Lajmet

​Krerët e institucioneve zotohen për fuqizim dhe avancim të demokracisë

“Demokracia nuk mund të qëndrojë vet, por ajo nevojitet që të ketë aleanca me demokracitë e tjera”, u shpreh Konjufca.

Published

3 years ago

on

Inaugurimi i Këshillit për Demokraci dhe të Drejta të Njeriut ka mbledhur sot krerët e institucioneve kryesore të vendit. Përmes këtij këshilli synohet bashkërendimi institucional për fuqizim të demokracisë përmes tri shtyllave, luftën ndaj korrupsionit, autoritarizmit dhe avancimit të të drejtave të njeriut.

Themeluesja e këtij Këshilli, presidentja Vjosa Osmani, tha se i njëjti është garanci për angazhim sistematik dhe institucional të përmbushjes së zotimeve në kuadër të Samitit për Demokraci të organizuar vitin e kaluar nga presidenti amerikan, Joe Biden.

“Ky Këshill të cilin e kam themeluar do të shërbejë si forum i lartë koordinues, qëllimi parësor i të cilit është koordinimi dhe menaxhimi i punës në drejtim të përmbushjes së zotimeve të Republikës së Kosovës në kuadër të Samitit për Demokraci dhe përmbushjen e zotimeve të tjera të institucioneve që ndërlidhen me forcimin e sundimit të ligjit, forcimin e demokracisë, forcimin e rolit të gruas në shoqërinë kosovare, avancimin e të drejtave dhe lirive të njeriut, si dhe bashkëpunimin me shoqërinë civile dhe mediet… Njëkohësisht ky Këshill është garancia jonë për angazhimin dhe bashkërendimin sistematik dhe institucional në drejtim të përmbushjes së zotimeve edhe në bashkëpunim me partnerët tanë ndërkombëtar dhe në veçanti ShBA-në. Më vjen mirë që ky Këshill reflekton tri shtyllat kryesore që i kemi bërë më 9 dhjetor. Respektivisht, shtylla e parë sundimi i ligjit dhe lufta kundër korrupsionit, shtylla e dytë, luftimi i autoritarizmit dhe shtylla e tretë, avancimi i të drejtave të njeriut, diversitetit, gjithëpërfshirës me fokus avancimin e të drejtave të grave dhe barazisë gjinore”, tha ajo.

Agresioni rus ndaj Ukrainës, sipas kryetarit të Kuvendit të Kuvendit, Glauk Konjufca dëshmon se demokracia nuk mund të qëndrojë vet, por nevojiten aleanca me demokracitë tjera.

“Siç po e shohim edhe prej ngjarjeve të fundit në botë dhe invazionit të Rusisë mbi Ukrainën, demokracia nuk mund të qëndrojë vet, por ajo nevojitet që të ketë aleanca me demokracitë e tjera, për sa kohë edhe në botë po e shohim se autokratët janë më të lidhur se kurrë me njëri-tjetrin. Demokracia, siç e tha edhe presidentja nuk është vetëm një gjendje, por një proces që duhet të punojnë të gjithë të mirëmbahet, thellohet dhe forcohet në çdo moment”, theksoi Konjufca.

Ndërsa, kryeministri, Albin Kurti tha se në një vit qeverisje kanë shënuar progres në fushën e luftimit të korrupsionit, fuqizim të të drejtave të njeriut dhe në angazhimin kundër autoritarizmit kanë vendosur sanksione ndaj federatës ruse, pas agresionit në Ukrainë.

Ai tha se vlerat demokratike tani janë më të rëndësishme se kurrë më parë, derisa theksoi se po të ishte Serbia vend demokratik nuk do të përbënte kërcenim ndaj paqes në rajon.

“Po të ishte Rusia vend i mirëfilltë demokratik ajo kurrë nuk do të donte të pushtonte Ukrainën. Po të ishte edhe Serbia një vend demokratik as ajo nuk do të përbënte një kërcenim kaq të rrezikshëm ndaj paqes së qëndrueshme në rajonin tonë. Duke marrë parasysh zhvillimet e kohëve të fundit, përpjekjet e presidentit Biden për të promovuar vlera demokratike në mbarë botën, ato janë më të rëndësishme tani se kurrë më parë, kudo dhe posaçërisht në rajonin tonë”, tha ai.

Themelimin e këtij këshilli e përshëndeti edhe drejtoresha e misionit të USAID-it në Kosovë, Zeinah Salahi. Ndërkohë, pjesëmarrësit e tjerë, krerët e institucioneve gjyqësore, prokuroriale, avokati i popullit dhe disa nga ministrat u zotuan për angazhim sistematik për fuqizim të demokracisë.

Related Topics:
Continue Reading

Bota

Protestë në Ukrainë, Zelensky nënshkruan projektligjin që dobëson agjencitë anti-korrupsion

Published

26 minutes ago

on

July 23, 2025

By

Agjencia e sigurisë së brendshme e Ukrainës arrestoi dy zyrtarë të NABU-së me dyshimin për lidhje me Rusinë dhe kontrolloi punonjës të tjerë të agjencisë për akuza të palidhura.

Mijëra ukrainas u mblodhën në Kiev dhe qytete të tjera të martën, duke i kërkuar Presidentit ukrainas Volodymyr Zelenskyy të vërteton ndaj legjislacionit që kritikët thonë se minon infrastrukturën antikorrupsion të vendit.

Protesta shënoi tubimin e parë të madh kundër qeverisë në më shumë se tre vjet të pushtimit të plotë të Rusisë.

Parlamenti i Ukrainës kishte miratuar një projektligj që shtrëngonte mbikëqyrjen e dy organeve kryesore antikorrupsion, Byrosë Kombëtare Antikorrupsion të Ukrainës (NABU) dhe Zyrës së Prokurorit të Specializuar Antikorrupsion (SAPO).

Kundërshtarët paralajmërojnë se masa mund të dobësojë pavarësinë e agjencive dhe të rrisë ndikimin politik mbi hetimet.

Pavarësisht protestave publike, Zelenskyy thuhet se e nënshkroi projektligjin të martën.

Continue Reading

Lajmet

​Formacionet e mundshme të miqësores Arsenal – Milan

Published

35 minutes ago

on

July 23, 2025

By

Pas ndeshjes së tyre të parë në shtëpi në Milanello kundër Milan Futuro, Rossonerët do të përballen me Arsenalin e Mikel Artetas në miqësoren e parë të Turneut të tyre Para-Sezoni 2025 në rajonin Azi-Paqësor.

Ndeshja kundër “Gunners” është pjesë e “Festivalit të Futbollit në Singapor”, i cili, përveç AC Milan dhe Arsenal, do të përfshijë edhe Newcastle.

Kjo ndeshje zhvillohet nga ora 13:30 dhe këto janë formacionet e mundshme:

ARSENAL (4-3-3) : Raya; Lëndë drusore, Saliba, Gabriel, Calafiori; Odegaard, Zubimendi, Rajs; Saka, Havertz, Trossard.

MILAN (4-3-3) : Maignan; Saelemaekers, Tomori, Gabbia, Jimenez; Fofana, Ricci, Loftus-Cheek; Pulisic, Okafor, Leao.

 

Continue Reading

Lajmet

​Pas 30 korrikut, KEK ndal furnizimin me energji për konsumatorët që nuk kanë gjetur furnizues në treg të hapur

Published

1 hour ago

on

July 23, 2025

By

30 korriku është data e fundit që do të furnizojë me energji elektrike të gjithë konsumatorët që nuk kanë gjetur furnizues në treg të hapur, ka njoftuar Korporata Energjetike e Kosovës (KEK).

Në një njoftim në Facebook thuhet se Korporata Energjetike e Kosovës, në përputhje me vendimin e Zyrës së Rregullatorit për Energji (ZRRE), sipas Ligjit për Energjinë Elektrike si dhe Rregullës për Furnizuesin e Mundësisë së Fundit (FMF), nga data 1 qershor 2025 ka filluar furnizimin me energji elektrike si FMF, për një periudhë maksimale prej 60 ditësh, e cila përfundon më 30 korrik 2025.

“Ky furnizim është i përkohshëm dhe rrjedh nga detyrimet dhe të drejtat ligjore të përcaktuara me Ligjin për Energjinë Elektrike dhe Rregulloren për FMF dhe ka për qëllim të ofrojë kohë të mjaftueshme për konsumatorët që të gjejnë një furnizues afatgjatë të licencuar nga ZRRE”.

Duke bërë thirrje për kujdes, KEK thotë se pas datës 30 korrik 2025, të gjithë konsumatorët që nuk kanë lidhur marrëveshje me ndonjë furnizues të licencuar, do të mbesin automatikisht pa furnizim me energji elektrike nga FMF, pasi që pas këtij afati përfundon e drejta ligjore për furnizim.

KEK kërkon që sa më shpejt të kontaktojnë një furnizues të licencuar nga ZRRE dhe të nënshkruajnë një marrëveshje komerciale për furnizim me energji elektrike, në mënyrë që të siguroheni që pas datës 30 korrik 2025 të mos ketë ndërprerje në furnizim.

“Lista e furnizuesve të licencuar mund të gjendet në faqen zyrtare të ZRRE-së: www.ero-ks.org Faleminderit për bashkëpunimin dhe mirëkuptimin tuaj”.

Continue Reading

Lajmet

Deputetja e LVV-së: Jemi optimist për përgjigje pozitive nga Nisma

Published

1 hour ago

on

July 23, 2025

By

Deputetja e Lëvizjes Vetëvendosje, Arbëreshë Kryeziu-Hyseni, është shprehur optimiste në një përgjigje pozitive nga Nisma Socialdemokrate për koalicion qeverisës.

Ajo pas dështimit të 51-të të konstituimit të Kuvendit, tha se janë në pritje të Nisma-s, derisa shtoi se një gjë e tillë duhet të ndodh para datës 26 korrik, afat i paraparë në aktgjykimin e Gjykatës Kushtetuese, ku obligon deputetët të konstituojnë legjislaturën e nëntë.

“Ne po presim një përgjigje prej këtij subjekti politik. Jemi optimist se do të kemi një përgjigje pozitive të paktën deri në fund të kësaj jave, pasi po i afrohemi datës 26 korrik, kur edhe konsumohet 30-ditëshi në aktgjykimin e Kushtetueses. Një gjë e tillë duhet të ndodh para këtij afati sepse e kemi obligim dhe përgjegjësi secili prej deputetëve, pa marrë parasysh subjektet politike që të kontribuojë në konstatimin e Kuvendit”, theksoi ajo.

Krahas kësaj, deputetja Kryeziu kritikoi deputetët e partive që deri tani ishin në opozitë, siç tha për bllokimin e Kuvendit, rrjedhimisht edhe formimit të qeverisë së re.

Continue Reading

Të kërkuara