

Lajmet
Kryeprokurori Munishi: Rasti i 11-vjeçares u trajtuar me urgjencë, e padrejtë kërkesa për dorëheqje
Ai tha se krahas kërkesës për ekzaminim fiziko-gjinekologjik, është bërë edhe ekzaminimi i telefonit të së miturës.
Published
3 years agoon
By
UBT.NewsKryeprokurori i Prokurorisë Themelore në Prishtinë, Kujtim Munishi për herë të parë zgjodhi që të flas për rastin e dhunimit të 11-vjeçares para anëtarëve të Komisionit për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione.
Munishi u shpreh se Prokuroria Themelore e Prishtinës me kohë dhe urgjencë ka marrë të gjitha veprimet për rastin e së miturës. E kërkesën për dorëheqjen e tij e konsideroi tendencioze dhe të padrejtë.
Kryeprokurori Munishi e ka quajtur të pakuptimt dhe jo profesional raportimin për rastin e viktimës 11-vjeçare e cila dyshohet se është dhunuar seksualisht nga 5 persona në gusht.
“Sa i përket rastit të 11 vjeçares ka qenë e papranueshme dhe e pakuptimtë jo profesionale dhe jo etike që dikush të jap një gjykim për rastin, pa i parë veprimet e Prokurorisë Themelore të Prishtinës. Eshtë shumë keq e papranueshme sepse po ashtu në zyrën tonë i kemi marr të gjitha veprimet procedurale konform Kodit të Procedurës ,Kodit Penal, Ligjeve dhe Kushtetutës dhe konfrom konventave ndërkombëtare. Është e padrejtë ka qenë e padrejtë shumë jo profesionale që të jepet një gjykim jo i drejtë pa i parë shkresa e lëndës kjo ka ndodhur në rastin e fundit, kjo ka ndodhur edhe në rastin e mëhershëm ku mediat japin informacione të pavërteta për veprimet e Prokurorisë e të paktën asnjë person nuk i ka parë shkresat e lëndës që i ka pasur Prokuroria”, theksoi ai.
E pas kësaj reagoi deputetja e Lëvizjes Vetëvendosje, Tinka Kurti e cila e ka pyetur Kryeprokurorin, Munishi se pse nuk janë arrestuar në qershor të dyshuarit për dhunimin e 11 vjeçare.
“Pse nuk janë arrestuar në qershor personat e dyshuar për dhunimin e saj pse u deshtën dy muaj”, pyeti Kurti.
Munishi tutje insistoi se Prokuroria Themelore në Prishtinë me urgjencë e ka trajtuar rastin e 11 vjeçares.
Duke treguar rrjedhën e këtij rasti, Munishi tha se më 21 qershor 2022 e mitura kishte dal nga shtëpia, të cilën më pastaj nëna e saj e kishte lajmëruar të zhdukur. Ai tha se një ditë pas raportimit viktima ishte gjetur tek “Xhamia e Llapit” në Prishtinë.
Tutje ai tha se krahas kërkesës për ekzaminim fiziko-gjinekologjik, është bërë edhe ekzaminimi i telefonit të së miturës përmes të cilit janë identifikuar të dyshuarit.
Munishi tregoi se më 7 korrik të këtij viti prokurori i rastit ka dëgjuar viktimën dhe më pas më 21 korrik me kërkesë të familjes e mitura është liruara nga strehimorja për në shtëpi.
“Më datën 22 qershor prokurori i rastit merr vendim me të cilin obligohet departamenti i Mjekësisë Ligjore urdhëresë në Prishtinë të bëjë ekzaminimin fiziko-gjinekologjik të së dëmtuarës V.M ky vendim në fund të shkresës ka vërejtjen rasti është i natyrës urgjente, çdo send është konform procedurave e dimë që ka qenë 11-vjeçare është e natyrës urgjente. Çdo hap ka qenë me urgjencë, çdo shkresë e lëshuar nga prokuroria e ka në fund vërejtjen që ky dokument është urgjent dhe të trajtohet me prioritet të lartë super prioritet. Më datën 22. 06. 2022 viktima është dërguar në strehimore pasi e kemi kuptuar se çka ka ndodhur me viktimën në të njëjtën datë viktima më 22 në të njëjtën ditë janë ndërmarrë të gjitha këto veprime. Me qëllim të gjetjes dhe identifikimit të të dyshuarve të mundshëm më 24 qershor hetuesit e drejtorisë për trafikim me qenie njerëzore kanë paraqitur kërkesë në Prokurori për sekuestrimin dhe ekzaminimin e telefonit të viktimës sepse nëse nuk ishte ekzaminuar telefoni e kemi pasur të pamundur t’i identifikojmë kryesit e kësaj vepre penale apo veprave tjera sepse viktima për disa persona të cilët është supozuar që e kanë keqpërdorur seksualisht nuk ua ka ditë të dhënat personave por i ka ditur vetëm pseudonimet”, theksoi ai.
Kryeprokurori i Prokurorisë Themelore të Prishtinë, Kujtim Munishi e ka konsideruar të padrejtë kërkesën për dorëheqje.
“Është e padrejtë të kërkohet dorëheqje, është e padrejtë të sulmohet një institucion edhe është e padrejtë të ndërhyhet në punën e sistemit të drejtësisë pa bazë dhe provë“, tha ai.
E pas kësaj deklarate reagoi përsëri deputetja e LVV-së, Kurti e cila u shpreh se një shoqëri e tërë ka kërkuar dorëheqjen e tij.
Më pas kryeprokurori, Munishi kërkoi arsyet pse do të duhej të jepte dorëheqje ai.
“Një fëmijë është dhunuar dy herë, një prokurori e ka lejuar e cila nuk ka dhënë asnjë përgjegjësi e ki një shoqëri të tërë që ia ka kërkuar dorëheqjen dhe ne i shohim këtë datë, këtë datë. Munishi : Me cilën arsye e nderuar deputete ti kërkon dorëheqjen, cila është arsyeja ligjore me kërkuar dorëheqjen…Kurti: Me dhunimin e përsëritur të vajzës a po të duket pak a, a nuk keni pak moral me dhënë dorëheqje me të vërtetë. Një fëmijë është dhunuar në formë të përsëritur dy herë..Munishi: cili ka qenë mosveprimi i prokurorisë që dua me ditë unë sepse një akt moral i dorëheqjes do të kishte qenë njerëzor nëse ne kemi bërë gabime. Absolutisht e gabueshme dhe tendencioze e njëanshme e përmendi kryesuesi i KGjK që nëse ka dështuar një hallkë nuk do me thënë që ka dështuar e vetmja hallkë po ka dështuar sistemi”, ishte debati në mes Kurtit dhe Munishit.
Në Komisionin për të Drejtat e Njeriut ku temë diskutimi ishtetrajtimin e rasteve të dhunës në baza gjinore e me theks të veçanti trajtimi i rastit të dhunimit të 11-vjeçares ishte i pranishëm edhe kryesuesi i Këshillit Gjyqësor të Kosovës, Albert Zogaj.
Zogaj ishte më i kufizuar në informacione për rastin pasi tha se lënda është në hetim dhe çdo diskutim që vjen nga këshilli mund të diskutohet si influencë mbi rastin.
Zogaj tha se për herë të parë ky rast është pranuar si lëndë në gjykatë pas dhunimit të të miturës në gusht.
“Ne mund të japim krejtësisht informata të kufizuara për çështjet që po flasim për atë sa mund të quhet fenomen. Ashtu siç e kemi thënë si KGjK publikisht, ky rast nuk ka qenë në gjykatë asnjëherë më përpara sepse është diskutuar gjerë e gjatë se ky rast ka një histori, por për herë të parë ky rast është tash në kohën e fundit. Dua të theksoj para Komisionit që është tepër e rëndësishme pa tentuar asnjëherë me shmang asnjë lloj përgjegjësie për asnjë lloj personi zyrtar brenda sistemit, por është e rëndësishme ta kuptojmë që gjykata as policia dhe as prokurori. Gjykata është një institucion i pavarur i paanshëm dhe me rol kryesisht pasiv në procedurë, që nuk inicion procedura eksoficio…në rastin konkret kemi një kërkesë së fundmi për aq persona sa është e njohur në publik dhe departamenti përkatës si Gjykatës Themelore në Prishtinë e ka trajtuar kërkesën brenda afateve ligjore i ka ndërmarrë të gjitha veprimet ligjore dhe rasti është në procedim e sipër dhe procesi do të varet edhe nga kërkesat e Prokurorisë“, u shpreh ai.
Pyetje për parashkrimin e shumtë të lëndëve e sidomos të atyre për veprat për krime seksuale, pati deputetja e Lëvizjes Vetëvendosje, Tinka Kurti e cila tha se nga rastet e mëhershme edhe gjykatat kanë qenë subjekt i mos profesionalizmit.
Duke e konsideruar si sfidë parashkrimin e lëndëve për sistemin gjyqësor, Zogaj tha se Kosova është model për trajtimin e lëndëve civile, por theksoi se në mungesë të kapaciteteve dhe resurseve do të ketë parashkrime të cilin e konsideron problem serioz.
“Ne kemi thënë gjithmonë se sistemi gjyqësor ka mungesë të kapaciteteve dhe po e themi praktikisht se deri në momentin kur nuk kemi kapacitete të mjaftueshme që nënkupton gjyqtarë, bashkëpunëtor profesional dhe zyrtar ligjor, referent e përkthyes dhe gjithë subjektet që mbështesin procesin ne do të kemi parashkrime në procedurën penale sepse nuk arrijmë. Sfidat e gjyqësorit janë dy është efikasiteti dhe cilësia. Në efikasitet do të varemi ekskluzivisht nga buxheti”, u shpreh Zogaj.
Ai tha se për sistemin gjyqësor mbetet sfidë edhe politika ndëshikimore për gjyqtarët, për çka tha se si KGjK mund të marrin masa disiplinore duke e quajtur vendimin të paligjshëm, por assesi nuk mund të merren masa disiplinore për vendimmarrjen që e shqipton gjyqtari.
Rasti i dhunimit të 11-vjeçares e cila dyshohet se është dhunuar nga 5 persona ngjalli reagim të madh në shoqëri, ku u organizuan edhe protesta. Për rastin trajtim me urgjencë kishte kërkuar edhe presidentja e vendit, Vjosa Osmani dhe kryeministri, Albin Kurti.
Lajmet
KQZ dhe Komisioni i Venecias mbajnë punëtori për zgjedhjet parlamentare të 9 shkurtit
Published
10 hours agoon
June 26, 2025By
UBTnews
Komisioni Qendror i Zgjedhjeve në bashkëpunim me Komisionin e Venecias të Këshillit të Evropës organizoi punëtorinë për mësimet nga zgjedhjet e fundit për Kuvendin e Kosovës, të cilat u mbajtën më 9 shkurt 2025.
Gjatë kësaj punëtorie, ku morën pjesë anëtarë dhe zyrtarë të KQZ-së, përfaqësues të institucioneve të ndryshme (Avokati i Popullit, Paneli Zgjedhor për Ankesa dhe Parashtresa dhe Agjencioni për Parandalimin e Korrupsionit) u trajtuan çështje të ndryshme nga zgjedhjet e 9 shkurtit, me theks të veçantë zgjidhjen e kontesteve zgjedhore dhe monitorimin, dokumentimin dhe sanksionimin e keqpërdorimit të burimeve shtetërore.
Në hapje të punëtorisë, kryesuesi i KQZ-së, Kreshnik Radoniqi shprehu mirënjohje për Komisionin e Venecias për prezencën e tyre në vendin tonë, si një dëshmi e qartë e përkushtimit të përbashkët për të mbështetur standardet demokratike, transparencën dhe sundimin e ligjit në proceset zgjedhore në Kosovë dhe më gjerë.
Po ashtu, kryesuesi Radoniqi shpalosi ecurinë e procesit të fundit zgjedhor dhe sfidat me të cilat është përballur KQZ dhe për mësimet që të bëhen përmirësimet e nevojshme për proceset e ardhshme zgjedhore.
Ndërkaq, nga Sekretariati i Komisionit të Venecias, Michael Janssen falënderoi KQZ-në për këtë organizim të përbashkët dhe shprehu rëndësinë e trajtimit të rekomandimeve.
Punëtoria e organizuar është në përputhje me praktikën standarde të Komisionit të Venecias, i cili zakonisht ofron asistencë para ose pas zgjedhjeve gjatë të cilave merr pjesë në misione vëzhgimi të Asamblesë Parlamentare të Këshillit të Evropës (PACE). Qëllimi i takimit është të ndihmojë në analizën paszgjedhore dhe të kontribuojë në forcimin e integritetit dhe funksionalitetit të proceseve zgjedhore në Kosovë.
Në zgjedhjet e fundit për Kuvendin e Kosovës, një delegacion i Asamblesë Parlamentare të Këshillit të Europës (PACE) ka qëndruar në Kosovë me qëllim që të vlerësojë fushatën zgjedhore dhe klimën politike para zgjedhjeve parlamentare të cilat u mbajtën më 9 shkurt 2025.
Lajmet
KQZ: Fillon periudha për aplikim të partive për zgjedhjet lokale
Published
16 hours agoon
June 26, 2025By
UBTNews
Komisioni Qendror i Zgjedhjeve (KQZ) ka hapur zyrtarisht periudhën për aplikim të subjekteve politike që synojnë të marrin pjesë në zgjedhjet lokale të 12 tetorit 2025. Afati për aplikim do të zgjasë 49 ditë, deri më 13 gusht.
Zëdhënësi i KQZ-së, Valmir Elezi, ka bërë të ditur se për të lehtësuar këtë proces, aplikimi do të mund të bëhet online përmes platformës elektronike të KQZ-së.
“Duke filluar nga sot, subjektet politike mund të aplikojnë për certifikim për pjesëmarrje në zgjedhje. Gjatë kësaj periudhe, ato duhet të dorëzojnë edhe listën me emrat e kandidatëve për kryetarë të komunave dhe për kuvendet komunale”, tha Elezi.
Ai shtoi se vendimi për llojin e pjesëmarrjes dhe për komunat ku do të garojnë i mbetet në dorë secilit subjekt politik. “Subjektet politike mund të vendosin nëse duan të garojnë vetëm për kryetar komune, për kuvend komunal ose për të dyja”, deklaroi Elezi.
Lajmet
Falsifikim parash në Prishtinë, arrestohet një person
Published
16 hours agoon
June 26, 2025By
UBTNews
Njësia për Hetimin e Krimeve Ekonomike në Prishtinë ka ndaluar një person nën dyshimin për prodhim të parasë së falsifikuar. Sipas raportit 24-orësh të Policisë së Kosovës, i dyshuari është arrestuar pas një pune operative hetimore.
Me urdhër të prokurorit, është kryer bastisje në banesën e të dyshuarit, ku janë sekuestruar materiale të ndryshme që shërbenin për prodhimin e kartëmonedhave false. Në mesin e provave të konfiskuara janë: 135 fletë formati A4 me fotokopje të kartëmonedhave të ndryshme, një xham me holograme të prera, një skalper dhe vizore, katër ngjitës, shirit izolues, një printer, një telefon dhe një shumë parash në vlerë prej rreth 4,796 euro.
Pas intervistimit, me vendim të prokurorit, i dyshuari është dërguar në mbajtje.
Lajmet
Gjashtë raste dhune në familje brenda një dite, tre të dyshuar në mbajtje
Published
16 hours agoon
June 26, 2025By
UBTNews
Në raportin 24-orësh të Policisë së Kosovës janë evidentuar gjithsej gjashtë raste të dhunës në familje në qytete të ndryshme të vendit. Rastet përfshijnë dhunë fizike dhe psikike, ndërsa në disa prej tyre janë ndërmarrë masa ligjore ndaj të dyshuarve.
Në Prishtinë janë regjistruar dy raste. Në një rast, një grua ka raportuar se bashkëshorti i saj ka ushtruar dhunë psikike ndaj saj pas një mosmarrëveshjeje. Palët janë shoqëruar në stacionin policor dhe rasti është proceduar në procedurë të rregullt. Në një rast tjetër, një burrë është arrestuar pasi dyshohet se ka sulmuar fizikisht partneren me të cilën bashkëjeton. I njëjti është dërguar në mbajtje me vendim të prokurorit.
Në Ferizaj, është arrestuar një person pasi nëna e tij ka raportuar se i dyshuari, nën ndikim të alkoolit, kishte fyer dhe shtyrë atë. Pas intervistimit, i dyshuari është dërguar në mbajtje.
Në Pejë, është raportuar se një grua ka qenë viktimë e keqtrajtimit fizik nga i dashuri i saj. I dyshuari nuk është gjetur në vendbanimin e tij dhe rasti është duke u hetuar.
Në Vitomiricë, është arrestuar një person nën dyshimin se kishte ushtruar dhunë psikike ndaj babait të tij. I njëjti është dërguar në trajtim psikiatrik dhe më pas i është caktuar masa e ndalimit për 48 orë me vendim të prokurorit.
Në Mitrovicën e Jugut, është raportuar se një grua ka qenë viktimë e dhunës nga bashkëshorti i saj. Është bërë bastisje në shtëpinë e të dyshuarit, por nuk është gjetur ndonjë provë dhe nuk është raportuar për ndonjë arrestim.

Si ndikon ambienti ynë në qetësinë e mendjes dhe fuqinë e shpirtit?

“Smoke”, serial i bazuar në ngjarje të vërteta

Si ndikon qumështi i gjirit në kohët e nxehta?

KQZ dhe Komisioni i Venecias mbajnë punëtori për zgjedhjet parlamentare të 9 shkurtit

Hegseth mbron sulmet amerikane ndaj Iranit, paraqet 2 objektiva të qarta

Keni shumë mesazhe të palexuara? WhatsApp tani ka një zgjidhje

Influencuesja e famshme vdes pas një operacioni plastik në Turqi

UBT International Smart Schools tani edhe në Gjilan me dy programe në mjekësi

Tani edhe në Prizren: UBT International Smart Schools me dy drejtime të mjekësisë
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore