Sport

​Ky është numri i biletave të shitura për ndeshjen Trepça-Peja

Ndeshja do të nisë nga ora 20:00.

Published

on

Në palestrën “Minatori” në Mitrovicë sonte do të zhvillohet finalja e pestë dhe vendimtare ne play-off-it në basketbollin kosovar ku do të ballafaqohen Trepça-Peja.

Në katër ndeshjet e para, këto dy skuadra kanë barazuar 2-2 në seri dhe sonte pritet një sfidë e zjarrtë dhe spektakolare në Mitorvicë pas së cilës edhe do të mësohet kampioni i ri i Kosovës në basketboll për edicionin garues 2022/23.

Duke ditur se në palestër lejohet vetëm prania e tifozëve vendas, interesimi i mitrovicasve për të mbështetur skuadrën e tyre është jashtëzakonisht i madh. Tashmë janë shitur 1800 bileta për tifozët që do të jenë të ulur në tribina, ndërsa do të jenë edhe mbi 500 të tjerë që do të jenë në podiumin e palestrës.

Ndeshja do të nisë nga ora 20:00.

Sport

Darwin Nunez jep sinjale pozitive për kalimin te Napoli

Published

on

Napoli ka marrë sinjale inkurajuese nga sulmuesi i Liverpoolit, Darwin Núñez, për një transferim të mundshëm gjatë këtij afati kalimtar.

Sipas Fabrizio Romano, lojtari nga Uruguaji i ka dhënë “dritën e gjelbër fillestare” klubit italian, pasi është bindur nga projekti sportiv i prezantuar nga trajneri i ri, Antonio Conte.

Núñez është i hapur për këtë lëvizje, por marrëveshja tani varet nga aspektet financiare. Liverpool kërkon një shumë të konsiderueshme për kartonin e tij, ndërsa edhe paga e lojtarit është një faktor kyç që mund të ndikojë në realizimin ose jo të transferimit.

Sulmuesi 25-vjeçar ka pasur një sezon me ulje-ngritje te Liverpooli, por potenciali i tij mbetet i lartë dhe ai shihet si një profil i përshtatshëm për futbollin italian dhe stilin e Contes.

Negociatat pritet të vazhdojnë në ditët në vijim, me zhvillime që mund të jenë vendimtare për fatin e këtij transferimi të madh të verës.

 

Continue Reading

Sport

Futbollisti kosovar merr rrugën e gyrbetit: Po iku në Gjermani, jo nga qefi por sistemi mi mbylli dyert

Published

on

Futbollisti kosovar, Merxhan Halilaj ka marr sot rrugën e gyrbetit. Futbollisti i KF Arbanës në Ligën e Dytë ka dhënë njoftimin prekës duke thënë se nuk po ikë në Gjermani nga dëshira, por nga dëshpërimi.

“Largohem… por jo nga dashuria për vendin tim, por nga mungesa e mundësive.  Sot po largohem nga Kosova – jo sepse e dua më pak, por sepse këtu nuk m’u dha mundësia që e meritova me përkushtim, punë e dije.

E përfundova shkollimin si infermier me nota të shkëlqyera, me shumë dashuri për profesionin e me dëshirë për të ndihmuar njerëzit e vendit tim. Por fatkeqësisht, sistemi këtu nuk më hapi dyert. Më mbyllën mundësitë – jo pse nuk isha i aftë, por sepse shumë herë, vlerësimi nuk vjen për ata që e meritojnë, por për ata që kanë “dikë” për ata që kanë „“.

Ai më tutje shprehet se është i zhgënjyer, por jo i thyer, sepse beson se diku tjetër puna do t’i vlerësohet.

“Me përulësi dhe shpresë, po nis një kapitull të ri në Gjermani, ku do të punoj me dinjitet si infermier, për të bërë atë që di më së miri: të kujdesem për jetën e të tjerëve. Kosovë, do të mbetesh gjithmonë në zemrën time.
Por të rinjtë e tu meritojnë më shumë. Më shumë mundësi. Më shumë drejtësi. Kjo nuk është fundi, por fillimi i një rruge ku, shpresoj, një ditë të rikthehem e të jem i dobishëm për ty – ashtu siç desha të jem që në fillim. E marr me vete dashurinë, përkrahjen dhe kujtimet që më keni dhënë – dhe i ruaj si pasurinë më të çmuar.Faleminderit të gjithëve që më keni qëndruar pranë në çdo hap. Do të më mungoni shumë, por zemra ime do të mbetet gjithmonë me ju dhe me vendin tim. Kjo nuk është “lamtumirë”, është vetëm “mirupafshim”” shkruan Halili në njoftim.

Continue Reading

Sport

Nuk kishte ndodhur kurrë më parë: kartoni i kuq i Asencios futet në histori

Published

on

Në minutën e 7-të të duelit Real Madri-Paçuka, gjyqtari Ramon Abati akordoi një karton të kuq direkt për 22-vjeçarin Raul Asencio pas një ndërhyrjeje ndaj Salomon Rondon, i cili ishte në pozicion të qartë për gol.

Ky përjashtim është zyrtarisht më i hershmi në historinë e garave ndërkontinentale të klubeve – në të gjitha formatet që nga viti 1960.

Rekordi i mëparshëm mbahej nga Mateus Pereira i Al-Hilal, i cili u ndëshkua me karton të kuq në minutën e 14-të gjatë ndeshjes për vendin e tretë në edicionin e vitit 2022.

Ky rast shënon gjithashtu herën e parë që nga janari i vitit 2021 që një lojtar i Real Madridit përjeton një përjashtim kaq të hershëm në një ndeshje. Atëherë, ishte Eder Militao ai që u ndëshkua me të kuq në minutën e 9-të kundër Levantes në La Liga.

Continue Reading

Sport

Man City fiton thellë ndaj Al Ain, kualifikohet tutje në Kupën e Botës për Klube

Published

on

Manchester City e ka shënuar edhe fitoren e dytë në Kupën e Botës për Klube.

Citizens triumfuan 6:0 ndaj Al Ain në xhiron e dytë të fazës. Ilkay Gundogan hapi festivalin e golave për anglezët qysh në minutën e tetë të ndeshjes.

Echeverri e vazhdoi në minutën e 27-të, kurse Erling Haaland nga penalltia në minutën e pestë shtesë të pjesës së parë shënoi për 3:0.

Gundogan realizoi edhe njëherë tjetër në minutën e 73-të, para se Oscar Bobb të shënonte për 5:0 11 minuta më vonë.

E në minutën e 89-të, Cherki shënoi për 6:0, e që njëherit ishte edhe goli i parë në fanellën e Man Cityt.

Me këtë fitore, Manchester City ashtu si Juventusi e sigurojnë kualifikimin utje pasi kanë nga gjashtë pikë, kurse Wydad dhe Al Ain mbesin me na një.

Continue Reading

Të kërkuara