Lajmet
Komisioni hetimor për energji i propozuar nga pozita do të dëgjojë dëshmitë nga viti 2006
Pozita kërkoi që intervistimi i dëshmitarëve të fillojë nga viti 2017-2020.
Published
3 years agoon
By
Betim GashiDeputetët e Komisionit hetimor parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike nuk kanë rënë dakord që hetimet të nisin nga vitet e fundit. Përkundër propozimit të mazhorancës që dëshmitë të ndahen në periudha 3-vjeçare dhe prioritet t’i jepet zhvillimeve të viteve të fundit, kjo u kundërshtua nga deputetët e opozitës. U vendos që intervistimi i dëshmitarëve nga ky komision të fillojë nga viti 2006 duke ftuar ministra, kryesues e anëtarë të bordeve, drejtorët të përgjithshëm etj.
Derisa deputetët e opozitës propozuan që intervistimi të nisë nga periudha e vitit 2006, pozita kërkonte që intervistimi i dëshmitarëve të fillojë nga viti 2017-2020.
Kryetari i këtij komisioni hetimor, Hajdar Beqa kërkoi që intervistimi të nis nga viti 2006.
“Ne kemi listën e dëshmitarëve për vitin 2006 dhe shkojmë nga niveli më i lartë prej ministrit më të lartit e thërrasim prej ministrit ose kemi nivel tjetër dhe shkojmë tek kryetarët e bordeve tek drejtorët e përgjithshëm dhe deri tek zyrtarët përkatës”, tha ai.
Kategorizim në faza kërkoi deputeti i Lëvizjes Vetëvendosje, Armend Muja, dhe si propozim i tij ishte që intervistimi i dëshmitarëve të nisë nga viti 2017-2020.
“Ne ishte dashur që t’i kategorizojmë në faza, të fillohet me fazën e parë me dëshmitarë të vitit 2017-2020, pastaj në fazën e dytë 2013-2016, në fazën e tretë 2010-2013 dhe pastaj fazën e katërt 2006-2009 në mënyrë që të krijohet një perspektivë e qartë e të gjitha vendimeve… 08’17 Sa i përket gjendjes që jemi duke kaluar tash është një periudhë tash 2017-2020 është ai momenti kur në KOST dhe ZRRE janë marr vendime të rëndësishme ne dëshirojmë t’ia paraqesim komisionit dhe publikut dhe kanë relevanc edhe tani, pastaj në fazën e dytë është periudha e post-privatizimit 2013-2016 dhe ndërlidhet me investimet kapitale të KEDS-it si vendim i dytë i rëndësishëm”, tha Muja.
Pas kësaj, kryesuesi i komisionit, Beqa tha se hetimet do t’i kryejnë për të gjitha periudhat, por më e rrugës është që intervistimi të nisë nga viti 2006 ashtu siç është përcaktuar edhe faza e hetimit.
“Kronologjia thotë të fillohet në fillim e të përfundojë në fund, kjo është kërkesë krejt teknike dhe nëse duam 2006-2009 me u ndal pak ndalemi pak nëse nuk kemi ndonjë propozim por nuk e dimë se ku ka me na dal situata ne do t’i kryejmë të gjitha hetimet si në 2006 si në 2022”, tha ai.
Deputeti i LDK-së, Armend Zemaj, tha se me propozim të Lëvizjes Vetëvendosje për intervistim të dëshmitarëve nuk do të arrihet ndonjë rezultat.
“Hetimet duhet ta kenë një bazë edhe si legalist me nis prej mesit nëse keni një arsyetim të fortë, Armendi faktikisht nëse ka një argument të fortë prej 2017 e 10 vite t’i kalojë dhe 5 vite prapa me u kthye në një fazë pasi t’i kalojmë ato 10 vitet e tjera pak, mos po e humbim hapin e qëllimit tonë pozitiv. Kronologjikisht është më mirë nëse një vendim i 2009 ka arritur që të aprovohet në 2015, ‘16, ‘17 ose nëse një vendim qoftë për investime është ndërprerë në 2016 dhe në 2017 ka marr vendim tjetër po më duket se po hyjmë në diçka që nuk mund të nxjerrim ndonjë rezultat”, tha ai.
Edhe deputetja e AAK-së, Time Kadrijaj kundërshtoi propozimin e deputetëve të LVV-së, Armend Muja për intervistim në faza.
“Kërkesa juaj ka qenë që të hulumtohet nga 2006 deri në 2022 por tash një shtëpi kur fillon të ndërtohet nuk fillon prej kulmit ose muret, dhe ne duhet ta kuptojmë procesin si proces nëse se fillojmë prej 2006, prej fillimit të funksionimit e deri më lartë ne nuk do të arrijmë të prodhojmë asgjë”, theksoi Kadrijaj.
Insistues në kërkesën e tyre që intervistimi i dëshmitarëve të nisë në faza ishte edhe deputeti i LVV-së, Arbër Rexhaj i cili vazhdimisht kërkoi konsensus për propozimin e tyre.
“Ne nuk jemi duke kërkuar të heqim asnjë vit apo institucion aty ne thjesht kemi vendos prioritetet tona dhe kemi vendos si tematik dhe realisht mbi bazën e kësaj tematike ne po fillojmë intervistimin e kandidatëve. Nuk po kërkojmë të heqim asnjë vit por i kemi disa prioritete dhe meqenëse LVV është ajo që ka kërkuar themelimin e këtij komisioni natyrisht ne duhet t’i tregojmë prioritetet tona dhe duhet të jetë mirëkuptuese tek ju”, theksoi Rexhaj.
Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike në rend dite sot ka pasur edhe shqyrtimin e CV-ve për angazhim të ekspertëve, por kjo pikë u shtye për mbledhjen e radhës pasi buxheti për këtë komision hetimor nuk ka kaluar në Kuvend të Kosovës në mungesë të kuorumit.
Lajmet
Zyrtare: Messi vazhdon edhe për tri vjet me Inter Miamin
Published
20 minutes agoon
October 24, 2025By
UBT News
Argjentinasi Lionel Messi e ka vazhduar kontratën me Inter Miamin edhe për tri vite të tjera.
Tetë herë fituesi i Topit të Artë ka nënshkruar një kontratë të re me ekipin nga MLS, që zgjat deri në dhjetor të vitit 2028.
Messi është dukshëm futbollisti më i mirë në këtë ligë me statistika të jashtëzakonshme dhe tashmë është e konfirmuar zyrtarisht që të paktën tri vite të tjera do ta shohim Messin në fushat e blerta./S.K/EO/
Lajmet
Skema piramidale dhe bixhoz ilegal në Vushtrri, Policia bastis një lokal
Published
25 minutes agoon
October 24, 2025By
UBT News
Policia e Kosovës ka ndërmarrë një aksion në qytetin e Vushtrrisë, duke zbuluar një lokal ku zhvillohej veprimtari e jashtëligjshme e bixhozit dhe skemave piramidale.
Sipas njoftimit zyrtar, hetuesit e Sektorit Rajonal të Hetimeve, në bashkëpunim me Njësinë për Reagim të Shpejtë (NJRSh), kanë realizuar bastisjen në rrugën “Blerim Zuqaku”, gjatë së cilës janë gjetur dhe sekuestruar mjete të ndryshme që përdoreshin për lojëra fati dhe bixhoz.
“Nën dyshimin e bazuar për veprimtari të dyshimta, hetuesit e Sektorit Rajonal te Hetimeve në mbështetje të Njësisë për Reagim të Shpejtë (NJRSh) në orët e mbrëmjes se datës 23 tetor 2025, në rrugën “Blerim Zuqaku“ në Vushtrri , kanë realizuar bastisje në një lokal ku zhvillohej veprimtari e kundërligjshme ‘Organizim i skemave piramidale dhe bixhozit të paligjshëm’, thuhet në njoftim.
Gjatë kontrollit në cilësi të provave materiale janë gjetur dhe janë sekuestruar aparate dhe mjete të ndryshme që shërbejnë për lojëra fati e bixhozi. Gjësendet e sekuestruara do të shërbejnë si dëshmi materiale dhe janë proceduar në rastin në fjalë.
Lidhur me rastin në cilësi të të dyshuarit është intervistuar pronari i lokalit i cili pas intervistimit është liruar ne procedurë te rregullt.
Ndaj të dyshuarit është iniciuari rasti për dyshimin e kryerjes së veprës penale ’’Organizim i skemave piramidale dhe bixhozit të paligjshëm”, thuhet më tej./S.K/PK/
Lajmet
Policia shqipton rreth 2 mijë e 400 gjoba trafiku brenda 24 orëve të fundit
Published
55 minutes agoon
October 24, 2025By
UBT News
Policia e Kosovës ka shqiptuar 2394 gjoba për kundërvajtësit e trafikut brenda 24 orëve të fundit.
Vetëm në 24 orët e fundit janë raportuar 34 aksidente trafiku me dëme materiale, ku 16 nga këto aksidente trafiku kanë përfunduar me të lënduar.
Policia e Kosovës ka arrestuar 21 persona, 10 janë dërguar në mbajtje, kurse 2 persona janë në vuajtje të dënimit./S.K/PK/
24 Tetori është Dita Botërore e Informacionit për Zhvillim, duke u konsideruar si një pjesë thelbësore e punës për zhvillimin e cila konsiston në mobilizimin e opinionit publik në mbështetje të objektivave dhe politikave të përcaktuara.
Në vitin 1972, Asambleja e Përgjithshme krijoi Ditën Botërore të Informacionit për Zhvillimin për të tërhequr vëmendjen e botës ndaj problemeve të zhvillimit dhe nevojës për të forcuar bashkëpunimin ndërkombëtar për zgjidhjen e tyre.
Asambleja vendosi që data e Ditës të përkojë me Ditën e Kombeve të Bashkuara, 24 tetor, e cila ishte edhe data e miratimit, në vitin 1970, të Strategjisë Ndërkombëtare të Zhvillimit për Dekadën e Dytë të Zhvillimit të Kombeve të Bashkuara.
Qeveritë e vendeve më të përparuara duhet të vazhdojnë dhe të intensifikojnë përpjekjet e tyre për të thelluar kuptimin publik të natyrës së ndërvarur të përpjekjeve për zhvillim dhe të nevojës për të ndihmuar vendet në zhvillim në përshpejtimin e progresit të tyre ekonomik dhe social.
Në mënyrë të ngjashme, qeveritë e vendeve në zhvillim duhet të vazhdojnë të ndërgjegjësojnë njerëzit në të gjitha nivelet për përfitimet dhe sakrificat e përfshira, dhe të marrin pjesë të plotë të tyre në arritjen e qëllimeve dhe objektivave të zhvillimit.
Mobilizimi i opinionit publik duhet të jetë kryesisht përgjegjësi e organeve kombëtare.
Qeveritë mund të marrin në konsideratë krijimin e organeve të reja kombëtare ose forcimin e atyre ekzistuese të krijuara për të mobilizuar opinionin publik, si një masë afatgjatë, për t’i dhënë një orientim zhvillimor në rritje kurrikulave arsimore.
Duke pasur parasysh se lidershipi mund të japë një kontribut të rëndësishëm në mobilizimin e opinionit publik, formulimi i synimeve konkrete nga autoritetet kompetente është i domosdoshëm.
Roli i organizatës së Kombeve të Bashkuara ka qenë të ndihmojë mediat e ndryshme kombëtare të informacionit, në veçanti duke ofruar informacion adekuat bazë nga i cili këto media mund të marrin substancë dhe frymëzim për punën e tyre.
Teknologjitë e informacionit dhe komunikimit kanë potencialin për të ofruar zgjidhje të reja për sfidat e zhvillimit, veçanërisht në kontekstin e globalizimit./S.K/KP/
Hapet Java e Filmit të Frankofonisë në Prishtinë
Zyrtare: Messi vazhdon edhe për tri vjet me Inter Miamin
Skema piramidale dhe bixhoz ilegal në Vushtrri, Policia bastis një lokal
DJI prezanton Osmo Mobile 8, gimbalin e ri për telefona
Policia shqipton rreth 2 mijë e 400 gjoba trafiku brenda 24 orëve të fundit
‘Emily in Paris’ rikthehet me sezonin e pestë, publikohet traileri i ri
Dita Botërore e Informimit për Zhvillim
Arrestohet i dyshuari për vrasje në Podujevë
Ndeshja Drita-Omonia përfundoi me barazim
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months agoProfesori i UBT-së fiton grant prestigjioz kërkimor në Universitetin Çarls të Pragës
