Lajmet

​Nokardioza: Shkaku, simptomat dhe si trajtohet ky infeksion i pakëndshëm?

Published

on

Nokardioza është një infeksion i rrallë që fillon në mushkëri dhe më vonë mund të përhapet në lëkurë dhe tru. Ky është një infeksion bakterial i shkaktuar nga bakteri Nocardia asteroides i cili transmetohet nga pluhuri i tokës së ndotur.

Është më e zakonshme te të moshuarit, veçanërisht te burrat. Trajtohet me ilaçe, dhe një diagnozë e shpejtë dhe fillimi sa më i hershëm i trajtimit është i rëndësishëm.

Si transmetohet nokardioza?

Nocardia gjendet në tokë, bimësi në prishje dhe disa lëndë organike, si dhe në ujë të freskët dhe të kripur. Ai hyn në trup duke thithur ajrin në të cilin është i pranishëm bakteri, dhe gjithashtu përmes një plage të hapur. Nuk transmetohet nga njeriu te njeriu, por është më i zakonshëm te pacientët me një sistem imunitar të dobësuar për shkak të sëmundjeve të tilla si kanceri, diabeti, HIV ose AIDS.

Si të njohim nokardiozën?

Simptomat e nokardiozës varen nga pjesa e trupit që preket nga bakteri. Këto janë më shpesh mushkëritë, por simptomat mund të ndodhin edhe në lëkurë, sistemin e tretjes, trurin, veshkat, zemrën, sytë ose kockat.

1. Nokardioza në mushkëri

Me këtë nokardiozë mund të ndodhë ethe, dobësi, dhimbje gjoksi, kollë, humbje e oreksit dhe djersitje natën. Gjithashtu, mund të ketë një akumulim të lëngjeve në mushkëri, por edhe pneumoni.

2. Nokardioza e lëkurës

Zona e dytë e prekur më shpesh është lëkura. Ndryshime të ndryshme të lëkurës ndodhin këtu të tilla si plagë, ulcera, skuqje dhe nyjat limfatike të zgjeruara.

3. Zonat e tjera

Në varësi të zonës së trupit, mund të ndihen shqetësime të ndryshme si dhimbje, të përziera, të vjella ose ënjtje, dhe nokardioza në tru mund të çojë në kriza, dhimbje koke ose marramendje.

Si diagnostikohet nokardioza?

Meqenëse simptomat e nokardiozës mund të tregojnë ndonjë sëmundje, do të jetë e nevojshme të bëni një seri testesh. Këto përfshijnë rrezet X të mushkërive, bronkoskopinë, biopsitë e mushkërive, trurit ose lëkurës, si dhe ekzaminimet e organeve në të cilat u shfaqën simptomat.

Si mjekohet nokardioza?

Nokardioza trajtohet me një grup antibiotikësh që do të vrasin bakteret, dhe këto përfshijnë sulfadiazine ose amikacin. Vetë trajtimi zgjat midis gjashtë muajve dhe një viti, dhe infeksionet më serioze do të kërkojnë një periudhë më të gjatë kohore për të marrë ilaçe, në mënyrë që infeksioni të mos përsëritet. Është e rëndësishme të kërkoni ndihmë mjekësore sa më shpejt që të shfaqen simptomat e para, pasi kjo mund të fillojë menjëherë trajtimin dhe të kontrollojë infeksionin. Nëse nuk trajtohet, nokardioza është fatale.

Është e rëndësishme të vizitoni një mjek në simptomat e para në mënyrë që të filloni trajtimin sa më shpejt të jetë e mundur. 

Continue Reading

Lajmet

Gol emocionues i Dembele, dedikim për Jota pas humbjes tragjike

Published

on

By

Ousmane Dembele shënoi një gol të rëndësishëm në fitoren 2:0 të Paris Saint-Germainit ndaj Bayern Munchenit, duke ndihmuar ekipin e tij të kualifikohet në gjysmëfinalen e Kupës së Botës për Klube.

Pas golit, Dembele bëri një festim të veçantë, duke nderuar kujtimin e ish-futbollistit të Liverpoolit, Diogo Jota, i cili së fundmi humbi jetën tragjikisht në një aksident trafiku në Spanjë, së bashku me vëllain e tij, Andre Silva.

Kjo fitore përforcon pozicionin e PSG-së në turneun ndërkombëtar, duke u afruar drejt finaleve.

Continue Reading

Lajmet

Dështoi edhe tentimi i 42-të, Kuvendi ende pa kryeparlamentar

Published

on

By

Deputetët e Kuvendit të Kosovës nuk arritën të zgjedhin kryetarin e parlamentit edhe në tentimin e 42-të. Në këtë votim, vetëm 39 deputetë votuan pro krijimit të një komisioni që do të shqyrtojë mundësinë e votimit të fshehtë për zgjedhjen e kryeparlamentarit. Seanca u mbyll dhe pritet të vazhdojë pas dy ditësh.

Ndryshe nga herët e kaluara, votimi u zhvillua në një seancë që u mbajt në mbrëmje, pasi ajo e planifikuar për paraditen e së shtunës u shty për shkak të një alarmi të rremë për bombë në ndërtesën e Kuvendit.

Gjatë seancës, kryesuesi Avni Dehari ndërpreu fjalimet e deputeteve Ganimete Musliu nga PDK-ja dhe Jehona Lushaku nga LDK-ja, të cilat kërkonin rikthim të votimit në formë të hapur.

Që nga 15 prilli, deputetët janë mbledhur çdo dy ditë për të konstituar Kuvendin, por pa sukses. Lëvizja Vetëvendosje, si fituese e zgjedhjeve të 9 shkurtit, propozoi fillimisht Albulena Haxhiun për kryetare, por ajo nuk mori shumicën e votave. Më pas, VV-ja kërkoi ndryshim të mënyrës së votimit duke kaluar në votim të fshehtë.

Më 26 qershor, Gjykata Kushtetuese urdhëroi që Kuvendi të konstituohet brenda 30 ditëve. Megjithatë, interpretimi i këtij vendimi ka qenë i ndryshëm mes LVV-së dhe partive tjera. VV-ja argumenton se Kushtetuesja lejon ndryshimin e mënyrës së votimit, ndërsa partitë tjera kundërshtojnë këtë qëndrim.

Pas këtyre zhvillimeve, Partia Demokratike dhe Lidhja Demokratike i kanë drejtuar sërish Gjykatës Kushtetuese për sqarime të mëtejshme.

Continue Reading

Lajmet

Gashi: Kryetari i Kuvendit duhet të zgjidhet me votim të hapur

Published

on

By

Deputeti i Lidhjes Demokratike të Kosovës, Arben Gashi, ripotencoi qëndrimin se zgjedhja e kryetarit të Kuvendit duhet të bëhet me votim të hapur dhe se çdo ndryshim në procedurat kuvendare duhet të kalojë përmes mocionit procedural.

“Ndryshimi i çdo procedure kuvendare bëhet me mocion procedural. Mocioni procedural duhet të propozohet në seancë dhe të votohet së pari shmangia e rregullores me dy të tretat e deputetëve dhe pastaj ndryshimi i procedurës. Është e paarsyeshme të ndodhë diçka e tillë. Duhet të vazhdohet sipas vendimit që është marrë dhe mënyrës se si është votuar gjithmonë. Kryetari i Kuvendit duhet të zgjidhet me votën e hapur,” tha Gashi.

Ai u shpreh gjithashtu i qetë lidhur me situatën e sigurisë në Kuvend, pas paralajmërimit për një mjet shpërthyes.

“Policia dhe institucionet e sigurisë po e kryejnë punën e vetë. Ne të tjerët duhet t’i kryejmë punët tona,” deklaroi deputeti i LDK-së.

Seanca konstituive, e cila ishte paraparë të mbahej në orën 11:00, u shty për në orën 20:00 për shkak të paralajmërimit për një bombë brenda ndërtesës së Kuvendit. Pas kësaj, Policia e Kosovës kërkoi nga deputetët që ta lirojnë ndërtesën.

Continue Reading

Lajmet

Çitaku: Edhe më të rrezikshme se kërcënimi me bombë janë prirjet totalitare të LVV-së

Published

on

By

Deputetja e Partisë Demokratike të Kosovës, Vlora Çitaku, komentoi kërcënimin e sotëm me bombë në Kuvendin e Kosovës, i cili fatmirësisht doli të jetë i rrejshëm. Megjithatë, ajo theksoi se prirjet totalitare të Lëvizjes Vetëvendosje përbëjnë rrezik më të madh për vendin.

“Po aq sa janë të rrezikshme dhe të trishtueshme sulmet që po i bëhen Kuvendit nga jashtë, qoftë me kërcënime të rrejshme, në aq e mos më shumë janë të rrezikshme prirjet totalitare që i kemi nga Lëvizja Vetëvendosje dhe përpjekjet e tyre të vazhdueshme, tashmë pas publikimit të aktgjykimit të Gjykatës Kushtetuese, për të përmbysur rendin kushtetues,” tha Çitaku teksa hynte në sallën e Kuvendit për vazhdimin e seancës konstituive.

Continue Reading

Të kërkuara