Lajmet

​Kuvendi mban seancë solemne në 14-vjetorin e Pavarësisë

Sot do të mbahen një sërë aktivitetesh.

Published

on

Për nder të 14-vjetorit të Pavarësisë së Kosovës sot Kuvendi do të mbajë seancë solemne. Seanca solemne në 14-vjetorin e shpalljes së Pavarësisë së Kosovës do të mbahet në ora 11:00.

Për nder të 14-vjetorit të shtetësisë së Kosovës do të mbahen një sërë aktivitetesh të organizuara nga institucionet qendrore dhe ato lokale.

Ceremonitë për nder të kësaj dite do të fillojnë me ngritjen e flamurit shtetëror nga Garda Ceremoniale e FSK-së në oborrin e Zyrës së Kryeministrisë, në të cilin do të marrin pjesë presidentja Vjosa Osmani, kryetari i Kuvendit, Glauk Konjufca si dhe kryeministri Albin Kurti.

Manifestimi qendror do të jetë parakalimi i Forcave të Sigurisë së Kosovës dhe Policisë së Kosovës në sheshin “Nënë Tereza” në Prishtinë, ndërsa edhe Kuvendi i Kosovës do të mblidhet në seancë solemne.

Të gjitha Komunat kanë organizuar aktivitete që nisin me homazhe në nderim të dëshmorëve dhe martirëve si dhe janë paralajmëruar seanca solemne të Kuvendeve Komunale.

Mëngjesin e sotëm krerët e shtetit dhe përfaqësues të partive dhe institucioneve qendrore e lokale do të bëjnë homazhe te shtatorja e komandantit legjendar të UÇK-së Adem Jashari në Prekaz dhe Skenderaj, shtatorja e Zahir Pajazitit në Prishtinë, varrezat e dëshmorëve në Gllogjan, Reçak dhe te varri i ish-presidentit Ibrahim Rugova.

Krerët e vendit do të kenë edhe një pritje shtetërore me rastin e 14-vjetorit të pavarësisë së Kosovës në Pallatin e Rinisë në Prishtinë.

Gjatë ditës janë paralajmëruar edhe një sërë aktivitetesh sportive dhe kulturore në të gjithë vendin.

Ndryshe, të dielën e 17 shkurtit 2008 në orën 15:39 në Kuvendin e Kosovës u lexua Deklarata e Pavarësisë dhe Kosova u shpall e pavarur derisa në Ballkan u konfirmua edhe një shtet i ri.

Vendi

Haxhiu paralajmëron se sot do të mbahet seanca për presidentin

Published

on

By

Ushtruesja e detyrës së presidentit, Albulena Haxhiu, ka konfirmuar se seanca për zgjedhjen e kreut të ri të shtetit do të mbahet gjatë ditës së sotme, vetëm një ditë para skadimit të afatit kushtetues.

Pavarësisht paralajmërimit të saj, partitë politike ende nuk kanë arritur një marrëveshje për sigurimin e kuorumit prej 80 deputetësh.

Lëvizja Vetëvendosje u ka kërkuar subjekteve opozitare propozimin e figurave unifikuese, por kjo ofertë është refuzuar nga PDK-ja si joserioze, ndërsa LDK-ja ka kushtëzuar mbështetjen me votat e pushtetit për kandidaturën e Vjosa Osmanit.

Nëse dështon zgjedhja e presidentit deri më 28 prill, vendi sipas Kushtetutës shkon automatikisht në zgjedhje të parakohshme brenda 45 ditësh.

Continue Reading

Lajmet nga UBT

Interesim i jashtëzakonshëm i maturantëve të gjimnazit “Gjon Buzuku” për programet e UBT-së

Published

on

By

UBT, Qendra në Prizren ka zhvilluar një aktivitet informues dhe promovues me maturantët e Gjimnazi “Gjon Buzuku” në Prizren, me qëllim ofrimin e këshillimit të drejtpërdrejtë për zgjedhjet akademike dhe profesionale.

Ky aktivitet u realizua nën udhëheqjen e drejtorit të UBT-së për këtë qendër, Vehbi Sofiu, së bashku me stafin akademik të përbërë nga profesorët Lamir Shkurti, Diellza Elshani dhe Mirjeta Arifi, të cilët prezantuan në mënyrë të detajuar ofertën akademike dhe mundësitë që ofron UBT për studentët e ardhshëm.

Pjesëmarrësit u pritën nga drejtoresha e shkollës, Gylaj Shipkovica, e cila shprehu gatishmërinë për bashkëpunim të vazhdueshëm ndërinstitucional dhe theksoi rëndësinë e orientimit të hershëm në karrierë për nxënësit maturantë. Ajo vlerësoi iniciativa të tilla si shumë të nevojshme për të ndihmuar të rinjtë në marrjen e vendimeve të duhura për të ardhmen e tyre, duke theksuar se përzgjedhja e drejtimit të studimit duhet të jetë në harmoni me aftësitë dhe ambiciet individuale.

Gjatë bashkëbisedimit me nxënësit, profesorët e UBT-së ndanë informacione konkrete mbi programet studimore, duke u fokusuar në fushat më të kërkuara në tregun e punës, si dhe në zhvillimet më të fundit në arsim dhe teknologji. Theks i veçantë iu kushtua rëndësisë së ndërlidhjes së studimeve me praktikën profesionale, inovacionin dhe ndërkombëtarizimin, si elemente kyçe që UBT i integron në programet e veta.

Aktiviteti u karakterizua nga një bashkëbisedim interaktiv, ku nxënësit patën mundësi të parashtrojnë pyetje rreth programeve, bursave, praktikave dhe mundësive të punësimit pas përfundimit të studimeve. Interesimi i lartë i maturantëve dëshmoi nevojën për orientim të strukturuar në këtë fazë të rëndësishme të jetës së tyre.

Përmes këtij organizimi, UBT edhe një herë konfirmon përkushtimin e tij për të qenë pranë të rinjve, duke i mbështetur ata në ndërtimin e një rruge të qartë drejt zhvillimit akademik dhe profesional, në përputhje me standardet bashkëkohore të arsimit dhe kërkesat dinamike të tregut të punës.

Continue Reading

Lajmet

Kurti thirrje SHBA-së dhe BE-së: Bëni trysni mbi Beogradin për të zbardhur fatin e të zhdukurve

Published

on

By

Në shënim të 27 Prillit, Ditës së Personave të Zhdukur me Dhunë gjatë Luftës në Kosovë, Kryeministri Albin Kurti ka bërë homazhe pranë Monumentit dedikuar të pagjeturve.

I shoqëruar nga nëna Ferdonije, familjarë të tjerë, ministra dhe deputetë, Kurti rikujtoi se Kosova pret ende përgjigje për fatin e 1,565 qytetarëve të saj.

Gjatë prononcimit të tij, kryeministri vuri theksin te përgjegjësia e drejtpërdrejtë e Beogradit zyrtar, duke denoncuar fshehjen e informacioneve për varrezat masive në territorin e Serbisë.

“Janë edhe njëmbëdhjetë varreza të tjera masive, përveç atyre pesë që tashmë janë zbuluar, e për të cilat Serbia nuk jep informacion, sepse është komunikuar edhe nga vetë ata publikisht se janë 16 varreza masive gjithsej,” deklaroi Kurti.

Kryeministri solli në vëmendje historinë prekëse të Sinan Dautit, 9-vjeçarit nga Prekazi, eshtrat e të cilit u gjetën së fundmi pas më shumë se dy dekadash. Ai theksoi se institucionet e Kosovës po bëjnë përpjekje maksimale, por mungesa e juridiksionit mbi Serbinë kërkon ndërhyrje ndërkombëtare.

“Faktorët ndërkombëtarë, evropianë dhe amerikanë duhet t’i bëjnë më shumë trysni Beogradit, ashtu që të zbardhet e vërteta dhe përgjegjësitë të dalin para gjyqit. Atje ku është përgjegjësia, atje është edhe e vërteta”, shprehet Kurti.

Kurti gjithashtu u bëri thirrje organeve të drejtësisë në Kosovë që të përshpejtojnë proceset për gjykimin në mungesë të kriminelëve të luftës, duke pasur parasysh moshën e dëshmitarëve.

“Besoj që duhet të punojnë edhe më shumë e më shpejtë seç po bëhet, meqenëse dëshmitarët po mplaken… dhe në këtë mënyrë vështirësohet përndjekja dhe sjellja para drejtësisë e kriminelëve serbë të luftës,” përfundoi ai.

Në fund të homazheve, kryeministri shprehu mirënjohje të pafund për familjarët që, përkundër ankthit të përditshëm, vazhdojnë të qëndrojnë të fortë në kërkim të drejtësisë.

 

Continue Reading

Vendi

Kuvendi i Kosovës miraton marrëveshjen me Shqipërinë për Lojërat Mesdhetare Prishtina 2030

Published

on

By

Kuvendi i Kosovës ka ratifikuar marrëveshjen ndërmjet Kosovës dhe Shqipërisë për organizimin e Lojërat Mesdhetare Prishtina 2030, në një vendim unanim të miratuar në seancën e 27 prillit 2026.

Për këtë projektligj, i cili mban numrin 10/L-040 dhe ka të bëjë me ratifikimin e marrëveshjes ndërmjet Qeveria e Republikës së Kosovës dhe Këshilli i Ministrave i Republikës së Shqipërisë, votuan 93 deputetë pro, pa asnjë votë kundër apo abstenim.

Lojërat Mesdhetare, të themeluara në vitin 1951, janë një ngjarje shumë-sportive që zhvillohet çdo katër vjet nën mbështetjen e Komitetit Olimpik Ndërkombëtar. Për herë të parë në histori, Kosova do të jetë vend nikoqir i këtij eventi madhor sportiv, që konsiderohet organizimi më i madh sportiv në historinë e saj.

Vendimi për t’ia besuar organizimin Kosovës u mor më 8 shtator 2024, kur Asambleja e Përgjithshme e Komitetit Ndërkombëtar të Lojërave Mesdhetare (ICMG) votoi kandidaturën “Prishtina 2030” me 55 vota pro, 8 kundër dhe 3 të pavlefshme, në një takim të mbajtur në Heraklion të Greqisë.

Kosova, ndonëse pa dalje në det, u lejua të kandidojë pas ndryshimeve në statutin e ICMG-së, të cilat hapën mundësinë që edhe vendet pa bregdet të organizojnë Lojërat Mesdhetare.

Në këtë proces, Shqipëria ka marrë përsipër të ofrojë mbështetje të rëndësishme, duke vënë në dispozicion bregdetin e saj për zhvillimin e garave të sporteve ujore, duke forcuar bashkëpunimin mes dy vendeve në organizimin e këtij eventi historik.

Continue Reading

Të kërkuara