

Lajmet
Kurti u kërkon komuniteteve të marrin pjesë në regjistrimin e popullsisë
Regjistrimi i popullsisë pritet të fillojë më 1 nëntor.
Published
2 years agoon
By
Betim GashiKryeministri i Kosovës, Albin Kurti në takimin me zyrtarët komunalë për Komunitete dhe Kthim u ka bërë thirrje komuniteteve joshumicë që të marrin pjesë në regjistrimin e popullsisë. Kjo siç tha ai, do të mundësonte planifikim më të mirë të investimeve.
Në takimin që pati sot (e martë) me zyrtarët komunalë për komunitete, Kurti tha se regjistrimi i popullsisë është një mundësi dhe obligim i të gjithëve pa dallim.
Pjesëmarrja e të gjithë qytetarëve në regjistrimin e popullsisë, sipas kryeministrit do të shërbejë për orientim sa më të drejtë të investimeve.
“Për të qenë sa më afër qytetarëve prioritet i kemi dhënë edhe vizitave në teren ishte kënaqësi për mua që në javën e kaluar isha në qendrën ditore për fëmijët në situatë rruge kryesisht nga komunitetet… Një nga mundësitë si dhe obligimet që ofrohet tani është regjistrimi i popullsisë i cili planifikohet të fillojë më 1 nëntor. Kjo është një mundësi por edhe obligim i rëndësishëm për të pasqyruar komunitetet e Kosovës ashtu siç ato duhet. Ne kemi hapur 498 vende pune të rezervuara për komunitete si regjistrues dhe mbikëqyrës, po ashtu kemi ndarë më shumë 100 mijë euro për organizata joqeveritare për komunitete. Kjo thirrje është e hapur për aplikime deri të hënën. Çdo shtëpi, çdo banesë ka të drejtë të regjistrohet me përkasin e vet etnike… Për shpërndarjen e këtij informacioni ne kemi nevojë që ju të informoni bashkëqytetarët në komunën tuaj se përse është e rëndësishme të marrin pjesë në regjistrimin e popullsisë… Me informacionet që do të mblidhen nga regjistrimi ne do të kemi mundësinë si shtet të planifikojmë siç duhet për nevoja reale të popullsisë tonë, të dimë se sa shkolla na duhen e ku të investojmë në ekonomi”, tha Kurti.
Kreu i ekzekutivit tregoi disa nga hapat që si qeveri kanë marrë për të ndihmuar komunitetet në vend.
“Qeveria më e mirë është ajo e cila është më afër popullit, për të qenë sa më afër popullit na duhen struktura dhe individë të angazhuar në nivel lokal… Ministria e Administrimit të Pushtetit Lokal ka ndarë 1 milionë euro për projekte infrastrukturore, veçanërisht për komunitete dhe është duke punuar në projekte të rrugëve trotuareve dhe ndriçimit, Deçan, Ferizaj, Novobërdë, Pejë dhe Prizren… Kemi parë dhe zhvillime të tjera pozitive në vend komunash sikurse para një viti njohja e gjuhës rome si gjuhë në përdorim në Prizren, ashtu siç është në Graçanicë, tani komuna veriore iu ka bashkuar sesionit të komunave të Kosovës, ndërkaq Leposaviqi, Zubin Potoku dhe Zveçani janë zotuar që t’i bashkohen… Për bashkim ndërmjet komunave për të mirën e komuniteteve kemi si shembull linjën e re të autobusëve nga Prishtina në Kishnicë, linjë e cila u hap dje, kjo linjë u mundëson studentëve të udhëtojnë më një biletë”, vijoi Kurti.
Regjistrimi i popullsisë pritet të fillojë më 1 nëntor.
Aktualitet
Vrasja e rëndë në Gjilan, shkon në tre numri i viktimave
Published
13 hours agoon
August 10, 2025By
UBT News
Rasti i rëndë i të shtënave me armë zjarri që ndodhi sot rreth orës 12:32 në rrugën “Ibrahim Rugova” në Gjilan ka marrë përmasa edhe më tragjike.
Burime të Telegrafit bëjnë të ditur se pas dy viktimave të vdekur në vendin e ngjarjes, ka humbur jetën edhe personi i tretë i cili ishte në mesin e dy të plagosurve.
Jozyrtarisht është raportuar se në vendin e ngjarjes kanë mbetur të vdekur babë e birë, S.H dhe E.H.
I dyshuari është në arrati dhe i njohur për policinë. Hetimet janë në zhvillim e sipër.
Në vendin e ngjarjes janë parë forca të shumta policore dhe ekipe forenzike.
Autoritetet kanë bllokuar zonën për disa orë, ndërsa Prokuroria ka nisur hetimet për zbardhjen e motivit të krimit.
Lajmet
OpenAI mposht Grok-in e Elon Musk në turneun e shahut me AI
Published
3 days agoon
August 8, 2025By
UBT News
OpenAI, krijuesi i ChatGPT, ka mundur Grok-in e Elon Musk-ut në finalen e një turneu për të shpallur lojtarin më të mirë të shahut me inteligjencë artificiale (AI).
Historikisht, kompanitë teknologjike shpesh kanë përdorur shahun për të vlerësuar përparimin dhe aftësitë e një kompjuteri, me makinat moderne të shahut që janë praktikisht të pamposhtura edhe nga lojtarët më të mirë njerëzorë, raporton BBC.
Por kjo garë nuk përfshinte kompjuterë të dizajnuar posaçërisht për shah ai u zhvillua mes programeve të AI që janë krijuar për përdorim të përditshëm.
Modeli o3 i OpenAI doli fitues pa humbje në turne dhe mundi në finale modelin Grok 4 të xAI, duke shtuar tensionin në rivalitetin në vazhdim mes dy kompanive. Musk dhe Sam Altman, të dy bashkëthemelues të OpenAI, pretendojnë se modelet e tyre të fundit janë më të zgjuarat në botë.
Modeli Gemini i Google mori vendin e tretë në turne, pasi mundi një model tjetër të OpenAI.
Megjithatë, këto AI, edhe pse të talentuara në shumë detyra të përditshme, janë ende duke u përmirësuar në shah – me Grok që bëri disa gabime gjatë ndeshjeve të fundit, përfshirë humbjen e herë pas hershme të mbretëreshës së tij.
“Derisa arriti në gjysmëfinale, dukej sikur asgjë nuk do ta ndalë Grok 4 drejt fitimit të ngjarjes”, tha Pedro Pinhata, një gazetar i Chess.com, në mbulimin e tij.
“Pavarësisht disa momenteve të dobësisë, AI e X dukej larg më e fortë si lojtar shahu… Por iluzioni u shemb në ditën e fundit të turneut”.
Ai tha se loja “e pakonceptueshme” dhe “gabimet” e Grok i mundësuan o3 që të merrte një sërë fitoreve të bindshme.
“Grok bëri shumë gabime në këto ndeshje, por OpenAI jo”, tha mjeshtri i madh i shahut Hikaru Nakamura gjatë transmetimit të tij live në finalen.
Para finales së të enjtes, Musk kishte thënë në një postim në X se suksesi paraprak i xAI-së në turne ishte një “efekt anësor” dhe se ata “nuk kanë shpenzuar pothuajse aspak përpjekje për shah”.
Aktualitet
Vendimi i gjykatës: Popoviq dëbohet nga Kosova
Published
3 days agoon
August 8, 2025By
UBTnews
Igor Popoviq është shpallur fajtor dhe është dënuar nga Gjykata Themelore në Prishtinë me gjobë prej 3 mijë eurosh dhe me masën plotësuese të dëbimit nga territori i Kosovës për një periudhë dyvjeçare, pas arritjes së marrëveshjes për pranimin e fajësisë me Prokurorinë Speciale të Republikës së Kosovës.
Sipas aktakuzës së ngritur më 4 gusht 2025 nga PSRK-ja , Igor Popoviq, ndihmësdrejtor në të ashtuquajturën Zyrë për Kosovën në Qeverinë e Serbisë, me dashje dhe me qëllim ka nxitur dhe përhapur publikisht urrejtje dhe mos durim midis grupeve etnike.
Në atë mënyrë që i njëjti me datën 18 korrik 2025, rreth orës 12:00 në Rahovec ka mbajtur një fjalim publik me të cilin i është drejtuar një mase të gjerë të qytetarëve, ku mes tjerash ka përdorur gjuhë me përmbajtje nxitëse dhe urrejtëse.
Kryetari i trupit gjykues, gjyqtari Kujtim Krasniqi, tha se i akuzuari Igor Popoviq, me është shpallur fajtor për veprën penale “nxitja e përçarjes dhe mosdurimit” nga neni 141, paragrafi 1 i Kodit Penal të Republikës së Kosovës.
Sipas tij, gjykata, në përputhje me dispozitat penale dhe procedurale, e ka dënuar Popoviqin me 6 muaj burgim, dënim i cili, me pëlqimin e të akuzuarit, zëvendësohet me gjobë në shumën prej 3 mijë eurosh.
Krasniqi tha se gjykata ka shqiptuar edhe dënim plotësues, dëbimin e Popoviqit nga territori i Republikës së Kosovës dhe ndalimin e hyrjes së tij për një periudhë prej dy vitesh.
“I akuzuari Igor Popoviq me shënime personale si në shkresë të lëndës është fajtor për veprën penale nxitja e përqarjes dhe mos durimit nga neni 141, paragrafi 1 i kodit penal të Republikës së Kosovës. Andaj gjykata konform dispozitave penale dhe procedurale të njëjtin e gjykon me dënim me burgim me kohëzgjatje prej 6 muajve, i cili dënim me pëlqimin e të akuzuarit zëvendësohet me dënim me gjobë në shumën prej 3 mijë eurove… Koha e kaluar në masën e paraburgimet nga data 18.07.2025 deri më datën 08.08.2025 i llogaritet në dënimin me burgim të shqiptuar. Po ashtu, Gjykata i shqipton edhe dënim plotësues. Urdhërohet dëbimi i të pandehurit Igor Popoviq nga territori i Republikës së Kosovës dhe i ndalohet hyrja për dy vite”, tha Krasniqi.
Mëngjesin e sotëm, më 8 gusht, Prokuroria Speciale i propozoi gjykatës që ndaj Popoviqit të shqiptohet i njëjtit dënim, sipas marrëveshjes, për veprën penale për të cilën akuzohet, gjashtë muaj burgim, i cili të zëvendësohet me gjobë në shumën prej 3 mijë eurosh.
Sot, prokurorja e rastit, Fikrije Krasniqi-Zejnullahu i propozoi gjykatës që ndaj Popoviqit të shqiptohet edhe dënimi plotësues – dëbimi nga territori i Kosovës për një afat prej dy vitesh, për çka palët janë pajtuar.
Avokati i Popoviq, Millosh Delliviq tha se i qëndrojnë mbrapa marrëveshjes së arritur me Prokurorinë Speciale.
Kujtojmë se arrestimi i Popoviq ndodhi pas mbajtjes së një fjalimi në Hoçë të Madhe të Rahovecit, ku ai u shpreh kundër Ushtrisë Çlirimtare të Kosovës.
Prokuroria vlerësoi se përmes këtyre deklaratave, Popoviq ka ndikuar negativisht në marrëdhëniet ndërmjet komuniteteve, duke nxitur mosbesim dhe tensione ndëretnike, dhe duke rrezikuar bashkëjetesën në shoqërinë kosovare.
Aktualitet
Qeveria në detyrë merr këto vendime në mbledhjen e radhës
Published
3 days agoon
August 8, 2025By
UBTnews
Qeveria në detyrë e Kosovës ka mbajtur sot mbledhje elektronike në të cilën ka marrë disa vendime.
Kabineti qeveritar në detyrë ka miratuar vendimin për shqyrtim të mëtejmë të kërkesës me vetiniciativë për shpronësim për interes publik të pronave të paluajtshme të cilat janë të nevojshme për realizimin e Projektit Infrastrukturor për Interes Publik- Ndërtimi i Urës mbi lumin Ibër që lidh Mitrovicën e veriut dhe Mitrovicën e jugut.
Po ashtu, janë caktuar zonat e shërbimit për ofruesit e shërbimeve të ujit në Kosovë, si dhe është miratuar ndryshimin e Statutit të Kompanisë Rajonale të Ujësjellësit “Mitrovica” sipas vendimit të bordit të drejtorëve.

Dy boksierë japonezë vdiqën, pësuan lëndime në tru

Vrasja e rëndë në Gjilan, shkon në tre numri i viktimave

Mos bëni gara për klikime, trajtoni me kujdes viktimat, dëshmitarët dhe mos rrezikoni hetimet, publikoni vetëm detajet dhe motivin?

UBT zhvillon qendrën e saj të sigurisë kibernetike në njërën nga qendrat më të avancuara në rajon

Studimet: Alzheimeri mund të fillojë jashtë trurit!

Rita Ora publikon këngën e re ‘Joy’

Super kompjuteri parashikon golashënuesit e Ligës Premier 2025/26: Gyokeres e mbyll si i treti

OpenAI mposht Grok-in e Elon Musk në turneun e shahut me AI

Pulsimi i veshëve; Pse ndodh dhe si ta largoni?
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit