Lajmet

​Koreja e Jugut përballet me tri sulme ndaj të huajve në ditë, 925 të raportuara për gjashtë muaj

Kjo statistikë alarmante vjen pas një sërë goditjesh me thikë kundër “individëve të panjohur”.

Published

on

Koreja e Jugut ka qenë dëshmitare e më shumë se tre sulmeve të rastësishme ndaj të huajve në ditë, me 925 raste sulmi, lëndimi trupor apo vrasje të regjistruara gjatë gjysmës së parë të vitit aktual, zbuluan të hënën të dhënat e policisë.

Kjo statistikë alarmante vjen pas një sërë goditjesh me thikë kundër “individëve të panjohur” që tronditën thellësisht kombin, raportoi lajmi Yonhap me bazë në Seul.

Ka pasur 925 raste të vrasjeve, lëndimeve trupore ose sulmeve në gjashtë muajt e parë të vitit 2023, të gjitha këto të nxitura ose nga armiqësia shoqërore ose nga zemërimi i drejtpërdrejtë ndaj një pale të tretë.

Raporti i policisë synonte të sugjeronte masa për parandalimin e krimeve me motive jokonvencionale.

Nga këto raste, 554 janë kategorizuar si sulme. Kjo përkthehet në një mesatare prej rreth 3,06 sulme të paprovokuara ndaj të huajve në ditë.

Raporti iu dorëzua përfaqësuesit të Partisë Pushteti Popullor në pushtet, Chung Woo-taik.

Nga totali i rasteve, 18 u klasifikuan zyrtarisht si krime të rënda me motive jonormale.

Katërmbëdhjetë nga këto raste kishin të bënin me akuza për shkaktimin e lëndimeve trupore, tre ishin të lidhura me vrasje ose tentativë vrasjeje, dhe një rast përfshinte një sulm që rezultoi me vdekje.

Gjysma e këtyre rasteve janë kryer ndërkohë që autorët kanë qenë të dehur dhe të paaftë për të kontrolluar zemërimin e tyre.

Për më tepër, pesë raste dyshohej se ishin të ndikuar nga sëmundje mendore ose përdorimi i drogës, ndërsa tre raste u shkaktuan nga faktorë specifikë si ndjenja e inferioritetit./AA/

Lajmet

​Kosova dhe SHBA diskutojnë për prokurime të reja të pajisjeve ushtarake për FSK-në

Published

on

Ministri në detyrë i Mbrojtjes, Ejup Maqedonci në kuadër të panairit “AUSA 2025”, u takua me drejtorin e Agjencisë për Bashkëpunim në Mbrojtje dhe Siguri në kuadër të Departamentit të Luftës të SHBA-së, Michael F. Miller.

“Gjatë takimit u diskutua për bashkëpunimin e deritanishëm në fushën e mbrojtjes, me theks të veçantë në prokurimin e pajisjeve dhe sistemeve të armatimit, i cili për Forcën e Sigurisë së Kosovës është realizuar kryesisht përmes mekanizmit FMS (Foreign Military Sales), duke mundësuar blerje shtet më shtet me SHBA-në, me kosto më të ulët dhe cilësi më të lartë të produkteve të prokuruara”, thuhet në njoftim.

Sipas njoftimit të MM-së, në takim ishin të pranishëm edhe zëvendëskomandanti i FSK-së, gjeneralmajor Enver Cikaqi, atasheu i mbrojtjes i Republikës së Kosovës në SHBA, Sylejman Cakaj, si dhe drejtori i Departamentit për Bashkëpunim Ndërkombëtar dhe Integrime Euro–Atlantike, kolonel Ahmet Ajeti.

Ministria e Mbrojtjes thekson se gjithashtu u diskutua për prokurimet e radhës, si dhe për ndihmën që Kosova i ka ofruar Ukrainës.

Drejtori Miller përgëzoi Kosovën për nënshkrimin e Marrëveshjes së Bashkëpunimit për Ndërveprueshmëri dhe Siguri në Komunikim (CISMOA), duke e cilësuar atë si një hap të rëndësishëm në thellimin e bashkëpunimit dypalësh./S.K/KP/

Continue Reading

Lajmet

​ASK: Rritet numri i fluturimeve dhe i udhëtarëve me aeroplan

Published

on

Agjencia e Statistikave të Kosovës ka njoftuar se në muajin gusht të këtij viti, numri i fluturimeve të realizuara me aeroplan ishte 1 milion 601 mijë, ose 10. 1 për qind më shumë sesa në periudhën e njëjtë të vitit të kaluar.
Ndërkaq, ata njoftuan se numri i udhëtarëve në total ishte 512 mijë e 955, ose 14.6 për qind më shumë sesa në periudhën e njëjtë të vitit të kaluar (gusht 2024).
Sipas një raporti të fundit të kësaj Agjencie çmimet e biletave të fluturimeve kanë shënuar ngritje 22.5 për qind në shtator të këtij viti.

Sa i përket transportit hekurudhor, në muajin gusht të këtij viti, numri i udhëtarëve ishte 7 mijë e 732, ose 54.8 për qind më shumë sesa në periudhën e njëjtë të vitit të kaluar, ndërsa sasia e mallrave të transportuar në neto ton ishte zero.

Sipas Agjencisë së Statistikave të Kosovës, telefonia mobile në muajin gusht 2025, numri i përdoruesve me parapagim (Prepaid) ishte 1 741 080, ose 0,19% më shumë sesa në periudhën e njëjtë të vitit të kaluar, ndërsa numri i përdoruesve me kontratë (Postpaid) ishte 320 058, ose 3,42 p më shumë sesa në periudhën e njëjtë të vitit të kaluar./S.K/KP/

Continue Reading

Lajmet

​Rusia ofron energji bërthamore për Serbinë

Published

on

Deklaratat e fundit të Marija Deuriq, drejtoreshë e zyrës përfaqësuese të korporatës shtetërore ruse “Rosatom” në Serbi, konfirmuan se Beogradi dhe Moska po zhvillojnë negociata aktive për ndërtimin e një centrali bërthamor në Serbi.

Deuriq deklaroi se kompania ruse është e lumtur për bashkëpunimin me Serbinë dhe është e gatshme të jetë partner strategjik në një projekt që do të zgjasë të paktën 8 deri në 15 vjet.

Ky projekt mendohet lidh Serbinë në gjendje afatgjate me teknologjinë, karburantin dhe logjistikën ruse, në një kohë kur pjesa tjetër e Evropës po çlirohet nga varësia ndaj Kremlinit, shkruan the Geopost.

Presidenti serb, Aleksandar Vuçiq pas takimit me presidentin rus, Vladimir Putin dhe drejtorin e “Rosatom”, Aleksej Likhachev, në Pekin, e ka riafirmuar mbështetjen e tij për projektin, duke e paraqitur atë si një mundësi historike për Serbinë.

Ndërsa vendet evropiane po zbatojnë standarde të rrepta të sigurisë dhe mjedisit, Rosatom ofron një model me mbikëqyrje të plotë ruse nga shfrytëzimi i uraniumit dhe pasurimi i karburantit, deri te përpunimi i mbetjeve.

Kjo do ta bënte praktikisht Serbinë të varur nga furnizimet dhe teknologjia ruse, duke i hequr Beogradit kontrollin mbi sovranitetin e vet energjetik.

Gjatë takimit me Putinin në fillim të shtatorit në Pekin, Vuçiq i bëri thirrje kompanisë Rosato që të përfshihet edhe në projekte infrastrukturore në Serbi.

Disa vite më parë, Serbia dhe korporata shtetërore ruse Rosatom nënshkruan një marrëveshje për ndërtimin e një Qendre për Teknologji Bërthamore si dhe një marrëveshje për krijimin e një ndërmarrjeje të përbashkët që do ta realizojë këtë projekt në territorin e Serbisë.

Në janar të vitit 2025, Shtetet e Bashkuara të Amerikës vendosën sanksione kundër drejtuesve të Rosatom, përfshirë edhe drejtorin e përgjithshëm Aleksej Likhachev, si dhe anëtarë të tjerë të bordit drejtues./S.K/KP/

Continue Reading

Lajmet

​Kosova dhe Bullgaria synojnë rritjen e bashkëpunimit ekonomik

Published

on

Në takimin e realizuar mes Ambasadorit të Republikës se Kosovës, Haxhi Bajraktari dhe kryetar i Odës Ekonomike dhe Industrisë të Bullgarisë (BCCI), Tsvetan Simeonov, mundësitë për thellim të bashkëpunimit ekonomik ndërmjet dy vendeve, sfidat dhe prioritetet që kanë bizneset në Kosovë dhe në Bullgari ishin në fokus të parë.

Sipas një njoftimit të Ambasadës së Kosovës në Sofje, ambasadori Bajraktari, vlerësoi rolin e Odes Ekonomike të Bullgarisë në mbështetjen dhe krijimin e një mjedisi të përshtatshëm për operimin e bizneseve në tregjet respektive.

Njëherësh ai edhe ofroi gatishmërinë e Ambasadës dhe Institucioneve përgjegjëse të Republikës së Kosovës për të mbështetur iniciativa që rrisin lidhjet ekonomike dhe tregtare me Bullgarinë.

Ndërkohë, kryetari i BCCI-se, Simeonov duke ofruar ekspertizën profesionale të institucionit që drejton, vlerësoi se ka potenciale për bashkëpunim dhe shprehu interesin që marrëdhëniet ekonomike të avancohen në nivele më të larta, me theks të veçantë në nxitjen e shkëmbimeve tregtare dhe intensifikimit të dialogut ekonomik ndërmjet dy vendeve./S.K/KP/

Continue Reading

Të kërkuara