Kryetari i LDK-së, Lumir Abdixhiku, ka thënë se bashkë me deputetin gjerman të Bundestagut, Peter Beyer, kanë qenë sot në njërën nga shkollat me mësim gjithëditor në Prishtinë.

Sipas Abdixhiku, Beyer tha se në atë shkollë pa një sistem me standarde sikurse në Gjermani.

“Aty pamë nga afër transformimin e vërtetë nga një sistem edukimi me vështirësi, tek një sistem me standarde – në fjalë të Peter – sikurse në Gjermani. Dhe ashtu ishte!”, ka shkruar Abdixhiku.

Ai tha se fëmijet ushqehen me shujta të ngrohta, klasët janë me tabela digjitale dhe ka rafte për çantat e rënda.

“Fëmijë që ushqehen me shujta të ngrohta – të cilat ishin shumë të shijshme; kuzhina moderne, klasë me tabela digjitale, rafte për çantat e rënda, detyra të shtëpisë në shkollë, e aktivitete fizike për fëmijët që rrijnë tani 8 orë në shkollë! Mbi të gjitha një kolektiv arsimor që angazhohet me kaq përkushtim nën drejtimin e Liridonit.”

Abdixhiku tha se këtë model do ta implementojnë në Kosovë.

Irani ka rihapur hapësirën ajrore për fluturimet komerciale pasi urdhëroi mbylljen e saj të martën mbrëma pas sulmit me raketa balistike ndaj Izraelit.

Organizata ka njoftuar të martën mbrëma se të gjitha fluturimet në mbarë vendin do të anuloheshin deri të enjten në mëngjes./UBTNews/

Është përuruar sot Klinika e re e Ortopedisë për të cilën ministri i Shëndetësisë, Arben Vitia tha se është klinikë moderne me gjithsej 40 shtretër.

Sipas ministrit Vitia ky investim dhe të tjerat investime që po bëhen në spitalet regjionale do të ndikojnë të zvogëlohet lista e pritjes për pacientë.

Ministri Vitia tha se kostoja për ndërtimin e kësaj klinike është 2.8 milionë euro. Ndërsa, drejtori i Klinikës së Ortopedisë, Xhavid Gashi u shpreh se nga java e ardhshme do të bëhet e zhvendosja e pacientëve nga hapësirat e vjetra në këto të rejat.

Karriera universitare e Alessandro Giuli, Ministrit të Kulturës në Itali, përfundoi me sukses, duke arritur notën maksimale 30 në provimin e tij të fundit në Filozofi.

Giuli u prezentua në Universitetin “La Sapienza” për të dhënë provimin e tij të fundit, por jo pa protestat e disa studentëve. Megjithatë, ky fakt nuk ndikoi në performancën e tij, e cila rezultoi e shkëlqyer.

“Provimi shkoi shumë mirë. Ministri ishte i përgatitur shumë mirë, por për të ruajtur qetësinë e rendit publik, e çuam provimin në orën 08:00. Ai zgjati rreth 30 minuta, dhe mund ta përgëzoj,” tha profesori Gaetano Lettieri, me të cilin Giuli bëri testin me gojë për Teorinë e Doktrinave Teologjike.

Provimi u zhvillua me dyer të hapura, dhe për shkak të situatës, kishte prani të policisë për arsye sigurie. “Dera ishte e hapur, provimi ishte i qartë, pyetjet ishin të vështira dhe të përpikta. Alessandro Giuli u përgjigj me shumë kompetencë, pra mund të themi se ishte një student si gjithë të tjerët,” theksoi profesori.

Me këtë përfundim, Giuli tregon se ndonëse është një figurë publike, ai ka arritur të përfundojë me sukses edhe detyrimet e tij akademike./UBTNews/