

Shëndeti
Mjekët për shëndetin tuaj: Mos i bëni këto pesë gabime të përditshme
Studimet tregojnë se mënyra se si jetojmë është e lidhur me rrezikun për sëmundje kronike.
Published
3 years agoon
By
UBT newsKur bëhet fjalë për shëndetin tuaj, parandalimi është më i mirë se kurimi.
Studimet tregojnë se mënyra se si jetojmë është e lidhur me rrezikun tonë për sëmundje kronike.
Të dhënat tregojnë se ndryshimet në sjellje mund të parandalojnë 80 për qind të sëmundjeve të zemrës, goditjes në tru dhe diabetit të tipit 2 dhe 40 për qind të diagnozave të kancerit.
Këtu janë pesë gjërat që doktori juaj dëshiron që ju të ndaloni së bëri menjëherë, shkruan Eat This.
Qëndroni ulur për orë të tëra
Të qëndrosh ulur për disa orë në ditë është tepër e keqe për shëndetin.
“Kemi zbuluar se ndoshta duhet të fokusohemi më shumë në uljen e shikimit të televizorit sesa të ulemi në punë,” thotë Jennette Garcia, një asistente profesoreshë e sportit dhe ushtrimeve pranë Universitetit të Floridës Qendrore.
Kujdes nga suplementet e rrezikshme dietike
Rregullatorët nuk kontrollojnë shumë suplemente diete pa recetë dhe suplementet për humbje peshe që përmbajnë përbërës të ngjashëm me amfetaminën janë ndër më të rrezikshmit.
“Të gjithë përpiqen gjithmonë të gjejnë atë pilulë magjike. Kjo thjesht po përpiqet t’ju ‘shitet mjegull’, por me një çmim shumë të dëmshëm, të rrezikshëm”, thotë Jennifer Trevino, një dietologe e regjistruar.
Mos e neglizhoni shtimin në peshë
Kur të vini re për herë të parë se pesha juaj po rritet, merreni me të menjëherë.
“Pesë kilogramët e parë të shtimit të peshës në moshën 25-vjeçare është një kohë për të ndërmarrë veprime,” tha Walter Willett, një profesor i epidemiologjisë dhe ushqyerjes në Harvard Chan. “Sepse dikush është në prag të përfundimit me 20 kilogramë peshë të tepërt deri në moshën 50-vjeçare”.
Duke anashkaluar përforcuesin antiCOVID
Jeni plotësisht i vaksinuar kundër COVID? Nëse përgjigja është po, por ju jeni duke mbetur prapa në injeksionet tuaja përforcuese, në fakt nuk jeni plotësisht të mbrojtur.
“Kishte një përpjekje të madhe për t’i vaksinuar plotësisht njerëzit, që ishte dy doza, por jo aq shumë presion për nxitësit,” tha Katrine Wallace, një epidemiologe pranë Universitetit Illinois në Çikago. “Shumë njerëz thjesht nuk e kuptojnë se një përforcues tani është i disponueshëm për të gjithë.”
Mjekët nuk duan që ju të pini duhan
Pirja e duhanit është përgjegjëse për më shumë se 480.000 vdekje në Shtetet e Bashkuara çdo vit.
“Aq sa mendoni se pirja e duhanit është e keqe për shëndetin tuaj, ndoshta është shumë më keq nga sa e dini”, paralajmërojnë mjekët.
“Epidemia e duhanit është ende në vazhdim dhe ka nevojë të vlerësohet se sa shumë na dëmton duhani si shoqëri, për të mbështetur mjekët dhe politikë-bërësit e shëndetit publik”, tha Brian D. Carter, një epidemiolog nga Shoqata Amerikane e Kancerit.

Vera është e mirë për shumë gjëra – pushime, lëkura që merr ngjyrë, foto me lule në kokë, por jo edhe aq për ndjesinë e barkut të fryrë që të bën të mos duash të veshësh asgjë përveç një bluzeje të gjerë. Po pse ndodh kjo?
Përzierjet që bëjmë me ushqime, temperaturat e larta dhe sasia e ujit që pimë ndikojnë direkt në tretje. Për të shmangur këtë fryrje mjafton t’i shtoni këto ushqime të thjeshta në ditën verore:
Shalqi – mbret i stinës dhe mik i mirë i barkut! Ka shumë ujë, ndihmon në pastrimin e organizmit dhe është i shijshëm si dreqi.
Domatet – jo vetëm për sallatë! Domatet janë të pasura me kalium, që ndihmon në reduktimin e mbajtjes së ujit në trup. Pra, më pak fryrje, më shumë rehati.
Jeshillëqe sa të duash – spinaqi, rukola, sallata jeshile, merr çfarë të duash dhe organizmi do të të falënderojë. Të lehta për tretje dhe fibra = bark i qetë.
Kivi – ky frut i vogël është super për tretje dhe s’ka nevojë për shumë reklamë. Një kivi në mëngjes dhe do ndihesh më mirë gjatë ditës.
Kastravecat – shumë ujë, shumë freski.
Frutat e pyllit – boronica, mjedra, manaferrat janë shumë të shijshme, me pak sheqer natyral dhe me fibra që ndihmojnë në tretje. Plus, duken bukur në çdo pjatë. Estetikë + shëndet.
Avokado – e pasur me yndyrna të mira dhe kalium, avokadoja përmirëson tretjen dhe ju mban të ngopur pa ju fryrë barkun.
Bonus: Pini ujë rregullisht (me masë), shmangni pijet me gaz dhe përpiquni të hani më ngadalë. Ndoshta tingëllon si këshillë nga mami, por funksionon!
Shëndeti
Studimi: Pini kafe pa sheqer dhe yndyrë, jetoni më gjatë
Published
3 hours agoon
June 20, 2025
Kafja e pastër mund të ulë rrezikun e vdekjes, kurse më pak kur përzihet me sheqer dhe yndyrë (cream).
Një studim nga Universiteti Tufts në Boston, SHBA, tregon se pirja e 1-2 filxhanëve kafe të zezë në ditë lidhet me rrezikun më të ulët të vdekjes, sidomos nga sëmundjet e zemrës, përcjell e përditshmja britanike “The Independent”.
Rezultatet treguan se kafja pa sheqer dhe pa yndyrë të shtuar ul rrezikun me 14–16%, nëse kafeja përzihet me shumë sheqer dhe yndyrë të ngopur, efekti pozitiv zhduket.
Sipas autores së studimit, Fang Fang Zhang, përfitimet vijnë nga përbërësit bioaktivë të kafesë, por shtesat e dëmshme e zvogëlojnë efektin.
Studimi analizoi të dhënat e 46,000 të rriturve nga viti 1999 deri në 2018 dhe u publikua në revistën The Journal of Nutrition.
Autorët theksojnë se kufizimi i sheqerit dhe yndyrës është në përputhje me udhëzimet zyrtare për një dietë të shëndetshme.
Shëndeti
Dhimbja e dhëmbit do të zhduket nëse aplikoni këto metoda në shtëpi
Published
5 hours agoon
June 20, 2025
Disa kura natyrale, si shpëlarja me ujë të kripur apo përdorimi i kompresa të ftohta, lehtëson përkohësisht dhimbjen e dhëmbit.
Nëse dhimbja vazhdon, është e rëndësishme të shkoni te dentisti për të trajtuar shkaktarin kryesor të problemit.
Çfarë është dhimbja e dhëmbit?
Dhimbja e dhëmbit është ndjesi e pakëndshme që mund të jetë nga e lehtë deri në shumë e fortë dhe ndodh rreth dhëmbëve apo nofullës.
Zakonisht tregon se ka ndonjë problem me dhëmbin ose mishrat e dhëmbëve, nëse keni dhimbje dhëmbi, është me rëndësi të kuptoni shkakun e saj që të dini si të veproni më mirë për të lehtësuar simptomat si dhimbja, ënjtja apo irritimi.
Kur ndihmojnë kurat natyrale?
Nëse dhimbja është e lehtë e kalon brenda një dite ose dy, përdorni disa metoda natyrale si: shpëlarja me ujë të kripur dhe përdorimi i kompresës së ftohtë.
Këto ndihmojnë në uljen e inflamacionit dhe pastrimin e gojës. Nëse dhimbja vazhdon, konsultohuni me dentistin.
Kujdes! Nëse jeni shtatzënë, jeni duke ushqyer me gji apo keni ndonjë sëmundje, konsultohuni me dentistin para se të përdorni ndonjë përbërës natyral.
Metodat natyrale më të zakonshme për lehtësimin e dhimbjes së dhëmbit:
Shpëlarja me ujë të kripur
Uji i kripur është dezinfektues natyral.
Ndihmon në pastrimin e gojës dhe në uljen e inflamacionit.
Si ta përdorni: përzieni gjysmë lugë çaji kripë në një gotë me ujë të ngrohtë dhe shpëlani gojën për disa sekonda.
Shpëlarja me peroksid hidrogjeni
Ndihmon në uljen e dhimbjes dhe në vrasjen e baktereve.
Shumë efektiv për mishrat e përgjakur dhe reduktimin e pllakes dentare.
Si ta përdorni: përzieni peroksid 3% me ujë në sasi të barabarta dhe përdoreni për të shpëlarë gojën. Mos e gëlltisni!
Kompresë e ftohtë
E dobishme veçanërisht nëse dhimbja vjen nga ndonjë goditje apo traumë, ftohja ngushton enët e gjakut, duke ulur dhimbjen dhe ënjtjen.
Si ta përdorni: vendosni një qese akulli të mbështjellë me peshqir [për 20 minuta] në pjesën ku keni dhimbje. Përsëriteni çdo disa orë.
Qeset e çajit me nenexhik
Njihet për efektin qetësues, mund ta përdorni një qese të ngrohtë ose ta vendosni në frigorifer për disa minuta e ta aplikoni mbi dhëmbin që ju dhemb.
Hudhra
Ka veti antibakteriale dhe qetësuese.
Shtypni një thelb për të krijuar pastë e vendoseni mbi dhëmbin që ju dhemb. Mund të shtoni pak kripë. Ose mund ta përtypeni ngadalë një thelb të freskët.
Shëndeti
Ekspertët paralajmërojnë: Dietat strikte dëmtojnë shëndetin mendor
Published
22 hours agoon
June 19, 2025
Dieta zakonisht shoqërohet me shëndet më të mirë fizik, por një studim i ri sugjeron që planet e të ngrënit që përqendrohen në kufizimin e kalorive mund ta përkeqësojnë shëndetin mendor .
Hulumtimi, i botuar më 2 qershor në revistën BMJ Nutrition, Prevention and Health , zbuloi se gati 30 mijë njerëz në një dietë me kalori të kufizuara kishin më shumë gjasa të raportonin simptoma depresive sesa ata që ishin në dieta të tjera ose që nuk mbanin fare dietë.
Depresioni mund të rezultojë nga shumë faktorë, dhe ndikimi i dietës në gjendjen e shëndetit mendor është një fushë relativisht e re e kërkimit shkencor.
“Ky studim shton kuptimin si zgjedhjet ushqimore të bëra në jetën e përditshme ndikojnë në simptomat depresive”, tha bashkautori i studimit, Venkat Bhat.
Ekspertët rekomandojnë dieta të ekuilibruara dhe të qëndrueshme për të mbështetur shëndetin mendor dhe fizik.

Dua Lipa, nga skenat më të mëdha të botës, drejt zemrës së Prishtinës!

Erdogan bisedë telefonike me Merz për luftën Izrael-Iran

Qeveria britanike organizon fluturime çarter nga Izraeli për qytetarët e saj

KESCO: Mungesë e theksuar e prodhimit të energjisë, në rastin më ekstrem e gjithë sasia importohet

Kryeministri Kurti u takua me ambasadorin Malaj, u diskutua edhe për konstituimin e Kuvendit

Rritja e flokëve pa kimikate: Katër vajrat natyralë më efektivë për forcim dhe rigjenerim

Trump konsultohet me këshilltarë të zgjedhur ndërsa shqyrton mundësinë e një sulmi ndaj Iranit

Kosova në top-10 shtetet në Botërorin e xhudos

Çka të hani që të mos keni fryrje barku?
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore