Teknologji

Një operacion me teknologji të re robotike u krye me sukses në Vjenë

Kirurgjia robotike prej vitesh është pjesë e pandashme e kirurgjisë.

Published

4 years ago

November 7, 2021

Betim Gashi

Një nga operacionet e para në botë me teknologji të re robotike është kryer në Klinikën Universitare për Otorinolaringologji në Vjenë.

Siç njoftuan zyrtarisht nga qyteti i Vjenës, gjatë implantimit, pajisja mundësoi qasjen e saktë në veshin e brendshëm plotësisht automatikisht dhe minimalisht invazivisht.

Kirurgjia robotike prej vitesh është pjesë e pandashme e kirurgjisë. Robotët përdoren si një krah i zgjatur i kirurgut dhe transmetojnë lëvizjet e tyre në hapësirën më të vogël të mundshme. Teknologjia e re me të cilën është kryer operacioni në Vjenë funksionon pa kontroll manual, por tërësisht automatikisht me ndihmën e një sistemi navigimi preciz.

“Teknologjia e re mund të krahasohet me një autopilot në një aeroplan. Si autopilot dhe robot, ai punon me një sistem navigimi preciz, i cili përmban të gjithë informacionin e nevojshëm për veshin e brendshëm në të cilin vendoset implanti. Roboti fillon dhe funksionon në mënyrë të pavarur, pa kontroll”, shpjegoi Wolfgang Gstottner nga Klinika e Otorinolaringologjisë.

Megjithatë, sistemi sigurisht që nuk funksionon plotësisht pa ndërhyrjen e faktorit njerëzor. Para operacionit bëhet një model tredimensional i veshit të brendshëm në bazë të tomografisë së kompjuterizuar. Nëse llogaritet se roboti ka qasje të papenguar në vesh, se nuk godet arteriet apo nervat, është i mundur operacioni. Kirurgu duhet vetëm të bëjë një prerje pas veshit dhe të vendosë implantin.

Roboti stërvitet gradualisht dhe kontrolli kryhet ndërmjet procedurave individuale.

Nëse disa nga vlerat nuk janë të favorshme për pacientin, roboti automatikisht ndalon operacionin, i cili më pas vazhdohet nga kirurgu.

Teknologjia e robotit “Hearo” është zhvilluar nga kompania zvicerane e teknologjisë mjekësore Cascination së bashku me kompaninë e teknologjisë mjekësore nga Innsbruck Med-El, njoftoi qyteti i Vjenës.

Teknologji

Honda prezanton motorin e ri V6 dhe teknologjinë hibride të gjeneratës së ardhshme

Published

2 days ago

November 8, 2025

UBT News

Honda ka zbuluar teknologjitë kryesore të sistemeve të saj hibride të mëdha të gjeneratës së ardhshme, duke përfshirë motorin e ri V6 që përmbush standardet më të rrepta mjedisore, si dhe njësitë e përmirësuara të fuqisë dhe bateritë me efikasitet të lartë dhe kosto më të ulët.

Kompania synon të rrisë efikasitetin e karburantit me mbi 30% krahasuar me modelet aktuale me motorë me djegie të brendshme në të njëjtin segment.

Kombinimi i motorit V6 me sistemin e ri hibrid do të ofrojë drejtim më ekonomik dhe performancë të lartë, veçanërisht për automjetet e mëdha dhe të rënda.

Honda parashikon gjithashtu një përmirësim prej mbi 10% në përshpejtim, falë rritjes së efikasitetit të motorit, optimizimit të njësive të fuqisë dhe mbështetjes nga bateria.

Kjo teknologji pritet të debutojë më 2027 në modelet e mëdha të Hondës, fillimisht në tregun amerikan, me mundësi zgjerimi në Evropë. /A.Z/UBT News/

Teknologji

Pse Google dëshiron t’ju pengojë të përdorni ChatGPT?

Published

2 days ago

November 7, 2025

UBT News

Në përditësimin e fundit të shfletuesit Chrome, Google ka shtuar një buton të ri të quajtur “AI Mode”, i cili shfaqet direkt nën fushën e kërkimit në telefonat inteligjentë.

Ky opsion aktualisht është i disponueshëm për përdoruesit në SHBA në pajisjet iOS dhe Android, ndërsa Google planifikon ta zgjasë përhapjen globale në deri 160 vende në javët në vijim.

Butoni ndodhet mbi shkurtesat e faqeve më të vizituara, duke e bërë të lehtë qasjen për përdoruesit sapo të hapin një tab të ri.

Qëllimi është i qartë: Google synon që përdoruesit të klikojnë “AI Mode” para se të përdorin shërbime si ChatGPT ose Perplexity.

AI Mode ofron qasje të shpejtë në kërkimin me AI të Google e mbështet disa gjuhë. Në praktikë, kjo do të thotë se përdoruesit bëjnë pyetje dhe të marrin përgjigje, përmbledhje apo rekomandime pa pasur nevojë të hapin aplikacione të tjera.

Google ka prezantuar përmirësime të reja me “agentic AI”, që mundësojnë që AI Mode të rezervojë automatikisht bileta për ngjarje ose termine në sallonet e bukurisë. Ndërkohë, konkurenca nuk qëndron pasive – Perplexity po zhvillon shfletuesin e vet, Comet, ndërsa OpenAI po punon në Atlas, një shfletues me bazë AI që mund të ndryshojë mënyrën e përdorimit të internetit.

Përdoruesit e Chrome përfitojnë nga kjo veçori duke përditësuar shfletuesin; AI Mode duhet të shfaqet automatikisht kur hapin një tab të ri. /A.Z/UBT News/

Teknologji

Italia bëhet vendi i parë i BE-së që miraton ligj gjithëpërfshirës për Inteligjencën Artificiale

Published

2 days ago

November 7, 2025

UBT News

Italia ka bërë histori duke u bërë vendi i parë në Bashkimin Evropian që miraton një ligj të plotë për Inteligjencën Artificiale, vendosur rregulla të qarta dhe dënime të rrepta për abuzimet me teknologjinë.

Sipas ligjit të ri, përdorimi i AI për të krijuar ose shpërndarë përmbajtje të manipuluar, si “deepfakes”, mund të sjellë dënime nga 1 deri në 5 vjet burg. Masat bëhen edhe më të rënda nëse teknologjia përdoret për krime si mashtrimi, vjedhja e identitetit ose dëmtimi i reputacionit.

Ligji vendos rregulla për transparencën dhe mbikëqyrjen njerëzore në vendet e punës, për të siguruar që AI të mos dëmtojë proceset sociale dhe të drejtësisë. Kryeministrja Giorgia Meloni e konsideroi hap vendimtar për të ardhmen e Italisë dhe të BE-së.

“Qëllimi ynë është një inteligjencë artificiale e përqendruar te njeriu, transparente dhe e sigurt, që ruan privatësinë dhe sigurinë kibernetike, ndërsa nxit inovacionin”, tha ajo.

Një pikë kyçe e ligjit është mbrojtja e të miturve: fëmijët nën 14 vjeç nuk mund të përdorin AI pa miratimin e prindërve.

Ky ligj, i harmonizuar me Aktin Evropian për Inteligjencën Artificiale, pritet të shërbejë si model për vendet e tjera anëtare, duke vendosur Italinë në qendër të diskutimeve mbi përdorimin etik dhe të sigurt të teknologjisë. /A.Z/UBT News/

Teknologji

WhatsApp teston “drynin” për siguri maksimale

Published

3 days ago

November 7, 2025

UBT News

WhatsApp po përgatit një veçori të re, të quajtur përkohësisht “dryn”, që synon të ofrojë mbrojtje të avancuar për përdoruesit që mund të jenë në rrezik nga sulmet kibernetike a ndërhyrjet e programeve spiune Pegasus apo Graphite.

Sipas faqes së specializuar WaBetaInfo, funksioni është zbuluar në versionin beta 2.25.33.4 të aplikacionit për Android, dhe aktualisht ndodhet në fazën e testimit.

“Dryni” përfshin një kombinim të opsioneve të sigurisë dhe privatësisë, që aktivizohen automatikisht për të forcuar mbrojtjen e përdoruesit.

Këto përfshijnë:

Bllokimin e skedarëve mediatikë dhe bashkëngjitjeve nga dërgues të panjohur;

Çaktivizimin e pamjeve paraprake të lidhjeve në mesazhe;

Heshtjen e thirrjeve hyrëse nga persona që nuk janë në listën e kontakteve;

Kufizimin e shtimit në grupe vetëm nga kontaktet tuaja;

Njoftime automatike kur ndryshon kodi i sigurisë në një bisedë të enkriptuar nga fillimi në fund;

Aktivizimin e verifikimit me dy hapa;

Kufizimin e dukshmërisë së fotos së profilit, informacionit, statusit dhe datës së fundit të lidhjes vetëm për kontaktet;

Dhe madje fshehjen e adresës IP gjatë thirrjeve, duke i bërë ato të kalojnë përmes serverëve të WhatsApp-it.

Nëse zbatohet. kjo veçori do të rrisë ndjeshëm nivelin e mbrojtjes kundër kërcënimeve të mundshme, pa qenë nevoja që përdoruesit të ndryshojnë manualisht shumë cilësime të privatësisë.

Aktualisht, nuk dihet ende se kur WhatsApp do ta lëshojë këtë funksion për të gjithë përdoruesit, por pritet të jetë hap i rëndësishëm drejt sigurisë së avancuar në komunikimet digjitale. /A.Z/UBT News/