Teknologji

​NASA mbledh shkencëtarët për të studiuar UFO-t

NASA tha se fenomene të paidentifikuara në atmosferë janë me interes për sigurinë kombëtare dhe ajrore.

Published

on

NASA ka njoftuar planet për të mbledhur një ekip shkencëtarësh për të eksploruar “fenomene ajrore të paidentifikuara”, të njohura ndryshe si UFO, pavarësisht shqetësimeve për rrezikimin e reputacionit të saj.

Agjencia amerikane e hapësirës tha se fokusi do të jetë në identifikimin e të dhënave të disponueshme për të mësuar më shumë rreth pamjeve misterioze në qiell.

Shefi i misionit shkencor të NASA-s, Thomas Zurbuchen, pranoi se mund të ketë shqetësime nga komuniteti shkencor tradicional në lidhje me eksplorimin e UFO-ve.

“Ne nuk po i shmangemi rrezikut të reputacionit. Besimi ynë i fortë është se sfida më e madhe e këtyre fenomeneve është se është një fushë e varfër me të dhëna. Ne po e shikojmë Tokën në mënyra të reja, dhe ne po shohim gjithashtu nga ana tjetër, në qiell, në mënyra të reja. Ajo që ne vërtet po përpiqemi të bëjmë këtu është të fillojmë një hetim pa një rezultat në mendje”, tha ai.

David Spergel, i cili më parë drejtoi Departamentin e astrofizikës në Universitetin Princeton, do të drejtojë ekipin shkencor dhe Daniel Evans, një studiues i lartë në Drejtorinë e Misionit të Shkencës të NASA-s, do të orkestrojë gjithashtu studimin.

Një ekip shkencëtarësh të pavarur do të mblidhet deri në vjeshtë, ku më pas ata do të kalojnë afërsisht nëntë muaj duke zhvilluar një raport publik mbi gjetjet e tyre.

Njoftimi vjen një vit pasi qeveria amerikane lëshoi një raport, i cili u përpilua nga Zyra e Drejtorit të Inteligjencës Kombëtare në bashkëpunim me një task forcë të udhëhequr nga Marina, duke detajuar vëzhgimet kryesisht nga personeli i Marinës të “fenomenit ajror të paidentifikuar”.

Raporti thoshte se analistët e mbrojtjes dhe inteligjencës amerikane nuk kishin të dhëna të mjaftueshme për të përcaktuar natyrën e UFO-ve të vëzhguara nga pilotët ushtarakë, duke përfshirë nëse ato janë teknologji të avancuara tokësore apo me origjinë jashtëtokësore.

Zyrtarët e Pentagonit muajin e kaluar gjithashtu pranuan se shumë vëzhgime mbeten përtej aftësisë së qeverisë për të shpjeguar.

NASA tha se fenomene të paidentifikuara në atmosferë janë me interes për sigurinë kombëtare dhe ajrore.

Teknologji

Studiuesit e Oksfordit marrin akses në superkompjuter për zhvillimin e vaksinave kundër kancerit

Published

on

By

Një ekip studiuesish nga Universiteti i Oksfordit është bërë pjesë e një iniciative qeveritare në Mbretërinë e Bashkuar, e cila u jep akses në një nga superkompjuterët më të fuqishëm të Inteligjencës Artificiale në vend, për të avancuar kërkimet në fushën e vaksinave kundër kancerit.

Superkompjuteri, i njohur si Dawn, do të vihet në dispozicion të Departamentit të Mjekësisë Nuffield për 10,000 orë, duke u mundësuar studiuesve të analizojnë dhjetëra mijëra grupe të dhënash nga pacientët me kancer.

Dr. Lennard Lee, që po udhëheq projektin, tha se kjo qasje përfaqëson një moment të rëndësishëm për mjekësinë: “Ndjehet si fantastiko-shkencore, megjithatë është një realitet – është viti 2025, kjo teknologji është këtu dhe ne do ta provojmë.”

Sipas Dr. Lee, qëllimi është të përpunohen sasi të mëdha të të dhënave për të identifikuar modele që mund të ndihmojnë në dizajnimin e vaksinave të personalizuara kundër kancerit. “Kanceri është thjesht shumë kompleks. Kjo teknologji na jep mundësinë të përpunojmë shpejt dhe në shkallë të gjerë të dhënat, duke dalluar modele të fshehura që ndryshe do të ishin të vështira për t’u identifikuar.”

Kërkimi gjithashtu do të kontribuojë në Atlasin e Neoantigjenit të Oksfordit, një platformë me qasje të hapur që mbështet kërkimin për vaksina kundër kancerit në të gjithë vendin.

“Ajo që mendojmë se do të jemi në gjendje të bëjmë është të hapim rrugën për të hartuar vaksina që thjesht nuk ishin të mundura më parë”, shtoi Dr. Lee.

Continue Reading

Teknologji

Nothing pranon gabimin: Fotot në demo të Phone 3 nuk ishin të realizuara me telefonin

Published

on

By

Kompania teknologjike Nothing është përballur me kritika pas zbulimit se disa nga imazhet e paraqitura në njësitë demo të telefonit të saj të ri, Phone 3, nuk ishin realizuar me kamerën e pajisjes, por ishin blerë nga një shërbim profesional imazhesh.

Bëhet fjalë për pesë fotografi që shfaqeshin në softuerin demonstrues të pajisjes, duke përfshirë një portret, një shkallë spirale dhe një detaj të një makine. Sipas raportimeve, këto imazhe ishin blerë nga platforma Stills dhe ishin realizuar në vitin 2023 me kamera profesionale. Njëri nga fotografët, Roman Foks, konfirmoi se fotografia e tij ishte kapur me kamerën Fujifilm XH2s.

Bashkëthemeluesi i Nothing, Akis Evangelidis, reagoi në rrjetin social X duke kërkuar falje publike dhe duke e quajtur incidentin një “neglizhencë e trishtueshme”. Ai sqaroi se fotografitë ishin menduar vetëm si përmbajtje e përkohshme (“placeholder”), në pritje të imazheve të realizuara me pajisjen përfundimtare, por kishin mbetur gabimisht në disa njësi demo.

Megjithëse kompania deklaron se nuk kishte qëllim të keq, ekspertë të industrisë paralajmërojnë se raste të tilla mund të ndikojnë negativisht në besimin e konsumatorëve, sidomos në një treg ku paraqitja reale e performancës së kamerës është thelbësore për blerësit.

Nothing lançoi Phone 3 muajin e kaluar. Pajisja vjen me procesorin Snapdragon 8s Gen 4, ekran AMOLED 6.67 inç dhe sistem kamerash me tri lente 50MP (kryesore, periskop dhe ultra-wide), si dhe një kamerë të përparme 50MP.

Continue Reading

Teknologji

WhatsApp prezanton asistentin e ri të shkrimit me inteligjencë artificiale

Published

on

By

WhatsApp ka nisur zyrtarisht testimin e një asistenti të ri shkrimi të mundësuar nga inteligjenca artificiale, i cili synon të ndihmojë përdoruesit me krijimin e teksteve në biseda.

Funksioni i ri ofron sugjerime në disa stile, si profesional, qesharak apo mbështetës, ndërsa mesazhet e gjeneruara mund të redaktohen më tej nga vetë përdoruesi. Asistenti mund të aksesohet përmes një ikone të re në formë lapsi, e cila shfaqet në biseda individuale apo në grup.

Aktualisht, funksioni është i disponueshëm vetëm në gjuhën angleze dhe vetëm për përdoruesit në Shtetet e Bashkuara, por kompania njofton se synon ta zgjerojë më vonë gjatë vitit në gjuhë dhe tregje të tjera.

Megjithatë, prezantimi i kësaj veçorie ka ngritur shqetësime lidhur me privatësinë, pasi ndërsa mesazhet në WhatsApp janë të mbrojtura me enkriptim nga fundi në fund, ndërveprimet me AI zakonisht përpunohen në qendra të të dhënave në cloud.

Për të adresuar këtë, Meta ka ndërtuar funksionalitetin mbi teknologjinë e saj “Private Processing”, e cila, sipas kompanisë, lejon përdorimin e AI pa rrezikuar sigurinë e mesazheve apo të dhënave personale. Kjo teknologji krahasohet me sistemin “Private Cloud Compute” të Apple, që gjithashtu synon të mbajë përpunimin lokal pa dërguar të dhëna në serverë të jashtëm.

Meta thekson se kjo qasje ruan parimin kryesor të WhatsApp për privatësi, duke siguruar që askush tjetër, përveç përdoruesit dhe personit me të cilin ai komunikon, nuk mund të aksesojë përmbajtjen e mesazheve.

Pavarësisht kësaj, ngrihen pikëpyetje nëse një funksionalitet i tillë është vërtet i domosdoshëm në biseda të shpejta me tekst, duke marrë parasysh se shumë platforma tashmë ofrojnë asistentë të ngjashëm.

Continue Reading

Aktualitet

UBT përgatit liderët e së ardhmes në energji: Edhe pak vende të lira për regjistrim

Published

on

UBT njofton se kanë mbetur edhe pak vende të lira për regjistrim në programin Inxhinieri e Energjisë, një ndër drejtimet më inovative dhe më me perspektivë për të ardhmen.

Ky program synon të përgatisë profesionistë të aftë të kombinojnë energjitë tradicionale dhe burimet e rinovueshme, të përdorin teknologjitë më të fundit dhe të menaxhojnë në mënyrë efikase resurset energjetike, duke kontribuar në ndërtimin e një të ardhmeje të gjelbër dhe të qëndrueshme.

Të gjithë të interesuarit që regjistrohen përfitojnë nga bursa 20%, një lehtësim i rëndësishëm për të rinjtë që duan të jenë pjesë e gjeneratës së re që transformon industrinë energjetike.

Falë qasjes moderne të mësimdhënies, laboratorëve të pajisur me teknologjitë më të reja dhe stafit akademik me përvojë, studentët e UBT-së jo vetëm që fitojnë njohuri teorike, por edhe aftësi praktike që i bëjnë të kërkuar në tregun vendor dhe ndërkombëtar të punës.

Regjistrimi bëhet thjeshtë dhe shpejt përmes linkut: APLIKO TANI ONLINE!

Continue Reading

Të kërkuara