Lajmet

​Kurti: Nuk lejojmë destabilizimin e vendit, ndërkombëtarët të dënojnë dhunën në veri

Kreu qeveritar tha se kanë qenë në komunikim të vazhdueshëm me aleatët ndërkombëtarë.

Published

on

Kryeministri i Kosovës, Albin Kurti, ka thënë se nuk do të lejojnë destabilizimin e rendit kushtetues dhe demokratik të Kosovës, pas siç e quajti agresionit të bandave kriminale në veri të vendit.

Ai tha se të njëjtat janë bërë kriminale dhe agresive si asnjëherë më parë, andaj i bëri thirrje gjitha kryeqendrave properëndimore dhe NATO-s të ta dënojnë dhunën e djeshme në veri.

Në konferencë për media të hënën, kryeministri Kurti, tha se pret që gjatë ditës të largohen nëntë barrikadat në veri, derisa, nënvizoi se shtyrja e dy vendimeve, për reciprocitet në dokumente dhe targa ilegale deri më 1 shtator do të bëhet kur të largohet edhe barrikada e fundit dhe të lejohet liria e lëvizjes.

Strukturat ilegale të Serbisë janë bërë banda kriminale, agresive si rrallëherë më parë. Nuk është e lehtë për shtetin tonë, pasi ato i mbështet i tërë aparati i fqinjit tonë verior. Janë me dhjetëra shkelje të rënda të ligjit të bëra dje e me të cilat po merren policia dhe prokuroria. Pikat kufitare në Jarinjë dhe Bërnjak ende mbeten të mbyllura sepse ende mbeten të bllokuara rrugët që të shpien atje. Në gjitha pikat e tjera kufitare po lëshohen dokumenti i hyrje-daljes për qytetarët që vijnë nga Serbia me validitet 90 ditorë. Deri në orën 12:00 sot, gjithsej 1501 qytetarë janë pajisur me këtë dokument në vendkalimet kufitare duke pritur mesatarisht 20 sekonda për këtë gjë. Qeveria e përsërit zotimin se në momentin kur hiqen barrikadat në veri dhe vendoset liria e plotë e lëvizjes në gjitha rrugët atje, shtyhet zbatimi i dy vendimeve të qeverisë të datës 29 qershor 2022 për datën 1 shtator 2022. Janë gjithsej nëntë barrikada në veri të Ibrit, presim që gjatë ditës së sotme të hiqen që të gjitha. Barrikadat janë hequr atëherë kur nuk ka ngelur asnjë prej tyre. Të gjitha masat tona janë për ligjshmëri dhe rend demokratik, për kushtetutshmëri dhe siguri për të gjithë. Asnjë masë e ndërmarrë nuk bëhet bazuar në identitetin etnik, por bazë veprimeve individuale dhe grupore të qytetarëve. E ato duhet të jenë në përputhje me ligjin, pasi dhuna nuk do të tolerohet, dhunuesit do të dënohen nga shteti i së drejtës”, tha ai.

Për të dy vendimet, kreu qeveritar tha se kanë qenë në komunikim të vazhdueshëm me aleatët ndërkombëtarë, por tha se pjesa më e madhe zhvillimeve ka qenë e kushtëzuar nga veprimet kriminale dhe agresive të strukturave paralele në veri, andaj jo gjithçka kanë mundur të parashikojnë.

Gjatë ditës së djeshme kam qenë në kontakt me aleatët dhe partnerët tanë evropian dhe amerikan. Kam biseduar me shkëlqesitë e tyre zotëri, Josep Borrell dhe Jeffrey Hvenier, i falënderoj për komunikimin e hapur dhe rolin e tyre. Në veçanti e çmoj lartë përkushtimin e ambasadorit amerikan, i cili i shqetësuar me situatën, porsi ne të tjerët kontribuoj shumë mbrëmë për zbutjen e gjendjes, gjithnjë duke mbështetur shtetin dhe qeverinë tonë. Qeveria do të vazhdojë me fushatën e informimit për të gjithë qytetarët, lidhur me mundësinë e favorshme të shndërrimit të targave ilegale të automjeteve në ato legjitime dhe legale RKS, pa taksë doganore, akcizë dhe TVSh. Si dhe sa i përket dokumentit për hyrje dalje në pikat kufitare me Serbinë për qytetarët që vijnë me dokumente të lëshuara nga autoriteteve atje. E kuptojmë brengën e faktorëve amerikanë dhe evropianë për fushatën deziformuese mbi dy vendimet tona të 29 qershorit. Andaj kemi shprehur gatishmërinë tonë që zbatimi i këtyre vendimeve të shtyhet për 1 shtator menjëherë pasi të hiqen të gjitha barrikadat dhe të mundësohet liria e plotë e lëvizjes gjithandej në veri. I falënderojë qytetarët për durimin qetësinë dhe përkrahjen, Nuk do të lejojmë destabilizimin e rendit kushtetues dhe demokratik të Republikës sonë. Do të përkujdesemi që të mbizotërojë ligji dhe paqja. I bëjmë thirrje faktorëve ndërkombëtarë, kryeqendrave perëndimore dhe demokratike, BE-së dhe NATO-s që të dënojnë dhunën dhe agresionin e bandave kriminale në veri që qartazi janë të nxitura, përgatitura dhe financuara nga Beogradi”, shtoi Kurti.

Lidhur me takimin e mundshëm me presidentin serb, Aleksandër Vuçiq në Bruksel, kryeministri Kurti tha se aktualisht s’kanë marrë asnjë ftesë zyrtare.

Me presidentin e Serbisë është dashur të takohemi më 19 korrik, mirëpo ai ka kërkuar që të shtyhet takimi për fund të muajt gusht. Mbase ka qenë i zënë me përgatitjet e asaj që ka ndodhur dje. Ne është dashur të takohemi, e shtyu këtë takim për fundin e gushtit. Unë kam shprehur gatishmërinë time se kur të na thërret përfaqësuesi i lartë i BE-së, Josep Borrell do të shkojë në Bruksel, një ftesë të tillë deri në këto momente nuk e kemi. Kur ta kemi do të bëjmë publike edhe qëndrimin tonë. Në jemi për dialog të përgatitur mirë, parimor të balancuar drejtë një marrëveshje ligjërisht të obligueshme që bënë normalizimin e plotë të Kosovës dhe Serbisë. Gatishmëria nga ana jonë ekziston”, theksoi ai.

Në këtë konferencë për medie ishte edhe ministri i Punëve të Brendshme, Xhelal Sveçla, i cili tha se nga zhvillimet e djeshme janë lënduar 11 qytetarë.

Ai bëri të ditur se disa nga barrikadat në veri janë larguar dhe një pjesë e tyre kanë filluar të largohen.

Nga zhvillimet e djeshme kemi 11 qytetarë të Republikës së Kosovës të cilët janë të lënduar dhe kanë marrë trajtimet e nevojshme. Ndërsa janë dëmtuar edhe disa vetura të qytetarëve si dhe të policisë së Kosovës nga strukturat kriminale, ilegale të armatosura, për këtë Policia e Kosovës tashmë ka filluar hetimet. Sipas informacioneve të fundit, disa barrikada tashmë janë larguar dhe një pjesë e barrikadave të tjera tashmë kanë filluar të largohen”, tha ai.

Lajmet

Fryrja e organizmit nga grumbullimi i lëngjeve, si të humbni peshën e tepërt?

Published

on

Trupi i njeriut përbëhet nga 55 deri në 75 përqind ujë. Por akumulimi i tepërt i ujit në trup mund të shkaktojë fryrje, dhimbje dhe shtim në peshë.

Akumulimi i ujit është një nga shkaktarët e shtimit në peshë, megjithatë kontributon për shtimin në peshë me të paktën 2 deri në 5 kilogramë.

Akumulimi i ujit ndodh si pasojë e disa faktorëve.

Disa prej tyre janë konsumi i madh i kripës, mungesa e proteinave, mungesa e aktivitetit fizik dhe ndryshimet hormonale, faktorë më të lartë rreziku janë problemet me zemrën, veshkat dhe marrja e ilaçeve kundër dhimbjeve, kontraceptivëve dhe ilaçeve për zemrën.

Ju listojmë më poshtë disa nga mënyrat më të mira për të humbur peshën e shkaktuar nga akumulimi i lëngjeve në trup.

Si të humbni peshën e krijuar nga akumulimi i lëngjeve?

Aktiviteti Fizik

Mungesa e aktivitetit është një nga faktorët të akumulimit të lëngjeve, nëse kryeni aktivitet, indet e këmbëve dhe kyçeve do të lëshojnë lëngjet e mbledhura.

Kujdes me kripën

Pakësimi i sasisë së kripës është një nga mënyrat më efikase në humbjen e peshës së krijuar nga akumulimi i lëngjeve, sasia ditore e kripës nuk duhet të jetë më shumë se 2,300 miligramë, e barazvlefshme me një lugë çaji. Tregoni kujdes me konsumin e proshutave, djathrave, supave e produkteve të paketuara.

Më shumë proteinë

Proteina luan nrol kryesor në ruajtjen e ekuilibrave të lëngjeve në organizëm, sasia e rekomanduar ditore e proteinës duhet të jetë një gramë për çdo kilogramë të peshës trupore. Burime të mira të proteinës janë produktet e detit, mishi i shpendëve, mishi pa dhjamë i viçit dhe derrit, vezët dhe fasulet.

Më shumë kalium

Një mineral i përfshirë në ruajtjen e ekuilibrit të lëngjeve në trup, ai ndihmon në nxjerrjen e ujit dhe krips nga urina dhe djersa. Sasia e rekomanduar ditore e kaliumit është 4,700 miligramë. Ushqime të pasura me kalium janë barishtet, banania, patatet, avokado dhe domatet.

Më shumë magnez

Magnezi rrit prodhimin e urinës dhe uljen e sasisë së ujit të akumuluar në trup, të rriturit kanë nevojë për 310-420 miligramë magnez në ditë. Magnezi gjendet me bollëk tek barishtet si spinaqi, por edhe tek avokado, bajamet dhe fasulet e zeza.

Hidratimi

I rëndësishëm për nxjerrjen e ujit të tepërt nga organizmi, ekspertët rekomandojnë pirjen e një gote me ujë përpara çdo vakti ose ushqimi të konsumuar gjatë ditës. Përveç ujit, ju mund të konsumoni ushqime që kanë rol hidratues siç janë shalqini, selinoja, kastraveci dhe luleshtrydhet.

Continue Reading

Lajmet

Sveçla: Aksioni në Kaçanik po vazhdon, ka arrestime të reja

Published

on

By

Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.

Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.

Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.

Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.

Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.

Sot, në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.

Ky informacion është konfirmuar për KosovaPress nga zëdhënësi i Policisë së Kosovës, Baki Kelani.

Edhe në këtë rast pas përfundimit të operacionit policor, i cili po realizohet në bashkëpunim dhe koordinim me organet e drejtësisë, do të bëhen publike informacione shtesë”, tha Kelani.

Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.

Continue Reading

Lajmet

KEK-u njofton se ka përfunduar me sukses riparimin e njësisë B1: Gjendja është stabile

Published

on

By

Korporata Energjetike e Kosovës tha se kanë përfunduar me sukses punimet për remontin e njësisë B1, të cilat kanë nisur më 23 mars dhe tha se kanë përfunduar përpara afatit të parashikuar.

Korporata Energjetike e Kosovës njofton opinionin se, falë angazhimit të jashtëzakonshëm të stafit të TCB, punëtorëve, inxhinierëve dhe menaxhmentit, kemi përfunduar me sukses të gjitha punimet e planifikuara për remontin e njësisë B1, i cili kishte nisur më dt: 23.03.2025 dhe ka përfunduar përpara afatit të parashikuar”, njoftoi KEK.

Ai tha se gjatë kësaj periudhe, janë realizuar riparime dhe përmirësime të ndryshme, duke përfshirë ndërrimin e pjesëve të dëmtuara, rinovimin e sistemeve të ndryshme dhe realizimin e procedurave të domosdoshme për stabilitetin dhe efikasitetin e njësisë.

Falë përgatitjes dhe kontrollit të kujdesshëm, si dhe angazhimit të palodhshëm të ekipit të ekspertëve të TC-B-së, njësia B1 është sinkronizuar me rrjetin elektrik në orën 22:32 të dt: 24.04.2025 dhe aktualisht gjendja e saj është stabile. Kjo arritje është një dëshmi e punës së shkëlqyer të të gjithë të përfshirëve dhe vlerësimit të lartë të performancës gjatë periudhës së remontit”, tha KEK.

Continue Reading

Lajmet

Vazhdojnë regjistrimet në UBT International Smart Schools – Shkollat më inovative të mesme në vend

Published

on

By

Në UBT International Smart Schools po vazhdojnë regjistrimet për vitin e ri shkollor, në institucionin që tashmë njihet si një ndër platformat më të avancuara arsimore në Kosovë dhe rajon. Këto shkolla të mesme ofrojnë një model të veçantë të arsimit, duke kombinuar pjesën teorike me atë praktike, teknologjinë me kreativitetin, dhe edukimin me zhvillimin e lidershipit.

UBT International Smart Schools janë të parat në Kosovë dhe rajon që kanë zbatuar edukimin 4.0 – një model që përfshin përdorimin e teknologjive të avancuara, si dhe metodave moderne të mësimdhënies. Kjo qasje inovative mundëson që nxënësit të përgatiten për sfidat reale të së ardhmes dhe të dalin në tregun e punës apo arsimit të lartë me njohuri të thelluara dhe përvoja konkrete.

Përmes kurrikulave të harmonizuara me ato evropiane dhe amerikane, nxënësit zhvillojnë aftësi të avancuara akademike, teknike dhe shoqërore. Mësimi zhvillohet në ambiente moderne, të pajisura me laboratorë, pajisje teknologjike dhe hapësira të dizajnuara për të nxitur të menduarit kritik dhe bashkëpunimin.
Zgjedh programin që i përshtatet pasioneve dhe ambicieve të tua:

•     Gjimnazi TIK – Për të rinjtë që duan të jenë pjesë e botës së teknologjisë dhe inovacionit.
•     Gjimnazi Natyror – Për ata që kanë pasion për shkencat natyrore dhe kërkimin shkencor.
•     Gjimnazi Gjuhësor – Për nxënësit që duan të përparojnë në gjuhë të huaja dhe komunikim ndërkombëtar.
•     Asistent Dentar
•     Bashkëpunëtor Profesional i Infermierisë
•     Teknik i Farmacisë
•     Teknik i Laboratorit Mjekësor
•     Teknik i Optikës – Opticient

Formimi i liderëve të së nesërmes nis në UBT International Smart Schools

UBT International Smart Schools janë shkollat me synimin në zhvillimin e liderëve, inovatorëve dhe profesionistëve të së ardhmes. Me mentorim nga profesorë të kualifikuar, me praktika dhe projekte reale, si dhe me mundësi të shumta për pjesëmarrje në gara, konferenca dhe bashkëpunime ndërkombëtare, këto shkolla ofrojnë më shumë se një arsim – ofrojnë një përvojë jetësore.
Regjistrohu tani dhe bëhu pjesë e një udhëtimi edukativ që formëson të ardhmen tënde!

Për më shumë informata dhe aplikim: https://ubt.school/
046 332 233

Continue Reading

Të kërkuara