Lajmet

​Kurti: Rezistenca e familjes Jashari themeltare në historinë e Kosovës

Ai kujtoi edhe kohën kur Rifat Jashari shpërndante plamflete me mbishkrimet “Kosova Republikë“.

Published

3 years ago

on

Kryeministri i Kosovës, Albin Kurti u shpreh sot se rezistenca e familjes Jashari dhe komandati legjendar, Adem Jashari janë themeltarë dhe të përjetshëm për historinë e Kosovës.

Kurti në seancën solemne në nder të 25-vjetorit të Epopesë së Ushtrisë Çlrimtare të Kosovës tha se qëndresa e familjes Jashari do të kthehej në rezistencë shembull që gjithë shqiptarët e Kosovës dhe kombit për tu çliruar nga Serbia.

“Plot një çerek shekulli më parë më 5, 6 dhe 7 mars të vitit 1998 mijëra forca të armatosura të Serbisë e rrethuan shumëfish Prekazin në një operacion policor që pas 3 ditë luftimesh rezultoi me 59 të vrarë prej tyre 20 anëtarë ishin nga familja e ngushtë e Shaban Jasharit ku gjatë atyre 3 ditëve u bë një rezistencë e armatosur e pashembullt në një përballje krejtësisht të pabarabartë mes luftëtarëve të armatosur të lirisë dhe mijëra trupa të rregullt e speciale policore që po zbatonin një urdhër kriminal. Ishte hera e tretë që familja Jashari sulmohej dhe ishte hera e tretë që ajo rezistonte përballë trupave policore të Serbisë pushtuese. Por, kësaj radhe qëndresa e familjes Jashari do të kthehej në rezistencë shembull që gjithë shqiptarët e Kosovës dhe kombi mbarë për tu çlirua nga Serbia për ta ndërtuar shtetin e Republikës së Kosovës në liri”, tha ai.

E në seancën solemne të Kuvendit të Kosovës ku i pranishëm është edhe vëllai i komandantit Adem Jashari, Rifat Jashari, Kurti kujtoi edhe kohën kur Rifat Jashari shpërndante plamflete politike me mbishkrimet “Kosova Republikë“.

Kryeministri Albin Kurti u shpreh se në historinë e UÇK-së dhe të Kosovës, rezistenca e Jasharëve dhe figura e Adem Jasharit janë themeltare dhe si të tilla do të mbesin përjetë.

“Në historinë e UÇK-së dhe Kosovës rezistenca e Jasharajve të Prekazit dhe figura e Adem Jasharit janë themeltare dhe qendrore dhe të tilla do të mbeten përjetë… Më shumë se katër dekada prej kohës kur kishte shpërndarë pamflete me thirrjen ‘Kosova Republikë‘ bacin Rifat Jashari e kemi këtu mes nesh pikërisht në Kuvendin e Republikës së Kosovës… Familja e madhe që krijuan Shaban Jashari dhe gruaja e tij, Zahide Geci ishte një shtëpi e ngritur mbi themele e trashëgimisë patriotike siç ishte dhe një shkollë e formimit me atdhe dashuri që mbanin si tre shtylla tre djemtë e tyre, Rifati, Hamza dhe Ademi. Hamza dhe Ademi do të binin dëshmorë në luftë për lirinë e Kosovës në mars të vitit 1998, ndërsa vëllait më të madh do t’i takonte të vazhdonte rrugët e përbashkët të tyre por edhe me një detyrë shtesë. Që nga marsi i vitit 1998 ky njeri do të kryente detyrën e vështirë të ruajtjes së trashëgimisë me aq shumë vlera kombëtare dhe peshë historike”, tha ai.

Shefi i ekzekutivit kosovar foli edhe rreth projekti të rekostruktimit të kompleksin memorial në Prekaz.

Ai tha se qëllimi i këtij projekti është që fshatin Prekaz të shndërrohet në një peisazh kulturor historik për tu njohur me gjithë historinë e Jasharëve të Prekazit të UÇK-së dhe të vuajtjeve shqiptarëve.

“Ju falemnderit që me kaq besnikëri e keni ruajtur gjithë atë histori të familjes tuaj që ju e keni bërë, që ju e keni bërë bashkë me Hamzën dhe Ademin, me babën Shaban dhe nënën Zahide dhe me gratë e familjes, si dhe me djemtë e vajzat tuaj. …Qëllimi i këtij projekti që është në fazën e shpalljes së konkursit ndërkombëtar është që institucionet e Kosovës të investojnë në mënyrën e duhur ashtu që pothuajse i gjithë fshati Prekaz të shndërrohet në një peizazh kulturor historik, ku shqiptarët dhe gjithë njerëzit do të mund të shkojnë për të parë jo vetëm vendin ku është jetuar dhe luftuar por sidomos për tu njohur me gjithë historinë e Jasharajve të Prekazit të UÇK-së, të vuajtjeve shqiptarëve nën jugosllavi. Rezistenca e Jasharave në 5, 6 dhe 7 mars nuk është edhe një degë më shumë në pemën rrënjthellë të historisë modern të Kosovës, por ajo është vetë trungu i pemës së kësaj historie”, u shpreh Kurti.

Related Topics:
Continue Reading

Lajmet

FSK pjesë e Javës Ndërkombëtare të Akademive Ushtarake në Shkollën e Oficerëve në Gjermani

Published

1 minute ago

on

October 21, 2025

By

Në kuadër të bashkëpunimit me Republikën Federale të Gjermanisë, një ekip nga Akademia Ushtarake e FSK-së, Qendra për Studime Universitare ( QSU) morën pjesë në Javën Ndërkombëtare të Akademive Ushtarake në Shkollën e Oficerëve në Gjermani.

FSK njofton se “Gjatë kësaj jave, ata patën mundësinë të vizitojnë qytetin e Dresdenit, të njoftohen me mënyrën e shkollimit të Oficerëve të Gjermanisë, si dhe qendrat e tyre për trajnim. Ata përfaqësuan QSU-në duke prezantuar për historinë e saj dhe zhvillimin e arsimimit, si dhe duke shkëmbyer përvoja me kadetët e shteteve tjera”./EO

Continue Reading

Lajmet

Zgjedhjet lokale, PZAP-ja urdhëron rinumërimin e votave në tri komuna

Published

3 minutes ago

on

October 21, 2025

By

Komisioni Qendror i Zgjedhor (KQZ) njofton se ka nisur rinumërimi i pesë vendvotimeve me urdhër të Panelit Zgjedhor për Ankesa dhe Parashtresa (PZAP), ndërsa gjatë ditës së sotme do të vazhdohet me numërimin e fletëvotimeve me kusht dhe atyre të personave me nevoja të veçanta.

Sipas KQZ-së, numërimi i fletëvotimeve nga votimi jashtë Kosovës përfundoi të hënën rreth mesnatës. Sipas njoftimit, mbi 44.000 votues kishin të drejtë të votojnë me postë nga jashtë vendit dhe patën një muaj kohë ta bënin këtë, nga 17 shtatori deri më 11 tetor.

Paneli Zgjedhor për Ankesa dhe Parashtresa (PZAP) ka vendosur të bëhet rinumërimi i votave në tri komuna, në Mitrovicë të Jugut, Kamenicë dhe Podujevë.

“Vendvotimet të cilat do të rinumërohen i takojnë komunave të ndryshme, si: Mitrovicë e Jugut (1110/01 dhe 1110/06); Kamenicë (1019/01 dhe 1020/01) dhe Podujevë (1807/02). Në vazhdim të aktiviteteve të planifikuara, gjatë ditës së sotme në QNR do të fillohet me numërimin e fletëvotimeve që i takojnë votimit me kusht dhe atyre nga votimi i personave me nevoja të veçanta. Votimi me kusht është realizuar në 54 vendvotime speciale në 38 komuna, ndërsa votimi i personave me nevoja të veçanta është zhvilluar jashtë vendvotimeve, përmes ekipeve mobile gjatë ditës së zgjedhjeve”, thuhet në njoftimin e KQZ-së.

Nga rezutatet e deritanishme preliminare, shtatëmbëdhjetë komuna pritet të shkojnë në balotazh në zgjedhjet për kryetar 2025, pesë më pak se para katër vjetësh në Kosovë.

Prishtina, Prizreni, Gjakova, Gjilani, Dragashi, Kaçaniku, Klina, Fushë Kosova, Mitrovica e Jugut, Obiliqi, Peja, Rahoveci, Suhareka, Vitia, Vushtrria, Juniku e Kllokoti do të jenë pjesë e balotazhit më 9 nëntor./KP

Continue Reading

Lajmet

Gërmime në 24 lokacione, gjenden mbetjet mortore të 4 personave, Hoti: Serbia ka bërë krime që mendja e njeriut pak i kupton

Published

5 minutes ago

on

October 21, 2025

By

Janë gjetur mbetjet mortore të katër personave, që dyshohen të jenë të personave të vrarë gjatë luftës së fundit në Kosovë.

Kryesuesi i Komisionit Qeveritar për Personat e Zhdukur, Andin Hoti ka thënë se gërmimet janë bërë në 24 lokacione dhe se këto nuk janë të vetmet për këtë vit, për çka pati një sqarim duke thënë se jo medoemos në lokacione ku gërmohet ka persona të zhdukur.

“Brenda këtij viti kemi gërmuar apo hulumtuar 24 lokacione në territorin e Republikës së Kosovës pa e përfshi territorin e Serbisë, pasi e dini që jemi në Kozhle. Nga 24 lokacione ne kemi arritur me i gjetë mbetje mortore të personave që potencialisht mund të jenë nga lista e personave të zhdukurve në 12 lokacione. Kjo nuk do të thotë që patjetër këta persona janë persona të zhdukur. Këtë e thotë patjetër vetëm kur vjen raporti i ADN-së. Lokacioni i fundit i 24 që sot po gërmohet, nuk është i fundit për këtë vit, vjen si rezultat i disa analizave dhe raporteve edhe një bashkëpunimi të mirëfilltë që kemi me organizatat ndërkombëtare dhe Kryqin e Kuq. Në këtë lokacion kemi arrit me i gjetë, mbetjet mortore të 4 personave. Po lutem me gjetë mirëkuptimin e qytetarëve, familjarëve dhe juve (gazetarëve)sot në mëngjes pas një raportimi që ka ndodhur për këtë. Sot në mëngjes më kanë thirr dy familjarë të shqetësuar tej mase. Me pyetje a është prindi im, a është gjyshi im, apo vëllai im. Këto raportime në media, natyrisht që janë në anën tuaj profesionale por po ngrisin shqetësime te familjarët. Edhe unë jam familjarë, ju lutem së pari familjarëve, qytetarëve dhe juve, që asnjëherë në radhë të parë mos të merret gjithsesi që në atë lokacion ka persona  të zhdukur. Mbi 2500 lokacione i kemi gërmuar në Kosovë”, tha Hoti.

Hoti ka thënë edhe se Serbia ka bërë krime të shumëfishta në Kosovë aq sa mendja e njeriut nuk e kupton.

“Serbia ka ditë me bo krime të shumëfishta në Kosovë që mendja e njeriut pak i kupton. Ka vra njerëz, po e marrë shembull në Prizren i ka varros në Prishtinë e më pas i ka dërgu në Serbi. Mos të krijohet një shqetësim se ndoshta e gjetën familjarin tim. Le të presin sepse janë disa muaj në pritje që bëhen ekspertizat”, theksoi Hoti./EO

Continue Reading

Lajmet

Ndalohen barna dhe suplemente të padeklaruara në Vërmicë

Published

26 minutes ago

on

October 21, 2025

By

Zyrtarët doganorë në Vërmicë kanë ndaluar mbrëmë një automjet, ku kanë zbuluar një sasi barnash dhe suplemtentesh të padeklaruara të fshehura në bagazhin e automjetit.

Sipas Doganës, vlera e përgjithshme e mallrave të ndaluara arrin shumën mbi 1,600 euro.

“Në bazë të legjislacionit në fuqi, ndaj personit përgjegjës është iniciuar procedurë për kundërvajtje doganore, ndërsa mallrat janë ndaluar deri në përfundimin e procedurave përkatëse. Dogana e Kosovës rikujton të gjithë qytetarët dhe udhëtarët se çdo mall që bartet përtej kufirit duhet të deklarohet, dhe mosdeklarimi i tyre përbën shkelje ligjore”, thuhet në njoftimin e Doganës./EO

Continue Reading

Të kërkuara