Lajmet

​Me moton “GRU, JETË, LIRI”, është mbajtur aksion në shenjë solidariteti me gratë e Iranit

Qëllimi i këtij aksioni ishte përkrahja e grave dhe vajzave të Iranit dhe mbarë botës, pas rastit të Mahsa Aminit.

Published

3 years ago

on

Me moton “GRU, JETË, LIRI”, nisma e të Rinjve për të Drejtat e Njeriut në Kosovë (YIHR) ka organizuar një aktivitet në shenjë solidariteti me gratë në Iran. Qëllimi i këtij aksioni ishte përkrahja e grave dhe vajzave të Iranit dhe mbarë botës, pas rastit të Mahsa Aminit e cila ishte vrarë në shtator të këtij viti nga policia e moralit në Iran, e akuzuar për shkelje të kodit konservator të veshjes së vendit.

Me pankarta në duar, ”Liri për gruan iraniane”, “Ne jemi me ty”, “Qëndroni me gruan e Iranit”, “Gratë mund të veshin çfarë të duan”, aktivistet kanë protestuar gjatë ditës së sotme në sheshin “Skënderbeu”, në Prishtinë.

Marigona Shabiu, drejtoreshë ekzekutive e kësaj organizate tha se rregullat strikte në Iran, dhe kontrolli ekstrem i trupave të grave dhe dukjes së tyre, është shkaku i kësaj dhune. Sipas Shabiut autoritetet Iraniane, qysh nga revolucioni Iranian në 1979, kur u bë edhe ndërrimi i pushtetit, kanë kontroll të plotë dhe të tej shtuar mbi vajzat e gratë, dukjen dhe veprimtarinë e tyre. Ajo tha se në shenjë solidariteti me gratë dhe vajzat në Iran, edhe si Nismë e të Rinjve për të drejtat e njeriut e shohin si jetike që ta bëjnë të ditur se edhe Kosova qëndron prapa kësaj kauze.

“Ne dënojmë aktet e dhunës ndaj vajzave dhe grave në Iran. Asnjë nga ne nuk jemi të lirë/a dhe nuk kemi arritur qëllimin e një shoqërie të drejtë dhe të barabartë përderisa ende ka shtypje në botë. Të drejtat e grave janë të drejta të njeriut! Të drejtat e grave iraniane janë të drejta të njeriut! Prandaj sot, jemi mbledhur këtu me moton, GRU, JETË, LIRI, duke ndjekur hapat e rezistencës së grave iraniane, për të qëndruar në solidaritet me to dhe me protestuesit iranianë si dhe për të kërkuar drejtësi për Mahsa Amini dhe të gjitha gratë e protestuesit e tjerë të vrarë në protestat e fundit”, tha ajo.

Ioanna Lachana, aktiviste me prejardhje greke tha se e mbështet këtë nismë, ajo ka kërkuar edhe nga të tjerët ta përkrahin këtë aksion

“Jemi këtu për te mbështetur këtë iniciativë edhe për të mbështetur gratë në Iran dhe në të gjithë botën, kushdo që dëshiron të mbështesë gratë në Iran duhet të jetë këtu sot”, tha ajo.

Ndërsa sipas aktivistes Bjeshkë Guri ka qenë e nevojshme që edhe Qeveria të solidarizohet me gjendjen aktuale që po ndodh në Iran.

“Qeveria kryesisht është dashur të ndërmarrë veçmas këtyre nismave dhe është e rrugës të solidarizohen edhe ata me gjendjen që po ndodh që është aktuale në Iran, sipas informatave ata nuk kanë reaguar as kryeministri, presidentja dhe as ministria e jashtme kështu që nuk kemi pasur reagime”, theksoi ajo.

Rina Kadiri, aktiviste tjetër ka kërkuar edhe nga të tjerët ta përkrahin këtë nismë.

“Kjo nismë duhet të përkrahet prej të gjithëve jo vetëm prej të rinjve, jo vetëm në Kosovë por në të gjithë botën për shkak se është akt rezistent aksioni i sotëm në Kosovë. Ftoj të gjithë qytetarët e Kosovës që ta ndjekin situatën në Iran dhe se çka është duke ndodhur atje dhe të merret si një shembull i keq dhe të realizojmë të drejtat e grave në Kosovë”, tha ajo.

Po ashtu gjatë aksionit disa nga vajzat dhe gratë në shenjë solidariteti kanë prerë flokët. Sipas tyre e gjithë kjo nismë nga gratë iraniane të cilat e kanë filluar këtë formë rezistence si mjet për të protestuar ndaj autoritarizmit dhe për të festuar autonominë dhe lirinë mbi trupin e tyre.

Pas vrasjes së Mahsa Aminit, gratë dhe vajzat Iraniane marshuan rrugët dhe me javë të tëra po vazhdojnë protestat kundër autoriteteve të Iranit. Shumë prej tyre po heqin mbulesën, dhe po prejnë flokët në shenjë proteste dhe rezistence kundër kontrollit dhe dhunës së ushtruar në baza gjinore ndaj tyre. Shumë vajza dhe gra protestuese janë zhdukur dhe gjetur të vrara. Për këto shkelje të të drejtave të njeriut, vende e komunitete të ndryshme nëpër botë po protestojnë. Ajo u arrestua nga autoritet Iraniane, dhe dëshmitarët tregojnë se ajo është rrahur në një furgon. Mahsa Amini vdiq derisa ishte në paraburgim.

Related Topics:
Continue Reading

Lajmet

Ambasada amerikane fton shtetasit e saj në Kosovë për një takim me Prattipatin

Published

1 hour ago

on

December 2, 2025

By

Ambasada amerikane në Prishtinë ka ftuar të gjithë shtetasit amerikanë që banojnë në Kosovë të marrin pjesë në një takim publik (Town Hall) të organizuar nga e ngarkuara me punë, Anu Prattipati.

Takimi do të mbahet të premten, më 12 dhjetor 2025, nga ora 14:00 deri në 15:00 në ambientet e Ambasadës,.

Për më shumë detaje dhe për t’u regjistruar, qytetarët mund të vizitojnë faqen zyrtare të ambasadës dhe të konfirmojnë pjesëmarrjen deri më 5 dhjetor 2025.

“Mesazh për qytetarët amerikanë që banojnë në Kosovë, të premten, më 12 dhjetor 2025, nga ora 14:00 deri në orën 15:00, qytetarët amerikanë ftohen të marrin pjesë në një takim publik në Ambasadën e SHBA-së, të organizuar nga e Ngarkuara me Punë Anu Prattipati”, shkruhet në njoftimin e ambasadës në Facebook.

Continue Reading

Lajmet

Përparim Rama: Mjetet ende nuk janë bartur nga Ministria e Financave në buxhetin e Komunës së Prishtinës

Published

3 hours ago

on

December 2, 2025

By

Ndonëse Asambleja Komunale e Prishtinës miratoi më 27 nëntor bartjen e buxhetit 2024 në 2025-tën, megjithatë kryetari i Komunës së Prishtinës, Përparim Rama thotë se këto mjete nuk janë bartur në buxhetin e Komunës.

“Më 27 nëntor, Asambleja Komunale e Prishtinës miratoi bartjen e mjeteve buxhetore nga viti 2024. ❗Sot, 2 dhjetor, mjetet ende nuk janë bartur nga Ministria e Financave në buxhetin e Komuna e Prishtinës!!!”, ka shkruar Rama.

Ndërkohë që edhe sot përfaqësuesit e “Trafikut Urban” dhe operatorëve privatë do të protestojnë për të kërkuar pagën e tyre.

KOMUNA E PRISHTINËS: MJETET FINANCIARE ENDE NUK JANË BARTUR NGA MINISTRIA E FINANCAVE

Komuna e Prishtinës thotë se ende nuk janë bartur mjetet financiare nga Ministria e Financave, ndonëse Asambleja Komunale e Prishtinës e kishte miratuar vendimin për bartjen e mjeteve buxhetore nga viti 2024 në 2025.

“Të nderuar qytetarë, ju njoftojmë se më 27 nëntor 2025, Asambleja Komunale e Prishtinës ka miratuar vendimin për bartjen e mjeteve buxhetore nga viti 2024. Megjithatë, deri sot, më 02 dhjetor 2025, mjetet financiare ende nuk janë bartur nga Ministria e Financave në buxhetin e Komunës së Prishtinës. Në momentin që mjetet alokohen në buxhetin e Komunës së Prishtinës, qytetarët do të informohen menjëherë përmes kanaleve zyrtare të komunikimit”, thuhet në njoftimin e Komunës./EO

Continue Reading

Lajmet

Dy persona goditen nga rryma në Gjilan, po ndërronin njehsorët

Published

3 hours ago

on

December 2, 2025

By

Dy persona janë goditur nga rryma të hënën në rrugën “Skënderbeu” në Gjilan, pasi ishin duke punuar në ndërrimin e njehsorëve.

Sipas raportit 24 orësh të Policisë thuhet se te dy viktimat kanë pësuar lëndime trupore me ç’rast edhe kanë pranuar tretman mjekësor.

Në vendin e ngjarjes kanë dalë njësitë përkatëse policore dhe inspektori i punës, ndërsa lidhur me rastin është njoftuar prokurori.

“Dy viktimat meshkuj kosovarë derisa kanë qenë duke punuar në ndërrimin e njehsorëve, janë goditur nga rryma. Si pasojë të njëjtit kanë pësuar lëndime trupore dhe kanë pranuar tretman mjekësor. Në vendin e ngjarjes kanë dalë njësitë përkatëse policore dhe inspektori i punës. Lidhur me rastin është njoftuar prokurori”, thuhet në raport.

Continue Reading

Lajmet

​Rrahmani në mesin e më të mirëve të vitit në Serie-A

Published

3 hours ago

on

December 2, 2025

By

Gran Galà del Calcio 2025 që u mbajt në Milano dhe solli listën e fituesve të sezonit 2024-25 në Serie A. Çmimi kryesor, ai i Lojtarit të Vitit, shkoi për mesfushorin e Napolit, Scott McTominay, i cili u vlerësua për sezonin e jashtëzakonshëm dhe rolin e tij në sukseset e klubit.

Formacioni ideal i vitit u dominua nga Interi dhe Napoli, që luftuan deri në fund për titull. Në listë u përfshinë emra si Denzel Dumfries, Amir Rrahmani, Alessandro Bastoni, Federico Dimarco, Nicolò Barella dhe Lautaro Martinez. Në këtë Top XI janë edhe dy lojtarë që tashmë kanë lënë Serie A: Tijjani Reijnders, që kaloi te Manchester City, dhe Mateo Retegui, i transferuar te Al-Qadsiah.

Antonio Conte u shpall Trajneri i Vitit, ndërsa Napoli mori çmimin e Klubit të Vitit, duke konfirmuar dominimin gjatë sezonit. Sulmuesi i Interit, Francesco Pio Esposito, fitoi çmimin Italian Golden Boy si talenti më i mirë i ri, ndërsa Nicolò Bertola nga Udinese u vlerësua për paraqitjet e tij në Serie B.

Çmimi “Goli i Vitit” shkoi për Alessandro Deiolën e Cagliarit për një supergol në fitoren 3-0 ndaj Venezias, një realizim që ishte nominuar edhe për çmimin FIFA Puskas.

Formacioni ideal i Serie A për vitin 2025 u përmbyll me: Svilar; Dumfries, Rrahmani, Bastoni, Dimarco; McTominay, Barella, Reijnders; Lautaro Martinez, Kean, Retegui./S.K/KP/

Continue Reading

Të kërkuara