Lajmet

Lamtumirë Mbretëreshë, arkivoli i monarkes do të varroset pranë burrit të saj

Ceremonia e varrimit do të zgjasë gjatë gjithë ditës.

Published

4 years ago

September 19, 2022

Betim Gashi

Qindra personalitete morën pjesë në ceremoninë e funeralit, duke përfshirë ish-kryeministrat e Mbretërisë së Bashkuar, presidentin e Shteteve të Bashkuara të Amerikës, Joe Biden dhe presidentin francez, Emmanuel Macron.

Arkivoli i Mbretëreshës Elizabeth II u dërgua në kështjellën Windsor, në vendin ku do të prehet pranë burrit të saj, Princi Filip. Arkivoli i saj, i mbështjellë me flamuj dhe në krye nga kurora e shtetit perandorak, u tërhoq në kishë me një karrocë armësh nga marinarët e Marinës Mbretërore

Në një atmosferë emocionesh të thella, Mbretëreshës Elizabeth po i jepet lamtumira nga të afërmit e saj më të afërt me Mbretin Charles në krye që shfaqet i shkatërruar në Westminster Abbey.

Djali i mbretëreshës së ndjerë, ka shkruar një kartolinë në arkivolin e saj: “Në kujtim të nënës sime të dashur dhe të përkushtuar. Charles”.

Nuk mungojnë edhe lulet, në nuancat e floririt dhe rozë të prera nga kopshtet e rezidencave mbretërore.

Ceremonia e varrimit do të zgjasë gjatë gjithë ditës. Sipas llogaritjeve në të gjithë botën rreth 4 miliardë njerëz po e ndjekin ceremoninë e varrimit.

Lajmet

Zbulim i ri arkeologjik në Spanjë: Një dhomë romake mendohet të ketë qenë bibliotekë e lashtë

Published

11 minutes ago

July 30, 2026

UBT News

Një zbulim i ri arkeologjik në kompleksin romak Fuente Álamo, në Kordobë të Spanjës, mund të ndryshojë mënyrën se si kuptohet historia e këtij vendbanimi antik.

Sipas një studimi të publikuar në Journal of Mediterranean Archaeology, një dhomë që më parë besohej se ishte një faltore kushtuar perëndisë Mithra, mund të ketë shërbyer si bibliotekë romake.

Studiuesit nga universitetet e Kordobës dhe Granadës kanë arritur në përfundimin se Dhoma 10 është rimodeluar në shekullin e IV pas Krishtit dhe mund të jetë protobiblioteka më e vjetër e zbuluar deri më sot në Gadishullin Iberik, si dhe biblioteka më perëndimore e njohur në Perandorinë Romake.

Analizat arkitekturore kanë zbuluar elemente tipike të bibliotekave romake, përfshirë një absidë, kamare për ruajtjen e dorëshkrimeve, podium dhe hapësira që mund të kenë shërbyer për punë ose magazinim.

Nëse konfirmohet përfundimisht, kjo bibliotekë do të përbënte një nga zbulimet më të rëndësishme për studimin e jetës kulturore dhe intelektuale në Perandorinë Romake./A.K/

Lajmet

Sulm ndaj zyrtarëve policorë në Rahovec, një person dërgohet në mbajtje

Published

21 minutes ago

July 30, 2026

UBT News

Në Rahovec është arrestuar një person pasi dyshohet se, së bashku me familjarët e tij, ka sulmuar fizikisht zyrtarët policorë gjatë një intervenimi.

Sipas Policisë, të dyshuarit nuk i kanë respektuar urdhrat e zyrtarëve policorë dhe më pas kanë ndërmarrë sulm fizik ndaj tyre.

I dyshuari është arrestuar dhe me vendim të prokurorit është dërguar në mbajtje. Rasti po hetohet./A.K/

Lajmet

Inspektim në 65 auto-parkingje në Prishtinë, evidentohen shkelje tatimore

Published

22 minutes ago

July 30, 2026

UBT News

Njësitë policore të Drejtorisë për Hetimin e Krimeve Ekonomike dhe Korrupsionit, në bashkëpunim me Administratën Tatimore të Kosovës dhe Prokurorinë e Shtetit, kanë realizuar një aksion inspektimi në 65 auto-parkingje në rajonin e Prishtinës.

Gjatë kontrolleve janë evidentuar shkelje të ndryshme, të cilat do të trajtohen nga institucionet përkatëse në përputhje me kompetencat ligjore.

Aksioni është zhvilluar në kuadër të luftimit të shmangies nga tatimi dhe respektimit të obligimeve ligjore nga bizneset./A.K/

Lajmet

Arrestohet një person në Lipjan për ngacmim seksual

Published

24 minutes ago

July 30, 2026

UBT News

Në Lipjan është arrestuar një person pasi dyshohet se në vazhdimësi ka ngacmuar një grua.

Sipas Policisë, rasti është raportuar më 29 korrik 2026, ndërsa pas konsultimit me prokurorin dhe inicimit të rastit, i dyshuari është dërguar në mbajtje. Rasti po hetohet./A.K/