Sport

​Klopp: Liverpooli tregoi vetën në fitoren ndaj Tottenham

Publikuar

3 vjet më parë

më

“Të Kuqtë” u rikthyen përsëri në Top 4, ku mbrëmë arkëtuan tre pikë kundër Tottenham, dhe tani janë vetëm katër pikë larg liderëve të Premier Ligës, Manchester Cityt.

Trajneri i Liverpoolit Jurgen Klopp ka thënë që skuadra e tij e tregoi vetën mbrëmë në fitoren 1:3 kundër Tottenham.

Liverpooli u rikthye në Top 4, duke ruajtur hapin me liderin Manchester Cityn në vetëm katër pikë, por skuadra e Pep Guardiolas ka një ndeshje më pak se kampionët aktual.

Pas ndeshjes Klopp foli për “BT Sport” ku u pa tejet i kënaqur, dhe po ashtu foli edhe për lëndimin e mbrojtësit Joel Matip.

“Ne shënuam gola në momentet e duhura, gola fantastik. Lojtarët e duhur konkretizuan golat. Çdo gjë është mirë, përveç lëndimit të Joel Matip. Çfarë pash sot, nuk kishte lidhje me formën momentale, treguam se kush jemi në të vërtetë. Sot, më saktësisht në pjesën e dytë, treguam se çfarë jemi në gjendje të bëjmë, një luftë e vërtetë, por mbi të gjitha ky është futbolli. Nuk i di shumë mirë statistikat, por e di që për disa minuta në pjesë të parë, nuk më kujtohet që ata kanë pasur shumë posedim të topit, çdo gjë ishte e shpejtë, me kundërsulme, dhe veçanërisht reparti i mbrojtjes ishin në nivelin e tyre, Ishte një performancë tejet e mirë, dhe i pashë shumë gjëra të cilat i kam kërkuar nga lojtarët”, tha Klopp për “BT Sport”.

Pjesa e parë e kësaj përballje u mbyll me rezultat minimal 0:1, me golin e Roberto Firminos. Menjëherë me fillimin e pjesës së dytë, në skenë doli mbrojtësi Trent Alexander-Arnold i cili shënoi golin e dytë për Liverpoolin.

E shpejtë ishte kundërpërgjigja nga Tottenham, ku me një gol të bukur nga Hojbjerg, ngushtuan rezultatin në 1:2, teksa ndeshjes i dha fund goli i Sadio Manes, i cili shënoi për rezultatin përfundimtar 1:3.

Me këtë fitore, Liverpooli ngjitet në pozitën e katërt në tabelë, me katër pikë më pak se lideri Manchester City, ndërsa Tottenham gjendet në pozitën e gjashtë në tabelë, tani katër pikë larg Top 4, dhe tetë pikë larg vendit të parë.  

Etiketa
Vazhdo të lexosh

Sport

City dhe United përballen në finalen e FA Cup

Publikuar

2 ditë më parë

më

25 Maj, 2024

nga

Për të dytin sezon radhazi, dy rivalët e Mançesterit do të takohen në finalen e FA Cup.

Ndeshja Manchester City-Manchester United do të fillojë nga ora 14:00, ndërsa Andy Madley do të referojë finalen.

Skuadra e Pep Guardiola synon të bëhet skuadra e parë që fiton FA Cup të njëpasnjëshme qe nga Arsenali në sezonet 2013/14 dhe 2014/15.

Përpara finales, United i Erik ten Hag e ngriti trofeun 12 herë në historinë 153-vjeçare të garës, pesë më shumë se City, por trofeu i fundit i Djajve të Kuq ishte në sezonin 2015/16.

Sezonin e kaluar, City mposhti United me rezultat 2:1 për të fituar Kupën FA 2023, pasi Ilkay Gundogan shënoi dy herë në finale.

Vazhdo të lexosh

Sport

Euro 2025/ Publikohet lista e Kombëtares së Kosovës

Publikuar

3 ditë më parë

më

24 Maj, 2024

nga

Përzgjedhësja e Kombëtares së Kosovës në futboll për femra, Anneli Andersen, e ka publikuar listën e Dardaneve, të cilat janë përzgjedhur për dy ndeshjet e dyta të ciklit kualifikues për Kampionatin Evropian 2025.

Dardanet ndeshjen e parë do ta zhvillojnë kundër Kroacisë, në stadiumin “Zahir Pajaziti” në Podujevë, më 31 maj. Ndeshjen e dytë Dardanet do ta zhvillojnë në stadiumin “Branko Cavlovic-Cavlek” në Karlovac, më 6 qershor, kundër Kroacisë.

Kombëtarja e Kosovës në kualifikimet për Evropianin 2025, bënë pjesë në Ligën B, në Grupin B4, së bashku me Uellsin, Kroacinë dhe Ukrainën. Në dy ndeshjet e para ka pësuar humbje ndaj Ukrainës dhe Uellsit.

Vazhdo të lexosh

Sport

Zyrtare, Milani shkarkon Piolin

Publikuar

3 ditë më parë

më

24 Maj, 2024

nga

Milani ka konfirmuar zyrtarisht largimin Stefano Piolit, duke i dhënë fund periudhës së tij pesëvjeçare në skuadër. Trajneri 58-vjeçar italian mori drejtimin e kuqezinjve në tetor 2019, pas ecurisë së shkurtër dhe zhgënjyese nën drejtimin e Marco Giampaolos, i cili humbi katër nga shtatë ndeshjet e tij të para në krye të klubit.

Pioli ndihmoi të rivendoste njëfarë stabiliteti te Milani dhe i udhëhoqi ata drejt Scudetto-s së tyre të parë në një dekadë në sezonin 2021-22, duke marrë më të mirën nga lojtarët si Rafael Leao, Theo Hernandez dhe Fikayo Tomori. Ai gjithashtu e çoi klubin në gjysmëfinalen e Champions League në sezonin 2022-23.

Siç bëhet e ditur në një deklaratë, Milani dhe Pioli janë ndarë zyrtarisht, me trajnerin që largohet nga posti pas ndeshjes së fundit të sezonit kundër Salernitanas më 25 maj.

“AC Milan dhe Stefano Pioli njoftojnë se trajneri do të largohet pas përfundimit të sezonit aktual, pasi ka qenë në krye të ekipit të parë që nga tetori 2019. AC Milan falënderon nga zemra Stefano Pioli dhe gjithë stafin e tij për drejtimin e ekipit të parë gjatë pesë viteve të fundit, duke siguruar një titull të paharrueshëm të ligës dhe duke rivendosur praninë e vazhdueshme të AC Milan në kompeticionin më të lartë evropian”, thuhet në deklaratën zyrtare të lëshaur nga Milani.

Vazhdo të lexosh

Sport

Trepça, kampione e Kosovës pas 12 vitesh

Publikuar

3 ditë më parë

më

24 Maj, 2024

nga

KB Trepça është kampionia e re e Superligës së Kosovës në basketboll.

Trepça e mposhti në palestrën “Minatori” në Mitrovicë Golden Eagle Yllin me rezultat minimal 67:66, fitore kjo e cila ia siguroi zyrtarisht titullin e kampiones.

Trepça dhe Ylli ishin duke barazuar 2:2 në serinë e finales, dhe me fitoren të mitrovicasve puna e kampionit është tanimë çështje e mbyllur.

Basketbollistët më meritorë në triumfin të Trepçës ishin Edwards Brandon me 15 pikë e tri kërcime dhe Darnell Edge me 15 pikë e pesë kërcime dhe gjashtë asistime.

Ndërkaq, basketbollisti më i dalluar te Ylli ishte Alonzo Verge me 28 pikë, katër kërcime e tetë asistime.

Titulli i Trepçës është i pari për klubin mitrovicas që nga viti 2012.

Vazhdo të lexosh

Të kërkuara