Lajmet

Nis ndërtimi i sistemit të ujësjellësit për disa fshatra të Vushtrrisë

Published

4 years ago

March 26, 2021

Betim Gashi

Ka nisur ndërtimi i sistemit të ujësjellësit për fshatrat Dumincë e Poshtme, Dumnicë e Mesme dhe Dumnicë e Epërme të komunës së Vushtrrisë.

Kryetari i Vushtrrisë, Xhafer Tahiri ka njoftuar se sot është bërë inaugurimi i punimeve për shtrirjen e rrjetit të ujësjellësit në fshatin e Dumnicës dhe njëkohësisht do të punohet edhe në fshatrat e Artakollit, një projekt në vlerë prej 444 mijë euro donacion nga Qeveria zvicerane përmes CDI-së.

“Në kuadër të këtij projekti do të kemi tre rezervuar, dy stacione të pompimit dhe 24 km rrjet të ri përmes së cilit do të furnizohen me ujë Dumnicat dhe një pjesë e Stanovcit. I tërë projekti do të përfundoj deri në fund të muajt shtator. Janë mbi 3500 banorë në të dy anët që do të kyçen në këtë projekt të ujësjellësit. Pra për këta banorë sot është një ditë e bardhë”, ka njoftuar Tahiri.

Lajmet

Ekstradohet nga Shqipëria i dyshuari për grabitjen në Prizren

Published

10 minutes ago

September 12, 2025

UBTnews

Policia e Kosovës ka bërë të ditur se është ekstraduar nga Shqipëria një shtetas shqiptar, i cili dyshohet se ka qenë i përfshirë në një rast grabitjeje të ndodhur më 22 korrik 2022, në rrugën “Nazim Pulaj” në Prizren.

Sipas njoftimit, pas ekstradimit, i dyshuari është intervistuar në prani të avokatit mbrojtës dhe me vendim të prokurorit është dërguar në mbajtje.

“Më 11.09.2025 është ekstraduar nga Shqipëria i dyshuari shtetas i Shqipërisë pasi i njëjti dyshohet se ka qenë i përfshirë në një rast grabitje të ndodhur më 22.07.2022. I njëjti pas intervistimit në prezencë të avokatit me vendim të prokurorit është dërguar në mbajtje.” thuhet në njoftim./D.B/UBTNews

Lajmet

Ushtarët e Shqipërisë, pjesë e KFOR-it, nisen për në Kosovë

Published

47 minutes ago

September 12, 2025

UBTnews

Ministri i Mbrojtjes i Shqipërisë, Pirro Vengu ka nisur mëngjesin e së premtes me disa foto të ushtarëve shqiptarë në misionin e KFOR-it, teksa rrugën e kishin nisur për Kosovë.

Përmes një postimi në Facebook, Vengu thotë se djemtë dhe vajzat e Shqipërisë që janë pjesë e KFOR-it, çdo ditë mbajnë lart flamurin dhe vlerat në shërbim të paqes dhe sigurisë.

“Mirëmëngjes nga Kosova me djemtë dhe vajzat tona në misionin e KFOR ku çdo ditë mbajnë lart flamurin dhe vlerat tona në shërbim të paqes dhe sigurisë”, ka shkruar ai./D.B/EO

Lajmet

Policia shqipton mbi 2000 gjoba brenda 24 orëve të fundit

Published

49 minutes ago

September 12, 2025

UBTnews

Policia e Kosovës ka shqiptuar 2233 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 41 aksidente trafiku me dëme materiale, 24 aksidente trafiku kanë përfunduar me të lënduar.

Policia e Kosovës ka arrestuar 16 persona, 14 janë dërguar në mbajtje, kurse një person është në vuajtje të dënimit./D.B/KP

Aktualitet

Shtetet që po shqyrtojnë tërheqjen nga Eurovision nëse Izraeli lejohet të marrë pjesë

Published

2 hours ago

September 12, 2025

UBT News

Irlanda, Spanja dhe Sllovenia kanë shprehur kundërshtimin e tyre ndaj përfshirjes së mundshme të Izraelit në Eurovision 2026, duke rritur mundësinë e tërheqjeve.

Në një deklaratë, transmetuesi kombëtar irlandez RTE tha se Irlanda nuk do të marrë pjesë në Festivalin e Këngës Eurovision 2026 nëse pjesëmarrja e Izraelit vazhdon, dhe vendimi përfundimtar në lidhje me pjesëmarrjen e Irlandës do të merret pasi të merret vendimi i EBU-së (Bashkimi Evropian i Transmetimeve), shkruan Anadolu.

Transmetuesi nënvizoi se pjesëmarrja e Irlandës do të ishte e paarsyeshme duke pasur parasysh humbjen e vazhdueshme dhe të tmerrshme të jetëve në Gaza.

Të hënën, Ministri i Kulturës i Spanjës, Ernest Urtasun, hapi publikisht derën e daljes së vendit nëse Izraeli nuk përjashtohet.

Të premten, transmetuesi publik i Sllovenisë, RTV Slovenija, njoftoi se vendi nuk do të marrë pjesë në Eurovision 2026 nëse Izraelit i lejohet të kthehet vitin e ardhshëm./S.K/KP/