Lajmet
Komuniteti i biznesit kërkon mbrojtjen e prodhuesve vendorë
Përkrahje për Projektligjin për Tregti me Jashtë dhanë Oda Ekonomike e Kosovës dhe Oda Ekonomike Gjermane e Kosovës.
Published
4 years agoon
By
Betim GashiKomisioni për Ekonomi, Industri, Ndërmarrësi dhe Tregti ka mbajtur dëgjim publik lidhur me Projektligjin për tregti me jashtë, ku përfaqësues të komunitetit të biznesit kërkuan që në kuadër të këtij projektligji të përcaktohen edhe masa kundër importit të subvencionuar në mënyrë që të mbrohen prodhuesit vendorë.
Qëndresa Ibrahimi, koordinatore në Odën e Afarizmit të Kosovës (OAK), tha se duhet të vendosen shpenzimet kompensuese në rast se evidentohet se malli që importohet rrezikon t’i shkaktojë dëm prodhimit vendor. Ajo tha se me Ligjin për tregti me jashtme duhet të përcaktohen masat kundër importit të subvencionuar dhe se në kuadër të këtij ligji duhet të inkorporohet edhe Ligji për masat e mbrojtjes në importe.
“OAK rekomandon që Ligji për masat e mbrojtjes në importe të inkorporohet në Projektligjin për tregti me jashtë, kjo qëndron në faktin që teksa është ligj, i cili do të shqyrtohet edhe nga investitorët e huaj potencial, atëherë të njëjtit mund të mos kenë njohuri rreth legjislacionit në fuqi në vendin tonë, dhe është shumë e nevojshme që të gjitha çështjet që e rregullojnë importin dhe eksportin, të jenë të rregulluara me një ligj. Gjithashtu, një rekomandim tjetër i Odës është që me këtë ligj të përcaktohen edhe masa kundër importit të subvencionuar, ne e dimë që shumë vende subvencionojnë produktet e tyre, të cilat pastaj në vendin tonë dalin me çmime shumë më konkurruese”, tha ajo.
Lidhur me këtë, Zef Dedaj nga Ministria e Industrisë Ndëarmarrësisë dhe Tregtisë (MINT), tha se ligji parasheh edhe masën mbrojtëse në importe edhe atë për importin e subvencionuar. Derisa tha se vazhdojnë të aplikojnë Ligjin për masat anti-dumping dhe masat kundërbalancuese në importe, në rastet kur çmimet dumping janë më të lira sesa çmimet në vendin e origjinës.
“Neni 32 i po këtij ligji, i parasheh masat mbrojtëse në importe, ku njëkohësisht kemi edhe ligjin ndaras për masat mbrojtëse, i cili është aplikuar dhe po vazhdon të aplikohet. Gjithsesi, neni 32 na fuqizon edhe më shumë, ku thotë se ‘nëse kemi sasi të mëdha të importit, të cilat mund ta dëmtojnë prodhimin në formë direkte apo indirekte, ne e kemi dritën e gjelbër për të vendosur’, pra e kemi nenin 32. Ndërsa sa i përket masave të subvencionuara, e kemi nenin 28, është Ligji për masat anti-dumping dhe masat kundërbalancuese në importe. Në ato raste, vazhdojmë ta aplikojmë kur kemi çmime dumping më të lira sesa në tregun e origjinës… Ndërsa neni 6 na e jep dritën e gjelbër për të gjitha aplikimet e mundshme ekonomike”, tha ai.
Ai tha se Kosova ka kapacitete për t’i plotësuar kërkesat ndërkombëtare dhe mund të konkurrojë me kapacitet prodhuese në Bashkimin Evropian dhe në Shtetet e Bashkuara të Amerikës.
Komuniteti i biznesit kritika pati për nenin 23 të projektligjit, gjegjësisht pikën 3.1 që ka të bëjë me marrjen e lejes të importit dhe eksportit, derisa u kërkua që të saktësohet ky nen, në mënyrë që të evitohen dykuptimësitë.
Andrra Nurkollari nga Oda Ekonomike Amerikane dha arsyet e kundërshtimit të këtij neni.
“Oda ka kundërshtim vetëm në nenin 23, pra me gjerësisht në pikën 3.1, në lidhje me marrjen e lejes të importit dhe eksportit. OAK e konsideron në kundërshtim me parimet e ekonomisë së tregut dhe si procedurë e tillë, mendon se pengon qarkullimin e mallrave. Madje, mendon se është në kundërshtim me dispozitat tjera të të njëjtit ligj, ku thuhet që ‘s’do të ketë kufizim e as pengesë në importimin e mallrave’”, tha Nurkollari.
Se duhet të bëhen disa ndryshime tek neni 23 i projektligjit për tregti me jashtë, e tha edhe Emrush Ujkani nga Këshilli i Investitorëve Evropian.
“Ato që kemi disa komente, do t’i ndajmë me administratën e Kuvendit. Në nenin 23, nuk është që jemi agresiv si Oda Ekonomike Amerikane, por mendoj që mund të rregullohen disa gjëra në aspektin administrativ më tepër, kur flasim për lejen konkrete”, tha Ujkani.
Edhe deputeti Pal Lekaj tha se nga praktikat e mëparshme, është vërejtur se ka pasur keqpërdorime, prandaj, siç tha ai, neni 23 duhet të saktësohet në mënyrë që të evitohen dykuptimsitë.
“Duhet të jemi të vëmendshëm dhe t’i saktësojmë nenet që të mos krijojmë hapësira për të dëshiruar apo për të mos i trajtuar ashtu siç i trajton ligji. Këtu, po nisem me nenin 23 që pati vërejtje nga Oda Amerikane, që mendoj se kanë të drejtë, edhe pse janë ligje të ndara që i përkufizojnë dy fusha. Mirëpo, nga praktikat që i kemi, ka keqpërdorues dhe pajtoj plotësisht që ta saktësojmë nenin 23, pasi ka dykuptimësi”, tha Lekaj.
Përkrahje për Projektligjin për Tregti me Jashtë dhanë Oda Ekonomike e Kosovës dhe Oda Ekonomike Gjermane e Kosovës.
Rajoni
UBT gati të mirëpresë nesër studiues nga e gjithë bota në Konferencën e 14-të Ndërkombëtare
Published
8 hours agoon
October 24, 2025By
Driton Iseni
Në ambientet e Parkut Shkencor, Inovativ dhe Teknologjik të UBT-së në Lipjan, nesër do të hapet zyrtarisht edicionit i 14-të i Konferencës Ndërkombëtare për Biznes, Teknologji dhe Inovacion – një prej ngjarjeve më të rëndësishme akademike dhe shkencore në rajon, e cila bashkon mijëra akademikë, studiues dhe studentë nga dhjetëra shtete të botës.
Kjo konferencë vjetore e organizuar nga UBT ka për qëllim të shërbejë si një platformë ndërkombëtare për shkëmbim idesh, kërkime shkencore dhe përvoja profesionale, duke ndërlidhur botën akademike me industrinë dhe inovacionin praktik.
Ky edicion pritet të ofrojë dhjetëra sesione paralele, punime shkencore, prezantime inovative dhe panele diskutimi, duke reflektuar trendet më të fundit globale në biznes, teknologji, edukim, mjekësi, energji, arkitekturë dhe fusha të tjera ndërdisiplinare.
Rajoni
UBT organizoi me sukses Konferencën e parë Ndërkombëtare të Mjekësisë Sportive
Published
10 hours agoon
October 24, 2025By
Driton Iseni
Në Parkun Shkencor, Inovativ dhe Teknologjik të UBT-së në Lipjan, u mbajt me sukses Konferenca e parë Ndërkombëtare e Mjekësisë Sportive (IC-SM 2025) – një ngjarje e nivelit të lartë që shënoi një moment historik për zhvillimin e kësaj fushe në Kosovë dhe rajon.

Në këtë konferencë morën pjesë figura të njohura ndërkombëtare të mjekësisë sportive, përfshirë Presidentin e Federatës Ndërkombëtare të Mjekësisë Sportive (FIMS), Prof. Dr. Fabio Pigozzi nga Italia, Prof. Dr. Norbert Bachl nga Austria, Annika Hangleiter, M.Sc. nga Universiteti Teknik i Mynihut (Gjermani), dhe Prof. Dr. Gobert von Skrbensky nga Austria, së bashku me shumë ekspertë vendorë dhe ndërkombëtarë.
Në hapje të konferencës, Rektori i UBT-së, Prof. Dr. Edmond Hajrizi, theksoi se që nga themelimi, UBT ka qenë e përkushtuar ndaj dijes, inovacionit dhe krijimit të një shoqërie të zgjuar, ku shkenca, teknologjia dhe praktika bashkohen për të krijuar ndikim të qëndrueshëm në shoqëri.
“Mjekësia sportive është një nga fushat që mishëron më së miri këtë filozofi – duke bashkuar shëndetin, edukimin, performancën dhe inovacionin teknologjik”, u shpreh Rektori Hajrizi, duke theksuar se përmes Themelimit të Qendrës për Mjekësi Sportive në UBT, është hapur një kapitull i ri për zhvillimin e kësaj fushe në Kosovë.
Ai gjithashtu përmendi se falë kësaj nisme, Kosova është bërë për herë të parë anëtare e Federatës Ndërkombëtare të Mjekësisë Sportive (FIMS), përmes Shoqatës së Mjekësisë Sportive dhe Ushtrimeve të Kosovës (KASEM) — një arritje që e rendit vendin përkrah mbi 117 shteteve anëtare të kësaj organizate prestigjioze.
Në fjalën e tij përshëndetëse, Prof. Dr. Fabio Pigozzi, President i FIMS-it, vlerësoi kontributin e UBT-së në zhvillimin e mjekësisë sportive dhe theksoi rëndësinë e bashkëpunimit ndërkombëtar për avancimin e kërkimit dhe praktikave klinike në këtë fushë.

Në hapje të konferencës morën fjalën edhe: Fitim Arifi, përfaqësues i Komitetit Olimpik të Kosovës; Agim Ademi, Kryetar i Federatës së Futbollit të Kosovës; Agim Krasniqi, Kryetar i KASEM; Iber Alaj, Drejtor i Departamentit të Sportit në Ministrinë e Kulturës, Rinisë dhe Sportit.
Pjesa kryesore e konferencës përfshiu sesionet shkencore me ligjërata nga:
Prof. Dr. Fabio Pigozzi (Itali) – “Sudden Cardiac Death in Sports and Exercise”
Prof. Dr. Norbert Bachl (Austri) – “Sports Medicine as a Specialty in Europe: Shaping Precise Prevention”
Prof. Dr. Edmond Hajrizi (Kosovë) – “UBT Smart City – An Integrated Platform of Emerging Technologies and Smart Support for Sports Medicine Education, Research, Innovation, and Clinical Services”
Annika Hangleiter, M.Sc. (Gjermani) – “Wearable Technologies in Personalized Prevention: The Future is Already Present”
Prof. Dr. Gobert von Skrbensky (Austri) – “Concepts in Sports Surgery Following Knee Trauma: The Role of Activity Level and Biological Age”

Prezantimet shkencore dhe punimet kërkimore
Në sesionin e dytë të konferencës, të udhëhequr nga Dr. Milaim Berisha dhe Dr. Agron Thaqi, u prezantuan punime shkencore të recenzuara, ndër të cilat:
“The New Era FitScore Test: A Comprehensive General Fitness Assessment” – Era Deva, Milaim Berisha
“The Success Ratio of Non-Surgical Management of Proximal Hamstring Injury in Judo: The Case of Olympic Gold Medalist” – Nora Gjakova, Milaim Berisha
“Beyond Consensus, Into Action: Kosovo’s Response to Elite Athlete Mental Health Challenges” – L.J., Zhu., J., Hell & V. Klissouras
“Comparative Analysis of Body Composition in Elderly Residents of Nursing Homes in Kosovo” – Agron Thaqi
Konferenca IC-SM 2025 shërbeu si një platformë e rëndësishme ndërkombëtare për bashkëpunim, shkëmbim përvojash profesionale dhe prezantim të trendeve më të fundit në mjekësinë sportive. Ngjarja synon të nxisë kërkimin shkencor, inovacionin në rehabilitim, edukimin profesional dhe ndërtimin e rrjeteve ndërkombëtare në fushën e sportit dhe shëndetit.
Konferenca u organizua nga UBT, në bashkëpunim dhe mbështetje të:
- Kosovo Association of Sports and Exercise Medicine (KASEM),
- International Federation of Sports Medicine (FIMS),
- Komitetit Olimpik të Kosovës, dhe
- Sport, Health and the People – A Western Balkan University Network (SHAPE Project).
IC-SM 2025 u vlerësua si një ngjarje që shënon fillimin e një tradite të re shkencore në Kosovë, duke e pozicionuar vendin në hartën ndërkombëtare të kërkimit në mjekësinë sportive dhe shëndetin publik.
Lajmet
Kusari-Lila: Të dielën seanca e jashtëzakonshme për Qeverinë, ftesa është dërguar tashmë tek të gjithë deputetët
Published
12 hours agoon
October 24, 2025By
UBTnews
Në Kuvendin e Kosovës të dielën, më 26 tetor, do të mbahet seanca për votimin e Qeverisë së re të Kosovës.
Shefja e Grupit Parlamentar të Lëvizjes Vetëvendosje, Mimoza Kusari – Lila, konfirmoi për Telegrafin se ftesa tashmë është dërguar tek të gjithë deputetët për seancë të jashtëzakonshme.
“Po, kemi bërë kërkesë dhe tashmë është dërguar ftesa tek të gjithë deputetët për seancë të jashtëzakonshme për të dielën, ora 10:00, me një pikë të rendit të ditës: Zgjedhja e Qeverisë së Republikës së Kosovës”, tha ajo.
Më 11 tetor, presidentja e Kosovës, Vjosa Osmani, e ka mandatuar liderin e Lëvizjes Vetëvendosje (LVV), Albin Kurti, që të formojë Qeverinë e re të vendit, tetë muaj pas mbajtjes së zgjedhjeve të përgjithshme.
Derisa kanë mbetur edhe dy ditë afat për ta paraqitur përbërjen e re të Qeverisë, deri më tani nga LVV nuk është ndërmarrë asnjë hap konkret.
Nuk është raportuar për ndonjë takim apo negociatë me subjektet e tjera politike që do të mundësonte ndërtimin e një koalicioni qeverisës.
Kjo, pasi LVV-së i nevojiten të paktën 61 vota në Kuvend për të formuar Qeverinë, ndërsa në zgjedhjet e 9 shkurtit, kjo parti ka siguruar 48 ulëse./EO
Lajmet
Në Kroaci po futet shërbimi i detyrueshëm ushtarak, parlamenti voton pro
Published
12 hours agoon
October 24, 2025By
UBTnews
Parlamenti kroat sot, me 84 vota pro, 30 abstenime dhe 11 kundër, ndryshoi Aktin e Mbrojtjes, duke konfirmuar kështu rikthimin e trajnimit bazë ushtarak të detyrueshëm.
Stërvitja bazë ushtarake (TVO) do të zgjasë dy muaj, thirrjet e para do të fillojnë deri në fund të vitit, dhe rekrutët e parë në kazermat në Knin, Slunj dhe Pozhega priten në fillim të vitit të ardhshëm. Siç është njoftuar nga Ministria e Mbrojtjes, është planifikuar të thirren rreth 4,000 rekrutë çdo vit, të ndarë në pesë breza.
Të gjithë të rinjtë 18-vjeçarë janë të regjistruar në regjistrin ushtarak dhe do të dërgohen në stërvitje ushtarake në vitin kalendarik kur të mbushin 19 vjeç. Rekrutët do t’i nënshtrohen një kontrolli mjekësor para stërvitjes për të përcaktuar nëse janë të aftë për stërvitje ushtarake dhe Ministria e Mbrojtjes deklaron se kjo do të organizohet sa më afër vendbanimit të rekrutëve për ta bërë më të lehtë aksesin për pjesëmarrësit.
Ekzaminimi përcakton aftësinë mjekësore të një rekruti potencial, njoftoi Ministria e Mbrojtjes, duke shtuar se ata që i nënshtrohen shërbimit ushtarak mund të dërgohen për stërvitje ose të marrin një shtyrje të përcaktuar me ligj deri në fund të vitit të 29-të të jetës, ose të përjashtohen nga detyrimi sipas kushteve dhe mënyrës së përcaktuar me ligj.
Përjashtimisht, rekrutët mbi moshën 19 vjeç dhe deri në moshën 30 vjeç mund të dërgohen edhe në stërvitje ushtarake, pasi shërbimi mund të shtyhet në rastin e studimit dhe për atletët që të marrin pjesë në kampionatet botërore dhe evropiane./EO
UBT gati të mirëpresë nesër studiues nga e gjithë bota në Konferencën e 14-të Ndërkombëtare
UBT organizoi me sukses Konferencën e parë Ndërkombëtare të Mjekësisë Sportive
Apple shënon 20 vjet, iPhone me serinë e re në 2027
Kombinim i ri ilaçesh ngadalëson përparimin e kancerit të avancuar të prostatës
Johnny Depp rikthehet në Hollywood me film të ri
Kusari-Lila: Të dielën seanca e jashtëzakonshme për Qeverinë, ftesa është dërguar tashmë tek të gjithë deputetët
Në Kroaci po futet shërbimi i detyrueshëm ushtarak, parlamenti voton pro
Harroni emra, fikjen e shporetit apo takimet? Mjekët shpjegojnë shkaqet që e ngadalësojnë kujtesën
Liam Hemsworth dhe e fejuara e tij mahnitin në premierën e “The Witcher”
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months agoProfesori i UBT-së fiton grant prestigjioz kërkimor në Universitetin Çarls të Pragës
