Lajmet

​LDK kritikon Kurtin: I dobët dhe kontradiktor

Kreu i LDK-së, Lumir Abdixhiku ka thënë se Kurti është në transformim të pozicioneve të tij.

Published

4 years ago

on

Deputetët e Lidhjes Demokratike të Kosovës janë përplasur në debat me kryeministrin e vendit, Albin Kurti. Shefin e ekzekutivit e kanë kritikuar për përfaqësim të dobët të Kosovës, mosinformim të deputetëve si dhe deklarata kontradiktore.

Kreu i LDK-së, Lumir Abdixhiku ka thënë se Kurti është në transformim të pozicioneve të tij.

“Kryeministri kur humb argumentet fillon të prodhojë material për ‘tik-tok’, kështu bëri edhe sot, tha nga Nenad Gjuriqi kaluam te Nenad Rakiqi, po ashtu ka kaluar nga Pantiqi e Ivanoviqi, të parin nuk ke mundur dy javë ditë ta sjellësh në Prishtinë e të dytin e ke glorifikuar si njeri i heroizmit të multietnicitetit në veri. Mos u harro këto dyja kur i përmend. Unë besoj që kryeministri ka probleme thelbësore kontradiktore sepse është në transformim të pozicioneve të tij, prandaj po humb edhe qetësinë edhe argumentet. Që disa prej kontradiktave, thotë që është marrëveshje kontraktuale por nuk është marrëveshje ligjërisht e obligueshme, sepse aty në pjesë të marrëveshjes po ta ndaje tani do të tregojë se a parashihet që ky proces dialogues të zgjatë për disa vite për të arritur të një marrëveshje ligjërisht e obligueshme”, ka thënë ai.

Abdixhiku shtoi se Kurti është kontradiktor edhe kur flet për rend dhe ligj në veri të vendit.

“Kontradikta e dytë është ‘merre ose leje’ por është bazë e mirë, ja është bazë e mirë, ja është përfundimtare ‘merre ose leje’. Kontradikta e tretë është se do të ketë implementim të marrëveshjeve paraprake por nuk do të ketë Zajednicë, a po kuptoni sa kontradiktore është kjo në vete, tjetra është ju lutem kërkoni reciprocitet për Luginë, por kërkoje ti, pse e ke pranuar në parim një marrëveshje që nuk e ka reciprocitetin”, ka shtuar ai.

Kurtit i ka replikuar edhe shefi i deputetëve të LDK-së, Arben Gashi.

“Ajo çka e tronditi kryeministrin dhe e humbi kontrollin ke veç një fjalë, ‘dobët’ kryeministër pra po ta them edhe publikisht atë që ta thash, dhe u zbehem, u sarrakuqe, u çorientove, u çrregullove, e humbe kohën vetëm me një fjalë, dobët kryeministër. Por po harron kryeministër se prej asaj karriges ku jam ulur ti ke qenë prapa ke gjuajt me ve, këtu afër ke gjuajt paraardhësin tënd me sprej në sy, gaz lotsjellës, ke sulmuar fizikisht, me ke gjuajt mua me gaz lotsjellës dhe nuk ka a bërë askush ndonjë tragjedi kaq të madhe, e me u tronditë kaq shumë sa ti prej një fjale të dobët”, tha Gashi.

Sipas tij, Kurti është treguar i dobët në përfaqësim përballë Serbisë si dhe ndërrim të qëndrimeve.

Related Topics:
Continue Reading

Lajmet

“Die Fledermaus” rikthehet në skenën e TKOBAP-së më 25, 26 dhe 27 shtator

Published

16 minutes ago

on

September 14, 2026

By

Teatri Kombëtar i Operas, Baletit dhe Ansamblit Popullor do të sjellë në skenë operetën e njohur “Die Fledermaus” të kompozitorit Johann Strauss II, më 25, 26 dhe 27 shtator.

E cilësuar si një nga veprat më të dashura të repertorit të operetës, “Die Fledermaus” sjell një histori plot keqkuptime, identitete të rreme, flirt, sekrete dhe situata komike.

Ngjarjet zhvillohen rreth një feste me maska, ku një hakmarrje shndërrohet në një seri episodesh të papritura, të shoqëruara nga ritmet karakteristike të valsit vjenez.

Me humor, elegancë dhe atmosferë festive, shfaqja premton muzikë dhe argëtim, ndërsa maskat bien njëra pas tjetrës dhe sekretet dalin në dritë.

Biletat mund të blihen pranë biletarisë së TKOBAP-së, nga e hëna deri të dielën, në oraret 10:00–14:00 dhe 16:00–20:00. Në ditët e shfaqjeve, biletaria do të jetë e hapur nga ora 10:00 deri në 14:00 dhe nga 16:00 deri në 19:30.

“Die Fledermaus” fton publikun të përjetojë një festë ku asgjë nuk është ashtu siç duket dhe ku, deri në fund, askujt nuk mund t’i besohet plotësisht./A.K/

Continue Reading

Lajmet

Justin Bieber feston tetëvjetorin e martesës me Hailey-n: “Tetë vjet deri në pafundësi”

Published

17 minutes ago

on

September 14, 2026

By

Justin Bieber ka shënuar tetëvjetorin e martesës me bashkëshorten e tij, Hailey Bieber, duke ndarë një seri fotografish romantike në Instagram.

Këngëtari 32-vjeçar publikoi momente të ndryshme me Hailey-n, duke përfshirë pamje teksa luajnë bilardo, përqafohen dhe puthen.

“Tetë vjet deri në pafundësi. Fillime të reja. Të dua, zemër. Gëzuar përvjetorin”, shkroi Bieber në përshkrimin e postimit, të cilin e ndau me ndjekësit e tij në Instagram.

Edhe Hailey reagoi me humor ndaj postimit të bashkëshortit. “Tetë vjet që luajta në bilardo, për fat të keq”, shkroi ajo në koment, duke shoqëruar fjalët me emoji puthjesh. Më pas, ajo e shpërndau postimin e Justin-it edhe në story.

Çifti u martua në shtator të vitit 2018, vetëm disa muaj pasi u fejuan. Justin i kishte propozuar Hailey-t gjatë një udhëtimi në Bahamas.

Dyshja njiheshin prej vitesh përpara se lidhja e tyre të bëhej romantike. Mediat nisën t’i lidhin për herë të parë në vitin 2014, ndërsa marrëdhënia e tyre kaloi në disa faza para se të riktheheshin bashkë në vitin 2018.

Në maj të vitit 2024, Justin dhe Hailey njoftuan se ishin në pritje të fëmijës së tyre të parë. Lajmin e bënë publik përmes fotografive dhe një videoje nga rinovimi i premtimeve të tyre në Hawaii, ku Hailey shfaqej shtatzënë./A.K/

Continue Reading

Lajmet

Pesë raste të armëmbajtjes pa leje në Kosovë, konfiskohen pistoleta dhe municion

Published

20 minutes ago

on

September 14, 2026

By

Pesë raste të armëmbajtjes pa leje janë raportuar gjatë 13 shtatorit në Obiliq, Prishtinë, Prizren dhe Suharekë, ndërsa Policia ka konfiskuar armë, municion dhe mjete të tjera.

Në rrugën “Hasan Prishtina” në Obiliq, një person është arrestuar pasi gjatë kontrollit iu gjetën një pistoletë dhe 10 fishekë. Me vendim të prokurorit, i dyshuari është dërguar në mbajtje.

Në Rrethin e Fontanës në Prishtinë, një person tjetër është arrestuar pasi gjatë kontrollit iu gjetën një pistoletë dhe 14 fishekë. Pas intervistimit, ai është liruar me vendim të prokurorit dhe rasti është proceduar në procedurë të rregullt.

Në fshatin Lubizhdë të Prizrenit, gjatë bastisjes së shtëpisë së një të dyshuari janë gjetur dhe konfiskuar tre fishekë, dy shufra metali të dëmtuara, tri thika dhe tre mulli për bluarjen e narkotikëve. I dyshuari është liruar në procedurë të rregullt.

Po në Lubizhdë, në një rast tjetër, gjatë bastisjes së një shtëpie policia ka gjetur një pistoletë dhe 24 fishekë. I dyshuari është dërguar në mbajtje me vendim të prokurorit.

Ndërkaq, në fshatin Shirokë të Suharekës, dy persona janë përleshur fizikisht dhe kanë pësuar lëndime. Njërit prej tyre i është konfiskuar një thikë, ndërsa të dy janë liruar pas intervistimit.

Në fshatin Rracaj të Gjakovës, një person është arrestuar pasi dyshohet se, pas një mosmarrëveshjeje, ka përdorur sprej ndaj një personi tjetër. Spreji është konfiskuar, ndërsa i dyshuari është liruar në procedurë të rregullt./A.K/

Continue Reading

Lajmet

Gruaja nga Shqipëria arrestohet në Aeroportin e Prishtinës për dokument të falsifikuar

Published

22 minutes ago

on

September 14, 2026

By

Një grua, shtetase e Shqipërisë, është arrestuar në Aeroportin Ndërkombëtar të Prishtinës “Adem Jashari”, pasi dyshohet se ka tentuar të udhëtojë me dokument të falsifikuar të një personi tjetër.

Rasti ka ndodhur më 13 shtator, rreth orës 12:40.

Me vendim të prokurorit, e dyshuara është dërguar në mbajtje, ndërsa dokumenti i dyshuar si i falsifikuar është sekuestruar./A.K/

Continue Reading

Të kërkuara