Sport

​Neymar ndryshon mendimin e tij, do që të vazhdojë me PSG-në

Published

on

Neymar ka konfirmuar hapur dëshirën e tij për të qëndruar në Paris Saint-Germain dhe për të zgjatur kontratën e tij, dhe shpreson që Kylian Mbappe të bëjë ta njëjtën gjë.

Sulmuesi brazilian ka qenë në bisedime me klubin për të zgjatur qëndrimin e tij në “Parc des Princes”, e cila aktualisht do të skadojë vitin e ardhshëm.

Koha e Neymar në PSG nuk ka qenë gjithmonë stabile, me tifozët e klubit duke i thënë publikisht që të largohej pasi ai dorëzoi një kërkesë për largim në verën e vitit 2019 dhe u paraqit me vonesë për trajnimin para-sezonal.

Por në një intervistë për “TF1”, ai dukej i vendosur të linte pas shpine uljet dhe ngritjet e së kaluarës së tij dhe të shkëlqente nën menaxherin e ri Mauricio Pochettino së bashku me Kylian Mbappen.

“Unë jam shumë i lumtur sot,” tha ai. “Ndihem i lumtur. Gjërat kanë ndryshuar shumë, nuk mund ta shpjegoj saktësisht pse. Nëse jam vetëm unë, ose diçka tjetër ka ndryshuar”, tha ai.

“Por sot, unë jam duke u ndjerë mirë. Jam adaptuar. Ndihem më i qetë dhe jam shumë i lumtur këtu. Unë dua të qëndroj në PSG, dhe shpresoj se edhe Kylian do të qëndrojë gjithashtu. Sigurisht, kjo është dëshira e çdo mbështetësi të PSG-së”, ka vazhduar ylli brazilian.

“Ne duam që PSG të jetë një ekip i shkëlqyeshëm, dhe unë dua të vazhdoj të bëj atë që kam bërë çdo ditë në Paris, të luaj futboll dhe të jem i lumtur. Kjo është gjëja më e rëndësishme.”, ka thënë në fund Neymar.

Sport

Në konferencën e parë te Milani, Jashari: Rrënjët shqiptare më japin forcë, Xhaka mbetet shembull i madh për mua

Published

on

Ardon Jashari ka dhënë konferencën e parë për media si futbollist i Milanit, ku ka folur për emocionet e transferimit te gjiganti italian, por edhe për lidhjen e tij me Granit Xhakën dhe rrënjët shqiptare.

Mesfushori i ri kuqezi nuk e fshehu respektin për kapitenin e Zvicrës, me të cilin ndan jo vetëm fushën e lojës, por edhe prejardhjen, shkruan Gazeta Express.

“Granit Xhaka ka një karrierë të madhe prapa vetes, por është ende një lojtar i mrekullueshëm. Gjithashtu, kam mësuar shumë nga ai. Ajo çfarë kemi të përbashkët është prejardhja jonë, rrënjët tona shqiptare. Ne jemi rritur me atë grintën, atë fuqinë dhe zjarrin brenda nesh që duam të fitojmë gjithçka. Nuk ka rëndësi nëse është ndeshje futbolli apo diçka tjetër”, tha Jashari para gazetarëve italianë.

21-vjeçari theksoi se kjo energji e vendosmëri do ta udhëheqin edhe në aventurën e re me Milanin, ku synon të lërë gjurmë të bëhet pjesë e historisë së klubit.

Me këtë deklaratë, Jashari jo vetëm që vuri në pah lidhjen e tij me Xhakën si model frymëzimi, por edhe krenarinë për origjinën shqiptare, që sipas tij i ka dhënë karakterin dhe forcën për të luftuar në çdo sfidë.

 

 

Continue Reading

Sport

Sezoni i ri në Superligë nis në fundjavë, ndeshje mjaft interesante na presin

Published

on

Sezoni 2025/26 në Superligën e Kosovës në futboll do të fillojë këtë fundjavë.

Katër ndeshje të dielën dhe një të hënën do të zhvillohen në kuadër të javës së parë.

Dukagjini do të jetë nikoqir i Prishtinës, Malisheva e pret Prishtinën e Re që debuton në Superligë, ndërsa Llapi do të udhëtojë për t’u ndeshur me Drenicën e inkuadruar në elitë këtë sezon.

Drita do ta nis mbrojtjen e titullit në udhëtim, ku përballet me Ferizajn, kurse Gjilani do të jetë nikoqir i nënkampionit, Ballkanit.

Të gjitha ndeshjet nisin nga ora 16:30.

Continue Reading

Sport

Andi Zeqiri në kërkim të një skuadre të re, dëshiron largimin nga kampionati belg

Published

on

Continue Reading

Lajmet

Sunderlandi e zyrtarizon kapitenin e ri Granit Xhaka

Published

on

Ylli kosovar Granit Xhaka i cili u transferua pak javë më parë në ekipin e Sunderlandit, po konsiderohet si një lider i lindur, pasi që përfaqësuesit zviceran iu besua edhe shiriti i kapitenit, duke e pasur parasysh lidershipin e tij dhe përvojën e madhe.

Madje klubi anglez përmes rrjeteve sociale e zyrtarizoi vendimin që mesfushorit me tipare defanzive t’ia besojë shiritin e kapitenit.

“Granit Xhaka, kapiten i ri i Sunderland AFC”, shkroi klubi anglez.

E ish-futbollisti i Baselit, Borussia Monchengladbachut, Arsenalit dhe Bayer Leverkusenit, tha se ndihet krenar që iu besua kjo përgjegjësi dhe privilegj.

“Më bën jashtëzakonisht krenar që jam kapiten i këtij klubi dhe i kësaj skuadre. Shpresoj të tregoj lidershipin tim brenda dhe jashtë fushës, duke ndihmuar shokët e mi të skuadrës në qendrën stërvitore dhe në të gjithë klubin”, u shpreh 32 vjeçari.

Continue Reading

Të kërkuara