Lajmet

​Ngritja e çmimit të faturave, KMDLNj: Diskriminim në baza etnike

KMDLNj thekson se diskriminimi i qytetarëve në baza etnike është në kundërshtim të plotë me të drejtat e njeriut.

Publikuar

Këshilli për Mbrojtjen e të Drejtave e të Lirive të Njeriut ka reaguar pas vendimit të ZRrE, për rritjen e çmimit të energjisë elektrike, duke thënë se kjo rritje nuk i prekë as edhe për një cent të vetëm serbët të cilët, që nga përfundimi i luftës asnjëherë nuk e kanë paguar rrymën, ujin, mbeturinat dhe shërbimet tjera, në ndërkohë që kanë punuar për interese të Serbisë dhe kundër institucioneve të Kosovës.

KMDLNj thekson se diskriminimi i qytetarëve në baza etnike është në kundërshtim të plotë me të drejtat e njeriut dhe vepër penale e kjo po ndodhë në Kosovë, shqiptarët dhe joserbët janë të detyruar të paguajnë të gjitha faturat, kurse serbët këtë nuk e bëjnë, që nga përfundimi i luftës e deri më tani.

“Në një vend normal ku ka aktivizëm qytetarë dhe deputetë të ndërgjegjshëm dhe të përgjegjshëm, asnjë qeveri nuk do t’i mbijetonte presionit të arsyeshëm shkaku i diskriminimit të lakuriquar në baza etnike. Po nëse ky veprim do t’iu bëhej serbëve, rasti do të shkonte deri te Kombet e Bashkuara”, thuhet në reagim.

Reagim i KMDLNj – së:

PLAÇKITËS TË PASKRUPULLT!

ZRrE, ashtu siç e kishte paralajmëruar opinionin KMDLNj –ë, dje mori vendim që faturat e rrymës vetëm për shqiptarë dhe joserbë të rriten afërsisht 15,4 përqind që ishte më shumë se 2.5 përqind nga kërkesa fillestare për rritje të çmimit të energjisë elektrike. Natyrisht se kjo rritje nuk i prekë as edhe për një cent të vetëm serbët të cilët, që nga përfundimi i luftës asnjëherë nuk e kanë paguar rrymën, ujin, mbeturinat dhe shërbimet tjera në ndërkohë që kanë punuar për interese të Serbisë dhe kundër institucioneve të Kosovës. Që nga përfundimi i luftës e deri më sot, me lirimin nga pagesa për këto detyrime për të cilat shqiptarët dhe joserbët, pavarësisht gjendjes së rëndë ekonomike, nëse nuk i kanë paguar me kohë kanë përfunduar në gjykatë apo te përmbaruesi. Ka pasur raste kur përmbaruesit ua kanë ndalur mjetet e ndihmës sociale dhe të pensioneve, për t’i shlyer borxhet për faturat e papaguara në ndërkohë që me këto mjete të falura nga të gjitha qeveritë e Kosovës, sidomos në veri ka lulëzuar krimi i organizuar i kultivimit të bimëve narkotike dhe prodhimit të kriptovalutave për të cilat nevojitet një sasi e madhe e rrymës. Një kohë të gjatë, operatori KEDS –i dhe KESCo kanë plaçkitur qytetarët e Kosovës duke ua fryrë faturat e rrymës dhe me ato mjete ua kanë paguar rrymën serbëve të rebeluar. Sigurisht se në këtë mënyrë kanë vepruar edhe me shërbimet tjera. Avokati i Popullit dhe KMDLNj –ë e patën denoncuar këtë plaçkitje pas së cilës Gjykata Kushtetuese ka vlerësuar se është e kundërligjshme duke rekomanduar që menjëherë të ndërpritet me këtë vjedhje institucionale të qytetarëve të Kosovë, në dobi të serbëve. KMDLNj –ë, në takim me ish – kryeministrin Ramush Haradinaj ka kërkuar që qytetarët të kompensohen për dëmin që iu ishte bërë përmes fryerjes së faturave, ishte një premtim se do të ktheheshin ato mjete përmes faturave të rrymës por se asgjë nuk u bë në këtë drejtim. Plaçkitja e qytetarëve atëherë, pa asnjë dyshim ishte vepër penale por nuk ishte ndërmarrë asnjë veprim nga Prokuroria e Shtetit përkundër faktit se kjo vjedhje ishte bërë publike dhe këtë e kishin pohuar edhe zyrtarët e operatorit. Sigurisht se politika vendore dhe ndërkombëtare nuk e kishte lejuar këtë hetim. ZRrE, kurrë dhe asnjëherë nuk ka qenë në mbrojtje të interesit të qytetarëve por gjithmonë sikur edhe tani është në mbrojtje të interesit të operatorëve si dhe serbëve që nuk e paguajnë rrymën e shpenzuar. Arsyetimi i tyre se, nëse nuk do të kishte rritje të çmimit për rrymën e shpenzuar për shqiptarët dhe joserbët, atëherë do të kishte reduktime është arsyetim i paqëndrueshëm dhe mashtrim i opinionit aq më parë që, me përmirësimin e kohës, kërkesa për rrymë bie dhe nuk rritet. Është e vërtetë që Kosova e shet rrymën vazhdimisht duke shkaktuar mungesë të rreme në treg ndërsa e paguan më shtrenjtë kur përballet me protesta apo paralajmërim të tyre. Kryetari i Bodit të ZRrE është i pasinqertë dhe mashtrues kur sajon arsyetime për shtrenjtim të rrymës dhe e favorizon krimin e organizuar në veri duke ua paguar rrymën e shpenzuar pa asnjë kriter, pa asnjë kufizim dhe pa asnjë reduktim. Kryetari i këtij ekipi plaçkitësish të paskrupullt të buxhetit të shtresave më të rrezikuara në mënyrë flagrante i shkelë të drejtat e njeriut të qytetarëve të Kosovës duke ua lejuar faturimin e rrymës ekskluzivisht në baza etnike. Në një vend normal, jo që do të shkarkohej por do të hetohej penalisht për diskriminim të qytetarëve. Qeveria e Kosovës, përmes ministrave krejtësisht të padijshëm, përpiqet të heq përgjegjësinë nga kjo ngritje e çmimit të rrymës me arsyetimin se ZRrE është institucion i pavarur ndonëse nuk ka lënë vend pa i futur hundët dhe pa ushtruar ndikim.

Qytetarët e Kosovës duhet të mendojnë mirë e mirë se kujt do t’i japin votën në zgjedhjet e radhës sepse deputetët e legjislatures aktuale nuk kanë bërë asgjë për të mbrojtur interesat e qytetarëve – votuesve të mundshëm. Në një gjendje të rënduar ekonomike ku një ministër, pa asnjë kredibilitet profesional dhe moral e rritë tatimin në pronë mbi 100 përqind dhe luan ping – pong me komunat duke dhunuar buxhetin e qytetarëve të Kosovës dhe që pastaj, si Robin Hudi del me propozim (pa asnjë bazë ligjore) që komunat t’ua falin nga 100 euro qytetarëve për tatim në pronë, ky ministër do të fluturonte nga qeveria, si mashtrues dhe manipulues. Sot, në Kosovë ky veprim llogaritet si virtyt, për fat të keq. E kanë gjetur një modus vivendi për ta materializuar një përfitim material që iu përshtatet edhe qeverisë së Kosovës, edhe komunave në Kosovë. Hiç këtu serbët që duke shfrytëzuar përfitime jonormale, në dëm të shqiptarëve dhe joserbëve janë shndërruar në “nebeski narod – popull hyjnor“. E tërë Franca, qe një kohë është në këmbë duke protestuar për të drejtat ekonomike dhe sociale sikur që edhe Gjermania ka hyrë në grevë të përgjithshme, gjithashtu duke kërkuar rritje të pagave për të përballuar rritjen e çmimeve.

Në Kosovë ku pensionet që iu jepen atyre që me punë i kanë merituar dhe kanë kontribuar për shtetndërtim, paraqesin turp dhe nënçmim. Gjithashtu edhe ndihmat sociale sikur edhe kompensimet që jepen për grupet e margjinalizuara, veteranët e luftës, familjet e të pagjeturve, viktimat e dhunës seksuale nuk mjaftojnë as për të mbuluar shpenzimet minimale e lëre më për një jetë të dinjitetshme apo edhe për një vdekje të dinjitetshme. Qytetarët e Kosovës janë lënë pa asnjë mbrojtje dhe pa asnjë përkrahje në aspektin social dhe material dhe, përveç kundërshtimeve verbale të çastit, me asgjë nuk e kundërshtojnë këtë diskriminim sikur që e bëjnë në Francë dhe Gjermani ku, cilësia e jetës është në nivel shumë më të lartë se në Kosovë.

Diskriminimi i qytetarëve në baza etnike është në kundërshtim të plotë me të drejtat e njeriut dhe vepër penale e kjo po ndodhë në Kosovë , shqiptarët dhe joserbët janë të detyruar të paguajnë të gjitha faturat (edhe duhet t’i paguajnë) kurse serbët këtë nuk e bëjnë, që nga përfundimi i luftës e deri më tani. Në një vend normal ku ka aktivizëm qytetarë dhe deputetë të ndërgjegjshëm dhe të përgjegjshëm, asnjë qeveri nuk do t’i mbijetonte presionit të arsyeshëm shkaku i diskriminimit të lakuriquar në baza etnike. Po nëse ky veprim do t’iu bëhej serbëve, rasti do të shkonte deri te Kombet e Bashkuara.

Sot, të drejtat e njeriut e kanë humbur kuptimin në Kosovë, ato janë vetëm në letër!

Lajmet

Rizvanolli: Prioritet i yni është investimi në kapacitete të reja gjeneruese nga burimet e ripërtritshme

Kompanitë që kanë ofertuar në këtë ankand janë nga Franca, Turqia, Egjipti dhe Zvicra e Kosova.

Publikuar

nga

Ministria e Ekonomisë ka përmbyllur me sukses procesin ofertues për Ankandin Solar Fotovoltaik (FV) prej 100 MW, me ç’rast kanë ofertuar pesë kompani vendore e ndërkombëtare. Kompanitë që kanë ofertuar në këtë ankand janë nga Franca, Turqia, Egjipti dhe Zvicra e Kosova.

Me këtë rast, ministrja e Ekonomisë, Artan Rizvanolli, tha se prioriteti i dikasterit që ajo e udhëheq është investimi në kapacitet të reja gjeneruese nga burimet e ripërtritshme të energjisë.

“Që nga fillimi i mandatit kemi theksuar e pastaj e kemi konfirmuar edhe në strategjinë se investimi në kapacitet të reja gjeneruese nga burimet e ripërtritshme të energjisë do të jetë prioritet dhe se ky do të mbështet në procese konkurruese ferr e transparente që përfundimisht sjellin çmime më të ulëta. Kështu ne sigurojmë përballueshmerinë për qytetarët, përderisa forcojmë sigurinë e furnizimit dhe qëndrueshmërinë e sektorit me përfshirjen e sektorit privat. Qëllimi ynë ishte që të kemi një projekt të madh që të sigurohemi se ekonomia e shkallës garanton një çmim sa më të volitshëm për qytetarët tanë. Insistuam që ankandi të bëhet në një tokë publike, një lokacion specifik të paracaktuar ashtu që secilit t’i jepet mundësia e barabartë, dhe te sigurohemi që shfrytëzimi i pronave të jetë sa më efikas, pra për prodhimin e energjisë të pastër, të mos e bëjë në kurriz të humbjes së tokave bujqësore, ose që mund të përdoret për aktivitete tjera”, u shpreh Rizvanolli.

E ushtruesja e detyrës së drejtoreshës së Misionit të USAID-it, Kerry Monaghan Higler, tha se lansimin e këtij ankandi tregon zotimin e Kosovës drejt një sistemi energjetik të qëndrueshëm.

“Një e ardhme ku ajri është më i pastër, energjia më e besueshme dhe ekonomia vazhdon të rritet. Ky ankand 100MW historik tregon zotimin e Kosovës drejt një sistemi energjetik të qëndrueshëm. Gjithashtu do të ofrojë përfitime të tjera, siç është edhe krijimi i vendeve të punës. Derisa janë këto kompani, vërehet se ka një interesim të rritur të investitorëve në Kosovë, që urojmë të rritet në të ardhmen”, deklaroi ajo.

Vazhdo të lexosh

Lajmet

Mblidhet Kryesia e Kuvendit, në rend dite formimi edhe i një Komisioni Hetimor

Në rend dite janë votimi i disa marrëveshjeve ndërkombëtare si dhe themelimi i një Komisioni Hetimor Parlamentar.

Publikuar

nga

Kryesia e Kuvendit është mbledhur të premten për të caktuar seancën e re. Në rend dite janë votimi i disa marrëveshjeve ndërkombëtare e themelimi i Komisionit Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024.

Rendi i ditës:

I. Miratimi i procesverbalit të mbledhjes së mëparshme të Kryesisë së Kuvendit, 

II. Propozimi i rendit të ditës për Seancën plenare të radhës:

1.    Miratimi i procesverbalit nga seanca e mëparshme,
2.    Deklarimet jashtë rendit të ditës,
3.    Pyetjet parlamentare,
4.    Themelimi i Komisionit Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024,
5.    Votimi i Projektligjit nr.08/L-234 për ratifikimin e Marrëveshjes së kredisë për programin e financave publike dhe rritjes ekonomike ndërmjet Republikës së Kosovës dhe Fondit OPEC për Zhvillim Ndërkombëtar,
6.    Votimi i Projektligjit nr.08/L-236 për ratifikimin e Traktatit ndërmjet Republikës së Kosovës dhe Mbretërisë së Danimarkës për shfrytëzimin e institucionit korrektues në Gjilan me qëllim të ekzekutimit të dënimeve daneze,
7.    Votimi i Projektligjit nr.08/L-253 për Aderimin e Republikës së Kosovës në Konventën për Importin e Përkohshëm,
8.    Votimi i Projektligjit nr.08/L-254 për ratifikimin e Marrëveshjes ndërkombëtare ndërmjet Kosovës nga njëra anë dhe Bashkimit Evropian nga ana tjetër për pjesëmarrjen e Kosovës në Programin e bashkimit programi i tregut të vetëm,
9.    Votimi i Projektligjit nr. 08/L-259 për Ratifikimin e Marrëveshjes së Financimit ndërmjet Republikës së Kosovës, e përfaqësuar nga Ministria e Financave, Punës dhe Transfereve, dhe Asociacionit Ndërkombëtar për Zhvillim për projektin “Projekti për forcimin e qeverisjes digjitale për ofrimin e shërbimeve”,
10.    Votimi i Projektligjit nr.08/L-263 për ratifikimin e Marrëveshjes për sigurime sociale ndërmjet Republikës së Kosovës dhe Mbretërisë së Holandës,
11.    Votimi i Projektligjit nr.08/L-271 për  ratifikimin e Marrëveshjes ndërkombëtare ndërmjet Qeverisë së Kosovës, të përfaqësuar nga Ministria e Financave, Punës dhe Transfereve dhe Qeverisë së Konfederatës Zvicerane, të përfaqësuar nga Sekretariati shtetëror për çështje ekonomike për Projektin e “qëndrueshmërisë klimatike në sektorin e ujërave në Kosovë”,
12.    Votimi i Projektligjit nr.08/L-273 për  ratifikimin e Marrëveshjes së financimit në mes të Republikës së Kosovës, përfaqësuar nga Ministria e Financave, Punës dhe Transfereve, Korporata Energjetike e Kosovës (KEK), dhe KFW, Frankfurt Am Main, për Programin e energjisë solare I (solar4kosovo I) Fotovoltaik,
13.    Votimi i Projektligjit nr.08/L-281 për ratifikimin e Marrëveshjes ndërkombëtare,  për  pjesëmarrjen e Kosovës në programin e Bashkimit Evropian “Evropa digjitale për periudhën 2021-2027” ndërmjet Republikës së Kosovës dhe Bashkimit Evropian,
14.    Shqyrtimi i Projektligjit nr.08/L-270 për ratifikimin e Marrëveshjes ndërmjet Republikës së Kosovës dhe Bashkimit Evropian mbi pjesëmarrjen e Kosovës në Programin e BE-së qytetarët, barazia, të drejtat dhe vlerat,
15.    Shqyrtimi i Projektligjit nr.08/L-280 për ratifikimin e “amendamentimit nr.3 të Marrëveshjes financiare ndërmjet Republikës së Kosovës dhe Bashkimit Evropian për programin IPA 2015”,
16.    Shqyrtimi i Projektligjit nr.08/L-293 për ratifikimin e “Marrëveshjes së bashkëfinancimit për hartimin e Projektit për ndërtimin e tunelit në rrugën Tetovë-Prizren”,
17.    Shqyrtimi i Projektligjit nr.08/L-292 për ratifikimin e Marrëveshjes ndërmjet Republikës së Kosovës dhe Bashkimit Evropian për pjesëmarrjen e Kosovës në programin e Bashkimit Evropian “Drejtësia”,
18.    Votimi në lexim të dytë i Projekt Kodit doganor dhe të akcizave, nr. 08/L-247,
19.    Votimi në lexim të dytë i Projektligjit nr. 08/L-211 për Verëra,
20.    Votimi në lexim të dytë i Projektligjit nr.08/L-212 për shëndetin riprodhues dhe fertilizim të asistuar mjekësor,
21.    Shqyrtimi i dytë i Projektligjit nr.08/L-258 për promovimin e përdorimit të burimeve të ripërtërishme të energjisë,
22.    Votimi në parim i Projektligjit nr.08/L-266 për gjendjen civile,
23.    Votimi në parim i Projektligjit nr.08/L-268 për shpronësimin e pronës së paluajtshme,
24.    Shqyrtimi i parë Projektligjit nr.08/L-284 për shqyrtimin administrativ të akteve të komunave,
25.    Shqyrtimi i parë i Projektligjit nr.08/L-285 për dhënien në shfrytëzim dhe këmbim të pronës së paluajtshme të komunës,
26.    Shqyrtimi i parë i Projektligjit nr.08/L-291 për Gjykatën Administrative,
27.    Shqyrtimi i parë i Projektligjit nr.08/L-279 për Inspektoratin qendror të mbikëqyrjes së tregut,
28.    Shqyrtimi i parë i Projektligjit nr.08/L-288 për mbrojtjen e konsumatorit,
29.    Votimi i Programit Kombëtar të Shkencës 2023/2028,
30.    Votimi për themelimin e Komisionit Hetimor Parlamentar mbi përgjegjësitë ekzekutive të Ministrisë së Drejtësisë në raport me zjarret e dyshimta në Institutin e Mjekësisë Ligjore, zhdukjen e mostrave në rastin e Astrit Deharit dhe çdo veprimi e mosveprimi të kësaj ministrie që ka cenuar pavarësinë dhe përgjegjësitë ligjore të këtij instituti,
31.    Shqyrtimi i rekomandimeve nga mbikëqyrja e zbatimit të Ligjit nr.08/L-021 për tregti me jashtë,
32.    Shqyrtimi i Rekomandimeve lidhur me Raportin e auditimit të performancës “Prokurimet e negociuara pa publikim të njoftimit për kontratë në Ministrinë e Mjedisit, Planifikimit Hapësinor dhe Infrastrukturës për vitin 2021”,
33.    Shqyrtimi i Rekomandimeve për Raportin e auditimit të performancës “Renovimi dhe konfigurimi i stadiumit të qytetit në Mitrovicë, Gjilan dhe Gjakovë”,
34.    Shqyrtimi i Raportit vjetor të Ndërmarrjes Publike, Operatori i Sistemit, Transmisionit dhe Tregut, për vitin 2022,
35.    Shqyrtimi i Projekt-Deklaratës për raportet e Republikës së Kosovës me Shtetet e Bashkuara të Amerikës,
36.    Shqyrtimi i Projektrezolutës për vlerësimin e punës së Radiotelevizionit të Kosovës për vitin 2022,
37.    Shqyrtimi i Projektrezolutës për vlerësimin e punës së Autoritetit të Konkurrencës i Republikës së Kosovës për vitin 2022,
38.    Themelimi i Komisionit Ad-Hoc për përzgjedhjen e kandidatëve për një (1) anëtar të Bordit të Radiotelevizionit të Kosovës,
39.    Zgjedhja e anëtarëve të Bordit të Komisionit të Pavarur për Miniera dhe Minerale,
40.    Zgjedhja e një (1) anëtari të Këshillit Prokurorial të Kosovës, përfaqësues nga Oda e Avokatëve të Kosovës,
41.    Shqyrtimi i Projekt-rezolutës për adresimin e çështjes së emigrimit të qytetarëve nga Republika e Kosovës,
42.    Shqyrtimi i Projekt-Rezolutës për tre vjet qeverisje.

III. Pika e papërfunduar nga Seanca e Jashtëzakonshme, e mbajtur më 28 mars 2024:

1.    Votimi për themelimin e Komisionit Hetimor Parlamentar për procedurat e prokurimeve të negociuara pa publikim të njoftimit për kontratë, në ministri dhe në ndërmarrje publike qendrore.

IV. Shqyrtimi i propozimeve dhe i kërkesave

Vazhdo të lexosh

Lajmet

Kurti thotë se Kosova po përforcohet si destinacion i preferuar për investime në energji

I pari i ekzekutivit theksoi se kapacitetet e energjisë elektrike përkojnë me zhvillimin ekonomik të një shteti.

Publikuar

nga

Kryeministri i Kosovës, Albin Kurti, pas përmbylljes së procesit ofertues për Ankandin Solar Fotovoltaik prej 100 megavatëve, ka deklaruar se Kosova po përforcohet si destinacion i preferuar për të investuar në energji elektrike.

I pari i ekzekutivit theksoi se kapacitetet e energjisë elektrike përkojnë me zhvillimin ekonomik të një shteti dhe se çdo megavat i ri i instaluar paraqet një potencial më të madh të prodhimit e të rritjes ekonomike.

Në ankandin elektronik për projektin e parë solar prej 100 megavateve, ai tutje tha se si qeveri synojnë të punojnë dhe të krijojnë një sektor energjetik që është i sigurt e që vendos qytetarin e Kosovës në qendër.

“Pesë kompani nga Franca, Turqia, Egjipti dhe Zvicra e Kosova, të gjitha lidere të sektorit, asnjëra këtu nuk është rastësisht. Përgjatë më se një viti, institucionet e Kosovës të udhëhequra nga Ministria e Ekonomisë, kanë punuar me mund dhe nder për të zhvilluar një proces transparent dhe të barabartë. Rezultatet e kësaj pune tashmë po i gëzojmë jo vetëm me përmbylljen e ankandit tonë të parë, por me përforcimin e statusit të vendit tonë si destinacion i preferuar për investime në energji, falë politikave stabile të ambientit të sigurtë për të bërë biznes. Kapacitetet e energjisë elektrike përkojnë me zhvillimin ekonomik të një shteti. Çdo megavat i ri i instaluar paraqet një potencial më të madh të prodhimit e të rritjes ekonomike si dhe të përmirësimit të mirëqenies sociale. Për ne, zhvillimi i megavatëve është edhe pasqyrë e parimeve të qeverisjes. Si qeveri synojmëe të punojmë e të krijojmë një sektor energjetik që është i sigurt, që e vendos qytetarin e Kosovës në qendër e që ec në hap me zhvillimet botërore. Ankandi solar 100 megavatësh është pasqyrim i këtyre synimeve”, u shpreh Kurti.

Kryeministri tutje tha se Parkun Solar kanë vendosur ta ndërtojnë në tokë publike, pasi siç tha ai, publikes do t’i shërbejë.

“Themi për një sektor energjik të sigurt sepse po i shtojmë 100 megavatë të ri në prodhimin tonë të energjisë. Themi për një sektor energjetik që vendos qytetarin në qendër të tij, sepse me zgjedhjen e procedurës konkurruese jemi siguruar që do të nxjerrim çmimin më të ulët për blerjen e energjisë. Kjo energji do të jetë e pastër e do të mbrojë mjedisin dhe shëndetin e secilit. Parkun Solar kemi vendosur ta ndërtojmë në tokë publike sepse publikës do t’i shërbejë. Për herë të parë në rajonin tonë po zhvillojmë një proces si ky i sotmi ku çmimet do të jepen në kohë reale e transparencë të plorë. E gjithë kjo nuk do të ishte e mundur pa përkushtimin e Ministrisë së Ekonomisë, institucioneve të tjera të përfshira dhe bashkëpunimin me asistencë nga USAID-i”, tha Kurti.

Vazhdo të lexosh

Lajmet

Takimi në Bruksel, Bislimi nuk deklarohet për propozimet për dinarin

I pyetur se cilat kanë qenë propozimet që i kanë dhënë në takimin e mbajtur të hënën në Bruksel, ai nuk ka dhënë përgjigje.

Publikuar

nga

Zëvendëskryeministri Besnik Bislimi nuk është deklaruar për media për propozimet që kanë bërë për dinarin në takimet e mbajtura së fundi në Bruksel.

I pyetur se cilat kanë qenë propozimet që i kanë dhënë në takimin e mbajtur të hënën në Bruksel, ai nuk ka dhënë përgjigje.

Ndryshe Kosova dhe Serbia ende nuk kanë arritur përparim për çështjen e dinarit serb ndonëse është paralajmëruar edhe një takim i ri për javën e ardhshme për këtë çështje.

Vazhdo të lexosh

Të kërkuara