Kronikë e zezë

Në Vushtrri arrestohen dy persona të dyshuar për posedim të drogës

Në cilësi të të dyshuarve janë arrestuar dy persona të dyshuar L.A., 25 vjeçar, dhe F.A., 23 vjeçar.

Published

4 years ago

January 28, 2022

Betim Gashi

Një 25-vjecar dhe një 23-vjecar janë arrestuar në Vushtrri. Njëri nga ta iu janë gjetur 13 qese të cilat dyshohen të jenë substanca narkotike-marihuanë. Ndërsa tek personi tjetër kanë gjetur cigare përmbajtja e të cilave dyshohet të jetë substancë narkotike-marihuanë.

“Në orët e mbrëmjes të datës 27 Janar 2022, në kuadër të planit operativ për ‘Parandalimin dhe identifikimin të personave të dyshuar që merren me shitblerje, konsumim të substancave narkotike’, policia në Vushtrri ka arrestuar dy persona të dyshuar për veprën penale “Posedim i paautorizuar i narkotikëve, substancave psikotrope dhe analoge ‘. Arrestimi i personave të dyshuar është realizuar në rrugën “Dëshmoret e kombit”, ku zyrtarët policorë kanë ndaluar për kontroll dy persona të dyshuar L.A., 25 vjeçar, dhe F.A., 23 vjeçar, ku gjate kontrollit te personi i pare janë gjetur trembëdhjetë (13) qese të cilat dyshohet qe janë substancë narkotike- marihuanë, ndërsa te personi i dyte janë gjetur dy cigare e cilat përmbajtje e te cilave dyshohet që janë substance narkotike-marihuanë”, thuhet në njoftimin e policisë.

Si provë materiale janë konfiskuar substancat narkotike, te personat e dyshuar, ku te personi i parë substanca e dyshuar ka qenë me sasi 4.9- gram, ndërsa te personi i dytë 1-gram.

Në cilësi të të dyshuarve janë arrestuar dy persona të dyshuar L.A., 25 vjeçar, dhe F.A., 23 vjeçar, shtetas të Republikës së Kosovës, ndaj të cilëve pas procedurës intervistuese është iniciuar rasti për veprën penale “Posedim i paautorizuar i narkotikëve, substancave psikotrope dhe analoge”. Me urdhër të prokurorit, i dyshuari është liruar në procedurë të rregullt.

Kronikë e zezë

Në Zveçan gjendet pa shenja jete një person

Published

4 hours ago

March 6, 2026

UBTNews

Sipas raportit të fundit të Policisë së Kosovës, një burrë është gjetur pa shenja jete në Zveçan. Rasti është raportuar gjatë ditës së djeshme.

Menjëherë pas marrjes së informacionit, në vendngjarje kanë dalë njësitet përkatëse. Me urdhër të prokurorit, trupi i pajetë i viktimës është dërguar në Institutin e Mjekësisë Ligjore (IML) për obduksion.

Policia e ka cilësuar rastin si “Hetim mbi vdekjen” dhe po vazhdon me procedurat hetimore.

Kronikë e zezë

Ferizaj: Arrestohet një person për posedim të narkotikëve

Published

4 hours ago

March 6, 2026

UBTNews

Një burrë është arrestuar në Ferizaj, pasi gjatë kontrollit të tij fizik dhe kontrollit në banesë, policia ka gjetur dhe sekuestruar 21.1 gram substancë narkotike, e dyshuar si marihuanë.

Përveç lëndës narkotike, janë sekuestruar edhe 6.39 gram fara kanabisi, dy telefona celularë si dhe një sasi e parave të gatshme.

Sipas njoftimit zyrtar të Policisë së Kosovës, rasti ka ndodhur më 5 mars, rreth orës 20:25.

Me vendim të prokurorit të rastit, i dyshuari është dërguar në mbajtje, ndërsa hetimet për zbardhjen e plotë të rastit janë duke vazhduar.

Kronikë e zezë

Tre të arrestuar brenda 24 orëve për dhunë në familje

Published

4 hours ago

March 6, 2026

UBTNews

Sipas raportit të Policisë së Kosovës, brenda 24 orëve të fundit janë regjistruar katër raste të dhunës në familje. Ngjarjet kanë ndodhur në Fushë-Kosovë, Pejë, Malishevë dhe Gjakovë.

Në Fushë-Kosovë, një grua ka raportuar se është kanosur nga bashkëshorti i saj. Lidhur me rastin, palët janë intervistuar dhe me vendim të prokurorit janë liruar, ndërsa procesi po vazhdon në procedurë të rregullt hetimore.

Ndërkohë, në Pejë është arrestuar një grua, pasi e njëjta dyshohet se ka ushtruar dhunë psikike ndaj një gruaje tjetër. Pas intervistimit, palët janë liruar dhe rasti po trajtohet në procedurë të rregullt.

“Është arrestuar e dyshuara femër kosovare pasi që dyshohet se kishte ushtruar dhunë psikike ndaj viktimës femër kosovare. Me vendim të prokurorit pas intervistimit palët janë liruar dhe rasti shkon në procedurë të rregullt”, thuhet në raportin e Policisë.

Dy rastet e tjera të dhunës në familje janë raportuar nga Rajoni i Gjakovës. Në Malishevë është arrestuar një burrë nën dyshimin se, pas një mosmarrëveshjeje, ka sulmuar fizikisht dy persona (një burrë dhe një grua). Me vendim të prokurorit, i dyshuari është dërguar në mbajtje.

Gjithashtu, edhe në Gjakovë është arrestuar një burrë pasi dyshohet se ka ushtruar dhunë fizike ndaj një gruaje. Viktima ka pranuar trajtim mjekësor, ndërsa i dyshuari, me vendim të prokurorit, është dërguar në mbajtje.

Kronikë e zezë

Gjenden mbetje njerëzore në Rahovec, dyshohet se janë të luftës

Published

1 day ago

March 5, 2026

UBTNews

Pas gërmimeve të kryera nga njësitë e policisë në Rahovec, janë gjetur pjesë eshtërore që dyshohet se i përkasin një personi të zhdukur gjatë luftës në Kosovë.

Mbetjet janë dërguar menjëherë në Institutin e Mjekësisë Ligjore për autopsi dhe analiza të ADN-së.

“Lidhur me rastin njësia kompetente policore ka filluar gërmimet ku gjatë gërmimeve janë hasur pjesë eshtërore me prejardhje njerëzore të cilat dyshohet se i përkasin një individi të zhdukur gjatë luftës në Kosovë. Mbetjet eshtërore janë dërguar në IML për autopsi dhe analizën e ADN-së”, thuhet në raport.