Sport

​Kosova e mbyll kampanjën kualifikuese për “Katar 2022” me barazim ndaj Greqisë

Ky ishte barazimi i tretë me Greqinë në katër ndeshje të zhvilluara deri më tani.

Published

4 years ago

on

Kombëtarja e Kosovës e ka mbyllur me barazim ciklin kualifikues për Botërorin “Katari 2022”. Dardanët, të dielën në mbrëmje në stadiumin olimpik “Spyros Louis” në Athinë kanë barazuar me Greqinë, 1:1.

Ky ishte barazimi i tretë me Greqinë në katër ndeshje të zhvilluara deri më tani. Paraqitja e Kosovës në këtë përballje ishte shumë më e mirë dhe më e disiplinuar taktikisht, teksa ky barazim i dha fund serisë prej katër humbjesh dhe jep shpresa për rikthim tek rezultatet pozitive në edicionin e ri të Ligës së Kombeve.

Fillimi i ndeshje u takoi grekëve, të cilët ishin më këmbëngulës për të gjetur golin, teksa Dardanët synonin që të ndëshkojnë kundërshtarin nëpërmjet kundërsulmeve. Në minutën e 10-të portën tonë e shpëtoi tërthorësja, teksa në minutën e 30-të një superpritje e Aro Muriqit evitoi golin. Më pas Kosova pati dy raste të mira nëpërmjet Rashicës (34’ dhe 38’), por gjuajtjet e tij nuk ishin të sakta.

Ndërkohë, një minutë para shkuarjes në pushim grekët e gjetën golin, kur Giorgos Masouras fitoi një duel ajror me Amir Rrahmanin dhe shënoi për 1:0. Në pjesën e dytë Kosova u shfaq më këmbëngulëse dhe në minutën e 55-të Vedat Muriqit ia mohoi golin tërthorësja, kur gjuajti bukur me kokë pas harkimit të Zhegrovës.

Angazhimi dhe dëshira e madhe për të gjetur golin u shpagua në minutën e 76-të, kur Amir Rrahmani shënoi nga afërsia pas harkimit të Zhegrovës. Ky i fundit pati mundësi shumë të mirë në minutën e 88-të, kur dribloi pothuajse gjithë mbrojtjen greke, por në fund gjuajtjen e tij nga vija e portës e dëboi një futbollist grek.

Një minutë më pas Vojvoda gjuajti me kokë pas harkimit të Zhegrovës, por vetëm pranë portës. Në minutat shtesë kur Kosova po e kërkonte edhe golin e fitores grekët për pak sa nuk shënuan, por një superpritje e Aro Muriqit evitoi golin. Në fund, Greqi – Kosovë u mbyll 1:1. Kosova e mbylli këtë cikël në pozitën e pestë në Grupin B, me 5 pikë, derisa Greqia në pozitën e tretë me 10 pikë.

Related Topics:
Continue Reading

Sport

Super derbi në basketboll

Published

19 hours ago

on

January 9, 2026

By

Pas Kupës, emocionet vazhdojnë në ProCredit Superligë me shumë sfida dhe një super derbi.

Takimi kryesor i kësaj jave zhvillohet në Mitrovicë me sfidën ndërmjet Trepçës dhe Sigal Prishtinës, dy skuadrat rivale, me traditë dhe me shumë trofe në basketbollin e Kosovës.

Pas 13 ndeshjeve, ‘Xehetarët’ janë liderë me dhjetë fitore e tri humbje, ndërsa bardhekaltrit kanë shtatë fitore e gjashtë humbje. Atmosfera pritet të jetë e jashtëzakonshme në ‘Minatori’, si gjithmonë në duelet derbi mes këtyre dy skuadrave.

Ndeshje interesant pritet ndërmjet Golden Eagle Yllit dhe Rahoveci 029, ku fitorja është shumë e rëndësishme për të dy skuadrat. Therandasit kanë katër fitore e nëntë humbje, kurse ‘Vreshtarët’ pesë fitore e tetë humbje.

Bashkimi-Bora është një tjetër sfidë interesante e kësaj që shënon edhe mbylljen e stinorit vjeshtor apo pjesës së parë të kampionatit. Prizrenasit kanë nëntë fitore e katër humbje, kurse prishtinasit pesë fitore e tetë humbje.

Java e 14-t mbyllet me sfidën ndërmjet Vëllaznimit dhe GO+ Pejës. Kuqezinjtë numërojnë katër fitore e nëntë humbje, kurse verdhezinjtë tetë fitore e pesë humbje, andaj shihet si një përballje shumë e rëndësishme për të dy skuadrat.

ProCredit Superliga-Java 14

E shtunë

17:00 Golden Eagle Ylli-Rahoveci 029

19:30 Bashkimi-Bora

E diel

17:00 Trepça-Sigal Prishtina

19:30 Vëllaznimi-GO+Peja

Continue Reading

Sport

Top dhjetë rangimet në sporte të ndryshme

Published

19 hours ago

on

January 9, 2026

By

 

Futbolli:

1. Spanja

2. Franca

3. Argjentina

4. Anglia

5. Portugalia

6. Brazili

7. Holanda

8. Belgjika

9. Kroacia

10. Italia

 

Basketbolli:

1. SHBA

2. Gjermania

3. Franca

4. Kanada

5. Australia

6. Spanja

7. Serbia

8. Argjentina

9. Lituania

10. Brazili

 

Kriketi:

1. India

2. Australia

3. Anglia

4. Zelanda e Re

5. Afrika e Jugut

6. India Perëndimore

7. Pakistani

8. Shri Lanka

9. Bangladeshi

10. Afganistani

Hokej mbi bar:

1. Holanda

2. Gjermania

3. Belgjika

4. Australia

5. Spanja

6. Argjentina

7. India

8. Anglia

9. Franca

10. Irlanda

 

Ragbi:

1. Afrika e Jugut

2. Zelanda e Re

3. Irlanda

4. Franca

5. Anglia

6. Argjentina

7. Australia

8. Skotlanda

9. Fixhi

10. Italia

 

Volejbolli:

1. Polonia

2. Italia

3. Brazili

4. Franca

5. SHBA

6. Sllovenia

7. Japonia

8. Agjentina

9. Bullgaria

10. Kanadaja

Continue Reading

Sport

Amorim shpërthen ndaj United: “Nuk erdha të jem trajner, por menaxher”

Published

5 days ago

on

January 5, 2026

By

Ruben Amorim ka sfiduar hierarkinë e Manchester United që ta lënë të bëjë punën e tij pa ndërhyrje.

Pasi aludoi të premten për problemet prapa skenave, Amorim priti deri në pyetjen e fundit të konferencës së tij për media pas ndeshjes pas barazimit 1-1 me Leeds United për të bërë një tjetër pikë të rëndësishme.

Ai deklaroi vazhdimisht se ishte gati të largohej kur kontrata e tij të skadonte pas 18 muajsh, duke treguar se ishte hasur në ndërhyrje të padëshiruara në detyrat e tij nga figura të larta të United, të cilat nuk do të toleroheshin diku tjetër.

Ai përmendi emrat e tre ish-trajnerëve të profilit të lartë të Premier Ligës dhe sugjeroi se ata nuk do t’i nënshtroheshin ndërhyrjes që ai mendon se ka përjetuar.

“Dua vetëm të them se erdha këtu për të qenë menaxher, jo për të qenë trajner,” tha ai.

Në çdo departament – departamenti i vëzhgimit, drejtori sportiv – [ata] duhet të bëjnë punën e tyre. Unë do ta bëj timen për 18 muaj dhe pastaj do të ecim përpara.

“Dua vetëm të them se do të jem menaxheri i kësaj skuadre, jo vetëm trajneri. Isha shumë i qartë për këtë. Kjo do të përfundojë brenda 18 muajsh dhe pastaj të gjithë do të largohen. Kjo ishte marrëveshja. Kjo është puna ime. Jo të jem trajner.“

Amorim gjithashtu hodhi poshtë idenë se United është bërë shumë i ndjeshëm ndaj kritikave të jashtme.

Ai tha: “Nëse njerëzit nuk mund ta përballojnë situatën me Gary Nevilles dhe kritikat për gjithçka, ne duhet ta ndryshojmë klubin.”

 

Continue Reading

Sport

Top 20 sportistë më të paguar në histori

Published

1 week ago

on

January 2, 2026

By

Sporti është një veprimtari shumë fitimprurëse. Natyrisht, për sportistët që arrijnë rezultate kulmore.

Lista më poshtë sjell 20 sportistët, me fitimet më të mëdha gjatë karrierës së tyre sportive.

  1. Majkëll Xhordan – Basketboll (SHBA) – 4.15 miliardë dollarë
  2. Tajgër Uds – Golf (SHBA) – 2.79 miliardë dollarë
  3. Kristiano Ronaldo – Futboll (Portugali) – 2.23 miliardë dollarë
  4. LeBron James – Basketboll (SHBA) – 1.88 miliardë dollarë
  5. Lionel Mesi – Futboll (Argjentinë) – 1.85 miliardë dollarë
  6. Arnold Palmer – Golf (SHBA) – 1.82 miliardë dollarë
  7. Xhek Niklaus – Golf (SHBA) – 1.75 miliardë dollarë
  8. Dejvid Bekam – Futboll (Angli) – 1.61 miliardë dollarë
  9. Roxher Federer – Tenis (Zvicër) – 1.59 miliardë dollarë
  10. Flojd Mejuezer Junior – Boks (SHBA) – 1.52 miliardë dollarë
  11. Fil Mikelson – Golf (SHBA) – 1.49 miliardë dollarë
  12. Mihail Shumaher – Formula 1 (Gjermani) – 1.39 miliardë dollarë
  13. Shakil O’Nil – Basketboll (SHBA) – 1.27 miliardë dollarë
  14. Nejmar Junior – Futboll (Brazil) – 1.17 miliardë dollarë
  15. Kobi Brajant – Basketboll (SHBA) – 1.11 miliardë dollarë
  16. Kevin Durant – Basketboll (SHBA) – 1.07 miliardë dollarë
  17. Luis Hamilton – Formula 1 (Angli) – 970 milionë dollarë
  18. Majk Tajson – Boks (SHBA) – 965 milionë dollarë
  19. Aleks Rodrigez – Bejsboll (SHBA) – 795 milionë dollarë
  20. Meni Pakjao – Boks (Filipine) – 490 milionë dollarë

Continue Reading

Të kërkuara