Sport

​Letra përshëndetëse e Juventusit për Cristiano Ronaldon

Publikuar

Ylli portugez ishte transferuar në Serie A në vitin 2018 dhe e ndihmoi skuadrën e Juventusit drejt dy “Scuddetove” dhe tani do të rikthehet në Premier Ligën angleze.

Gjiganti italian Juventus i ka dhuruar lamtumirën e fundit Cristiano Ronaldos, ku edhe e kanë konfirmuar marrëveshjen prej 23 milionë eurosh me Manchester United për yllin portugez.

36-vjeçari ka kaluar tre vite me gjigantin e Serie A dhe ka arritur të ngritë dy trofe të ligës, dhe tani ka vendosur që të rikthehet në “Old Trafford” pas dështimeve të fundit të Juventusit në garat evropiane.

Siç raportohej nga shumë media botërore, Ronaldo ishte shumë pranë transferimit tek Manchester City, por “Djajtë e Kuq” ndërhynë në momentet e fundit dhe arritën të sigurojnë transferimin e yllit portugez.

“Më 10 korrik të vitit 2018, dy ikona të futbollit evropian u bashkuan, Cristiano Ronaldo u bë lojtar i Juventusit. Sot, pas tre vitesh së bashku, pas 133 paraqitjeve dhe 101 golave të shënuar dhe pesë trofeve të fituar, këtij kapitulli i ka ardhur fundi. Rrugët e CR7 dhe Juventusit janë ndarë sot”, shkruante në faqen zyrtare të klubit.

“Në atë ditë korriku, kur Cristiano arriti në Torino, ndjenjat elektrizuese të atyre ditëve mund të ndjeheshin në ajër. Tifozët e Juventusit e pritën CR7 si një mbret, me padurim për ta parë në fushë dhe për ta përkrahur. Ka qenë një histori madhështore.

Ai ishte lojtari i parë në histori të Juventusit që ka arritur të shënoj të paktën 100 gola në të gjitha garat në tre sezonet e para me Juventusin, dhe që nga transferimi i tij në Serie A, ai ka shënuar më shumë gola se cilido lojtarë tjetër, gjithsej 81 sosh, të paktën 10 më shumë se lojtarët e tjerë.

Sot, kjo lidhje e cila kishte lindur më 10 korrik, tre vite më parë, tani është shpërbërë, por çfarë është shkruar si histori do të mbetet përgjithmonë. Ka qenë një aventurë e mahnitshme”, shkruante më tej në letrën e Juventusit.

Cristiano Ronaldo do ta kompletojë transferimin e tij nga Juventusi tek Manchester United ditëve në vijim, ku marrëveshja mes dy klubeve është arritur, dhe gjiganti anglez do të paguajë një dëmshpërblim prej 15 milionë eurosh plus 8 milionë sosh në formë bonusesh.

Sport

Lajme të mira për Atletico Madrid, rikthehet nga dëmtimi Antonie Griezmann

Kjo pas një dëmtimi në kyçin e këmbës që pësoi me Atletico Madrid.

Publikuar

nga

Antonie Griezmann nuk pati mundësi të grumbullohej me kombëtaren e Francës në miqësoret që “gjelat” zhvilluan përballë Gjermanisë dhe Kilit, për shkak të një dëmtimi në kyçin e këmbës që pësoi me Atletico Madrid.

Sipas raportimeve të gazetës spanjolle “Marca”, tashmë francezi është rikthyer me grupin dhe do të jetë i gatshëm për ndeshjen e radhës të Atleticos, që do ta luajë në udhëtim kundër Vilarealit në La Liga. Ish-sulmuesi i Barcelonës ka dhënë shenja pozitive gjatë këtyre ditëve, megjithatë edhe mbetet për t’u parë se në çfarë gjendje është.

Griezmann i duhet shumë Diego Simeones sidomos gjatë këtyre ditëve, pas humbjes me Barcelonën brenda në “Metropolitano” me shifrat 3-0, dhe tani pozicionohet në vendin e pestë, një pozicion jashtë objektivave të klubit madrilen./UBTNews/

Vazhdo të lexosh

Sport

PSG ofron 40 milionë euro dhe dy lojtarë për të nënshkruar superyllin e Barcelonës

Parisienët janë të gatshëm të ofrojnë para dhe dy lojtarë të ekipit për të nënshkruar me futbollistin uruguajan.

Publikuar

nga

Paris Saint-Germain është i interesuar për shërbimet e mbrojtësit të Barcelonës, Ronald Araujo. Parisienët janë të gatshëm të ofrojnë para dhe dy lojtarë të ekipit për të nënshkruar me futbollisitn uruguajan.

Në anën tjetër, raportohet se edhe gjiganti i Bundesliga-s, Bayern Munich po e ndjek me shumë interesim Araujon, që nga merkato dimërore. Si rezultat, katalunasit po mendojnë t’i ofrojnë yllit të tyre një kontratë të re.

Megjithatë, sipas ‘El Nacional’, PSG është e vendosur t’u ofrojë konkurrencë bavarezëve në garën për të nënshkruar me qendërmbrojtësin.

Në ofertën e francezëve përfshihen 40 milionë euro dhe dy mesfushorët spanjollë, Fabian Ruiz e Carlos Soler për të finalizuar një marrëveshje të tillë.

Ndërkohë, presidenti i Barcelonës, Joan Laporta, dhe drejtori sportiv, Deco, kanë bërë të ditur se nga marrëveshja e lartpërmendur nuk preferojnë shërbimet futbollistëve të ofruar, por vetëm të holla.

Kontrata aktuale e Araujo me Barcelonen skadon në qershor të vitit 2026./UBTNews/

Vazhdo të lexosh

Sport

Real Madrid rinovon edhe për një vit me veteranin e mesfushës

Mediat spanjolle e bëjnë të sigurt se gjermani dhe klubi spanjoll kanë rënë dakord për të vazhduar bashkëpunimin deri në vitin 2025.

Publikuar

nga

Toni Kroos do të vazhdojë aventurën me Real Madridin për të paktën edhe një tjetër sezon. Mediat spanjolle e bëjnë të sigurt se gjermani dhe klubi spanjoll kanë rënë dakord për të vazhduar bashkëpunimin deri në vitin 2025, me mesfushorin që është bindur të rinovojë edhe për një vit kontratën.

‘Los Blancos’, u përpoqën me këmbëngulje që të mos humbisnin shërbimet e futbollistit i cili njëkohësisht është shumë i rëndësishëm për klubin dhe ka rezultuar vendimtar në sukseset e skuadrës në vitet e fundit.

Kroos, edhe këtë sezon ka treguar se mbetet një futbollist i niveleve të larta dhe rikthimi në kombëtaren e Gjermanisë duket se i ka dhënë një tjetër motiv 34-vjeçarit për të vazhduar karrierën në elitën spanjolle.

Në ditët e ardhshme pritet që të zyrtarizohet edhe kontrata e re e Toni Kroos, e vlefshme deri në verën e vitit 2025./UBTNews/

Vazhdo të lexosh

Sport

Largohet në fund të sezonit, Giroud arrin marrëveshje me klubin e MLS

37-vjeçari ka kaluar një periudhë mjaft të mirë me skuadrën e Stefano Piolit gjatë këtyre viteve.

Publikuar

nga

Oliver Giroud po kalon muajt e fundit te Milani. Sulmuesi francez është pjesë e kuqezinjve prej verës së vitit 2021, kur u largua nga Chelsea.

37-vjeçari ka kaluar një periudhë mjaft të mirë me skuadrën e Stefano Piolit gjatë këtyre viteve. Duke dhënë kontribut me golat dhe asistet e tij.

Mirëpo, e ardhmja e tij lidhet me një transferim në Major League Soccer në SHBA. Sipas medaive italiane raportohet se Giroud ka arritur një marrëveshje përfundimtare me Los Angeles FC pas negociatave që kanë filluar javë më parë.

Sulmuesi i kombëtares së Francës, do të nënshkruaj për 18 muaj me skuadrën amerikane, teksa në verën e këtij viti do t’i japë fund aventurës në futbollin evropian./UBTNews/

Vazhdo të lexosh

Të kërkuara