Lajmet

​Kurti në Paris për marrëveshjen me Serbinë: S’ka lëshime që e ndajnë vendin në vija etnike

Kreu qeveritar tha se paqja dhe siguria në Evropë nuk po sfidohet vetëm nga Rusia, por edhe nga Serbia.

Published

3 years ago

on

Kryeministri Albin Kurti ka thënë se Kosova është gati t’ia shtrijë dorën Serbisë dhe të krijojë marrëdhënie të mira fqinjësore, nëse ata janë të gatshëm të çlirojnë grushtin. Megjithatë ka theksuar se Kosova nuk ofron lëshime të mëtejshme që ndajnë vendin në vija etnike dhe fetare.

Në Forumin për Paqe në Paris të Francës, kreu qeveritar tha se paqja dhe siguria në Evropë nuk po sfidohet vetëm në lindje nga Rusia, por edhe në juglindje nga Serbia.

“Kosova ka filluar normalizimin e marrëdhënieve me Serbinë në vitin 2011, 11 vjet më pas, sot në shumë aspekte marrëdhëniet nuk janë më të mira se një dekadë më parë, dhe ka një arsye për këtë, Serbia ka dështuar të demokratizohet dhe ajo ende kërkon konflikte në vend të bashkëpunimit, ajo ende lavdëron kriminelët e luftës në vend që t’i gjykojë dhe t’i dënojë. Kam frikë se Serbia sot nuk është as demokratike, as e pavarur, është një regjim që udhëhiqet nga kisha ortodokse dhe dominohet nga Rusia e Putinit. Kosova dëshiron marrëdhënie paqësore dhe të fqinjësisë së mirë me Serbinë dhe ne jemi të gatshëm t’i shtrijmë dorën një vendi që ka kryer gjenocid ndaj popullit tonë, nëse ai vend është i gatshëm të lirojë grushtin”, tha ai.

Para të pranishmëve, kryeministri Kurti nënvizoi sërish se marrëveshja finale me Serbinë duhet të ketë njohjen reciproke në qendër të saj. Ai i bëri thirrje edhe pesë vendeve të BE-së që nuk e njohin Kosovën ta bëjnë një gjë të tillë.

“Ajo që ne nuk ofrojmë janë lëshime të mëtejshme të krijuara për të ndarë shoqërinë dhe vendin tonë në vija etnike dhe fetare, por nëse Serbia nuk është e gatshme të na njohë, siç e përsërisin çdo ditë, pesë anëtarët e BE-së nuk duhet të presin, ata mund të ndihmojnë që Serbia të njeh Kosovën më shpejt nëse ato vende na njohin të parat. Unë jam i vetëdijshëm për frikën e tyre, por gjykata më e lartë në botë “Gjykata Ndërkombëtare e Drejtësisë” deklaroi se shpallja e pavarësisë së Kosovës nuk ka shkelur të drejtën ndërkombëtare. Prandaj, debati ligjor për legjitimitetin e shpalljes së pavarësisë në thelb ka përfunduar. Të gjithë në Evropë kanë përgjegjësi për të kontribuar në forcimin e paqes dhe sigurisë në Evropë dhe dua të falënderoj BE-në për të gjithë ndihmën që na kanë dhënë, dhe që po na japë, dhe në veçanti Francën për kontributin e saj për paqen, demokracinë dhe zhvillimin në rajon në përgjithësi, dhe në Kosovë në veçanti”, shtoi ai.

Në anën tjetër, Kurti tha se ekziston rrezik përreth kufijve me Serbinë, por shtoi se Kosova mbështetet në NATO-n.

“Rreth kufirit të Kosovës, në Serbi, në të ashtuquajturën zonë e madhe e sigurisë, e cila është pesë kilometra e gjerë, që nga intervenimi i NATO-s në vitin 1999 që ka pasur për qëllim ndalimin e gjenocidit ndaj popullit shqiptar, janë 48 baza operacionale të Serbisë me 50-150 ushtarë. 28 prej tyre janë të gjandarmërisë dhe 20 prej tyre janë ushtarake. Pra, ky është një rrezik i madh për vendin tonë dhe ne jemi shumë vigjilentë, por asnjëherë të frikësuar. Kosova nuk është në NATO, por Kosova e ka NATO-n brenda, dhe historia e Kosovës dhe ajo e NATO-s janë të ndërthurura, por edhe e ardhmja jonë është e ndërthurur. Prandaj, ne duam t’i bashkohemi programit të partneritetit për paqe dhe sa më shpejt që të jetë e mundur duam të anëtarësohemi në NATO”, theksoi Kurti.

Related Topics:
Continue Reading

Lajmet

​Zyrtare: Daniele De Rossi merr drejtimin e skuadrës italiane

Published

3 hours ago

on

November 6, 2025

By

Genoa ka zyrtarizuar emërimin e Daniele De Rossit si trajnerin e ri të skuadrës, pak ditë para ndeshjes vendimtare për mbijetesë kundër Fiorentinës në Serie A.

Ish-legjenda e Romës ka nënshkruar një kontratë deri në fund të sezonit 2025-26, me mundësi zgjatjeje nëse klubi arrin të shmangë rënien nga kategoria.

Kjo është skuadra e tretë që 42-vjeçari do të drejtojë në karrierën e tij trajneriale, pas eksperiencave me SPAL dhe Romën.

De Rossi do të prezantohet të premten në konferencën për shtyp, përpara ndeshjes së rëndësishme ndaj Fiorentinës të dielën. Aktualisht, Genoa renditet në vendin e 18-të në Serie A me vetëm gjashtë pikë pas 10 javësh, ndërsa Fiorentina është në vendin e fundit me dy pikë më pak.

Në njoftimin zyrtar, klubi shkruan:

“Genoa njofton se ia ka besuar drejtimin e ekipit të parë Daniele De Rossit. Trajneri i ri është takuar me skuadrën dhe ka nisur punën në qendrën stërvitore Signorini. I urojmë mirëseardhje De Rossit dhe stafit të tij, duke falënderuar Roberto Murgitën dhe Domenico Crisciton për kontributin e tyre.”/S.K/KP/

Continue Reading

Lajmet

Ekipet e forenzikës policore në vendin e ngjarjes ku ndodhi vrasja e dyfishtë në Malishevë

Published

4 hours ago

on

November 6, 2025

By

Në vendin e krimit ku u vranë dy vëllezërit Morina në Golluboc të Malishevës tashmë janë edhe ekipet e forenzikës policor.

Ata do të marrin provat përmes së cilës do të identifikojnë detajet nga vendi ku ndodhi vrasja e që dyshohet të jetë kryer nga dhëndëri i tyre.

Ndërkohë është duke vazhduar edhe kërkimi i tij, e ku për këtë është aktivizuar edhe njësiti policor K9.

I dyshuari raportohet se ka qenë i dyshuar për dy vepra penale, ‘Dhunë në familje’ dhe ‘Kanosje’.

Sipas informacioneve të para, Prokuroria Themelore në Prishtinë ka ngritur edhe aktakuzë ndaj tij për këtë rast.

Ndërsa zëdhënësi i Policisë së Kosovës për Rajonin e Gjakovës, Sheremet Elezaj ka thënë se janë duke ndërmarrë gjitha veprimet për rastin tragjik.

“Rreth orës 11:30, jemi njoftuar se dy persona të gjinisë mashkullore, të moshës madhore (vllezër), janë dërguar në QMF-në e Kijevës si pasojë e plagëve të marra nga arma e zjarrit në fshatin Golluboc të Malishevës. Personeli mjekësor në QMF ka konstatuar vdekjen e viktimave. Njësitë e nevojshme policore i janë përgjigjur menjëherë rastit dhe kanë dalë në vendin e ngjarjes. Lidhur me rastin, deri më tani është identifikuar një person i dyshuar, gjithashtu mashkull i moshës madhore. Në koordinim me prokurorin e shtetit, janë duke u ndërmarrë të gjitha veprimet e nevojshme hetimore lidhur me rastin dhe arrestimin e të dyshuarit”, tregoi ai./EO

Continue Reading

Lajmet

Operacion i madh sigurie për ndeshjen e Ligës së Evropës

Published

4 hours ago

on

November 6, 2025

By

Policia britanike ka mobilizuar 700 oficerë për të siguruar qetësinë në Birmingham përpara ndeshjes së Europa League midis Aston Villas dhe Maccabi Tel Aviv.

Tifozët pro-Palestinë po planifikonin protesta për shkak të situatës në Gaza, ndërsa Maccabi vendosi që tifozët e tij të mos marrin pjesë në ndeshje për shkak të shqetësimeve për sigurinë.

Kryeinspektori Tom Joyce tha se policia do të mbrojë të gjitha komunitetet dhe paralajmëroi qytetarët për ndërprerje të mundshme të trafikut në zonë.

Dhuna dhe tensionet rreth ndeshjeve me ekipe izraelite nuk janë të panjohura; në Amsterdam, muajin e kaluar, mbi 60 persona u arrestuan pas përleshjeve midis tifozëve të Maccabi dhe Ajax.

Vendimi i Aston Villas dhe Maccabi-t për të mos lejuar tifozët mysafirë synon të shmangë përshkallëzimin e situatës në një qytet me popullsi të madhe myslimane dhe shqetësime për sigurinë./S.K/KP/

Continue Reading

Lajmet

​KB Bora emëron trajnerin e ri

Published

5 hours ago

on

November 6, 2025

By

Klubi i basketbollit Bora ka njoftuar zyrtarisht se trajneri malazez Zoran Kašćelan është emëruar në krye të ekipit.

Në njoftimin e klubit thuhet se Kašćelan sjell me vete një përvojë të gjerë në basketbollin rajonal, një filozofi moderne loje dhe qasje profesionale që pritet të sjellin energji të re në skuadër.

Gjatë karrierës së tij, trajneri Kašćelan ka udhëhequr disa ekipe të njohura si Podgorica, Spars Sarajevo dhe Borac, ndërsa në sezonin 2024/2025 ai ishte pjesë e klubit Bosna Sarajevo, pjesëmarrës në ABA Ligë.

“Welcome Zoran Kašćelan!”, përfundon komunikata e klubit Bora Basketball./S.K/KP/

Continue Reading

Të kërkuara