Sport

​Manchester City pritet të përurojë shtatoret e Kompany dhe Silvas

Published

on

Kampioni i Premier Ligës angleze Manchester City do të prezantojë shtatoret e ish-lojtarëve Vincent Kompany dhe David Silva, para ndeshjes së ditës së shtune kundër Arsenalit.

Po ashtu, në vitin 2020 “Qytetarët” prite që krahas shtatoreve të Kompany dhe Silvas të përurojnë edhe shtatoren e sulmuesit argjentinas Sergio Aguero.

Kjo treshe ka qenë pjesë kyçe e ekipit anglez, duke e ndihmuar drejt titujve të Premier Ligës angleze, Carling Cup e FA Cup.

Mbrojtësi belg Kompany, i cili tani është në rolin e trajnerit të Anderlecht, ishte kapiten i Cityt në triumfin e tyre drejt titullit të Premier Ligës në sezonin 2011/12, titull ky që ishte i pari pas 44 vitesh.

Kompany fitoi po të njëjtin titull edhe në sezonet 2013/14, 2017/18, dhe 2018/19.

Në anën tjetër, Sergio Aguero i cili u largua nga City drejt Barcelonës këtë verë, është golashënuesi më i mirë i gjitha kohërave për klubin, duke regjistruar plot 260 gola mbi emrin e tij.

Goli i tij më i rëndësishëm vazhdon të jetë ai në ndeshjen kundër skuadrës së QPR, ku në minutat e fundit të ndeshjes ia siguron Manchester Cityt fitoren, dhe titullin e parë të Premier Ligës angleze.

Mesfushori spanjoll David Silva, i cili tani mbron ngjyrat e Real Sociedadit, ishte po ashtu ndër lojtarët kyç përgjatë suksesit të Manchester Cityt, duke bërë 436 paraqitje për klubin nga viti 2010 deri në 2020.

Skulptori i këtyre shtatoreve do të jetë ai me renome botërore Andy Scott. Vendimi për shtatoret e Kompanys, Silvas dhe Agueros ishte nga njëri nga presidentët e klubit, Khaldoon Al Mubarak.

Sport

Trajneri portugez: Duhet të fokusohemi në Ligën e Evropës

Published

on

Trajneri portugez, Ruben Amorim, ka bërë të ditur se Manchester United tashmë do ta përqendrojë vëmendjen tërësisht në Ligën e Evropës – kompeticionin e dytë më të rëndësishëm për klube në kontinent.

“Djajtë e Kuq” aktualisht gjenden në pozitën e 14-të në Premier League dhe me këtë formë, rrezikojnë ta përfundojnë sezonin në pjesën e poshtme të tabelës.

Megjithatë, në Evropë gjërat po shkojnë ndryshe për ekipin nga Old Trafford, që ka siguruar një vend në gjysmëfinale të Ligës së Evropës.

Një triumf në këtë garë do t’u siguronte atyre një biletë për në Ligën e Kampionëve sezonin e ardhshëm.

Pas fitores kundër Lyonit në çerekfinale, trajneri Amorim theksoi se ky është objektivi kryesor i skuadrës në vazhdim.

“Ne me të vërtetë duhet të fokusohemi në Ligën e Evropës dhe ndonjëherë të rrezikojmë me fëmijë në Ligën Premier. Tifozët duhet të kuptojnë se ne duhet të fokusohemi në Ligën e Evropës”, ka thënë Amorim.

Continue Reading

Sport

Shkak konflikti me vëllain? Ndërron jetë futbollisti i njohur Boupendza, ra nga kati i 11-të

Published

on

Sulmuesi gabonez Aaron Boupendza ka ndërruar jetë në moshën 28 vjeçare, si pasojë e rënies nga kati i 11-të nga një ndërtesë banimi në Kinë.

Raportohet se Boupendza ka rënë nga banesa ku po banonte, i njëjti ishte duke luajtur për ekipin Zheijang FC në Superligën kineze. Autoritetet kanë nisur hetimet rreth arsyes së incidentit me fatalitet, njoftojnë mediat kineze.

Policia kineze i ka përpara tre skenarë të mundshëm: vetëvrasja, rënia aksidentale dhe vrasja. Bëhet e ditur se vëllai i Boupendzas ishte prezent në apartament në momentin e incidentit dhe raportohet se të dy e kishin një fjalosje.

Autoritetet po e shqyrtojnë mundësinë nëse kjo zënkë ishte arsyeja që e shtyu Boupendzan të kërcente. Pritet që vëllai të merret në pyetje rreth asaj që i ndodhi atij.

Boupendza mungoi në stërvitjen e fundit të ekipit pa arsye dhe drejtuesit e Zhejiang FC thanë se ishte e pamundur të binin në kontakt me të para se ta merrnin lajmin për vdekjen e tij.

28 vjeçari ishte bërë i famshëm kur me Hataysporin në Turqi i kishte realizuar 22 gola në 36 ndeshje gjatë sezonit 2020/21, duke e fituar titullin e golashënuesit më të mirë të vitit në Superligën turke.

Gjatë karrierës së tij ka luajtur për klube të ndryshme përfshirë këtu: CF Mounana, Bordeaux, Pau FC, Ajaccio, Tours FC, Feirense, Al-Arabi, Al-Shabab, FC Cincinnati, Rapid Bucharst dhe së fundmi në Zhejing FC.

Autoritetet kineze shumë shpejt pritet t’i bëjnë të ditura shkaqet e vdekjes së futbollistit.

Continue Reading

Sport

Neymar dëmtohet sërish, lë fushën mes lotësh

Published

on

Sulmuesi i Santos, Neymar u largua nga fusha në lot pasi dëmtoi këmbën, vetëm 34 minuta në ndeshjen e tij të parë si titullar në kampionatin brazilian të futbollit.

33-vjeçari, i cili u rikthye pas gjashtë javësh pasi ishte jashtë fushe si pasojë e një një dëmtimi në kofshë, e nisi titullar kundër Atletico MG.

Ish-sulmuesi i Barcelonës kishte veshur një fanellë speciale me numrin 100 për të përkujtuar paraqitjet e tij të 100-të në stadiumin ‘Vila Belmiro’ të Santos.

Por, Neymar bëri me shenjë drejt pankinës pas golit të Alvaro Barreal që i dha Santosit epërsinë 2-0. Sulmuesi u ul në fushë për të pritur ndihmën mjekësore.

Mjekët treguan se ai nuk mund të vazhdonte dhe një Neymar qartësisht emocional u largua nga fusha në lot, duke mbajtur me dorë zonën e majtë të kofshës që e kishte mbajtur jashtë për gjashtë javët e mëparshme.

Continue Reading

Sport

Drita – Prishtina, super-derbi kosovar do të luhet sot

Published

on

Superliga e futbollit kosovar do të vazhdojë sot me dy ndeshjet e fundit të xhiros së 29-të. Padyshim, dueli kryesor i ditës, por edhe i krejt kësaj xhiroje do të jetë ai mes Dritës dhe Prishtinës.

Gjilanasit vijnë nga gabimi kundër Malishevës, me ç’rast distanca me Ballkanin u ngushtua në 10 pikë, Prandaj, “Intelektualët” kanë nevojë për fitore në shtëpi për ta ruajtur këtë diferencë dhe për të qenë kështu më të qetë.

Kryeqytetasit e mposhtën në mesjavën e kaluar Dritën në Kupën e Kosovës, ndërsa vazhduan më pas me një tjetër performancë spektakolare kundër Suharekës në Superligë, për ta konfirmuar këndelljen me trajnerin e ri, Arsim Thaqi.

Për këtë, dueli i sotëm mes rivalëve të moçëm pritet të jetë “i zjarrtë”.

Ndërkohë, në ndeshjen tjetër të ditës, Ballkani do ta ketë të obligueshme fitoren ndaj Gjilanit në shtëpi dhe të shpresojë më pas në një gabim eventual të lideres Drita, me shpresën që ta ngushtojë disavantazhin në pikë.

Dy ndeshjet e sotme të Superligës do të nisin prej orës 15:00.

Continue Reading

Të kërkuara