Sport

Liverpool kërkon “remontada” kundër Realit

Published

6 years ago

April 14, 2021

Betim Gashi

Liverpooli do të shpresoj të ketë përsëri një nga ato netët magjike në stadiumin “Anfield Road”, ku e presin në shtëpi Real Madridin, në kuadër të ndeshjes së dytë të çerekfinales së Ligës së Kampionëve.

“Galaktikët” udhëtojnë drejt Merseyside, ku mbajnë një rezultat prej 3:1 nga ndeshja e parë në Madrid, me dy gola të Vinicius Junior dhe një të Marcos Asensio, për t’ia siguruar fitoren Realit në ndeshjen e parë.

Të dy skuadrat rikthehen në këtë ndeshje nga fitoret në ligat e tyre përkatëse, ku Liverpooli mposhti si vendas 2:1 skuadrën e Aston Villës, kurse Reali siguroi fitore tejet të rëndësishme në “El Clasico” duke e mposhtur Barcelonën me rezultat 2:1.

Në gjashtë ndeshjet e fundit në të gjitha garat, Reali i ka të gjitha fitore kurse Liverpooli ka regjistruar katër fitore dhe dy humbje.

Të dy trajnerët kanë probleme me lëndime të lojtarëve, dhe në këtë ndeshje do të hynë me mungesa të mëdha.

Jurgen Klopp nuk do të mund të llogarisë në shërbimet e Van Dijk, Matip, Henderson dhe Gomez, kurse në dyshim për tu paraqitur janë Jones, Kelleher dhe Origi.

Në anën tjetër, tek skuadra e Zinedine Zidane nuk do të mund të paraqiten Carvajal, Hazard, Vazquez, Ramos dhe Varane.

Related Topics:Real Madrid Liverpool UBTSPORT Uefa Champions League

Up Next

Sot zhvillohet finalja e Kupës së Kosovës në futsall, përballen Fc Liburni dhe Fc Liqeni

Don't Miss

Qeveria Italiane jep dritën jeshile, tifozët do të kthehen në Olimpico për ndeshjet e Euro 2020

Vendi

Akil Gjakova mbyll garën pa medalje në Abu Dhabi

Published

1 day ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

1 day ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

1 day ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/