Sport

​Luiza Gega pritet me ceremoni në Rinas: Më krenare se kurrë për ngjyrat e flamurit

Në ceremoninë e pritjes ishte e pranishme ministrja e Arsimit dhe Sportit, Evis Kushi.

Published

on

Kampionia e Evropës në atletikë Luiza Gega u prit sot me një ceremoni në aeroportin ndërkombëtar “Nënë Tereza” në Tiranë.

Në ceremoninë e pritjes ishte e pranishme ministrja e Arsimit dhe Sportit, Evis Kushi, ministrja për Fëmijët dhe Rininë, Bora Muzhaqi, Presidenti i Komitetit Olimpik Kombëtar Shqiptar, Fidel Ylli etj.

Në fjalën e saj, ministrja Kushi tha se “Luiza përfaqëson shumë më tepër sesa një kampione Evrope në atletikë. Ajo është modeli i shkëlqyer jo vetëm në sport por në çdo fushe te jetës. Luiza është modeli që duhet të frymëzojë çdo të ri shqiptar, sepse vetëm me këmbëngulje mund t’ia dalësh. Ky vit ka qenë plot ngjarje të rëndësishme për sportin”.

“Kupa e Botës, Finalja e “Conference League”, Kampionati Evropian i Peshëngritjes. Ngjarje këto që kontribuojnë edhe në promovimin e Shqipërisë, në zhvillimin e turizmit dhe ekonomisë shqiptare. Po ashtu, domethënëse ka qenë edhe pjesëmarrja e sportistëve tanë në ngjarjet e rëndësishme sportive në botë. Kampionate, lojëra olimpike, mesdhetare. Dhe rezultatet kanë qenë si asnjëherë tjetër, Shqipëria po ngrihet në një nivel të ri në arenën ndërkombëtare”,- theksoi Kushi.

Ministrja Kushi tha se kjo e rrit akoma më shumë përgjegjësinë për më shumë mbështetje për sportin në përgjithësi dhe sportistët elitare në veçanti.

“Përveç Ligjit të ri për Sportin, unë jam krenare veçanërisht për ndryshimet e fundit në VKM, ku kemi parashikuar që të shpërblejmë edhe sportistët e sporteve individuale, të kategorive “të rritur” dhe “të rinj, që arrijnë rezultate në veprimtaritë ndërkombëtare. Ishte një vendim për t’i dhënë vlerësimin dhe dinjitetin e merituar sportistëve tanë elitare, duke motivuar kështu jo vetëm ata por edhe gjithë të rinjtë e të rejat që merren me sport”, shtoi Kushi.

Kushi theksoi se, zhvillimi i infrastrukturës sportive vazhdon të jetë një sfidë, për t’u krijuar sportistëve kushte sa më të përshtatshme.

“Dy aktivitetet e mëdha dhe të rëndësishme, “Conference League” dhe “Kampionati i 100-të Evropian i Peshëngritjes” dëshmuan që investimet në infrastrukturë janë një potencial për të mirëpritur aktivitete prestigjioze ndërkombëtare, të cilat përkthehen edhe në benefite ekonomike për vendin”, tha Kushi.

“E dashur Luiza, Ndër emocionet më të veçanta që kam përjetuar gjatë punës sime si ministre Sportesh ka qenë momenti kur ti dhe Brikeni valëvitet flamurin tonë kuqezi në Stadiumin Olimpik të Tokios 1 vit më parë. E momenti i dytë më emocionues ka qene këtë të shtunë teksa ti, me lot në sy, valëvite përsëri flamurin shqiptar, duke e sjellë për herë të parë në Shqipëri medaljen e artë në atletike. Nuk ka emocion më të bukur sesa lotët e gëzimit”, – u shpreh ministrja Kushi.

Kampionia Luiza Gega tha se “ju falënderoj shumë për këtë pritje, ndihem shumë e vlerësuar. Ndoshta jam lodhur shumë për të qenë këtu sot, kam shumë vite që sakrifikoj për të qenë këtu jo me detyrim por me dëshirë, zgjodha të përfaqësoj qoftë veten time, por edhe ngjyrat e flamurit tim, dhe do mundohesha çdo ditë ti përfaqësoja denjësisht”.

“Sot jam më krenare se kurrë për ato ngjyra, kjo ishte edhe arsyeja pse ndoshta derdha lot në vijën e finishit, pasi mu kthye e gjithë koha mbrapsht për mundin e sakrificën e bërë. I tregova Evropës se edhe ne mund t’ia dalim edhe pse jemi një vend i vogël dhe me shumë gjëra për të përmirësuar, por përsëri nëse punojmë fort dhe e duam këtë vend dhe atë që bëjmë, ne mund t’ia dalim”, tha ajo.

Sipas saj, vitet e fundit gjërat kanë ndryshuar për sportin.

“Këtë e kam ndjerë dhe e tregojnë rezultatet e mia, qoftë edhe ligji për sportin, shpërblimet më kanë dhënë një shtysë për të qenë edhe këtu sepse mbrapa ka edhe një shpërblim që merret, por qoftë edhe për gjithë mbështetjen nga Komitetit Olimpik apo Ministria e Arsimit dhe Sportit, qoftë edhe e Mbrojtjes ku unë bej pjesë, apo edhe bashkia e Tiranës. Kanë bërë të gjithë këtë që të vijë edhe kjo medalje që i kishte munguar atletikës. Uroj që të rinjtë shqiptarë të motivohen se mund t’ia dalin”, tha Gega.

Ajo falënderoi gjithashtu trajnerin e saj për rezultatin e arritur.

Presidenti i Komitetit Olimpik Kombëtar Shqiptar, Fidel Ylli u shpreh se “Luiza Gega bëri krenarë të gjithë shqiptarët në mbarë botën. Luiza është modeli më i mirë që duhet të ndjekin të rinjtë shqiptarë. Sportistët janë ambasadorët më të mirë të Shqipërisë dhe kështu duhet ti presim të gjithë si sot”.

Ndërsa ministrja Buzhaqi përgëzoi Luiza Gegën për rezultatin e arritur si dhe për të gjithë mundin dhe përpjekjet e saj.

Luiza Gega u shpall kampione e Evropës në garën e 3 000 metrave me pengesa. Ajo arriti të thyejë edhe rekordin e kampionatit evropian, me kohën 9 minuta, 11 sekonda dhe 31 të qindtat. Kampionia shqiptare shkoi në finale me kohën më të mirë në fazën kualifikuese dhe ishte pretendentja kryesore për të fituar këtë garë./atsh/

Sport

Kosova U21 përballet sot me Luksemburgun në miqësore

Published

on

By

Përfaqësuesja e Kosovës U21 zhvillon sot një ndeshje miqësore ndërkombëtare kundër Luksemburgut U21.

Dardanët e rinj do të zbresin në fushën e stadiumit “Fadil Vokrri” në Prishtinë, ku synojnë të paraqiten sa më mirë në këtë përballje.

Ndeshja Kosovë U21 – Luksemburg U21 zhvillohet të hënën, më 16 nëntor, me fillim nga ora 16:00.

Kjo miqësore shërben si një tjetër mundësi për futbollistët e rinj të Kosovës për të fituar përvojë ndërkombëtare dhe për të dëshmuar vlerat e tyre.

D.L

Continue Reading

Lajmet

Përparim Rama reagon për anulimin e takimit për “Prishtina 2030”

Published

on

By

Anulimi i takimit të planifikuar në Athinë për Lojërat Mesdhetare “Prishtina 2030” ka nxitur reagime në Kosovë.

Për këtë çështje ka reaguar edhe Përparim Rama, i cili përmes një postimi ka kritikuar Qeverinë e Kosovës dhe kryeministrin Albin Kurti, duke kërkuar përgjegjësi për situatën e krijuar.

Sipas njoftimit të Komitetit Olimpik të Kosovës, takimi me Komitetin Ndërkombëtar të Lojërave Mesdhetare është anuluar për shkak të mungesës së përgjigjeve, obligimeve të papërmbushura dhe moskonfirmimit të delegacionit brenda afatit të caktuar.

Rama ka shprehur shqetësimin për rrezikun që kjo situatë paraqet për organizimin e Lojërave Mesdhetare në Prishtinë më 2030, duke e cilësuar anulimin si një skandal dhe duke kërkuar llogaridhënie të menjëhershme nga kryeministri Kurti dhe Qeveria e Kosovës.

“Ky është skandal! Ky është turpi i shtetit tonë!”, ka shkruar Rama në reagimin e tij.

D.L

Continue Reading

Sport

Spanja ndalet pas një serie të gjatë fitoresh, spektakël në Ligën e Kombeve

Published

on

By

Spanja ka pësuar humbje 3:2 ndaj Anglisë, duke i dhënë fund serisë së gjatë të rezultateve pozitive, në një nga përballjet më interesante të mbrëmjes në Ligën e Kombeve të UEFA-s.

Kampionët evropianë nuk arritën ta vazhdonin ecurinë e tyre mbresëlënëse, pasi Anglia arriti të triumfonte në një ndeshje me pesë gola, duke shkaktuar një nga befasitë e mbrëmjes.

Në ndeshjet e tjera, Belgjika shënoi fitore bindëse 4:1 ndaj Italisë, ndërsa Franca triumfoi 2:1 kundër Turqisë.

Kroacia mposhti Çekinë me rezultat 2:1, ndërsa Finlanda realizoi një fitore spektakolare 7:2 ndaj San Marinos.

Ndërkohë, Qiproja fitoi 4:1 ndaj Malit të Zi, kurse Letonia dhe Armenia u ndanë në barazim pa gola, 0:0.

Mbrëmja u karakterizua nga rezultate interesante dhe shumë gola, por vëmendjen kryesore e mori humbja e Spanjës, që u ndal pas një serie të gjatë fitoresh.

D.L

Continue Reading

Sport

Akil Gjakova fiton medaljen e bronztë në Zagreb, afrohet drejt normës olimpike

Published

on

By

Plot pesë fitore ka regjistruar xhudisti kosovar Akil Gjakova të shtunën në Grand Prix të Zagrebit, në Kroaci, ku u stolis me medaljen e bronztë në kategorinë deri në 73 kilogramë.

Pesë fitore në një garë të nivelit të lartë zakonisht mjaftojnë për të siguruar medaljen e artë, por këtë herë Gjakova u ndal në vendin e tretë. Megjithatë, kjo medalje ka rëndësi të veçantë për xhudistin më të mirë të Kosovës, i cili pas një periudhe pritjeje po rikthehet te rezultatet e rëndësishme ndërkombëtare.

Gjakova kishte fituar medaljen e argjendtë në Grand Slamin e Parisit vitin e kaluar, ndërsa këtë vit u rendit i pesti në Kampionatin Evropian dhe në Grand Slamin e Abu Dabit, dy javë më parë. Ai kishte fituar edhe medaljen e bronztë në Lojërat Mesdhetare, ndërsa në disa gara të tjera ishte eliminuar në fazat e hershme.

Me medaljen në Zagreb, 30-vjeçari ka fituar 350 pikë në ranglistën botërore, duke përmirësuar pozicionin e tij dhe duke iu afruar edhe më shumë synimit madhor: pjesëmarrjes në Lojërat Olimpike “Los Angeles 2028”.

Aktualisht, Gjakova ndodhet brenda zonës që siguron normën olimpike. Megjithatë, konkurrenca për një vend në kategorinë deri në 73 kilogramë në përfaqësuesen e Kosovës është e fortë, pasi në këtë kategori garon edhe Dardan Cena. Sipas rregullave olimpike, një shtet mund të përfaqësohet vetëm nga një xhudist në secilën kategori, ndaj gara dhe rezultatet e ardhshme do të përcaktojnë se kush do ta përfaqësojë Kosovën në SHBA.

Gjakova ka marrë pjesë në dy edicionet e fundit të Lojërave Olimpike, ku, pavarësisht paraqitjeve të mira, nuk arriti të fitojë medalje. Tashmë synon paraqitjen e tretë olimpike, me shpresën që kësaj radhe të arrijë edhe te podiumi.

Rëndësinë e këtij rezultati e ka vlerësuar edhe trajneri i Kosovës në xhudo, Driton Kuka.

“Në kategorinë deri në 73 kilogramë konkurrenca gjithnjë është shumë e fortë. Pesë fitoret e Akilit janë shumë të vlefshme. Medalja e bronztë po ashtu. Është medalje me vlerë edhe për Olimpiadë”, ka deklaruar Kuka.

D.L

Continue Reading

Të kërkuara