Sport

Koeman nervozohet me Di Marian për komentet mbi të ardhmen e Leo Messit

Published

6 years ago

February 4, 2021

Betim Gashi

Trajneri i Barcelonës Ronald Koeman e ka kritikuar ashpër yllin e Paris Saint Germain, Angel Di Marian për komentet e tij “të pamatura dhe dashakeqe” në lidhje me të ardhmen e Lionel Messit.

Pas fitores së fundit të PSG-së në kampionat kundër Nines me rezultat 3-0, Di Maria u pyet mbi të ardhmen Messit i cili është lidhur shumë me PSG-në dhe deklaroi: “Po, po, le të shpresojmë. Ka shumë mundësi dhe gjërat po lëvizin”.

Këtyre komenteve të Di Marias iu është kundërpërgjigjur ashpër Ronald Koeman menjëherë pas fitores dramatike në Copa del Rey me rezultat 5 – 3 kundër Granadas të mërkurën.

“Është totalisht mungesë respekti. Dikush po gabon shumë që po i thotë këto gjëra”, tha Koeman.

“Nuk është e drejtë. Është mos respekt ndaj Barcelonës për të folur për lojtarët tanë. Shumë njerëz në PSG po flasin për Leon i cili është i yni. Pastaj mos harroni që do të ballafaqoheni me PSG-në në Ligën e Kampionëve dhe kjo nuk është normale”, u shpreh në fund i nervozuar Koeman.

Related Topics:barcelona Di Maria UBTSPORT Koeman

Up Next

Klopp tregon problemin te Liverpooli

Don't Miss

Ajaxi nuk e regjistron për ndeshjet e Ligës së Evropës transferimin rekord të klubit

Vendi

Akil Gjakova mbyll garën pa medalje në Abu Dhabi

Published

8 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

8 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

10 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/