Lajmet

​Muzeu i Arsimit në Korçë me shumë vizitorë

Në këtë muze pasqyrohet historia e shkrimit shqip.

Published

on

Muzeu Kombëtar i Arsimit në Korçë, një nga ndërtesat emblematike të qytetit juglindor, vijon të tërheqë vizitorë vendas dhe të diasporës.

Sipas statistikave të vizitueshmërisë, në Muzeun e Arsimit Korçë numri i vizitorëve gjatë vitit 2022, ka ardhur në rritje.

Specifikisht muaji gusht, i cili përgjithësisht është muaji më i vizituar ka shënuar një rritje prej 40%, në krahasim me muajin gusht të vitit 2021. Konkretisht në muajin gusht muzeu u vizitua nga 1428 vizitorë, ndërsa në të njëjtën periudhë të vitit të kaluar nga 1016 vizitorë”, tha Muzeu Kombëtar i Arsimit Korçë.

Mësonjëtorja e Parë Shqipe në Korçë, sot Muzeu Kombëtar i Arsimit, është monument i kategorisë së Parë i shpallur në vitin 1973. Kjo ndërtesë ishte shtëpia ku banonte patrioti korçar Diamanti Terpo, i cili e dhuroi banesën për shkollën shqipe, e hapur më 7 mars 1887 nga ana e mësuesit patriot Pandeli Sotiri.

Në këtë muze pasqyrohet historia e shkrimit shqip, e morisë së alfabeteve deri në alfabetin që kemi sot, vendosur në Kongresin e Manastirit, më 1908, si dhe historia e librit shqip prej abetares së parë të gjuhës shqipe (Evetari, 1744), hartuar nga Naum Panajot Bredhi.

Pas restaurimit në sajë të një investimi të qeverisë shqiptare ky muze po tërheq më shumë vizitorë./atsh/

Lajmet

Mblidhet KQZ-ja, pritet të vendosë për fushatën zgjedhore të raundit të dytë

Published

on

Komisioni Qendror i Zgjedhjeve do të mbajë sot mbledhjen e radhës dhe pika kryesore në rend të ditës do të jetë miratimi i planit të aktiviteteve për organizimin e raundit të dytë të zgjedhjeve për Kryetarë të Komunave.

Ky lajm është konfirmuar mëngjesin e së premtes nga Zëdhënësi i KQZ-së, Valmir Elezi, duke thënë se sot fillojnë nga ora 11:00.

Në mesin e këtyre aktiviteteve për të cilat do të vendosë KQZ janë edhe koha e fushatës zgjedhore për subjektet politike dhe kandidatët që do të garojnë në raundin e dytë, i cili do të mbahet më 9 nëntor 2025.

Gjithashtu, KQZ do të vendosë për periudhën e aplikimit dhe konfirmimit të vëzhguesve të subjekteve politike garuese si dhe për konfirmimin e vëzhguesve të mediave, OJQ-ve, përfaqësive diplomatike, etj.

Deri më tani, sipas rezultateve jopërfundimtare, raundi i dytë i zgjedhjeve do të organizohet në 18 komuna: Gjakovë, Gjilan, Dragash, Kaçanik, Klinë, Fushë Kosovë, Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot./S.K/EO/

Continue Reading

Lajmet

Drita-Omonia, publikohen formacionet zyrtare

Published

on

Janë publikuar formacionet zyrtare të ndeshjes mes Dritës dhe Omonias, duel ky që e sjell Dritën pas barazimit në ndeshjen e parë ndaj KuPS, kurse Omonia pësoi minimalisht nga Mainz.

Ndeshja e paralajmëruar luhet në stadiumin “Fadil Vokrri” në Prishtinë.

Ky duel është i vlefshëm për xhiron e dytë të fazës së ligës në Ligën e Konferencës.

 

/S.K/EO/

Continue Reading

Lajmet

Xabi Alonso: Guler është një kombinim në mes Ozilit dhe Gutit

Published

on

Trajneri i Real Madridit Xabi Alonso e ka lavdëruar Arda Gulerin. Ylli i ri turk hasi në vështirësi për t’u ambientuar në Spanjë në fillim të eksperiencës së tij me “Los Blancos”, por ai po ia sheh hairin largimit të trajnerit Carlo Ancelotti, i cili nuk i jepte hapësira të mjaftueshme.

Me trajnerin e ri, Xabi Alonso, 20-vjeçari është bërë lojtar i rëndësishëm i “Merengues” duke startuar shpesh nga minuta e parë.

E ish-futbollistin e Fenerbahçes e ka ngritur në qiell trajneri i ri i Realit, të cilin e sheh si një kombinim mes ish-yjeve të madrilenëve.

“Për shkak të talentit që ai e ka, Arda është një përzierje në mes të Gutit dhe Ozilit. Guti sepse ai kishte pasur mundësi që të luante në shumë pozita sulmuese dhe Ozil sepse më pëlqente që luajta me të. Ne na duhet që ta mbështesim, ne jemi të lumtur me nivelin e tij të lojës”, deklaroi ish-trajneri i Bayer Leverkusenit për të përditshmen spanjolle “Marca”.

Mesfushori madrilen e pati një paraqitje shumë të mirë në ndeshjen kundër Bardhezinjve ku edhe u shpall lojtari i ndeshjes.

Guler kishte pasur 96% të pasimeve të kompletuara, 10 prej tyre ishin në zonën e rrezikut.

Po ashtu, ai kishte kontribuar edhe në aspektin defanziv ku edhe e ka rrëmbyer topin 10 herë dhe i ka fituar 5 duele.

Sezonin e kaluar Arda kishte startuar vetëm në një ndeshje në grupe dhe nuk e ka pasur asnjë paraqitje në fazën eliminuese./S.K/EO/

Continue Reading

Lajmet

Trump hedh poshtë ofertën e disa ligjvënësve izraelitë për të aneksuar Bregun Perëndimor

Published

on

Presidenti i ShBA-së, Donald Trump, hodhi poshtë një përpjekje të disa ligjvënësve izraelitë për të çuar përpara aneksimin e Bregut Perëndimor të pushtuar, duke thënë se Izraeli nuk do të bëjë asgjë me Bregun Perëndimor.

Një projektligj që zbaton ligjin izraelit në Bregun Perëndimor, një veprim i barabartë me aneksimin e një territori që palestinezët kërkojnë si pjesë të një shteti të pavarur në të ardhmen, fitoi miratimin paraprak nga ligjvënësit izraelitë të mërkurën.

Zëvendëspresidenti i ShBA-së JD Vance tha më parë gjatë një vizite në Izrael se Trump do të kundërshtonte aneksimin e Bregut Perëndimor dhe se kjo nuk do të ndodhte, shkruan Reuters.

I pyetur nga gazetarët në lidhje me votimin, Vance tha:

“Nëse ishte një marifet politik, është shumë budallallëk dhe unë personalisht e marr paksa fyerje për të”.

Më vonë të enjten, Trump gjithashtu e la mënjanë idenë e aneksimit, të cilën ai më parë kishte këmbëngulur se nuk do ta lejonte.

“Mos u shqetësoni për Bregun Perëndimor”, tha ai në përgjigje të pyetjes së një gazetari në një aktivitet të palidhur me Shtëpinë e Bardhë. “Izraeli nuk do të bëjë asgjë me Bregun Perëndimor”, tha ai./S.K/EO/

Continue Reading

Të kërkuara