 ditë nga propozimi i tyre i parë për reduktim të akcizës në derivate e reduktim të TVSh-së në produkte esenciale. Sipas tij, ky propozim është refuzuar e po refuzohet nga pushteti arrogant i Kurtit.
“Çmimi i naftës këtë mëngjes shënon rekord të ri prej 1.90 eurove për litër; derisa inflacioni i gjithmbarshëm ka arritur në plot 13%. Në këtë krizë të paprecedentë, mosveprimi është krim! Sot, dorëzojmë në Kuvend kërkesën për debat parlamentar dhe rezolutën tonë me kërkesë të njëjtë si 100 ditë më parë. Po të vepronim me kohë, papërballueshmëria jonë do të ishte më e lehtë, po s’vepruam sot, do të bëhet edhe më e thellë”, shkruan ai.
Ndërsa, me kërkesë të GP të LDK-së më 23 qershor do të mbahet debat parlamentar dhe propozohen rekomandime për zbutjen e rritjes së çmimeve.
“Me qëllim që të përkrahen qytetarët dhe familjet kosovare të përballen me rritjen e çmimeve, LDK kërkon nga Kuvendi i Kosovës t’i votojë këto rekomandime: Të reduktohet akciza dhe norma e TVSh-së për derivate, për tre muaj, me mundësi vazhdimi të masës edhe për tre muaj tjerë, varësisht nga zhvillimet në tregjet ndërkombëtare. Të zgjerohet lista e produkteve të domosdoshme me normë të reduktuar të TVSh-së për tre muaj, me mundësi vazhdimi te masës edhe për tre muaj tjerë, varësisht nga zhvillimet në tregjet ndërkombëtare”, thuhet në kërkesën e LDK-së.
Heqjen e TVSh-së dhe akcizës e ka këkruar edhe AAK-së dhe transportuesit e udhëtarëve.
Në anën tjetër, në Shoqatën e Naftëtarëve nuk janë deklaruar sot për KosovaPress lidhur me çmimet e larta të karburanteve.
Lajmet
Kurti bën homazhe pranë varrit të veprimtarit Adem Demaçi në shtatëvjetorin e vdekjes së tij
Published
19 minutes agoon
July 26, 2025By
UBTnews
Kryeministri në detyrë, Albin Kurti, së bashku me anëtarë të kabinetit qeveritar, bënë homazhe në mëngjesin e sotëm pranë varrit të veprimtarit të shquar Adem Demaçi, në përvjetorin e shtatë të vdekjes së tij.
Me lule dhe nderime, Kurti përkujtoi figurën e Demaçit, duke e cilësuar atë si një simbol të rrallë të përkushtimit për çështjen kombëtare.
“Gazetar e shkrimtar, veprimtar e intelektual, i përndjekur dhe i burgosur politik, i lauruar për paqe, përfaqësues politik i luftëtarëve të lirisë, mendimtar dhe kritik, Adem Demaçi ishte mishërim i çështjes kombëtare shqiptare,” tha Kurti.
Ai e përshkroi Demaçin si një personalitet unik, të dalluar për gjuhën, mendimin dhe vetëmohimin e tij.
“Lavdi jetës dhe veprës së Adem Demaçit!”, përfundoi ai.
Adem Demaçi, mbetet një nga figurat më të fuqishme të rezistencës politike dhe intelektuale në historinë moderne të shqiptarëve.
Lajmet
Kurti viziton familjen e rreshterit Afrim Bunjaku
Published
24 minutes agoon
July 26, 2025By
UBTnews
Në Ditën Memoriale të zyrtarëve policorë të rënë në krye të detyrës, kryeministri në detyrë, Albin Kurti bashkë me një pjesë të kabinetit qeveritar bënë homazhe pranë varrit të Heroit Afrim Bunjaku. Ata vizituan edhe familjen e tij, si shenjë respekti për sakrificën e tij në mbrojtje të rendit dhe sigurisë në vend.
Gjatë vizitës, Kurti iu tha familjarëve se heroi Afrim Bunjaku është busullë se si duhet mbrojtur shteti.
Ndërkaq, pas vizitës së varrit të Bunjakut, kryeministri në detyrë, Albin Kurti derisa kujtoi se në shtator mbushen dy vjet nga rënia e tij, theksoi se çdo polic që ia kushton jetën mbrojtjes së Kosovës dhe qytetarëve të saj meriton respekt të përhershëm.
Kurti tha se ndonëse Bunjaku mbante gradën e rreshterit në Polici, sot ai mban gradën më të lartë që Republika mund t’i japë një qytetari, atë të Heroit të Kosovës, gradë nga e cila “s’ka degradim”, sipas tij.
“Ne erdhëm tek varri i Afrim Bunjakut që të bëjmë homazhe, të takojmë familjen e tij. Te rreshteri i cili ra heroikisht në Banjskë të Zveçanit e pas dy muajve bëhen dy vjet të rënies së tij heroike. Të gjithë këta policë që ia kushtuan jetën e tyre shërbimit për Kosovën dhe qytetarët e saj dhe u sakrifikuan në mbrojtje të vendit tonë të paqes e sigurisë meritojnë gjithë respektin tonë dhe duhet t’i kujtojmë e përkujtojmë vazhdimisht. Afrim Bunjaku kishte gradën rreshter në Policinë e Kosovës por sot ai e ka gradën hero i Kosovës. Grada hero është grada më e lartë që mund ta ketë një qytetar i Republikës dhe një zyrtar i shtetit. Është e vetmja gradë nga e cila nuk mund të degradohesh. Heroi i Kosovës Afrim Bunjaku sot kujtohet nga mbarë populli ynë, nga secili zyrtar i shtetit në nderim e kujtim të flijimit të tij për Republikën e Kosovës, integritetin territorial, sovranitetin e shtetit”, tha Kurti.
Ndërkaq, ministri në detyrë i Punëve të Brendshme, Xhelal Sveçla, tha se këto vizita përkujtimore sjellin emocione të rënda, veçanërisht për familjet e të rënëve, por edhe për Policinë e Kosovës. Megjithatë, sipas tij, ato janë edhe momente krenarie, pasi falë sakrificës së pjesëtarëve të Policisë së Kosovës, janë arritur suksese që dikur dukeshin të paimagjinueshme.
Sveçla theksoi se kjo sakrificë duhet të mbrohet me çdo kusht dhe çdo çmim.
“Këto vizita na kujtojnë momente shumë të rënda, së pari për familje dhe për të gjithë ne dhe Policinë e Kosovës. Mbi të gjitha janë momente krenarie, për shkak se me sakrificën e gjithë pjesëtarëve të Policisë së Kosovës, të gjithë qytetarëve të Republikës së Kosovës ne po arrijmë suksese të cilat më herët kanë qenë të paimagjinueshme. Lirisht mund të themi që kjo sakrificë ia ka vlejtur dhe këtë sakrificë duhet ta mbrojmë me çdo kusht dhe çdo çmim”, tha Sveçla.
Në nderim të 14-vjetorit të rënies së Heroit Enver Zymeri dhe kësaj dite përkujtimore, Ministria e Punëve të Brendshme dhe Policia e Kosovës kanë organizuar homazhe shtetërore te Lapidari i Policëve të rënë në detyrë.
Sot, përfaqësues të institucioneve shtetërore kanë vizituar edhe familjen e zyrtarit policor Muhamed Lika, i cili humbi jetën në krye të detyrës.
Po gjatë ditës, janë paraparë edhe homazhe pranë varrit të Heroit Enver Zymeri, vizitë në familjen e tij si dhe nderime pranë lapidarit në vendin e rënies së tij.
Ceremonitë përkujtimore do të përmbyllen në orën 17:00 me pritjen zyrtare të marshuesve në Qendrën për Trajnim për Kërkim-Shpëtim “Berim” në Zubin Potok – Ujman.
Lajmet
Haradinaj për masën: Kushtetuesja konstaton se situata përbën rrezik real
Published
26 minutes agoon
July 26, 2025By
UBTnews
Kryetari i Aleancës për Ardhmërinë e Kosovës (AAK), Ramush Haradinaj, thekson se masa e përkohshme e Gjykatës Kushtetuese është shumë e shkurtër, vetëm dy javë.
Deputeti Haradinaj ka shkruar se në Facebook ku thekson se pret që brenda kësaj kohe të ketë një vendim final të Kushtetueses.
Sipas tij, Në aktgjykimin e fundit, Gjykata konstaton se situata përbën rrezik real për rendin kushtetues, por megjithatë nuk kishte vendosur masën e kërkuar nga AAK
“Vendimi i fundit i Gjykatës Kushtetuese konfirmon se gjendja aktuale në vend përbën rrezik serioz për funksionimin kushtetues dhe institucional të shtetit. Pikërisht këtë e kishte theksuar edhe AAK në kërkesën e saj të parë drejtuar Gjykatës. Fatkeqësisht, atëherë Gjykata nuk e shqiptoi masën e përkohshme, ndonëse kushtet ishin pothuajse identike me ato që vetë i ka pranuar tani. Në aktgjykimin e fundit, Gjykata konstaton se situata përbën rrezik real për rendin kushtetues, por megjithatë nuk kishte vendosur masën e kërkuar nga AAK”, shkruan ai.
Sipas Haradinajt, kjo vonesë e pajustifikueshme vetëm sa ka shtuar paqartësinë dhe krizën kushtetuese në vend.
“Sot ekziston frika reale se ndërhyrja e Gjykatës mund të ketë ardhur tepër vonë për të parandaluar pasojat që mund të ishin shmangur në kohë, sikur ajo të kishte vepruar me përgjegjësi në momentin kur u paraqit kërkesa jonë”, shkruan ai.
Deputetët e zgjedhor do t’iu drejtohen sërish sot ulëseve të tyre në përpjekjen e radhës, e pesëdhjetë e treta, për të konstituuar legjislaturën e nëntë, të dalë nga zgjedhjet e 9 shkurtit.
Vazhdimi i radhës mbahet nga ora katërmbëdhjetë, për herë të parë në më pak se dyzetetetë orë pasi Gjykata Kushtetuese ka vendosur masë të përkohshme ndaj seancave të Kuvendit, që nga e diela 27 korrik deri më 8 gusht.
Lajmet
Kurti: Enver Zymberi e Afrim Bunjaku dhanë jetën duke mbrojtur sovranitetin shtetëror
Published
27 minutes agoon
July 26, 2025By
UBTnews
Në nderim të 14-vjetorit të rënies së Heroit Enver Zymeri dhe Ditës Memoriale të zyrtarëve policor të rënë në krye të detyrës, kryeministri në detyrë, Albin Kurti bashkë me disa nga ministrat në detyrë bëri homazhe pranë Lapidarit të Policëve të rënë në detyrë.
Me këtë rast, Kurti tha se sot u bënë nderime pranë lapidarit të policëve të rënë në krye të detyrës, 24 gjithsej në Kosovën e pasluftës, që nga Lazim Rexhepi në vitin 2001, e deri te Muhamet Lika në vitin 2025.
Kurti, për rënien heroike të Enver Zymberit dhe Afrim Bunjakut, tha se dhanë jetën duke mbrojtur sovranitetin shtetëror, integritetin territorial, rendin, ligjin, paqen dhe sigurinë në veri të vendit.
Sipas Kurtit, Dita Memoriale është e lidhur ngushtë edhe me rënien e Enver Zymberit më 26 korrik 2011.
Kurti tha se kjo datë sjell dhimbje dhe pikëllim, por njëkohësisht edhe krenari, sepse Policia e Kosovës, me mbi 10 mijë pjesëtarë, vazhdon të jetë në shërbim të Republikës së Kosovës.
“Bëmë nderime këtu te lapidari i policëve të rënë në detyrë 24 gjithsej ne Kosovën e pasluftës, duke filluar nga Lazim Rexhepi në vitin 2001 e deri së fundmi te Muhamet Lika në vitin 2025. Me këtë rast dua të theksoi heroin tonë Enver Zymberin dhe po ashtu Afrim Bunjakun që ranë në krye të detyrës duke mbrojtur sovranitetin shtetëror, integritetin territorial, rendin, ligjin, paqen dhe sigurinë në veri të Kosovës. Dita Memroriale është e lidhur pikërisht me rënien heroike të Enver Zymberit në vitin 2011, më 26 korrik, me ç’rast kemi dhimbje e pikëllim, kemi shumë mall por në të njëjtën kohë kemi edhe krenari, sepse Policia e Kosovës është një forcë prej 10 mijë pjesëtarëve të cilët i dalin zot Republikës sonë”, tha Kurti.
Kryeministri në detyrë, Albin Kurti tha se Policia e Kosovës është një forcë multietnike, e cila, ndonëse është sulmuar shpesh, ka dalë gjithmonë fitimtare dhe profesionale.
Ai rikujtoi se një nga sfidat më të mëdha për strukturën e saj që ndodhi në nëntor të vitit 2022, kur 541 policë të uniformuar nga komuniteti serb dhanë dorëheqje kolektive.
Megjithatë, Kurti theksoi se procesi i rikthimit dhe përfshirjes ka vazhduar, me kadetë të rinj nga gjenerata në gjeneratë që po i bashkohen Policisë së Kosovës.
“Policia e Kosovës është një forcë multietnike e cila u sulmua shpesh, mirëpo gjithnjë doli fitimtare. E një nder sulmet strukturore që ka përjetuar ka qenë në nëntor të vitit 2022 ku kishim 541 policë në uniformë nga komuniteti serb që dhanë dorëheqje kolektivisht. Në vazhdimësi kemi kadetë të rinj nga gjenetara në gjeneratë të cilët po shtohen. Vetëm nga komuniteti serb kemi rreth 200 pjesëtarë që nga dorëheqjet e tyre që i janë bashkëngjitur Policisë së Kosovës dhe krah për krah me shqiptarët të uniformuar dhe të tjerë që i shërbejnë vendit tonë dhe qytetarëve tanë.”, tha Kurti.
Bashkë me Kurtin për homazhe ishin ministrat në detyrë i Punëve të Brendshme, Xhelal Svecla, ministrja e Drejtësisë, Albulena Haxhiu, ministri i Kulturës, Hajrullah Ceku dhe ministrja e Arsimit, Arbërie Nagavci.
Homazhe bënë edhe drejtori i Përgjithshëm i Policisë së Kosovës, Gazmend Hoxha bashkë me pjesëtarë të tjerë të lartë të Policisë së Kosovës.

Kurti bën homazhe pranë varrit të veprimtarit Adem Demaçi në shtatëvjetorin e vdekjes së tij

Kurti viziton familjen e rreshterit Afrim Bunjaku

Haradinaj për masën: Kushtetuesja konstaton se situata përbën rrezik real

Kurti: Enver Zymberi e Afrim Bunjaku dhanë jetën duke mbrojtur sovranitetin shtetëror

IKSHPK bën thirrje për kujdes nga temperaturat e larta, këto janë udhëzimet

Sot shënohet Dita memoriale e policëve të rënë në detyrë

Sot tentimi numër 53 në Kuvend

Arrest shtëpiak ndaj katër të pandehurve për keqpërdorim të pozitës zyrtare në Gjakovë

Punëtorët e KEK-ut do të marrin 400 euro bonus
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore