Lajmet

​Mbrojtja e Gucatit thotë që masa e dënimit nuk duhet të jetë as e përafërt me kërkesën e prokurorisë

Rees ka përmendur bashkëpunimin e Gucatit me gjykatën dhe e ka cilësuar të mbrojturin e tij njëri të ndershëm.

Published

3 years ago

on

Mbrojtja e Hysni Gucatit, avokati Jonathan Elystan Rees ka kundërshtuar kërkesën e prokurorisë për dënim me burgim prej gjashtë vjetësh, kërkesë të cilën e ka quajtur skandaloze.

Rees ka përmendur bashkëpunimin e Gucatit me gjykatën dhe e ka cilësuar të mbrojturin e tij njëri të ndershëm. Ai ka thënë se Gucati tashmë i ka vuajtur 18 muaj burgim, që sipas tij, është dënim i rëndë.

“Kur zoti Gucati i ka kaluar 18 muaj i burgosur nuk duhet të ndërmerren këtu asnjë lloj mase për të vuajtur masë dënim në një vend tjetër në një pjesë tjetër të Evropës. Dënimi me kusht mund të jetë masë dënimi deri në dy vite të gjata dhe ky është një dënim në vetvete shumë i ashpër, askush nuk mund të sugjerojë që një periudhë dy vjeçare nuk është një dënim i rëndë. Kualifikimi që gjendet këtu është që për dënimet me kusht parashikojnë një masë dënimi që është deri në dy vite. Në rrethanat e kësaj çështje kjo do të nënkuptonte që për shembull ju të nderuar gjykatës të arrini në përfundimin ta zëmë një masë dënimi e përshtatshme për këtë vepër penale do të ishte tre vite e gjashtë muaj, nëse zbriten 18 muajt atëherë do të zbritet në dy vite që do të ishte dënim me kusht. Dhe ne do të thonim që një farë mënyrë kështu do të merreshin parasysh edhe disa nga shqetësimet që i ngre Prokurori i Specializuar”, ka thënë Rees.

Sipas tij, në këtë mënyrë do të adresohej edhe pjesa e parandalimit dhe ajo e kryerjes së të njëjtës vepër.

“Nëse gjeni në mënyrë të drejtë që është kryer një vepër penale, të mbulonit një periudhë dy vjeçare të dënimit me kusht, ne do të thonim që kjo do të ishte një zgjidhje e drejtë e cila do të kishte edhe rolin parandalues dhe do të adresonte edhe çështjen e kryerjes së të njëjtës vepër. Dhe sipas parashtrimit tim ju i nderuar gjykatës duhet të impononi masën më të ulët që është e përshtatshme dhe që është në përputhje me veprën penale që analizohet”, ka thënë Rees.

Rees ka thënë se trupi gjykues duhet të trajtojë me kujdes çështjen para se të jap vendimin dhe të mos shqiptojë masë as të përafërt me atë që po e kërkon prokuroria.

“Prokuroria në këtë rastin tonë kërkon gjashtë vite, kërkon një masë dënimi gjashtë vite. Autoritetet që japin dënimet në juridiksione të tjera, apo tribunaleve të tjera nuk janë të detyruar të zbatojnë këtë udhëzues. Ky trup gjykues duhet ta shqyrtojë këtë çështje me kujdes të madh, të reflektojë të gjitha vendimet e gjykatave të tjera, përfshirë në këtë qytet, dhe të mos jap një masë shproporcionale dënimi. Sigurisht asnjë masë që t’i afrohet as afër asaj që kërkohet në mënyrë shproporcionale nga prokuroria, pra masën prej gjashtë vitesh”, ka thënë avokati i Gucatit.

Në pjesën e fundit të seancës do t’i bëjë parashtrimet e tij edhe avokati i Nasim Haradinajt. Gjithashtu do të dëgjohen edhe deklaratat e fundit nga të akuzuarit Hysni Gucati dhe Nasim Haradinaj.

Ish-krerët e Organizatës së Veteranëve të Luftës së UÇK-së u arrestuan më 25 shtator 2020 prej kur edhe po qëndrojnë në paraburgim në Hagë.

Rrjedhja e disa dokumenteve nga Specialja, të cilat nga një person ende i panjohur janë dërguar në zyrat e OVL-UÇK, dhe bërja publike e kësaj ngjarje nga krerët e organizatës, është arsyeja pse po gjykohen Hysni Gucati e Nasim Haradinaj.

Mbi ta rëndojnë akuzat për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.

Related Topics:
Continue Reading

Aktualitet

Laura e Argjendtë – UBT dhe Kosova përfaqësohet denjësisht në lojërat universitare botërore në Gjermani

Published

6 hours ago

on

July 24, 2025

By

Një tjetër sukses i jashtëzakonshëm për sportin kosovar dhe për UBT. Studentja dhe xhudistja e njohur, Laura Fazliu, ka fituar medaljen e parë në historinë e Kosovës, atë të argjendtë, në Lojërat Universitare Botërore “FISU World University Games”, të mbajtura në Rhine-Ruhr, Gjermani.

Laura tregoi performancë mbresëlënëse në kategorinë e saj, duke e nisur garën në mënyrë të fuqishme:

Xhiroja e dytë – Mposhti Sofiia Bordinskykh nga Ukraina

Çerekfinalja – Triumfoi ndaj Viktoria Folgen nga Gjermania

Gjysmëfinalja – Shënoi fitore të madhe kundër Flavia Favorini nga Italia

UBT dhe mbarë Kosova janë krenarë me Laura Fazliun. Suksesi i saj është frymëzim për të gjithë studentët dhe të rinjtë që synojnë të arrijnë majat e suksesit në sport.

Continue Reading

Lajmet

Ylli i Juventusit nuk paraqitet në stërvitje, irritohen drejtuesit e klubit

Published

7 hours ago

on

July 24, 2025

By

Douglas Luiz po përballet me një situatë kritike te Juventusi, pasi mesfushori brazilian refuzoi të paraqitet në vizitat mjekësore dhe në nisjen e kampit stërvitor të skuadrës nën drejtimin e Igor Tudor. Ky veprim i papritur ka tronditur drejtuesit e klubit, të cilët kanë paralajmëruar masa të rënda disiplinore ndaj tij, duke e bërë largimin e tij gjatë këtij merkatoje edhe më të mundshëm.

I transferuar nga Aston Villa verën e kaluar për 51.5 milionë euro, një marrëveshje që përfshinte edhe kalimin e Enzo Barrenechea dhe Samuel Iling Jr, Luiz nuk arriti të përmbushë pritshmëritë.

Ai luajti vetëm 27 ndeshje dhe shpesh u pengua nga dëmtimet dhe forma e dobët, duke mos arritur të bindë as ish-trajnerin Thiago Motta, as pasuesin e tij, Tudor.

Aktualisht, mesfushori 27-vjeçar lidhet me disa klube të Premier League si Manchester United, West Ham, Everton dhe Manchester City.

Agjenti i tij ndodhet në Angli për të gjetur një zgjidhje, pasi raportet e Luiz me Juventusin janë prishur plotësisht dhe një ndarje duket e pashmangshme. Ky transferim po shihet si një nga më të dështuarit e bardhezinjve në vitet e fundit.

Continue Reading

Lajmet

Arsenali finalizon goditjen e bujshme

Published

9 hours ago

on

July 24, 2025

By

Arsenali ka finalizuar njërën nga lëvizjet më të bujshme të këtij afati kalimtar veror, duke siguruar shërbimet e sulmuesit suedez Viktor Gyökeres nga Sporting Lisbonë.

Të gjitha dokumentet mes dy klubeve janë miratuar, ndërsa lojtari ka marrë edhe lejen zyrtare për të udhëtuar drejt Londrës, ku brenda 24 orëve pritet të kryejë testet mjekësore dhe të prezantohet si përforcimi më i ri i “Topçinjve”.

Marrëveshja mes Arsenalit dhe Sportingut është mbyllur për një shumë totale prej 63.5 milionë euro plus 10 milionë euro bonuse, që mund ta çojnë koston përfundimtare të transferimit në rreth 73.5 milionë euro. Pritet që kontrata e sulmuesit 26-vjeçar të firmoset brenda ditëve të ardhshme, pas kalimit me sukses të kontrolleve mjekësore.

Gyökeres, i cili sezonin e kaluar shkëlqeu në Portugali me gola dhe asistime vendimtare, shihet nga trajneri Mikel Arteta si një përforcim kyç për fazën ofensive të Arsenalit në prag të sezonit të ri të Premier Ligës dhe Ligës së Kampionëve.

Ky transferim pritet të sjellë konkurrencë të madhe në sulm, duke u shtuar emrave si Gabriel Jesus dhe Kai Havertz. Tifozët londinezë kanë pritur me entuziazëm këtë lajm, duke shpresuar se suedezi do të ndihmojë ekipin në luftën për trofe këtë sezon.

Continue Reading

Lajmet

Gjakovë: 63 shoferë kapen nën ndikimin e alkoolit

Published

9 hours ago

on

July 24, 2025

By

Policia në rajonin e Gjakovës, në kuadër të planit operativ “Alkooli”, ka shtuar kontrollet rrugore gjatë katër ditëve të fundit, duke testuar me alkool-test gjithsej 385 drejtues automjetesh. Si rezultat i këtyre kontrolleve, 63 shoferë janë kapur duke drejtuar mjetin nën ndikimin e alkoolit, në kundërshtim me normat ligjore të lejuara.

Sipas një njoftimi zyrtar, për të gjithë shkelësit është shqiptuar gjobë si dhe masa mbrojtëse e ndalimit të drejtimit të automjetit me veprim motorik. Po ashtu, atyre u janë konfiskuar përkohësisht patentë-shoferët, për kohëzgjatjen e përcaktuar me ligj.

Krahas kontrolleve për alkoolin, Njësia Rajonale e Komunikacionit Rrugor po zbaton edhe planin operativ “Sezoni Veror”, i cili përfshin fushata vetëdijësuese dhe aktivitete preventive. Fokusi kryesor është tek shkeljet që paraqesin rrezik të shtuar për sigurinë në trafik, si ngasja me shpejtësi të lartë, tejkalimet e rrezikshme, përdorimi i telefonit gjatë vozitjes, mosvendosja e rripit të sigurisë dhe e helmetës mbrojtëse.

Drejtoria Rajonale e Policisë në Gjakovë u bën thirrje të gjithë pjesëmarrësve në trafik që të respektojnë me përpikëri rregullat e komunikacionit dhe të shmangin çdo veprim që rrezikon jetën dhe pronën e qytetarëve. Bashkëpunimi me autoritetet është thelbësor për të garantuar një ambient të sigurt rrugor për të gjithë.

Continue Reading

Të kërkuara