Lajmet

​Nga e shtuna mbi 25 mijë qytetarë hynë në Kosovë përmes Aeroportit të Prishtinës

Published

6 years ago

on

Përkundër masave dhe situatës me pandeminë COVID-19, numri i bashkatdhetarëve që ia kanë mësyrë Kosovës është mjaft i madh. Vetëm sot në Aeroportin e Prishtinës “Adem Jashari” pritet të realizohen 57 fluturime vajte-ardhje. E nga vikendi i kaluar e deri dje në Kosovë kanë arritur mbi 25 mijë udhëtarë.

Zyrtari për informim në Aeroportin Ndërkombëtar të Prishtinës “Adem Jashari”, Bujar Gashi për KosovaPress ka thënë se deri më 27 dhjetor pritet të realizohen 280 fluturime që kryesisht janë bashkatdhetarë që vijnë për pushime nga Zvicra e Gjermania.

“Që nga vikendi që lamë pas, vërehet një rritje e numrit të udhëtarëve dhe po ashtu edhe i fluturimeve. Nga e shtuna deri ditën e mërkurë përmes Aeroportit Ndërkombëtar të Prishtinës kanë arritur mbi 25 mijë udhëtarë, ndërsa pritet që nga data 19 deri më datën 27 të këtij muaji të realizohen 280 fluturime. Numri më i madh i fluturimeve të udhëtarëve është nga Zvicra, kryesisht nga Bazel, Cyrih dhe Gjeneva dhe më pas vijon Gjermania. Fundjavën që lamë pas i kishim mbi 150 fluturime, numri më i madh i tyre është nga shteti i Zvicrës. Sot gjatë ditës pritet të realizohen rreth 57 fluturime vajtje-ardhje, ku prapë Zvicra mbetet një nga vendet me numrin më të madh të qytetarëve dhe fluturimeve”, tha ai.

Gashi ka theksuar se të gjitha masat antiCOVID-19, të vendosura nga institucionet përgjegjëse në Kosovë, po respektohen me përpikëri.

“Secili qytetar që arrin në Kosovë duhet ta paraqesë testin PCR negativ, përndryshe i kërkohet që udhëtari në fjalë të vetizolohet për shtatë ditë”, tha ai.

Pushimet verore nuk i kaloi në Kosovë, por Burim Hasani nuk e humbi mundësinë që disa ditë për fundvit t’i kalojë në vendlindje.

“Dashuria e madhe për vendin kemi nënën vëllezërit të gjithë…Nuk kemi mundur të vijmë (gjatë verës) do të qëndrojmë vetëm katër ditë”, tha ai.

E rrugën për vendlindje e kishte marrë edhe Fadil Zhitia, i cili tha se përkundër rrezikut nga pandemia, ai vendosi të vijë për festat e fundvitit në Kosovë.

“Mirë kaluam e kemi bërë një gabim verës që nuk kemi ardhur. Përkundër pandemisë kemi ardhur, fluturimi ka qenë i qetë, na kanë pritur mirë dhe na kanë informuar se duhet bërë testin pasi të shkojmë në komunat nga vijmë”, deklaroi ky bashkatdhetar./KP

Related Topics:
Continue Reading

Vendi

Raportohet zhdukja e dy personave në Viti

Published

2 minutes ago

on

October 23, 2026

By

Në të dhënat e raportit 24-orësh të Policisë së Kosovës raportohet se kanë nisur hetimet se dy persona janë larguar nga shtëpia e tyre dhe nuk dihet asgjë për vendndodhjen e tyre.

Rasti po trajtohet nga njësitet përkatëse policore. /E.A/

Continue Reading

Lajmet

Vazhdojnë punimet e Kongresit të 67-të të EOQ-së në UBT: Ekspertët vendorë dhe ndërkombëtarë diskutojnë për të ardhmen e cilësisë

Published

8 minutes ago

on

October 23, 2026

By

Në Parkun Shkencor, Inovativ dhe Teknologjik të UBT-së edhe sot do vazhdojnë punimet e Kongresit të 67-të të Organizatës Evropiane për Cilësi (EOQ), ngjarja më e madhe ndërkombëtare e këtij fusha që po mbahet për herë të parë në Kosovë.

Dita e sotme po shoqërohet me sesione të ngjeshura tematike, ku ekspertë të njohur vendorë dhe ndërkombëtarë, akademikë e profesionistë po paraqesin punimet dhe hulumtimet e tyre. Diskutimet kryesore po përqendrohen në transformimin e menaxhimit të cilësisë në epokën e Inteligjencës Artificiale, ruajtjen e besimit institucional, inovacionin e qëndrueshëm dhe integrimin e vlerave njerëzore në zhvillimin teknologjik.

Kjo ngjarje pason hapjen zyrtare nga Rektori i UBT-së Edmond Hajrizi, njëherësh edhe Zëvendëspresident i EOQ-së, i cili u shpreh se cilësia duhet të transformohet nga një koncept tradicional certifikimi në një forcë strategjike për zhvillim e inovacion.

“Cilësia duhet të bëhet një kapacitet strategjik dhe të mbetet e lidhur ngushtë me vlerat njerëzore, sepse përparimi teknologjik pa besim është i brishtë, ndërsa inovacioni pa përgjegjësi është i paplotë,” theksoi Rektori Hajrizi.

Punimet e kongresit do të vazhdojnë përgjatë gjithë ditës me panele diskutimi dhe tryeza të rrumbullakëta, duke shërbyer si një platformë kyçe për shkëmbimin e përvojave evropiane dhe avancimin e standardeve të cilësisë në Kosovë e më gjerë.

Continue Reading

Vendi

Hetim mbi vdekjen e një personi në Prishtinë

Published

23 minutes ago

on

October 23, 2026

By

Policia e Kosovës ka nisur hetimet për një rast të cilësuar si “Hetim mbi vdekjen”.

Ngjarja ka ndodhur pasi një person është dërguar në gjendje të rëndë shëndetësore në QKUK.

Ekipi mjekësor ka konstatuar më pas vdekjen e tij. Me vendim të prokurorit, trupi i pajetë është dërguar në IML për obduksion. Kjo bëhet e ditur në raportin 24-orësh të Policisë. /E.A/

Continue Reading

Lajmet

Konfiskohet lëndë narkotike dhe armë në Podujevë, arrestohet një i dyshuar

Published

25 minutes ago

on

October 23, 2026

By

Siç bëhet e ditur në raportin 24-orësh të policisë, një person është arrestuar gjatë kontrollit në një objekt në Podujevë, ku janë gjetur dhe sekuestruar 428 gramë marihuanë, 0.3 gramë kokainë, 18 cigare elektrike me përmbajtje THC, si dhe një pistoletë me dy fishekë dhe një peshore. 3

I dyshuari është dërguar në mbajtje me vendim të prokurorit. /E.A/

Continue Reading

Të kërkuara