Lajmet

​Kurti premton investime të reja në shëndetësi dhe zvogëlim të listës së pritjes

Sipas tyre, në këtë mënyrë do të shkurtohet lista e pritjes në diagnostikimin e sëmundjeve te fëmijët.

Published

2 years ago

on

Kryeministri i Kosovës, Albin Kurti, bashkë me ministrin e Shëndetësisë, Arben Vitia, kanë përuruar funksionalizimin e rezonancës magnetike në Spitalin e Pediatrisë në QKUK. Sipas tyre, në këtë mënyrë do të shkurtohet lista e pritjes në diagnostikimin e sëmundjeve te fëmijët. Ata gjithashtu u zotuan për investime të reja në shëndetësi.

Kurti ka thënë se dëshirojnë të ketë sa më shumë decentralizim të shërbimeve mjekësore, andaj sipas tij, në vjeshtë edhe Prizreni do të bëhet me rezonancë magnetike.

“Pas funksionalizimit të rezonancës magnetike në Spitalin e Pejës, po e bëjmë këtë edhe në Spitalin e Pediatrisë në QKUK, ndërkaq në vjeshtë do të kemi edhe rezonancën magnetike në Spitalin e Prizrenit. Në njërën anë ne dëshirojmë të kemi sa më shumë decentralizim të shërbimeve gjithnjë e më cilësore, të ketë diagnostikim sa më të mirë për të gjithë pacientët dhe të ketë gjithashtu lista sa më të shkurta të pritjes për pacientët”, ka thënë ai.

Ndërsa, ministri Vitia ka thënë se janë duke punuar me intensitet të shtuar për t’i shkurtuar listat e pritjes dhe për të përmirësuar cilësinë e shërbimeve. Ai theksoi se në Klinikën e Neurokirurgjisë është një projekt me teknologji moderne për intervenimin e shumë rasteve.

“Është në vazhdën e punës të cilën po e bëjmë për të shkurtuar edhe listat e pritjes në njërën anë dhe tjetra për të përmirësuar cilësinë e shërbimeve për pacientët tanë. Paralelisht janë edhe disa projekte shumë të rëndësishme që janë duke u kryer që deri në vjeshtën e këtij viti, përveç rezonancës në Prizren që e përmendi kryeministri dhe pjesës diagnostikuese janë edhe pjesët intervenuese. Në Neurokirurgjisë tashmë është një projekt me teknologjinë më moderne për intervenimin e shumë rasteve të cilat deri tani pacientët tanë është dashur të kërkojnë ndihmë jashtë institucioneve publike shëndetësore. Është bërë lista siç kemi treguar prej 42 milionë euro investime, e cila do të adresojë investime në infrastrukturë dhe pajisje për të përmirësuar shërbimet dhe për të marrë shërbime të reja qytetarët”, ka theksuar Vitia.

Funksionalizimin e kësaj rezonance e ka mirëpritur edhe ushtruesja e detyrës së drejtorit të ShSKUK-së, Narqize Arenliu-Hoxhaj.

“Me fillimin e punës në këtë rezonancë do të zvogëlohen listat e pritjes dhe fëmijët do të marrin shërbimin menjëherë dhe diagnostikimi do të bëhet më herët”, ka deklaruar ajo.

Rezonanca magnetike në Spitalin e Pediatrisë e ka vlerën mbi 1 milion euro dhe është donacion nga Emiratet e Bashkuara Arabe.

Related Topics:
Continue Reading

Lajmet

KQZ-ja me detaje për verifikimin e rezultateve, përmbyllet procesi në 13 komuna

Published

47 minutes ago

on

October 16, 2025

By

Zëdhënësi i Komisionit Qendror të Zgjedhjeve, Valmir Elezi ka thënë se deri më tani janë verifikuar rezultatet për 1 mijë e 531 vendvotime nga votimet për kryetarë të 12 tetorit.

Ai njëherësh ka treguar edhe për verifikimin e rezultateve për asamble.

“Sipas informacioneve nga Qendrat Komunale të Numërimit, deri në orën 10:00 të ditës së sotme, janë verifikuar rezultatet për 1,531 vendvotime nga zgjedhjet për Kryetarë të Komunave dhe rezultatet për subjektet politike nga zgjedhjet për Kuvende Komunale nga 1,494 vendvotime”.

“Nga po kaq vendvotime, 1,494, janë numëruar votat e kanidatëve nga zgjedhjet për Kuvendet Komunale. Pra, deri më tani, nga 5,142 kuti votimi që i takojnë dy llojeve të zgjedhjeve, janë procesuar 3,025”, tha ai.

Elezi bëri me dije më tutje se deri më tani aktivitetet në Qendrën Komunale të Numërimit sa i përket numërimit të votave janë përmbyllur në 13 komuna.

“Deri më tani (e enjte, ora 10:00), aktivitetet në QKN janë përmbyllur në 13 komuna: Hani i Elezit (e hënë), Junik, Mamushë, Zveçan (e martë), Mitrovicë e Veriut, Zubin Potok, Deçan, Shtime, Klinë, Shtërpcë, Obiliq, Istog dhe Skenderaj (e mërkurë). Në përgjithësi, në Qendrat Komunale të Numërimit zhvillohen 3 aktivitete të rëndësishme: verifikimi i rezultateve nga zgjedhjet për Kryetarë të Komunave; verifikimi i rezultateve të subjekteve politike nga zgjedhjet për Kuvende Komunale; dhe numërimi i votave të kandidatëve për anëtarë të Kuvende Komunale”, shtoi Elezi.

Në zgjedhjet e së dielës votuan 811 mijë e 984 qytetarë nga 2milionë e 25mijë e 105 me të drejtë vote./EO

Continue Reading

Lajmet

Kapen dy kosovarë me mbi 27 mijë euro të padeklaruara në kufi me Shqipërinë

Published

1 hour ago

on

October 16, 2025

By

Dy shtetas nga Kosova janë kapur në Pikën e Kalimit Kufitar në Morinë, teksa tentonin të futnin në territorin e Shqipërisë 27 mijë e 550 euro pa i deklaruar në doganë.

Policia shqiptare bëri të ditur se në hetim janë vënë dy persona me inicialet A. G., njëri 51-vjeçar nga Kosova me vendbanim në Suedi, të cilit iu gjetën 12 mijë e 550 euro, dhe tjetri 44-vjeçar nga Suhareka, me 15 mijë euro në posedim.

Shuma e parave është sekuestruar, ndërsa ndaj të dyve janë nisur procedurat hetimore në Prokurorinë pranë Gjykatës së Kukësit për veprime të mëtejshme.
“Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme”./EO

Continue Reading

Lajmet

Gjashtë të arrestuar pas një përleshjeje në Viti, në vendngjarje konfiskohet drogë

Published

2 hours ago

on

October 16, 2025

By

Gjashtë persona janë arrestuar në Viti pasi dyshohen se u përleshën mes vete. Të gjithë të dyshuarit pësuan lëndime dhe pranuan ndihmë mjekësore.

Në raportin 24-orësh të Policisë, thuhet se rasti ka ndodhur të mërkurën në Viti dhe u iniciua si “Lëndim i lehtë trupor”.

“Viti 15.10.2025-14:30. Janë arrestuar gjashtë të dyshuar meshkuj kosovarë, pasi që të njëjtit pas një mosmarrëveshje janë rrahur në mes veti. Si pasojë e rrahjes lëndime trupore kanë pësuar të gjithë personat të cilët kanë pranuar tretman mjekësor. Në vendin e ngjarjes është gjetur dhe konfiskuar edhe 5.38 gram substancë të dyshuar narkotike. Me vendim të prokurorit gjashtë të dyshuarit dërgohen në mbajtje”, thuhet në njoftim./EO

Continue Reading

Lajmet

Verifikohen dhe numërohen rreth 60% e vendvotimeve në nivel vendi, 13 komuna përmbyllin procesin

Published

2 hours ago

on

October 16, 2025

By

Të enjten në mëngjes, Komisioni Qendror i Zgjedhjeve ka përditësuar të dhënat nga aktivitetet që janë duke u zhvilluar në Qendrat Komunale të Numërimit në komuna të ndryshme të Kosovës.

Sipas Zëdhënësit të KQZ-së, Valmir Elezi, rreth 60% e vendvotimeve kanë përfunduar procesin e numërimit të votave të kandidatëve për Kuvende Komunale si dhe të verifikimit të rezultateve nga zgjedhjet për Kryetarë të Komunave dhe rezultateve të subjekteve politike nga zgjedhjet për Kuvende Komunale.

“Sipas informacioneve nga Qendrat Komunale të Numërimit, deri në orën 10:00 të ditës së sotme, e enjte, janë verifikuar rezultatet për 1,531 vendvotime nga zgjedhjet për Kryetarë të Komunave dhe rezultatet për subjetet politike nga zgjedhjet për Kuvende Komunale nga 1,494 vendvotime. Nga po kaq vendvotime, 1,494, janë numëruar votat e kanidatëve nga zgjedhjet për Kuvendet Komunale”, tha Elezi.

Sipas tij, deri më tani, nga 5,142 kuti votimi që i takojnë dy llojeve të zgjedhjeve, janë procesuar 3,025 të tilla.

Më tej, ai ka bërë të ditur se nga e hëna deri të enjten në mëngjes, aktivitetet në QKN janë përmbyllur në 13 komuna: Hani i Elezit (e hënë), Junik, Mamushë, Zveçan (e martë), Mitrovicë e Veriut, Zubin Potok, Deçan, Shtime, Klinë, Shtërpcë, Istog dhe Skenderaj (e mërkurë) dhe Obiliq.

Sipas ligjit për zgjedhjet e përgjithshme dhe akteve nënligjore të KQZ-së, në Qendrat Komunale të Numërimit zhvillohen 3 aktivitete të rëndësishme: verifikimi i rezultateve nga zgjedhjet për Kryetarë të Komunave; verifikimi i rezultateve të subjekteve politike nga zgjedhjet për Kuvende Komunale; dhe numërimi i votave të kandidatëve për anëtarë të Kuvende Komunale.

Në platformën e KQZ-së për rezultate https://resultslocal2025.kqz-ks.org/ janë duke u prezantuar rezultatet nga QKN-të, vendvotim pas vendvotimi./EO

Continue Reading

Të kërkuara