Lajmet

​Mbi 35% dalja e votuesve në Lipjan

Published

on

Përkundër vështirësive të shkaktuara nga moti i lig, në komunën e Lipjanit kanë votuar mbi 35 përqind e qytetarëve, që për zyrtarët komunal zgjedhor, dalja është e kënaqshme. Ndërsa, qytetarët e kësaj komune presin ndryshim rrënjësor pas këtyre zgjedhjeve.

Hamza Kadriu, zyrtar i lartë në Komisionin Komunal Zgjedhor në Lipjan, tha për KosovaPress se distribuimi i materialit nëpër qendra të votimit edhe për kundër vështirësive nga moti i lig është bërë me kohë, vendvotimet janë hapur me kohë dhe procesi i votimit ka filluar me kohë.

“Votuesit paradite kanë dalë në numër më të vogël deri në orën 11:00, mirëpo në raportin e fundit që e kemi marrë nga terreni, dalja mund të themi se është e kënaqshme. Kanë dalë në votime 20 mijë e 416 votues ose në përqindje 35.4 për qind. Ekipet mobile kanë funksionuar në terren, dy ekipe kanë përfshirë qendrën e paraburgimit she shtëpinë korrektuese, katër ekipe kanë qenë të angazhuara me personat e infektuar me Covid-19, ndërsa tri ekipe për personat me aftësi kufizuar”, tha Kadriu.

Qytetari nga Lipjani, Isa Bahtiri tha për KosovaPress se pret ndryshim rrënjësor pas këtyre zgjedhjeve.

“Pres ndryshim rrënjësor, sepse gati është rrëzuar për toke ky vend. Çka duhet me bërë qeveri e ardhshme? Natyrisht me një drejtësi, me një guxim, dhe pa kompromis ndaj së keqes”, tha Bahtiri.

Edhe Bajrush Berisha qytetar pret që në qeverisjen e ardhshme të këtë mirëqenie më të mirë, punësim dhe zhvillim ekonomik.

“Presim sikur shumica që po pret, punë më të mira, me drejtësi. Menaxhim me drejtësi, për mirëqenie sociale, për punësim”, tha Bahtiri.

Në qendrën më të madhe të votimit në Lipjan, në shkollën “Ismail Luma” dalja e qytetarëve për të votuar është më e ulët se në zgjedhjet e kaluara për shkak të motit të ligë.

Menaxheri i kësaj Qendre, Driton Sadiku tha për KosovaPress se në këtë shkollë, të drejt vote kanë 4 mijë 531 votues, ndërsa deri në orën 14:00 kanë votuar vetëm 1300 prej tyre.

Sadiku thotë se pasdite numri i votuesve është rritur, por që respektimi i masave për parandalimin e përhapjes së Covid-19 ishte për të dëshiruar.

“Deri në këto momente kur po flasim janë diku 1 mijë e 300 qytetarë që iu kanë përgjigjur vullnetit demokratik për me votuar. Ajo që vlen të theksohet, është që kur pati dalje më të madhe të qytetarëve, distanca e tyre ishte më e vogël. Megjithatë numri më i madhe i tyre janë me maska, por edhe ne si qendër jemi pajisur me maska rezervë për t’iu dhënë maska qytetarëve këtu. Edhe temperaturat e ulëta sot nuk po lejojnë një dalje më të madhe, por në këto momente ka një lëvizje më të madhe të qytetarëve”, tha ai.

Komuna e Lipjanit ka 57 mijë e 714 votues, 34 qendra të votimit dhe 78 vendvotime.

Bota

Von der Leyen: Bashkëpunimi BE-SHBA në interes dypalësh

Published

on

Presidentja e Komisionit të BE-së, Ursula von der Leyen, dhe kancelari gjerman, Olaf Scholz, u shprehën në Forumin Ekonomik Botëror në Davos për rëndësinë e bashkëpunimit të ngushtë mes Bashkimit Evropian dhe Shteteve të Bashkuara të Amerikës.

Von der Leyen paralajmëroi presidentin e ri të SHBA-së, Donald Trump, që të shmangë nisjen e një lufte tregtare me Evropën dhe theksoi gatishmërinë e BE-së për negociata. Ajo theksoi se ekonomitë e BE-së dhe SHBA-së janë të ndërthurura në një masë të jashtëzakonshme dhe se vëllimi i tregtisë mes dy palëve arrin në 1.5 trilion euro, që përfaqëson 30 për qind të tregtisë botërore. “Të dyja palët do të rrezikonin shumë”, tha Von der Leyen.

Kjo deklaratë vjen pas njoftimit të Trumpit gjatë fushatës zgjedhore se kishte për qëllim vendosjen e tarifave të reja për importet, përfshirë një tarifë deri në 60 për qind për mallrat kineze. Trumpi ka shprehur shqetësimin për deficitin tregtar dhe dëshirën për të forcuar prodhimin amerikan.

Kancelari Scholz gjithashtu shprehu shpresën që SHBA të mbetet një aleat i ngushtë i Gjermanisë edhe nën presidencën e Trumpit, por theksoi se duhet të ketë maturi në qëndrimet ndaj SHBA-së, duke shtuar se jo çdo deklaratë ose postim nga Uashingtoni duhet të shkaktojë tensione të mëdha në Evropë. Ai theksoi se bashkëpunimi mes BE-së dhe SHBA-së është kyç për paqen, sigurinë dhe zhvillimin ekonomik global./UBTNews/

Continue Reading

Lajmet

Kontingjenti i FSK-së, pjesë e ushtrimit “Winter EX 2025” në Turqi

Published

on

By

Kontingjenti i Forcës së Sigurisë së Kosovës, i është bashkuar forcave partnere në ushtrimin ndërkombëtar “Winter EX 2025” që udhëhiqet nga Forcat e Armatosura të Republikës së Turqisë ( FART).

FSK-ja njofton se Ushtrimi Fushor “Winter EX 2025” është një aktivitet shumëpalësh me pjesëmarrje të gjerë nga vendet partnere, agjencitë e sigurisë, organizatat qeveritare dhe joqeveritare të Turqisë, e që fokus ka aspektin operacional dhe taktik në kushte të motit ekstrem dhe brenda kufijve territorial të Turqisë.

Pjesëmarrja e FSK-së, në ushtrim ka për qëllim ngritjen dhe avancimin e kapaciteteve operacionale dhe profesionale të njësive , si dhe ngritjen e ndërveprueshmërisë në operacionet e përbashkëta me partnerët.

Continue Reading

Lajmet

Delegacioni presidencial pjesëmarrës në inaugurimin e Presidentit të 47-të të SHBA-ve

Published

on

By

Delegacioni presidencial ka marr pjesë në aktivitetet e organizuara me rastin e inaugurimit të Presidentit të 47-të, të SHBA-ve, Donald Trump.

Një delegacion presidencial, i përbërë nga Learta Hollaj, Shefe e Stafit të Presidentes, dhe Rejhan Vuniqi, Këshilltare për Politikë të Jashtme, të shoqëruar nga Ambasadori i Republikës së Kosovës në SHBA, Ilir Dugolli, ka marrë pjesë në aktivitetet e organizuara për nder të inaugurimit të Presidentit të 47-të, të Shteteve të Bashkuara të Amerikës, Donald Trump.

Nga Presidenca njoftohet se gjatë këtyre ditëve, ata kanë marrë pjesë në ceremoninë e betimit të Presidentit Trump në Capitol Hill, Tubimin e mbajtur para ceremonisë së betimit në Capital One Arena, Ballon e Komandantit Suprem; Ballon Presidenciale “The Liberty Ball”, Ballon “Black Tie and Boots”, të organizuar nga Texas State Society, Midwest Galla, pritjen e organzuar nga Dr. Miriam Adelson, Tilman Fertitta, Sylvie Legere & Todd Ricketts e Mark Zuckerberg, si dhe në Shërbesën e Lutjeve Kombëtare në Washington National Cathedral.

Me këtë rast, ata kanë pasur mundësinë të takohen me një sërë zyrtarësh të lartë, senatorë dhe kongresistë, si dhe këshilltarë dhe persona me ndikim nga bota e biznesit dhe sfera të tjera të interesit.

Gjatë këtyre aktiviteteve, ata kanë pasur mundësinë të bisedojnë me: Kryetarin e Dhomës së Përfaqësuesve në Kongresin amerikan, Mike Johnson; të nominuarin e Presidentit Trump për Drejtor të CIA-s, John Ratcliffe; Kongresistin dhe Kryesuesin e nënkomitetit për Evropë në Komitetin për Politika të Jashtme të Dhomës së Përfaqësuesve të SHBA-ve, Keith Self; Kongresistin Chip Roy; Kongresistin Ronny Jackson; Senatorin John Cornyn, Kongresistin Ted Cruz; Guvernatorin e Teksasit, Greg Abbott; Guvernatoren e Iowa, Kim Reynolds; Ambasodorin e nominuar të Presidentit Trump në NATO, Matt Whitaker; Zëvendës Guvernatorin e Teksasit, Dan Patrick; Prokurorin e Përgjithshëm të Teksasit, Ken Paxton; ish-Sekretarin e Përgjithshëm të NATO-s, Jens Stoltenberg; Senatoren e Teksasit, Angela Paxton; Këshilltarin lokal, Gino Mulliqi; dhe ish-Kongresistin Jack Fields, si dhe përfaqësues të shumtë të mërgatës.

Në të gjitha këto takime, janë përcjellë urimet më të mira për Presidentin Trump dhe administratën e re në emër të Presidentes Osmani dhe qytetarëve të Kosovës, duke konfirmuar angazhimin e Republikës së Kosovës për avancimin e mëtejshëm dhe të vazhdueshëm të raporteve bilaterale. Në bisedat me zyrtarët amerikanë është theksuar gjithashtu rëndësia e vizitave të ndërsjella, si dhe rëndësia e bashkëpunimit me qëllim të avancimit dhe ruajtjes së sigurisë në rajon dhe përtej.

Continue Reading

Lajmet

Lajçak: Marrëveshja e Ohrit hapi rrugën drejt normalizimit të raporteve Kosovë – Serbi

Published

on

Miroslav Lajçak, emisari i Bashkimit Europian për dialogun, ka folur për takimin që zhvilloi dje me presidentin serb, Aleksandar Vuçiç, në kuadër të përpjekjeve për të përshpejtuar procesin e dialogut ndërmjet Kosovës dhe Serbisë.

Në një postim në platformën X, Lajçak theksoi rëndësinë e Marrëveshjes së Ohrit të vitit 2023, e cila, sipas tij, ka hapur një rrugë të re për normalizimin e marrëdhënieve ndërmjet dy vendeve. “Theksova se Marrëveshja e Ohrit e vitit 2023 hapi rrugën përpara drejt normalizimit”, shkruajti ai, duke theksuar se avancimi në këtë drejtim është jetik për të ardhmen e dy vendeve dhe të gjithë rajonit.

Lajçak shtoi se progresi i mëtejshëm është në interes të Kosovës, Serbisë dhe të ardhmes së tyre, duke i bërë thirrje të dyja palëve të vazhdojnë përpjekjet për të arritur një marrëveshje përfundimtare që do të kontribuonte në stabilitetin dhe paqen në Ballkanin Perëndimor./UBTNews/

Continue Reading

Të kërkuara