Sport

Letra përshëndetëse e Juventusit për Cristiano Ronaldon

Published

5 years ago

August 31, 2021

Betim Gashi

Ylli portugez ishte transferuar në Serie A në vitin 2018 dhe e ndihmoi skuadrën e Juventusit drejt dy “Scuddetove” dhe tani do të rikthehet në Premier Ligën angleze.

Gjiganti italian Juventus i ka dhuruar lamtumirën e fundit Cristiano Ronaldos, ku edhe e kanë konfirmuar marrëveshjen prej 23 milionë eurosh me Manchester United për yllin portugez.

36-vjeçari ka kaluar tre vite me gjigantin e Serie A dhe ka arritur të ngritë dy trofe të ligës, dhe tani ka vendosur që të rikthehet në “Old Trafford” pas dështimeve të fundit të Juventusit në garat evropiane.

Siç raportohej nga shumë media botërore, Ronaldo ishte shumë pranë transferimit tek Manchester City, por “Djajtë e Kuq” ndërhynë në momentet e fundit dhe arritën të sigurojnë transferimin e yllit portugez.

“Më 10 korrik të vitit 2018, dy ikona të futbollit evropian u bashkuan, Cristiano Ronaldo u bë lojtar i Juventusit. Sot, pas tre vitesh së bashku, pas 133 paraqitjeve dhe 101 golave të shënuar dhe pesë trofeve të fituar, këtij kapitulli i ka ardhur fundi. Rrugët e CR7 dhe Juventusit janë ndarë sot”, shkruante në faqen zyrtare të klubit.

“Në atë ditë korriku, kur Cristiano arriti në Torino, ndjenjat elektrizuese të atyre ditëve mund të ndjeheshin në ajër. Tifozët e Juventusit e pritën CR7 si një mbret, me padurim për ta parë në fushë dhe për ta përkrahur. Ka qenë një histori madhështore.

Ai ishte lojtari i parë në histori të Juventusit që ka arritur të shënoj të paktën 100 gola në të gjitha garat në tre sezonet e para me Juventusin, dhe që nga transferimi i tij në Serie A, ai ka shënuar më shumë gola se cilido lojtarë tjetër, gjithsej 81 sosh, të paktën 10 më shumë se lojtarët e tjerë.

Sot, kjo lidhje e cila kishte lindur më 10 korrik, tre vite më parë, tani është shpërbërë, por çfarë është shkruar si histori do të mbetet përgjithmonë. Ka qenë një aventurë e mahnitshme”, shkruante më tej në letrën e Juventusit.

Cristiano Ronaldo do ta kompletojë transferimin e tij nga Juventusi tek Manchester United ditëve në vijim, ku marrëveshja mes dy klubeve është arritur, dhe gjiganti anglez do të paguajë një dëmshpërblim prej 15 milionë eurosh plus 8 milionë sosh në formë bonusesh.

Related Topics:juventus Cristiano Ronaldo

Up Next

“Rikthimi në shtëpi”; Juventusi zyrtarizon transferimin e Moise Kean

Don't Miss

Rey Manaj drejt Serie A

Sport

Më 20 shtator mbahet Kampionati Shtetëror i Karatesë për Kadetë, Juniorë dhe U21

Published

6 hours ago

September 15, 2026

UBTNews

Federata e Karatesë e Kosovës ka njoftuar se këtë të diel, më 20 shtator 2026, do të organizohet Kampionati Shtetëror për kategoritë e kadetëve, juniorëve dhe moshat e reja U21.

Garat do të zhvillohen në Pallatin e Rinisë në Prishtinë, me fillim nga ora 11:00.

Marrë parasysh rëndësinë e këtij eventi për promovimin e talentit dhe përkushtimit të karatekave kosovarë, Federata u ka uruar sukses të gjithë pjesëmarrësve, ndërsa u ka bërë thirrje sportistëve, trajnerëve dhe dashamirësve të karatesë që të pranishëm për të mbështetur garuesit.

D.L

Sport

UEFA cakton stadiumet e finaleve të Ligës së Kampionëve për vitet 2028 dhe 2029

Published

8 hours ago

September 15, 2026

UBTNews

Stadiumet ikonike “Allianz Arena” në Mynih dhe “Camp Nou” në Barcelonë do të jenë nikoqire të finaleve të mëdha të UEFA Champions League për vitet 2028 dhe 2029. Vendimi zyrtar u mor gjatë mbledhjes së Komitetit Ekzekutiv të UEFA-s.

Mynih 2028: Në shtëpinë e Bayern München, finalja do të zhvillohet për herë të tretë në histori (pas edicioneve të vitit 2012 dhe 2025).

Barcelonë 2029: “Camp Nou” do të presë gjithashtu finalen e tij të tretë historike, pikërisht një vit para se Spanja të bashkëorganizojë Kupën e Botës 2030 me Portugalinë dhe Marokun.

Sezonet e ardhshme: Finalja e edicionit të ardhshëm është caktuar të luhet në stadiumin “Estadio Metropolitano” në Madrid.

D.L

Sport

Enzo Maresca po e fiton sfidën e madhe pas Guardiolas te Manchester City

Published

10 hours ago

September 15, 2026

UBTNews

Një analizë e BBC-së vë në pah se si Enzo Maresca po e menaxhon me sukses një nga detyrat më të vështira në futbollin modern: zëvendësimin e Pep Guardiolas te Manchester City. Pavarësisht presionit të madh, tekniku italian po e bën këtë tranzicion të duket i lehtë, duke udhëhequr Cityn drejt katër fitoreve në po aq ndeshje në Premier League, ku ndan kryesimin me Arsenalin.

Testi më i madh i Marescas erdhi në fundjavë me fitoren 1:0 ndaj Manchester Unitedit në “Old Trafford”, ku City luajti shumicën e kohës me një lojtar më pak pas përjashtimit të Phil Foden. Qetësia e skuadrës pasqyroi vetëpërmbajtjen e trajnerit në vijën anësore. Ndryshe nga sezoni i kaluar te Chelsea, ku një karton i kuq në të njëjtin stadium e bëri të reagonte me panik, këtë herë Maresca ruajti gjakftohtësinë, vlerësoi situatën dhe bëri lëvizje vendimtare taktike, si kalimi i Rayan Cherkit në të djathtë dhe inkuadrimi i Iliman Ndiayes.

BBC vëren një kontrast të madh mes Marescas dhe Guardiolas. Italiani shfaqet gjithmonë i buzëqeshur në konferenca për media dhe ka sjellë një frymë të re në stërvitje, përfshirë vendosjen e muzikës “house” për të rritur disponimin e lojtarëve. Kapiteni i ri, Ruben Dias, konfirmoi se parimet bazë të lojës mbeten të ngjashme me ato të Guardiolas, por me detaje të reja taktike që mbajnë vulën e trajnerit të ri.

Përderisa zëvendësimi i menaxherëve legjendarë si Ferguson apo Wenger solli kriza te klubet e tyre, Maresca po e përqafon këtë sfidë si një privilegj dhe nuk ndjen presion nga hija e paraardhësit të tij. Pavarësisht humbjes fillestare 3:0 ndaj Arsenalit në Superkupë, City është rikthyer fuqishëm me pesë fitore radhazi në të gjitha garat. Me ndeshjet e radhës ndaj Norwichit dhe Sunderlandit, Maresca është rrugës për të kompletuar një fillim pothuajse të përsosur në krye të gjigantit anglez.

D.L

Sport

Dy golat ndaj Sassuolos e ndryshojnë situatën e Zhegrovës, por e ardhmja mbetet e paqartë

Published

12 hours ago

September 15, 2026

UBTNews

Dy golat e shënuar ndaj Sassuolos kanë përmirësuar ndjeshëm situatën e Edon Zhegrovës te Juventusi, por e ardhmja e sulmuesit kosovar në Torino ende nuk është e sigurt.

Sipas “Tuttomercatoweb”, emri i Zhegrovës vazhdon të përmendet në mesin e lojtarëve që mund të largohen nga Juventusi gjatë afatit kalimtar të janarit.

Në garë për shërbimet e tij është edhe Atalanta, e cila po e monitoron nga afër situatën e reprezentuesit të Kosovës.

Klubi nga Bergamo po shqyrton mundësinë e huazimit të Zhegrovës me opsion për blerjen e kartonit të tij në fund të sezonit. Megjithatë, deri më tani nuk ka pasur kontakte zyrtare mes dy klubeve dhe Atalanta nuk ka bërë ende ndonjë ofertë konkrete për Juventusin.

Sipas mediumit italian, gjithçka mund të varet nga situata e të dyja skuadrave në janar, si dhe nga roli që Zhegrova do të ketë te Juventusi deri në atë periudhë.

Dy golat ndaj Sassuolos padyshim që i kanë dhënë një shtysë të rëndësishme kosovarit, por mbetet për t’u parë nëse kjo paraqitje do të mjaftojë për ta bindur Juventusin që ta mbajë atë në skuadër.

D.L