

Kulturë
Nesër shfaqen 35 fotografi bardh e zi të familjarëve me personat e zhdukur
Anash fotografive bardhë e zi, janë të shoqëruara edhe thëniet e familjarëve që janë në kërkim të më të dashurve të tyre.
Published
3 years agoon
By
UBT.News“Me dorën time nuk e kam varros, e gjithmonë mendoj se është diku”, janë fjalët e djalit për babin e tij të zhdukur. Ai mban në dorë fotografinë e tij, si ndër të paktat kujtime që i kanë mbetur që nga viti 1998.
Që nga përfundimi i luftës, shumë dyer, të shumë familjeve në Kosovë vazhdojnë të qëndrojnë të hapura se një ditë të paktën do të dinë se ku i kanë eshtrat e më të dashurve të tyre.
Në Ditën Ndërkombëtarë të Personave të Zhdukur, Kryqi i Kuq i Kosovës do të ekspozojë 35 fotografitë e realizuara me familjarët e të zhdukurve.
Anash fotografive bardhë e zi, janë të shoqëruara edhe thëniet e familjarëve që janë në kërkim të më të dashurve të tyre.
Koordinatorja e programit, Adelinë Syla tregon se kjo ekspozitë është realizuar në shumë komuna.
“Aktiviteti ka filluar prej qershorit, kemi vizituar 35 familje, familjarëve të personave të zhdukur. Qëllimi kryesor ka qenë t’i bëjmë fotografitë me ta, në mënyrë që të bashkëndiejmë dhimbjen që kanë përjetuar që 23 vjet. Çështja e personave të zhdukur është çështje shumë e dhimbshme dhe e ndjeshme që familjarët përballen tash e sa kohë”, tregon ajo.
Fotografitë që do të shfaqen nesër në ekspozitë do të jenë bardhë e zi, gjë e cila tregon se sa e gjatë është pritja për familjarët.
“Vizitat nuk kanë qenë të lehta për shkak se edhe ne si Kryq i Kuq i Kosovës, pavarësisht se kemi pasur aktivitete të shumta me familjarët e personave të zhdukur, është e vështirë në momentin kur i viziton t’iu rikthehet atyre dhimbja ndër vite. Përzgjedhjen e kemi bërë përmes degëve tona, jemi munduar që të përfshijmë sa më shumë familjarë. Nuk kemi pasur mundësi t’i marrim të gjithë për shkak të numrit të madh. 35 deri në 40 ka qenë numri i paraparë. Jemi munduar që të marrim dy-tre familjarë prej secilës komune”, tha ajo.
23 vjet pas luftës, shumë familje në Kosovë po jetojnë me dhimbje, pritje e ankth.
“Të gjitha rastet që ende janë të pazgjidhura, familjarët ende nuk janë asnjëherë komplet. Gjithmonë iu mungon diçka, gjithmonë janë në pritje. Gjatë vizitave që kemi pasur, kemi parë se në momentin që hapet dera, ata gjithmonë presin mos ka ndonjë lajm”, tha Syla.
Pas vizitave të shumta te familjarët e personave të zhdukur, Kryqi i Kuq gjatë ditës së nesërme do të ekspozojë fotografi të realizuara me familjarët.
“Ekspozita do të shfaqet te “Sheshi Skënderbeu”, afër Kuvendit të Kosovës. Do të jetë e hapur nga ora 09:00 në mëngjes deri në 18:00. Është e hapur, aty mund të shohin të gjithë kalimtarët e rastit. Po besoj që ka me qenë një mesazh i duhur. Qëllimi ka qenë se aty kanë qenë edhe fotografitë e personave të zhdukur tek Kuvendi i Kosovës, gjithashtu është edhe obelisku i cili u kushtohet personave të zhdukur”, shprehet ajo.
Për shënimin e 30 gushtit, Kryqi i kuq i Kosovës e ka realizuar ku shfaqen me 1621 qirinj, të cilët simbolizojnë numrin e personave për të cilët nuk dihet se ku i kanë eshtrat. Që nga lufta e fundit në Kosovë, ende nuk dihet fati i 1621 personave të zhdukur.
Kulturë
Armend Rexhepagiqi nderohet me “Hyjneshën në Fron” dhe mirënjohje të veçantë
Published
23 hours agoon
July 18, 2025By
UBT News
Artistit të njohur, Armend Rexhepagiqi, i është dorëzuar sot çmimi “Hyjnesha në Fron” nga Komuna e Prishtinës, si shenjë vlerësimi për kontributin e tij të çmuar në kulturën muzikore dhe artistike të vendit.
Ceremonia është mbajtur në kryeqytet, ku kryetari Përparim Rama ia ka ndarë gjithashtu një mirënjohje të veçantë.
Në mirënjohje thuhet: “I pakompromis që nga tingulli i parë – një zë që i flet kohës. Me stilin dhe shpirtin tënd, frymëzove breza. Fjalët e tua s’ishin thjesht – ishin zemër. Kultura shqiptare mban gjurmën tënde të pashlyeshme. Prishtina të njeh, Kosova të këndon”.
Koncerti zhvillohet në Pallatin e Rinisë më 19 korrik dhe përveç krijimtarisë tashmë të njohur, Rexhepagiqi do të interpretojë këngët e reja si: “Kutia e zezë”, “Boll m’ke dalë”, “Dyfish ma pak”, “S’o dashni”, “Ma ke n’alë” dhe “Krejt Prishtinën për ditëlindje”.
Armend Rexhepagiqi është autor i shumë hiteve të pavdekshme të muzikës shqipe dhe një nga emrat që ka lënë gjurmë të pashlyeshme në tekstet dhe këngët e qindra artistëve ndër vite. /Telegrafi
Kulturë
Jessie J drejt rikthimit televiziv pas mastektomisë së suksesshme
Published
1 day agoon
July 18, 2025By
UBT News
Jessie J po përgatitet për një rikthim emocional në televizion, vetëm pak javë pas një mastektomie të suksesshme pas diagnostikimit me kancer të gjirit.
Këngëtarja britanike 37-vjeçare pritet të shfaqet në një episod të veçantë të “Strictly Come Dancing” në muajin shtator, duke shënuar daljen e saj të parë publike pas ndërhyrjes kirurgjikale.
Burime pranë produksionit të BBC-së kanë bërë të ditur se drejtuesit janë të entuziazmuar për pjesëmarrjen e saj, ndërsa Jessie është e përqendruar te shëndeti dhe rikuperimi i saj, por ndihet e emocionuar për t’u rikthyer në skenë, shkruan DailyMail.
Paralelisht, ajo është konfirmuar edhe për një performancë në festivalin “Radio 2 In The Park” në Chelmsford po në shtator.
Rikthimi i Jessie J pritet të jetë një moment i fuqishëm dhe frymëzues për publikun, pasi ajo jo vetëm që po sfidon kancerin me guxim, por edhe po kthehet në skenë me një mesazh të fortë për shpresën, forcën dhe qëndrueshmërinë

Mandela u lind më 18 korrik 1918 i cili gjatë jetës studioi juridikun dhe pikërisht për nder të datës së lindjes së tij Asambleja e Përgjithshme e OKB-së në vitin 2009 ka vendosur që 18 korriku të jetë Dita Ndërkombëtare e Nelson Mandelës.
Datëlindja e Mandelës është edhe Ditë Ndërkombëtare e Nelson Mandelës, e shpallur nga OKB-ja si shenjë mirënjohjeje për kontributin e fituesit të çmimit Nobel për Paqe e pajtimin e arritur në këtë vend. Në këtë ditë jug-afrikanët zakonisht shënojnë ditëlindjen e liderit të tyre kundër aparteidit, i cili ishte 67 vjet në shërbim publik, kurse qytetarët bëjnë 67 minuta punë për komunitet,
Fillimisht Mandela zgjodhi rrugën paqësore për qëllimet e tij dhe të shokëve të tij.
Në vitin 1956 ai u akuzua për “tradhti të lartë” nga regjimi i atëhershëm, bashkë me 155 shokë të tjerë. Procesi zgjati deri me 1961 dhe të gjithë u liruan. Mbas lirimit ai u bë lideri i grupit të armatosur së ANC-së, Umkohnto We Sizwe.
Në vitin 1962 u burgos dhe u dënua me pesë vjet burg. Në vitin 1964 u dënua me burg të përjetshëm, sepse kishte planifikuar luftë të armatosur. Në vitin 1985 atij iu afrua mundësia e lirimit, në qoftë se do të pranonte ndalimin e aktivitetit të armatosur, por ai refuzoi. Në vitin 1990 mbas një kampanje të ANC dhe presionit ndërkombëtar ai u lirua pa kushte.
Në vitin 1993 fitoi çmimin Nobel, ndërsa në vitin 1994 u zgjodh në zgjedhje demokratike president i Afrikës Jugore dhe më 9 maj u zgjodh si presidenti i parë i zi në këtë vend.
Në vitin 1999 ai dha dorëheqje dhe ishte aktiv për organizata të ndryshme për të drejtat e njeriut. Në vitin 2003 kritikoi shumë Tony Blair dhe George W. Bush për intervenimin në Irak.
Mandela vdiq pas një sëmundjeje të gjatë më 5 dhjetor 2013, në shtëpinë e tij në Johanesburg.
Lifestyle
Pesë ushqime të shëndetshme që duhet t’i shtoni në dietën tuaj
Published
2 days agoon
July 17, 2025By
UBT News
Ushqimi është burimi ynë kryesor i energjisë dhe vitalitetit dhe duke ke shtuar këto 5 ushqime super të shëndetshme në dietën tuaj, do të ndiheni më energjikë dhe më të freskët gjatë gjithë ditës:
Avokado: Të pasura me acide yndyrore të shëndetshme dhe fibra, avokado është një ushqim i shkëlqyeshëm për të mbajtur nivelet e energjisë stabile gjatë gjithë ditës.
Perimet e gjelbra të freskëta: Perimet e gjelbra të freskëta janë të pasura me vitamina, minerale dhe antioksidantë që ndihmojnë në rritjen e energjisë dhe mbajtjen e trupit të shëndetshëm.
Arrat: Me përmbajtje të lartë të proteinave dhe yndyrës së shëndetshme, arrat janë një ushqim ideal për të rritur nivelin e energjisë dhe për të mbajtur stomakun e ngopur për një kohë më të gjatë.
Mjalti: Mjalti është një burim i shkëlqyeshëm i energjisë së shpejtë dhe të qëndrueshme, i cili gjithashtu ofron përfitime të mëdha për shëndetin e zemrës dhe sistemin imunitar.
Ushqimet e pasura me Omega-3: Siç janë salmoni dhe farat e linit, këto ushqime të pasura me acide yndyrore ndihmojnë në mbrojtjen e shëndetit të zemrës dhe në përmirësimin e funksionimit të trurit, duke ndihmuar në ruajtjen e energjisë dhe vitalitetit të trupit.
Nëse integroni këto ushqime të shëndetshme në dietën tuaj të përditshme, do të ndjeni një ndryshim pozitiv të niveleve të energjisë dhe shëndetit tuaj./Ekonomia Online

Sërish s’ka konstituim të Kuvendit, Nisma pret sinjal pozitiv nga LVV-ja

Raportohet për të paktën 26 të vrarë në Gazë

Popoviq në mbajtje për 48 orë pas fjalimit kundër UÇK-së, i sekuestrohen dy telefona

14-vjeçari ndalohet me armë zjarri dhe sprej në Ferizaj

Trump nënshkruan projektligjin historik për kriptovalutat

Sot tentimi i 49-të për konstituimin e Kuvendit

Ligjëratë mbi Vëzhgimin Satelitor në kuadër të Akademisë Verore në Fakultetin e Sistemeve të Informacionit

Vizitë zyrtare dhe ligjërata akademike nga profesorët e University of Sannio në UBT

UBT vazhdon të vendosë standarde globale – përkrah universiteteve më prestigjioze në botë në rangimin e fundit global nga WURI
Të kërkuara
-
Lajmet nga UBT1 month ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT1 month ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT1 month ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore