Formula 1 njoftoi ceremoninë e prezantimit të të gjitha skuadrave për sezonin e ardhshëm në Arenën O2 në Londër.

Kjo do të jetë hera e parë në historinë e Formula 1 që të 10 skuadrat – Alpine, Aston Martin, Ferrari, Haas, Kick Sauber, McLaren, Mercedes, Racing Bulls, Red Bull dhe Williams, bashkë me 20 pilotët dhe Team Principals respektivë do të bëhën bashkë në një mbrëmje special. Kjo pasi viti 2025 shënon 75 vjetorin e zhvillimit të Formula 1 në formën aktuale.

Kjo ceremoni e paprecedentë do të zhvillohet për 120 minuta nga ora 21:00 e datës 18 Shkurt dhe i është besuar Brian Burke nga “BrianBurkeCreative”. Me të do të bashkëpunojnë “Stufish Entertainment Architects”, “DX7 Design” dhe kompania prodhuese “1826”.

Gjatë prezantimit, të ftuarit dhe të pranishmit me bileta do të ndjekin intervista me figura të rëndësishme të Formula 1, përfshi pilotët e skuadrve dhe Team Principals. Në treg kanë dalë 3 fasha biletash nga 58 në 113 paund. Ata që nuk do munden të gjejnë një tillë mund ta ndjekin ceremoninë në transmetim direct.

Njoftimin për këtë ceremoni e dha Presidenti & CEO i Formula 1, Stefano Domenicali. Ndërsa me superlativa dhe i kënaqur u shpreh dhe Presidenti i FIA-s, Mohammed Ben Sulayem. Organizatorët premtojnë për një event që nuk është parë asnjëherë më parë!

Ruben Amorim nuk humb kohë, por ka nisur menjëherë nga puna në krye të ekipit të Manchester United. Portugezi, pak ditë pasi i dha lamtumirën Sportingut të Lisbonës u transferua drejt ishullit, aty ku është prezantuar me lojtarët. Koha në dispozicion është e shkurtër e si rrjedhojë, 39-vjecari nuk ka humbur kohë.

Ndalesa e kampionatit për shkak të kombëtareve është një moment i mirë që djajtë e kuq të bënin ndryshimin në pankinë, duke i lënë afro 2 javë kohë teknikut të ri për tu përshtatur.

Ndeshja e parë zyrtare për Amorim është ajo ndaj Ipswich në kampionat më 24 nëntor, ku dhe do të shihen ndryshimet nga ana e portuezit. Gjendja e ekipit nuk është aspak e mirë për faktin se Manchester United renditet në vendin e 13-të me 15 pikë, 7 më tepër se Ipsëich që gjendet thuajse në zonën e ftohtë.

Fakti i vetëm që qetëson disi Amorim është se djajtë vijnë nga fitorja 3-0 ndaj Leicester nën drejtimin e Van Nistelrooy, i cili bëri mirë si trajner i përkohshëm. Sa i përket dëmtimeve Mainoo, Malacia, Shaë e Maguire pritet të rikthehen në ditët në vijim.

Gjigantët e Bundesligës Bayern Munich janë gjobitur me 150,000 euro nga Federata Gjermane e Futbollit (DFB) të martën pasi mbështetësit e tyre ndërprenë fitoren e tyre në Kupën e Gjermanisë në Ulm në gusht.

Bayern pranoi vendimin e organit drejtues. Ata fituan ndeshjen e 16 gushtit 4-0 .

“Në minutën e 46-të të ndeshjes së Kupës DFB në SSV Ulm, spektatorët e Mynihut ndezën të paktën 70 fishekzjarrë dhe katër bateri fishekzjarre, të cilat lëshuan elementë gjurmues dhe raketa,” tha DFB në një deklaratë. “Disa prej tyre u drejtuan drejt fushës, duke detyruar një ndërprerje afërsisht tre minuta në lojë për shkak të tymit të fortë. Nga kjo shumë, klubi mund të ndajë deri në 50,000 euro për masat e sigurisë apo parandalimit të dhunës, të cilat duhet të verifikohen në DFB deri më 30 qershor 2025”.

Lideri i ligës Bayern do të përballet me kampionin Bayer Leverkusen në 1/16 të Kupës së Gjermanisë më 3 dhjetor.