Lajmet

​Kurti tregon si do të bashkëpunojë qeveria e re me opozitën

Publikuar

Kryetari i Lëvizjes Vetëvendosje, Albin Kurti duke folur për sjelljen e qeverisë së re karshi opozitës në Kuvendin e Kosovës, ka theksuar nivelin më të lartë të përgjegjësisë dhe frymën më të shtruar të bashkëpunimit për çështje që janë në interes të zhvillimit, sigurisë dhe progresit tonë si shoqëri dhe si shtet.

Kurti këto komente i ka bërë gjatë takimit me ambasadoren e Francës, Marie-Christine Butel, ku ka thënë se dialogu me Serbinë duhet të jetë i përgatitur mirë dhe parimor.

Christine Butel e uroi kryetarin Kurti për fitoren në këto zgjedhje dhe shprehu dëshirën e saj që numërimi i votave dhe certifikimi i rezultatit zgjedhor të bëhet pa ndonjë vonesë në mënyrë që t’i hapet rrugë formimit të institucioneve të reja.

Kurti e falënderoi për urimin dhe vizitën, dhe duke ndarë bindjen që qeveria e re do të konsolidohet shumë shpejtë, e njoftoi atë edhe me disa prej prioriteteve të saj që lidhen me shtetndërtimin demokratik dhe zhvillimin socio-ekonomik në vend.

Sipas një njoftimi të VV-së, të dy u dakorduan që me formimin e institucioneve të reja t’i thellojnë e zhvillojnë tutje marrëdhëniet e mira bilaterale mes dy vendeve tona.

Lajmet

​1 mijë e 660 ankesa nga qytetarët, Avokati i Popullit dorëzon raportin vjetor në Kuvend

Nga rastet e shqyrtuara gjatë këtij viti, autoriteteve u janë adresuar 836 rekomandime, nga të cilat 300 janë rekomandime nga hetimet e përfunduara në këtë vit.

Publikuar

nga

Avokati i Popullit ka dorëzuar sot raportin për vitin 2023 në Kuvendin e Kosovës, në të cilin paraqet gjendjen e të drejtave të njeriut dhe ofron një analizë të shkeljes së të drejtave të individëve apo grupeve shoqërore në vendin tonë.

Në vitin 2023, Avokati i Popullit ka pranuar 1 mijë e 660 ankesa nga qytetarët e Kosovës, me pohime ankimore për shkelje të të drejtave dhe të lirive të njeriut nga autoritetet publike në Kosovë.

Nga rastet e shqyrtuara gjatë këtij viti, autoriteteve u janë adresuar 836 rekomandime, nga të cilat 300 janë rekomandime nga hetimet e përfunduara në këtë vit, ndërsa 536 janë rekomandime të bartura nga viti paraprak, me afat zbatimi në vitin për të cilin raportohet.

Zvarritjet në procedurat gjyqësore përbëjnë numrin më të madh të ankesave të pranuara duke u mohuar qytetarëve të drejtën për gjykim të drejtë, ka bërë të ditur Avokati i Popullit.

Ankesat tjera kanë të bëjnë me të drejtën për mjete juridike, me të drejtën e punës dhe ushtrimit të profesionit, me mbrojtjen shëndetësore dhe sociale, me mbrojtjen e pronës, me barazinë para ligjit, me të drejtat e të akuzuarit, me të drejtat e fëmijës etj.

Raporti përmban rekomandime për autoritetet përgjegjëse për çështjet që janë trajtuar nga Avokati i Popullit, por edhe opinione dhe propozime për ndërmarrjen e masave për të kontribuar dhe vetëdijesuar në ngritjen e respektimit të të drejtave të njeriut.

Sa i përket zbatimit të rekomandimeve të Avokatit të Popullit nga ana e autoriteteve, raporti gjen se niveli i zbatimit është 28 për qind, dukshëm më i lartë se sa në vitet e kaluara, por megjithatë kërkohet më shumë angazhim për rritjen e zbatimit deri në arritjen e nivelit kur zbatohen të gjitha rekomandimet.

Vazhdo të lexosh

Lajmet

Oda Ekonomike e Kosovës nënshkruan Kodin e Bizneseve kundër korrupsionit

Palët nënshkruese të kësaj marrëveshje do të angazhohen që të mbeshtesin çdo iniciativë që ka për qëllim luftimin e korrupsionit dhe përmirësimin e kushteve të biznesit në Kosovë.

Publikuar

nga

Në përkrahje të luftës kundër korrupsionit dhe për të promovuar një mjedis të drejtë dhe konkurrues, Oda Ekonomike e Kosovës si institucioni më i rëndësishëm i biznesit në vend, ka nënshkruar Kodin e Bizneseve kundër Korrupsionit, i lansuar nga USAID-i me mbështetje të Institutit Riinvest dhe KMI-së.

Palët nënshkruese të kësaj marrëveshje do të angazhohen që të mbeshtesin çdo iniciativë që ka për qëllim luftimin e korrupsionit dhe përmirësimin e kushteve të biznesit në Kosovë.

Në një deklaratë të përbashkët, palët e kësaj marrëveshje angazhohen që gjatë çdo aktiviteti biznesor të sillen në përputhje me parimet etike dhe ligjore, duke mbështetur konkurrencën e lirë dhe të drejtë në tregun e Kosovës.

Oda Ekonomike e Kosovës thotë se është e gatshme për të bashkëpunuar me të gjitha autoritetet dhe organizatat relevante për të përmirësuar klimën e biznesit në vend dhe për të kontribuar në zhvillimin e një ambienti më të favorshëm për të gjitha kompanitë e sektorit privat në Kosovë.

Vazhdo të lexosh

Lajmet

​Intervistimi i Berishajt, avokati Gashi: Nuk jap detaje, deklarata është konfidenciale

Ai shtoi se si avokat i Berishajt nuk mund të japë detaje në lidhje me këtë deklaratë.

Publikuar

nga

Avokati Tomë Gashi ka reaguar pas raportimeve se ambasadori i Kosovës në Kroaci, Martin Berishaj është intervistuar sot nga Prokuroria Speciale në Prishtinë.

Në llogarinë e tij në Facebook, Gashi tha se Berishaj qysh më 27.01.2023 ka paraqitur kërkesë për të dhënë deklaratë sqaruese në Prokurorinë Speciale të Republikës së Kosovës dhe se deklarata e tij është konfidenciale.

Ai shtoi se si avokat i Berishajt nuk mund të japë detaje në lidhje me këtë deklaratë.

Vazhdo të lexosh

Lajmet

Në prag të Pashkëve Katolike, Imzot Dodë Gjergji me porosi për paqe

Ai ka ftuar të gjithë njerëzit, që pavarësisht bindjeve të tyre fetare, pozicioneve shoqërore, përkatësive etnike apo përgjegjësive politike që kanë, të bëjnë ç’është e mundur, që të mbizotërojë paqja e vërtetë, harmonia, barazia dhe toleranca fetare.

Publikuar

nga

Me rastin e Pashkëve Katolike, Imzot Dodë Gjergji duke uruar besimtarët ka dhënë edhe mesazh paqeje. Ai ka ftuar të gjithë njerëzit, që pavarësisht bindjeve të tyre fetare, pozicioneve shoqërore, përkatësive etnike apo përgjegjësive politike që kanë, të bëjnë ç’është e mundur, që të mbizotërojë paqja e vërtetë, harmonia, barazia dhe toleranca fetare.

“Për të mbërri këtë gjë, është e domosdoshme që sa më parë të arrihet pajtimi i gjithmbarshëm mes nesh. Ashtu që, si dikur edhe tani, të dimë të përballemi bashkërisht me të sotmen dhe ta ndërtojmë të ardhmen duke iu përshtat rrethanave të reja që imponohen. Në harmoni të plotë me ata që na mundësuan lirinë që gëzojmë dhe në përputhje të plotë me synimet e të parëve tanë. Kjo, jo vetëm që është e domosdoshme, por është edhe e drejtë, të pajtohemi për të mirën e përbashkët mes nesh dhe me të tjerët. Do të ishte vërtetë e pa falshme, që ne, akoma pa i shijua mirë frytet e paqes dhe shijen e lirisë, t’i kthehemi tmerrit dhe trishtimit të luftës”, ka thënë ai.

Vazhdo të lexosh

Të kërkuara